Morgunblaðið - 06.07.1990, Qupperneq 28
lliiiit 1141! * itifH i wi tiru mt«f i« nmmm i
28
ttlf IUft-1 Uf !J1! t Itl II f Sí f f 5 ÍMf* 11144 (411 m *í 4!lt #>( H
MORGUNBLAÐIÐ FÖSTUDAGUR 6. JÚLÍ 1990
MORGUNBLAÐIÐ FOSTUDAGUR 6. JULI 1990
29
f®í>r0msiMaMI>
Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
ÁrniJörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033. Áskrift-
argjald 1000 kr. á mánuði innanlands. í lausasölu 90 kr. eintakið.
Kremlverjar bíða
eftir ályktun NATO
Þótt sovéska stjómkerfið sé
opnara en áður og auðveld-
ara að fá upplýsingar um það
sem er að gerast innan Kremlar-
múra er samt ekki unnt að slá
neinu föstu enn um niðurstöðu
þings sovéska kommúnista-
flokksins sem hófst á mánudag.
Flokkurinn hefur augljóslega
horfíð frá þeirri kenningu Leníns
að rætt skuli um ágreining á
lokuðum fundum en talað með
einni röddu út á við. Þessi kenn-
ing gat meðal annars af sér
persónudýrkunina í kringum
Staiín og vélræn fagnaðarlæti
þingfulltrúa á opnum flokks-
þingum við öllu því sem leiðtog-
amir höfðu að segja.
Fréttimar af flokksþinginu
sýna að Mikhaíl Gorbatsjov og
hans menn eiga í vök að verj-
ast. Þeir verða jafnt fyrir árás-
um frá þeim sem vilja hraða
umbótum- og hinum sem vilja
halda í gamla kerfíð. Gorbatsjov
hefur þannig skipað sér eða
honum hefur verið skipað í miðj-
una í flokknum. Kröfumar um
að hann segi af sér em ekki
eins háværar innan dyra á þing-
inu eins og utan þeirra. Svo
kann að fara að í kosningum á
flokksþinginu verði Gorbatsjov
sviptur stuðningsmönnum
sínum í flokksstofnunum en
hljóti sjálfur stuðning tii að sitja
áfram. Hann hefur þó hvað eft-
ir annað gefíð til kynna að sjálf-
ur hafí hann fengið nóg af
flokksstarfínu og vilji losna und-
an þunga þess til að geta helgað
sig betur störfum sem forseti
með töluvert framkvæmdavald.
Vegna hörmulegs ástands í
Sovétríkjunum, matarskorts og
aimennrar upplausnar í efna-
hags- og atvinnumálum, treysta
flokkshollir andstæðingar Gor-
batsjovs sér ekki til að hampa
sósíalískum lausnum heldur ein-
kennist málflutningur af hefð-
bundinni valdastreitu í flokki
sem hefur haft alræðisvald.
Talsmenn breytinga vita að þeir
fá þær ekki samþykktar í mið-
stjórn flokksins nema með því
að höfða til valds hans og þings-
ins. Til þess má rekja þá þver-
stæðu, að Leoníd Abalkín, vara-
forsætisráðherra og helsti efna-
hagssérfræðingur Sovétstjórn-
arinnar, varaði við því að flokk-
urinn myndi missa völdin, ef
hann legðist gegn því að komið
yrði á markaðshagkerfí í
landinu. Abalkín sagði meðal
annars: „Ef þið viljið að verslan-
ir fyllist af vörum, endi verði
bundinn á þessar skammarlegu
biðraðir og framtak einstakl-
ingsins aukið er ekki um neitt
annað að velja en markaðskerfi.
Flokkur sem reynir að stöðva
slíka þróun leggst um leið gegn
félagslegum framförum og verð-
ur óhjákvæmilega sviptur völd-
um.“
Sú spurning hlýtur að vakna
þegar þetta er lesið, hvaða hlut-
verki sovéski kommúnistaflokk-
urinn ætli að gegna eftir að
markaðskerfíð hefur verið valið.
Á meðan helstu ráðgjafar Gor-
batsjovs tala á þann veg, að
markaðskerfí og valdakerfi er
byggist á kommúnistaflokki fari
saman, er ekki að undra, þótt
ýmsir á Vesturlöndum efíst um
að staðið sé skynsamlega að
úrlausn efnahagsvandans í Sov-
étríkjunum. Meðal ráðamanna
helstu iðnríkja heims er ágrein-
ingur um, hvort veita eigi Sovét-
mönnum efnahagsaðstoð. Ge-
orge Bush, forseti Banda-
ríkjanna, og Margaret Thatcher,
forsætisráðherra Breta, hallast
að því að Sovétmenn eigi að
breyta efnahagsstjórn sinni
meira en orðið er, áður en þeim
verði veitt vestræn aðstoð.
Francois Mitterrand, forseti
Frakklands, og Helmut Kohl,
kanslari V-Þýskalands, vilja á
hinn bóginn að nú þegar verði
tekið til við slíka aðstoð.
Leiðtogar helstu iðnríkjanna
hittast í næstu viku til að ræða
efnahagssamstarf sitt og aðstoð
við Sovétríkin. í dag lýkur hins
vegar í London fundi 16 leiðtoga
aðildarríkja Atlantshafsbanda-
lagsins (NATO) um stefnu þess
við nýjar aðstæður. Er ekki að
efa, að niðurstaða þess fundar
kann að hafa áhrif á afstöðu
manna á flokksþinginu í
Moskvu. Gorbatsjov á undir
högg að sækja gagnvart yfír-
mönnum í Rauða hernum sem
telja að hann hafi gefið ríkin í
Austur-Evrópu eftir án þess að
huga nægilega vel að hve nei-
kvæð áhrif það hefði á öryggis-
hagsmuni Sovétríkjanna. Telji
þeir að samþykktir leiðtoga
NATO-ríkjanna séu enn frekari
ögrun við þessa hagsmuni
kunna þeir að hefna þess á
flokksþinginu.
Þegar þannig er komið að
ályktanir leiðtogafundar
NATO-ríkja geta ráðið miklu
um, hvort leiðtoginn í Kreml
hafi starfsfrið fyrir eigin herfor-
ingjum, hefur fengist enn ein
staðfestingin á gjörbreytingunni
sem orðið hefur á þróun heims-
stjórnmála á fáeinum mánuðum.
Ragnar Kjartansson.
dómstóla, að ég yrði sýknaður af
þessum ákærum og óneitanlega er
mér mjög mikill léttir að fá það
staðfest. Ég er því mjög ánægður,"
sagði Lárus Jonsson fyrrum banka-
stjóri Útvegsbankans, sem var, eins
og aðrir bankastjórar, sýknaður af
ákærum um vanrækslu og hirðu-
leysi í opinberu starfi.
Páll Bragi
Kristjónsson:
Er í raun
sýknaður
„Ég er sýknaður eir.s og aðrir
ikærðir af öllu því sem varðar
lafskipsmál og þessi smávægilegi
iómur sem ég fæ varðar atriði sem
3ru fyrst og fremst sprottin af
unásálarlegum hugsunarhætti
íkæruvaldsins og eru nánast hlægi-
eg,“ sagði Páll Bragi Kristjónsson
’yrrum framkvæmdastjóri fjár-
nála- og rekstrarsviðs Hafskips,
sem sýknaður var af fjölda ákæru-
itriða í tengslum við reikningsskila-
jerð Hafskips og fleira en sakfelld-
ur og dæmdur til tveggja mánaða
fangelsisvistar skilorðsbundið í tvö
ár fyrir skjalafals með því að hafa
á árinu 1983 notað til gjaldfærslu
í bókhaldi Hafskips, 6 efnislega
ranga reikninga, samtals að íjár-
hæð rúmar 133 þúsund krónur. „í
rauninni er ég dæmdur fyrir ávirð-
ingar annarra; fyrir greiðasemi í
viðskiptum við fólk sem vilöi ekki
telja greiðslur upp til skatts," sagði
Páll Bragi. „Ég lít á þennan dóm
sem sigur og held að það sé ástæða
til að óska fólkinu í landinu til ham-
ingju með það að það sé hægt að
stöðva geðveiki eins og þá sem fór
í gang í kringum Hafskip á sínum
tíma.“
Þórður H. Hilmarsson:
Fyrst og fremst
sigur fyrir
réttarkerfið
„Þessi niðurstaða er mér mikill
léttir, en fyrst og fremst er það
sigur fyrir íslenska réttarkerfið að
hafa tekið svona á málum,“ segir
Þórður Hafsteinn Hilmarsson fyrr-
verandi deildarstjóri skipulags- og
hagdeilar Hafskips hf. „Niðurstaða
dómsins byggðist á mati stað-
reynda, en fór ekki eftir því fjöl-
Árni Árnason.
Yiðbrögð við dómi sakadóms í Hafskips- og Útvegsbankamáli
MORGUNBLAÐIÐ leitaði viðbragða þeirra manna sem ákærðir voru í Haf-
skips- og Útvegsbankamáli við dómi sakadóms Reykjavíkur sem kveðinn
var upp í gær og fara svör þeirra sem til náðist hér á efitir. Tilraunir til að
ná tali af Jónatan Þórmundssyni sérstökum ríkissaksóknara í máiinu, báru
ekki árangur. Hann var ekki viðstaddur dómsuppkvaðningu. Blaðið sneri
sér einnig til Hallvarðs Einvarðssonar ríkissaksóknara og Markúsar Sigur-
björnssonar, skiptaráðanda í þrotabúi Hafskips, en þeir vildu ekki tjá sig
umdóminn.
Ragnar Kjartansson:
Mannvitið
komst loks að
„Þessi gassagangur allur er bú-
inn að taka tæpa 2.000 daga og
auðvitað er manni létt að fá þessa
niðurstöðu, þótt ég hefði aldrei ef-
ast um hver hún yrði, kæmist
mannvit að málinu. Á því var til-
finnanlegur skortur í upphafi þegar
menn voru haldnir sterkum hughrif-
um umfjöllunar í gulri pressu og
hjá Gróu á Leiti. En mannvitið hef-
ur komist að í ímynd þessara
þriggja dómara, sem éru menn
dagsins,“ sagði RagnarKjartansson
fyrrum stjórnarformaður Hafskips
sem var sýknaður af öllum ákær-
umliðum, tugum talsins. „Það er
einnig athyglisvert ef maður skoðar
ákæruna, sem er samansett úr um
það bil 255 atriðum, að ákæruvald-
ið nær fram áfelli í þremur eða fjór-
um atriðum, eða um það bil 1 '/2%.
Ef maður hefur í huga að einn
ákærukaflinn laut að áætlunargerð
Hafskips þar sem frávikið var 8-9%,
þá er frávik í þessari áætlunargerð,
sem við getum kallað ákæru, 98,5%
og þætti ekki gott í rekstri.
Ákæruvaldinu var vissulega
vandi á höndum og mér er næst
að halda að þarna hafí menn verið
undir einhverjum sterkum álögum,
því það er ekki hægt að skýra
öðruvísi hvernig það henti alla þá
ágætu menn sem komið hafa að
málinu og fallið hafa nánast fyrir
björg fram hver um annan þveran.
Að hluta til eiga þeir nú huga minn
í dag, þessir menn sem .eiga nú um
sárt að binda og ef ég mætti óska
mér einhvers í dag, þá væri það
að þessi bók yrði nú lögð aftur,
henni lokað og menn reyndu frekar
að sameinast um að læra af þeim
mistökum sem hafa átt sér stað í
þessu máli. Það ættum við allir að
geta gert því enginn er mistaka-
laus. Það er hægt að draga margar
ályktanir af málinu, sem gætu orð-
ið til styrktar íslenskum rannsókn-
arrétti og íslensku ákæruvaldi en
menn verða þá að sameinast um
það í góðvild að slíðra sverðin og
hætta þessum ljóta leik.“
Ragnar sagði ekki ákveðið hvort
hann myndi krefja ríkissjóð bóta.
„En mér finnst það Iiggja beinast
við. Ég er búinn að fást við þetta
mál nær einvörðungú í á fimmta
ár og hef haft af þessu mikinn
kostnað, sem mér fínnst eðlilegt að
verði greiddur af þeim aðilum sem
hófu leikinn." Það er búið að setja
f þetta mál gegn okkur tugi millj-
óna, níða af okkur skóinn og við
skulum hafa í huga að það eru
sautján fjölskyldufeður ákærðir og
bak við þá standa fjölskyldur og
ástvinir.
Þetta er búið að vera mikill
skóli, sem ég óska engum að ganga
í gegnum, en engu að síður mjög
nothæfur, því að þetta er eins og
hraðnámskeið í lífinu sjálfu," sagði
Ragnar Kjartansson.
Lárus Jónsson:
Alltaf sannfærð-
ur um þessa
niðurstöðu
„Ég var alltaf sannfærður um
að þetta yrði niðurstaðan í meðferð
Björgólfur Guðmundsson.
miðlafári sem geysaði um málið
framan af.“
Sakadómur sýknaði Þórð af
ákæru um rangfærslu skjala og
brot á hlutafélagalögum. Dómurinn
taldi minnisblöð sem hann lét end-
urskoðanda Hafskips í té vera efnis-
lega rétt.
Þórður segist enga afstöðu hafa
tekið til þess ennþá hvort hann
höfði skaðabótamál í kjölfar Haf-
skipsmálsins. „Ég veit að sýknan
var afdráttarlaus, en hef hvorki
haft tækifæri til að lesa dómsorðið
né ræða við lögfræðing minn.“
Þá segist Þórður vera þakklátur
því fólki sem studdi sakborninga í
málinu. „Það var mikils virði að
fólkið sem aðstöðu hafði til að sjá
þetta mál í réttu Ijósi trúði á okkur
alla og studdi. En mest braut á fjöl-
skyldum okkar sem í þessu áttum.
Þær stóðu með okkur eins og klett-
ur í hafinu. Auðvitað erum við öll
fegin að málinu sé lokið og glöð
yfir því að það sé með þessum
hætti.“
Garðar Sigurðsson:
Réttlát og sjálf-
sögð niðurstaða
„Niðurstaðan er bæði réttlát og
sjálfsögð, eins og ég átti von á,“
sagði Garðar Sigurðsson, fyrrver-
andi bankaráðsmaður, sem var eins
og aðrir bankaráðsmenn sýknaður
af ákærum um að hafa sýnt sak-
næma vanrækslu við yfírstjórn
bankans og við eftirlit með starf-
semi hans og þannig látið hjá líða
að fylgjast með skuldbindingum og
trygginKum vegna viðskipta bank-
ans við Hafskip hf.
Björgólfúr
Guðmundsson:
Dæmdur fyrir
tvö af tugum
ákæruatriða
„Ég lít á þetta sem sýknudóm,
miðað við þau ákæruatriði sem voru
borin á okkur, annað er ekki hægt,“
sagði Björgólfur Guðmundsson,
fyrrum forstjóri Haskips, sem sak-
felldur var fyrir tvö ákæruatriði og
dæmdur til fimm mánaða skilorðs-
bundinnar fangelsisvistar en sýkn-
aður af fjölda ákæruliða. „Við höf-
Páll Bragi Kristjónsson.
Axel Kristjánsson.
Jóhann S. Einvarðsson.
um setið undir dómi almennings í
rúm fjögur ár. Við höfum verið
sakaðir um stórfelld bókhaldsbrot
og auðgunarbrot. Ilvað kemur út
úr því núna? Ég fæ dóm fyrir eina
ávísun frá 1983, uppá 122 þúsund
krónur, sem ég get ekki gert grein
fyrir, það stendur staðhæfíng gegn
staðhæfíngu, og dóm í sambandi
við innistæðu hjá fyrirtækinu sem
ég hafði ætlað að lækka með
víxlum. Þá færslu lét ég ganga til
baka að fullu, nokkrum dögum
síðar, um leið og endurskoðandi
benti mér á að þetta gæti orkað
tvímælis, skömmu fyrir greiðslu-
stöðvun. Fyrir þessi tvö atriði er
Helgi Magnússon.
Lárus Jónsson.
Ingi R. Jóhannsson.
Kristmann Karlsson.
ég dæmdur af tugum atriða, sem
varða tugi eða hundruði milljóna.
Ég get ekki séð hvernig ég get lit-
ið á þetta öðruvísi en sem sýknu
og er einnig mjög ánægður fyrir
hönd félaga minna sem voru algjör-
lega sýknaður, sem og fyrir hönd
þeirra fjölskyldna sem eru búnar
að þjást undir þessu allan þennan
tíma. Maður skilur hvílíkur léttir
þetta er fyrir þær að þetta eitt skuli
standa eftir þá aðför sem að Haf-
skip var gerð,“ sagði Björgólfur.
„Fyrirtækið var tætt og limað í
sundur, gerð saumnálaleit sem á
sér enga hliðstæðu. Menn skyldu
minnast þess að á þessum tíma var
Þórður H. Hilmarsson.
Olafur Helgason.
Garðar Sigurðsson.
Hafskip orðið stærra en Eimskipa-
félagið en hvaða fyrirtæki hefði
þolað þessar nornaveiðar?"
Björgólfur kvaðst ekki farinn að
hugsa um áfiýjun. „Ég er ekki
banginn við að halda áfram en mun
taka afstöðu eftir því sem fjölskylda
mín vill gera, ég veit ekki hvort ég
get eða vil halda mínu fólki í spennu
yfir þessu lengur.“
Hann kvaðst ánægður með með-
ferð málsins fyrir sakadómi. „Mér
finnst dómskerfið hafa unnið tölu-
verðan sigur í þessu máli miðað við
þá aðila sem hafa unnið að því á
undan. Þetta var í fyrsta skipti sem
við fengum að koma því að sem
við vildum og það bar þennan
árangur."
Helgi Magnússon:
Sigur fyrir mig
eins og aðra
„Það er mikill léttir að þessu fjög-
urra ára umsátri sé nú lokið. Eg
fagna niðurstöðu dómsins, hún er
nánast eins og ég bjóst við. Þettti
er mikill sigur fyrir mig og aðra
sem bornir hafa verið þungum sök-
um og ákærðir fyrir vísvitandi
blekkingar og margháttað sviksam-
legt athæfi,“ sagði Helgi Magnús-
son fyrrum löggiltur endurskoðandi
Ilafskips, sem sýknaður var af
fjölda refsikrafna og kröfu um að
hann yrði sviptur réttindum löggilts
endurskoðanda en sakfelldur fyrir
að geta ekki í áritun á milliuppgjör
að það hefði ekki verið endurskoðað
og að geta þess ekki í áritun sam-
stæðureiknings ársins 1984 að
reikningshald dótturfélaga hefði
ekki verið endurskoðað. „Niður-
staðan er sú sama og ég hef haldið
fram öll þessi ár, sú að Hafskips-
málið hafi ekki verið neitt svikamál
og nú hef ég fengið staðfest frá
sakadómi Reykjavíkur að allt sem
ég og - aðrir sakborningar þessa
máls hafa sagt átti við rök að styðj-
ast. Hafskipsmálið er hrunið og
eftir stendur ekkert annað en löng
runa af mistökum kerfísins, sem
auðvitað er mjög hart að hafa þurft
að horfast í augu við sem þolandi.
Þessi niðurstaða er auðvitað áfellis-
dómur yfír mistakamönnum máls-
ins, skiptaráðendum, rannsóknar-
lögreglu, endurskoðendum og
ákæruvaldi en á hinn bóginn sigur
fyrir mig og aðra sem bornir hafa
verið sökum vegna Ilafskipsmáls-
ins, sem og fyrir réttarfarið í
landinu. Eftir að málið komst til
meðferðar í sakadómi Reykjavíkur
fékk það loks æsingaiausa og fag-
lega meðferð en fram til þess tíma
virtist mönnum gjörsamlega fyrir-
munað að fjalla um þetta mál af
yfirvegun. Það er auðvitað mjög
ánægjulegt að réttarkerfíð skuli
hafa komist frá þessu erfíða máli
á málefnalegan hátt.“
Ingi R. Jóhannsson:
Nú er Hæsti-
réttur eftir
„Ég er ekkert farinn að gleðjast,
þessu er ekki lokið. Nú er Hæsti-
réttur eftir, annars væri þetta allt
saman tómt bull,“ segir Ingi R.
Jóhannsson, fyrrverandi endur-
skoðandi Útvegsbankans að niður-
stöðu sakadóms í Ilafskipsmálinu
fenginni.
Sakadómur taldi að Ingi hefði
hvorki vanrækt eftirlitsskyldu
vegna viðskipta Útvegsbankans við
Hafskip né upplýsingaskyldu gagn-
vart stjórnendum bankans. Hann
var því sýknaður.
Ingi kveðst lítið hafa um málið
að segja á þessu stigi. „Ég er sátt-
ur við þessa niðurstöðu, en bíð bara
og sé til hvað saksóknari gerir,
hann hefur nú þijá mánuði til að
taka ákvörðun um áfrýjun máls-
ins,“ segir Ingi. Hann kveðst ekk-
ert hafa velt því fyrir sér að fara
í skaðabótamál, „er nokkur grund-
völlur fyrir því í þessu þjóðfélagi?“
Axel Kristjánsson:
Ber virðingu
fyrir dóminum
„Ég er feginn að þetta er búið
og þakklátur fyrir að það skuli létt
af mér og sérstaklega af fjölskyldu
minni og vinum þeim áhyggjum sem
það fólk, sem í kringum mig stend-
ur, hefur haft af þessu leiðinlega
máli í öll þessi ár,“ sagði Axel
Kristjánsson fyrrum aðstoðar-
bankastjóri Útvegsbanka íslands
sem sýknaður var af öllum ákærum
um vanrækslu og hirðuleysi í opin-
beru starfí. „Ég ber virðingu fyrir
því fólki sem sat í sakadómi við
meðferð þessa máls og uppkvaðn-
ingu dómsins fyrir hvað það hefur
getað fjallað um málið án þess að
virðast vera undir minnstu áhrifum
af þeim Ragnarökum, fíölmiðla- og
stjórnmálamannafári sem búið er
að geisa í þessu máli í öll þessi ár,
einkum í upphafi. Mér fínnst þetta
vera góður dómur og það sem ég
hef kynnt mér hann er ég sannfærð-
ur um að hann stendur hvar sem
hann fer. Enda voru sakargiftirnar
fáránlegar fyrir þá sem þekktu
málið ofan í kjölinn.
Ilvað sjálfum mér viðvíkur þótti
mér alltaf svo fáránlegt að taka
mann sem í 30 ár hefur reynt að
gera skyldu sína i þessari stofnun
og fara að ákæra hann fyri ítrekaða
vanrækslu og hirðuleysi í starfi, að
ég tók þetta aldrei alvarlega en því
miður lagðist þetta oft þungt á það
fólk sem þykir vænt um mig.
Ég ber hins vegar ekki kala til
eins eða neins vegna þessa máls
nema stjórnmálamannanna sem
blésu það upp á Alþingi með
óábyrgu hugarfari. Það eru menn-
irnir sem bera ábyrgð á þessu og
það er svolítið kaldhæðnislegt að
málskostnaðarreikningurinn skuli
koma inn á borð hjá Olafi Ragnari
Grímssyni fjármálaráðherra, mann-
inum sem blés þetta upp á sínum
tíma, með galdrabrennuhugsunar-
hætti. Ilans er höfuðábyrgðin,"
sagði Axel Kristjánsson.
Árni Árnason:
Ákæran byggö
á misskilningi
„Ég átti von á þessari niðurstöðu
hvað sjálfan mig varðar og get í
raun aðeins tjáð mig að því leyti,“
segii' Árni Árnason, fyrrverandi
deildarstjóri fjáiTeiðudeildar Haf-
skips hf. Hann var sýknaður í saka-
dómi af ákæru um skilasvik.
Árni segir niðurstöðu dómsins
ekki hafa komið sér á óvart. „Enda
var ákæran að rnínu mati röng og
byggð á misskilningi eða óathuguðu
máli. Ég hef ekkert að gera með
mitt mál í Hæstarétt og fæ ekki
séð að saksóknari hafi ástæðu til
áfrýjunar. Skaðabótamál er mögu-
leiki sem hver okkar sem ákærum
sættum verður að athuga fyrir sig.
Mér fínnst ekki óeðlilegt að hug-
leiða þennan möguleika.“
Jóhann S. Einvarðsson:
Dómskerfið
brást ekki
„Ég sagðist, þegar þetta mál kom
upp, treysta íslenska dómskerfinu
og nú kemur í ljós að það hefur
ekki brugðist," sagði Jóhann S.
Einvarðsson, fyrrum bankaráðs-
maður, sem sýknaður var af ákær-
um um vanrækslu í opinberu starfí
bankaráðsmanns. Morgunblaðið
færði honum fréttir af dómi saka-
dóms þar sem hann var staddur í
Lundúnum. „Þetta eru gleðifréttir.
Óneitanlega hefur maður verið und-
ir vissri pressu vegna þessa, ekki
síst maður í starfi eins og ég, sem
varð vegna þessa fyrsti íslenski
þingmaðurinn til að verða sviptur
þinghelgi. Nú er komið í ljós að það
upphlaup var óþarft. Þrátt fyrir að
ég hafi reiknað með þessum dómi
er þungu fargi af mér létt,“ sagði
Jóhann Einvarðsson.
Kristmann Karlsson:
Vona að málinu
sé lokið
„Viðbrögð mín geta ekki verið
önnur en góð,“ sagði Kristmann
Karlsson, fyri-verandi bankaráðs-
maður. Hann sagði að þrátt fyrir
að hann hefði átt von á þessari nið-
urstöðu, væri nú þungu fargi af sér
létt enda vonaðist hann til að málið
væri nú til iykta leitt. Kristmann
sagðist ekki hafa kynnt sér niður-
stöðu dómsins nánar og vildi því
ekki tjá sig um hana að öðru leyti.
Ólafur Helgason, fyrrum banka-
stjóri Útvegsbankans, var sýknaður
af ákæru um brot í opinberu starfi.
Hann segist vitaskuld vera ánægð-
ur með niðurstöðu sakadóms, en
vill að öðru leyti ekki tjá sig um
málið í fjölmiðlum.
Ekki náðist í Halldór Á. Guð-
bjarnason, fyrrverandi bankastjóra,
Valdimar lndriðason, fv. formann
bankaráðs, og Arnbjörn Kristins-
son, fv. bankaráðsmann. Sigurþór
Ch. Guðmundsson, fyrrum aðalbók-
ari Hafskips, vildi ekki tjá sig um
dóminn.
Sjá niðurstöður sakadóms í
heild á bls. 31-41