Morgunblaðið - 16.09.1990, Blaðsíða 5

MORGUNBLAÐIÐ SUNNUDAGUR 16. SEPTEMBER 1990
5
Skagaströnd:
Flutningaskip
veldur tjóni
á höfninni
Skagaströnd.
FLUTNINGASKIPIÐ Jarl olli
skemmdum á löndunarbryggju
þegar verið var að færa skipið til
í höfninni á Skagaströnd 11. sept-
ember siðastliðinn.
Allhvöss suðvestanátt var þegar
óhappið varð en í þeirri átt er
ókyrrt í höfninni, sérstaklega í ytri
hlutanum, þar sem Jarl lá. Þegar
flytja átti skipið að viðlegukanti í
innri hluta hafnarinnar slóst stefni
þess í endann á löndunarbryggju,
sem skilur á milli ytri og innri hluta
hafnarinnar, og braut stórt skarð í
hana. Biyggjan er straurabryggja
með steyptri þekju og fyllt af gijóti.
Við óhappið brotnuðu nokkrir staurar
á horni bryggjunnar og töluvert af
gjóti hrundi út í höfnina. Einnig
brotnaði kanttréð á bryggjunni og
þekkjan á nokkrum kafla. Ljóst er
að hér er um að ræða tjón upp á
hundruð þúsunda króna á bryggj-
unni, en skipið slapp að mestu
óskemmt.
Þegar Jarl var svo að fara um
miðnættið vildi ekki betur til en svo
að skipið strandaði í innri höfninni,
15-20 metrum frá viðlegukantinum.
Sat skipið fast í um þijá klukkutíma
og losnaði ekki fyrr en tveir vöru-
bílar fulllestaðir af möl tóku í skipið
um leið og vélin var keyrð á fullu
aftur á bak og híft með spili þess í
taug sem fest var í land. Losnaði
skipið þá svo snöggt af standstaðn-
um að það sigldi á nokkurri ferð
með skutinn á viðlegukantinn og
skemmdi hann lítilsháttar. Við þetta
seinna óhapp dældaðist skutur skips-
ins nokkuð og örlítil sprunga kom á
hann. Þegar skemmdir höfðu verið
kannaðar og séð var að þær voru
ekki alvarlegar hélt Jarl úr höfn og
sigldi til Dalvíkur samkvæmt áætlun.
- ÓB
Landsspítalinn:
Eldvarnar-
kerfið tengt
slökkviliði
UMFANGSMIKIÐ eldvarnakerfi
hefur nú verið sett upp á Lands-
spítalanum og verður það tengt
við slökkviliðið í dag. Gefur kerfið
frá sér nákvæmar upplýsingar um
hvar eld sé að finna um leið og
hans verður vart. Allar deildir
Landsspitalans tengjast þessu
kerfi, nema geðdeild, sem er með
sjálfstætt kerfi.
Ingólfur Þórisson, tæknilegur
framkvæmdastjóri Ríkisspítal
anna, segir kerfið samanstanda af
um tvö þúsund skynjurum, hitaskynj-
urum, reykskynjurum, skynjurum í
stokkum sem og handboða. Kerfið
er stafrænt og hefur hver skynjari
sitt númer. Ef eitthvað kemur upp á
munu upplýsingar um eld birtast
samstundis á skjá jafnt hjá vakt-
mönnum spítalans, starfsfólki á
deildum og slökkviliðinu. Geta menn
þá séð nákvæmlega í hvaða herbergi
elds hefur orðið vart. Einnig lokar
kerfið sjálfkrafa brunahurðum og
brunalokum í loftræstistokkum.
Uppsetning kerfisins hefur staðið
yfir í rúmlega tvö ár. Undanfarið ár
hefur það verið í notkun að hluta
og-æ fleiri deildir bæst við. Nú þeg-
ar það er komið í allar deildir spítal-
ans er það tengt við slökkviliðið.
Ingólfur segir að gefinn hafi verið
út leiðbeiningarbæklingur fyrir
starfsfólk um hvernig kerfið er upp-
byggt og hvemig bregðast eigi við
boðum frá því. Þá var starfsfólki
boðið upp á námskeið af tæknideild
Ríkisspftalanna fyrr í mánuðinum
þar sem leiðbeiningar voru gefnar
um kerfið. A námskeiðinu kenndi
einnig Eldvarnareftii’lit Reykjavíkur
notkun handslökkvitækja.
Skemmdirnar á viðlegukantinum.
Þjóðleikhúsið:
Einhveijar breytingar
-segir Stefán Baldursson nýr Þjóðleikhússtjóri
Stefán Baldursson, nýráðinn Þjóðleikhússtjóri, segir að búast megi
við að stokkað verði upp í ákveðnum hlutum í leikhúsinu þegar hann
tekur við störfum Þjóðleikhússtjóra á næsta ári. Stefán mun starfa með
núverandi Þjóðleikhússtjóra, Gísla Alfreðssyni, frá 1. janúar til 1. sept-
ember 1991, en þá tekur hann við starfinu að fullu.
að verða eflaust einhveijar breyt-
ingar í Þjóðleikhúsinu á næsta
ári,“ sagði Stefán Baldursson þegar
Morgunblaðið hafði samband við
hann. „ í hveiju þær felast er of
snemmt að segja en sennilega verður
stokkað upp í ákveðnum hluturn."
Hann benti einnig á að lög um Þjóð-
leikhúsið lægu nú fyrir Alþingi en
þeim fylgdu einhveijar breytingar.
Stefán sagðist vilja stuðla að því
að Þjóðleikhúsið gæti sinnt forystu-
hlutverki sínu. Hann benti á að stund-
um hefðu blásið kaldir vindar um
stofnunina og sagðist vona að um
hana færu nú hlýrri vindar. Um verk-
efnaval sagði Stefán að of snemmt
væri að ræða en gat þess að stefnan
þyrfti að vera breið en um leið mark-
viss. Hann sagði að starfið legðist
vel í sig og að hann hlakkaði til að
koma til starfa.
Stefán er nú staddur í Osló þar
sem hann leikstýrir Sölku Völku í
Det Norske Teater.
Sjá Mannsmynd bls. 19
iglll fIVI
Verð er aðeins 41.610 kr. Innifalið í verðinu er
gisting eina nótt á Rimini og 6 nætur á stór-
hótelinu Ergife Palace í nágrenni Vatikansins,
morgunverður, akstur til og frá flugvelli
erlendis og íslensk fararstjórn.
Róm er einstök! Þar má ganga dögum saman
innan um helstu afrek mannsandans, og
fylgjast með því erfortíðin og líðandi stund
heilsast á einkar viðfelldinn hátt.
- Páfagarður, Sixtinska kapellan, Péturs-
torgið, Péturskirkjan og Forum Romanum eru
nokkrir þeirra nafntoguðu staða sem hinir
margrómuðu fararstjórar Ólafur Gíslason og
Halldóra Friðjónsdóttir munu leiða okkur um.
Hitastigið í borginni eilífu seinni hluta
september er notalegt og einkar ákjósanlegt
fyrir þá sem vilja sveifla sér um súlnagöng og
sigurboga.
Allt leggst þetta á eitt um ógleymanlega ferð!
Brottför er 24. sept., þá verður flogið til Rimini
og haldið þaðan næsta dag til Rómar.
Flogið verður heim 1. okt.
Ólafur Gíslason leiðir okkur ásamt
Halldóru Friðjónsdóttur um forn stræti
Rómaborgar á þann hátt sem Júlíusi
Sesar einum hefði verið lagið!
Verð miðast við staðgreiðslu og gengi 12.sept. 1990
Samvinnuferóir - Landsýn
Reykjavík: Austurstræti 12. s. 91 -691010, Innanlandsferðir s. 91 -691070.
póstfax 91 -27796, telex 2241. Hótel Sögu við Hagatorg. s. 91 -622277. póstfax 91 -623980. Akw-1 vri: Skipagötu 14. s. 96-27200. póstfax 96-27588. telex 2195.