Morgunblaðið - 14.02.1991, Blaðsíða 2

>GI 51AUHa3’l .t-I flUOAaUTMMl'l aiaAuawuoflOM
morgunbláðið fimmtudagur 14: febrúár 1991
A
Eg sá ærnar renna
fram af brúninni og
falla 25 m ofan í hyl
- segir húsfreyjan á Brú í Jökuldal
sem missti 30 kindur í Þverána
HJÓNIN Stefán Halídórsson og Sigríður Eydís Ragnarsdóttir sem ,
búa á Brú í Jökuldal urðu fyrir.því síðastliðinn þriðjudág að 30
kindur þeirra drápust þegar þær hröpúðú fram af bjargbrún í
Þverárgili og komu niður í stórgrýttri Þveránni.
Sigríður hafði farið til að reka ÞijátfÖ'og ein þeirra fór fram af
féð heim í hús og var á heimleið
er hún sá hluta hópsins skyndilega
renna á klakabólstrum um 30
metra leið fram af björgum og
fél) fénaðurinn aðra 25 fhetrá nið-
ur í ána. Þaðan barst hann með
straumnum riiður tvo fossa og lágu
kindurnar dauðar í stórgrýtinu
þegar komið var að.
170 kindur höfðu verið á beit
yfir daginn og ætlaði Sigríður að
reka þær í hús fyrir myrkur.
Aukið sam-
starf landa í
Norðvestur-
Atlantshafi
FORSÆTISRÁÐHERRA ís-
lands og formaður lands-
stjómarinnar á Grænlandi
hafa ákveðið, eftir viðræður
um málefni landanna í
Norðvestur Atlantshafi, að
beita sér fyrir auknu sam-
starfi íslendinga, Grænlend-
inga og Færeyinga á sviði
efnahags-, atvinnu- og
menningarmála.
í frétt frá forsætisráðherra
segir að lögð verði áhersla á
samstarf um nýtingu náttúru-
auðlinda þjóðanna, þar á með-
al fískstofna Norðvestur Atl-
antshafs, rannsóknir og mark-
aðssetningu og um þróun
ferðaiðnaðar og annarra at-
vinnugreina, þar sem um sam-
eiginlega hagsmuni er að
ræða. I þessu sambandi verði
jafnframt athugaðar nauðsyn-
legar endurbætur á sviði sam-
gangna og fjarskipta og þjón-
ustu hverskonar til styrktar
efnahags- og atvinnulífí á
svæðinu.
Þá segir að um þessi mál
verði fjallað meðal annars með
hliðsjón af viðræðum EFTA
og EB um evrópskt efnahags-
svæði.
Loks segir í frétt forsætis-
ráðherra að aðilar séu sam-
mála um að bjóða Færeying-
um þátttöku í þessu samstarfi.
en svö ótrúlega vildi til að ein lifði
faliið af. Hún er að vísu lemstruð
en Sigríður sagði að henni yrði
leyft áð lifa nema ef í Ijós kæmi
að meiðsl hennar væru meiri en í
fyrstu sýndist.
„Ég horfði á þær renna fram
af án þess að fá rönd við reist.
Ég gætti mín á því að vera ekki
of framarlega sjálf. Þær runnu
eina 30 metra áður en þær fóru
fram af bjargbrúninni, féllu 20-25
jmétra'í lausu lofti og lentu ofan
í hyl í Þveránni. Síðan fóru þær
fram af fossinum og öðrum sem
þar er nærri. Þama eru þrír fossar
og þær lentu í hylnum ofan við
miðfossinn," sagði Sigríður.
Hún sagði að einhver æðri mátt-
arvöld hefðu stjórnað því að hún
hefði haft allar tveggja og þriggja
vetra ær í húsi þennan dag. Ærn-
ar sem drápust voru fjögurra til
fimm vetra. Lítið var í ánni og hún
var í klakaböndum en opin í miðj-
unni. Árbotninn er stórgrýttur og
liggja kindumar í vatninu skammt
fyrir neðan neðsta fossinn.
Stefán og bændur af næstu
bæjum voru í gær að undirbúa að
ná í hræin og ætluðu þeir að nota
fjórhjól til að flytja þær í gryfju.
Sigríður sagði að þau hjónin hefðu
aldrei áður orðið fyrir slíku en þau
hafa búið á Brú í 17 ár. Þau voru
með rúmar 360 kindur áður en
þessi skaði varð og sagði Sigríður
að þau yrðu fyrir töluverðu fjár-
hagslegu tjóni.
Viðskiptaþing:
Morgunblaðið/Þórkell
Stefnumótun í íslensku atvinnulífi var til umræðu á viðskipta-
þingi í gær. Á innfelldu myndinni er dr. Ichak Adizes, sem flutti
fyrirlestur á þinginu.
aði í Evrópu nauðsyn
AÐLÖGUN íslensks atvinnulífs að þeim breytingum sem fyrirsjáan-
legar eru við afnám landamæra milli viðskiptalanda íslands var
aðalumræðuefni Viðskiptaþings Verslunarráðs Islands í gær. Almenn
niðurstaða varð sú að íslenskt atvinnulíf þarf að tengjast evrópskum
mörkuðum mun betur ef viðunandi árangur á að nást í viðskiptum
við önnur Evrópulönd, óháð inngöngu íslands í Evrópubandalagið
Á Viðskiptaþinginu voru m.a.
kynntar og ræddar niðurstöður
fimm nefnda sem hafa undanfarna
mánuði unnið að viðamikilli stefnu-
mótun fyrir íslenskt atvinnulíf.
Nefnd sem fjallaði um fjármagns-
markað mælti eindregið með opnun
íslensks efnahagslífs fyrir erlendu
áhættufjármagni og varaði við tak-
mörkunum á fjárfestingum erlendra
aðila. Fjármagnsnefndin fjallaði um
stöðu banka í aukinni samkeppni á
næstu árum og hvatti til varðveislu
frelsis til vaxtaákvarðana. Álit
nefndarmanna var að hagstjórn
Seðlabanka eigi að fara fram með
markaðsaðgerðum og bindiskyldu
eigi að afnema.
Helstu umræðuefni nefndar um
skattamál voru markmið skattaum-
bóta og staða og horfur í skattamál-
um hérlendis. Álit nefndarmanna
var að núverandi skattakerfi mis-
munaði og veikti samkeppnisstöðu
íslensks atvinnulífs. Nefndarmenn
vörumarkaðssviðs fjölluðu m.a. um
viðskiptahömlur á landamærum.
Lögð var áhersla á að gæðastjómun
vöru miðaðist ekki lengur við landa-
mæraeftirlit heldur væri stöðlum
framfylgt á framleiðslustað og vott-
orð fylgdu vörunni á. erlendan
markað.
Meðal ályktana þjónustunefndar
var að breyta þurfí skilgreiningu
íslenskra laga á því hvað, teljist
útvarpsstöð. í EB er slík stöð skil-
greind sem upprunalegur sendandi
útsendingar og endurvarp á útsend-
ingu annars aðila telst ekki útvarps-
stöð. Þá kom fram að í EB er verið
að takmarka einkaleyfí símafyrir-
tækja við talsímaþjónustu og í kjöl-
farið lagði nefndin til að stjórnsýslu-
hlutverk Pósts og síma verði fært
frá stofnuninni og hún verði alfarið
rekin sem fyrirtæki.
Sérstök nefnd fjallaði um mann-
auð og náttúruauðlindir íslendinga^.
Álit nefndarinnar var að vangeta
íslendinga til þess að selja og nýta
vatnsorku muni kosta tap í þjóðar-
tekjum sem jafnast á við tífaldar
þjóðartekjur okkar á árinu -1988.
Þá var lögð áhersla á að íslensk
sjávarútvegsstefna verði að sætta
hagsmuni útgerðar og fískvinnslu
til að gæta langtímahagsmuna at-
vinnuvegarins og annarra atannu-
vega í landinu.
Sjá ennfremur bls. B12.
Landsvirkjun:
Útboðsáætlun vegna virkj-
ana
Tilboð verða opnuð í mars í virkjanaáfanga fyrir 10 milljarða króna
LANDSVIRKJUN heldur sinni
áætlun um undirbúning virkj-
anaframkvæmda vegna álvers
og hefur meðal annars auglýst
eftir tilboðum í gröft fyrir
stöðvarhúsi vegna stækkunar
Burfellsvirlgunar. Halldór Jón-
atansson forstjóri Landsvirkj-
unar sagði í samtali við Morgun-
blaðið í gær að virkjanafram-
Flugleiðir verða líklega
að aðlaga sín fargjöld
segir Pétur J. Eiríksson um verðlækkun á Atlantshafsflugi
FLUGLEIÐIR hafa ekki tekið ákvörðun um hvernig þeir bregðast
við fargjaldastríði því sem hafið er á flugleiðum milli Evrópu og
Bandaríkjanna. Pétur J. Eiríksson, framkvæmdastjóri markaðs-
sviðs, telur líklegt að Flugleiðir verði að aðlaga fargjöldin á flug-
leiðum félagsins frá meginlandi Evrópu til Bandaríkjanna.
Hollenska flugfélagið KLM til-
kynnti í gær að það hefði lækkað
fargjöld á fiugi frá Amsterdam til
Bandaríkjanna og Kanada um
15-20%. Nú kostar 609 dollara,
rúmlega 30 þúsund krónur, að
fljúga með KLM frá Amsterdam
til New York og aftur til baka.
Þegar verðstríðið hófst var það
aðallega bundið við ferðir frá Lon-
don. Nú hefur það hins vegar færst
til meginlands Evrópu og Skand-
inavíu, að sögn Péturs. Flugleiðir
fljúga frá meginlandi Evrópu til
Bandaríkjanna og sá markaður er
mun stærri og þýðingarmeiri fyrir
Flugleiðir en markaðurinn í Eng-
landi.
„Þessir markaðir eru stórir og
það hefur meiri áhrif á okkur ef
verðlækkun verður þar. KLM og
fleiri flugfélög eru að lækka skráð
fargjöld, sem eru í gildi allt árið.
Lækkun á skráðum gjöldum hefur
önnur og meiri áhrif en tilboðsverð
sem gilda tímabundið. Ég get ekki
sagt nákvæmlega hvað við gerum
en það er mjög líklegt að við hreyf-
um okkur í sömu átt,“ sagði Pétur
J. Eiríksson.
kvæmdir væru boðnar út með
fyrirvara um að ekkert verði
af framkvæmdum eða að þær
frestist. Þetta verði að gera til
þess að tryggja að hægt verði
að afhenda orku til álvers haust-
ið 1994 eins og stefnt hefur
verið að. í marsmánuði á að
opna tilboð í fjóra áfanga Fljóts-
dalsvirkjunar, sem áætlað er að
kosti samtals um 10 milljarða
króna.
Halldór sagði útilokað að bolla-
leggja um hvort eða hvenær af
virkjanaframkvæmdum verður
fyrr en vitað er hvað kemur út
úr fundum iðnaðarráðherra, for-
manns stjórnar Landsvirkjunar og
fleiri aðila með aðstandendum
Atlantsálshópsins í New York. Að
fengnum niðurstöðum fundanna
væri ætlunin að taka afstöðu til
þess hvort hægt verður á fram-
kvæmdum og hvort eitthvað verð-
ur gert í millitíðinni eða ekki. „Það
er því ekki tímabært að segja neitt
um það í bili,“ sagði Halldór.
Utboðin fara fram með fyrir-
vara um byggingu álversins og
með fyrirvara um öflun allra nauð-
synlegra heimilda til virkjana-
framkvæmdanna. Halldór sagði
að bjóðendum væri þannig ljóst
að endanleg ákvörðun um fram-
kvæmdir hafi ekki verið tekin.
Tilboðin gilda að jafnaði í 120
daga.
Þegar hafa verið opnuð tilboð í
þijá áfanga stækkunar Búrfells-
virkjunar, samtals að upphæð um
1.380 milljónir króna. Síðar í þess-
um mánuði verða auglýst útboð í
tvo áfanga auk þess sem auglýstur
var áttunda þessa mánaðar. Heild-
arkostnaðaráætlun við stækkun
Búrfellsvirkjunar er um 3.140
milljónir króna.
Þann 15. mars næstkomandi
verða opnuð tilboð í þtjá áfanga
Fljótsdalsvirkjunar sem þegar
hafa verið auglýstir. Það eru að-
rennslisgöng, stöðvarhús og frá-
rennsli og Eyjabakkastífla. Þann
20. mars verða síðan opnuð tilboð
í hverfla og rafala. Samtals er
áætlað að þessir fjórir áfangar
kosti um 10 milljarða króna, sem
Halldór Jónatansson segir vera um
tvo þriðju hluta áætlaðs verktaka-
kostnaðar við virkjunina.