Morgunblaðið - 14.02.1991, Blaðsíða 44

— E- M M'A’ —
Kaffipokar
togmifrltKfcÍfe fflí
FIMMTUDAGUR 14. FEBRUAR 1991
VERÐ I LAUSASOLU 100 KR.
Leyft að veiða 175 þúsund tonn af loðnu:
Verðmætið allt
að 1,8 milljarðar
Verksmiðjurnar greiða fimm þúsund
krónur fyrir tonn af loðnu upp úr sjó
Sjávarútvegsráðherra ákvað í gær að leyfa veiðar á 175 þúsund
tonnum af loðnu, eftir að fiskifræðingar höfðu mælt samtals 525
þúsund tonn. Fiskifræðingar vilja hins vegar að 400 þúsund tonn
fái að hrygna. Veiðarnar máttu hefjast í gær. Útflutningsverðmæt-
ið er allt að 1,8 milljarðar króna en þá er miðað við að um 150
þúsund tonn af loðnunni verði brædd og 2 þúsund tonn heilfryst,
svo og að 5 þúsund tonn af hrognum fáist úr loðnunni. Um einn
milljarður fengist fyrir mjöl og lýsi og um 800 milljónir fengjust
fyrir heilfrystu loðnuna og hrognin. Greiddar hafa verið um 5
•þúsund krónur fyrir tonnið af loðnu upp úr sjó undanfarna daga
en í haust greiddu verksmiðjurnar 4.200 krónur fyrir tonnið.
„Ég get ekki séð annað en að
nú sé fullleitað, þannig að ég er
ekki bjartsýnn á að meiri loðna
finnist í vetur,“ segir Hjálmar Vil-
hjálmsson leiðangursstjóri á rann-
sóknaskipinu Bjarna Sæmunds-
syni.
I loðnuskipaflotanum eru 44
skip en tvö þeirra, Guðrún Þorkels-
^ióttir SU og Börkur NK, hafa
þegar veitt loðnukvóta sína á þess-
ari vertíð.
Jón Ólafsson, framkvæmda-
stjóri Félags íslenskra fiskmjöls-
framleiðenda, segir að loðnuverk-
smiðjurnar, sém eru 20 talsins,
verði að öllum líkindum áfram
reknar með tapi, þrátt fyrir að
ieyft hafi verið að veiða 175 þús-
und tonn af loðnu. Jón Reynir
Magnússon, framkvæmdastjóri
SR, heldur því fram að verksmiðj-
urnar hafi lengi verið of margar
en Halldór Ásgrímsson sjávarút-
vegsráðherra segir að til greina
komi að veita einhveijum loðnu-
verksmiðjum úreldingarstyrki.
íslensk skip veiddu 84 þúsund
tonn af loðnu í haust. Aflinn var
allur bræddur hér innanlands og
útflutningsverðmætið var um 800
milljónir króna. Þá hafa 9 skip
fengið að veiða tvo loðnufarma
hvert vegna aðstoðar þeirra við
loðnurannsóknir, eða samtals um
20 þúsund tonn. Samtals er því
búið að heimila veiðar á um 280
þúsund tonnum af loðnu í vetur.
Verðmæti loðnuafurða á þessari
vertíð gæti því orðið um 2,7 millj-
arðar.
Verðmæti loðnuafurða á síðustu
vertíð var samtals um 4,7 milljarð-
ar en þá voru veidd 666 þúsund
Tonn. Á síðustu vertíð var fram-
leitt mjöl og lýsi fyrir 4,3 millj-
arða, heilfryst loðna fyrir 105
milljónir og loðnuhrogn fyrir 255
milljónir.
í haust fengust um 33 þúsund
krónur fyrir tonnið af mjöli og
15.400 krónur fyrir tonnið af lýsi.
Nú fást aftur á móti um 32 þús-
und krónur fyrir tonnið af mjöli
og 17 þúsund krónur fyrir tonnið
af lýsi. í vetur komst mjölverðið
hæst í 37 þúsund krónur og lýsis-
verðið í 18 þúsund krónur. Mjöl-
nýtingin er nú 17-17,5% og lýsis-
nýtingin 6,5%.
Sjá ennfremur bls. 16.
Morgunblaðið/Sigurgeir
Brúnin hefur lyfst nokkuð á sjómönnum á loðnuskipum síðustu daga
en í gær var ákveðið að leyfa veiði á 175 þúsund tonnum. Myndin
er tekin í Vestmannaeyjum af skipverjum á Guðmundi VE.
Strákarnir
gngna á að
vinna við
saumaskap
MIKIL ásókn er í störf sem aug-
lýst liafa verið laus hjá Álafossi á
Ákureyri í kjölfar þess að samn-
ingur um sölu á vörum fyrirtækis-
ins var gerður við lýðveldið Rúss-
land. Starfsmannastjóri hefur
vart gert annað síðan á föstudag
en svara fólki sem er að spyrjast
fyrir um þessi störf. Hann sagði
mikið um að ungir piltar, 16-20
ára, spyrjist fyrir, en gugni á því
að vinna við saumaskap.
„Það er skemmtilega mikið spurt,“
sagði Birgir Marinósson starfs-
mannastjóri. Vegna verkefna sem
framundan eru til að uppfylla samn-
inginn við Rússana verða 40-45
manns ráðnir til starfa hjá fyrirtæk-
inu, 15 á dagvakt og um 30 á kvöld-
vakt. Unnið verður við saumaskapinn
frá kl. 7.30 á morgnanatil miðnættis.
I samningnum er gert ráð fyrir
mikilli sölu pijónajakka, en marga
þarf til að sinna því verkefni og því
þarf að bæta við fólki. „Það kom
mér á óvart hversu margir ungir
menn, 16 til 20 ára, hafa spurt. Það
er greinilegt að atvinnuleysi er mikið
hjá þessum hópi. Þeir hafa hins veg-
ar horfið frá þegar þeir heyra að
störfin eru við saumaskap, það þarf
viðhorfsbreytingu til að karlmenn
taki að sérþessi störf,“ sagði Birgir.
Viðræður fulltrúa Atlantsáls og iðnaðarráðherra í New York:
Hálft ár eða meira þarf
til að ljúka fjármögnun
Samningsgerð um nýtt álver ljúki innan þriggja mánaða segir Jón Sigurðsson
VIÐRÆÐUM Jóns Sigurðssonar
iðnaðarráðherra og forsvars-
manna Atlantsálsfyrirtækjanna
lauk í New York í gærkvöldi.
„Okkur kom samau um að það
þyrfti að ætla hálft ár eða rúm-
lega það til þess að ljúka fjár-
mögnunarþættinum í málinu.
Hins vegar erum við líka sam-
mála um að stefna að því að
ljúka samningagerðinni sjálfri,
með fyrirvara um fjármögnun,
innan þriggja mánaða, það er
að segja í fyrri hluta maímánað-
Morgunblaðið/RAX
ÞUNGTHUGSIÁ ÖSKUDAGINN
ar,“ sagði iðnaðarráðherra í
samtali við Morgunblaðið að
loknum fundinum í gærkvöldi.
Gangi þetta eftir geta endanleg-
ir samningar tekist í haust.
Jón sagði alla þátttakendur
fundanns hafa ítrekað áhuga á og
stuðning við verkefnið.
Rætt var hvernig best væri að
tryggja fjármögnun Atlantsálsfyr-
irtækjanna á verksmiðjunni með
góðum kjörum og hvernig bæta
mætti arðsemi þessa verkefnis í
heild, bæði fyrir íslendinga og
Atlantsálsfyrirtækin. Áður átti
iðnaðarráðherra fund með fulltrú-
um fjármagnsmarkaða, þar sem
fram kom að ekki ættu að vera
vandkvæði á að fjármagna virkj-
anaframkvæmdir Landsvirkjunar.
Jón sagði báða aðila mundu
halda áfram sínu verki með það
fyrir augum að ljúka samnings-
gerðinni innan tilskilins tíma og
leita eftir nauðsynlegum heimild-
um til þess, hver hjá sér, í fram-
haldi af því. Samkomulag var um
að fram komi á Alþingi heimildar-
lagafrumvarp á yfirstandandi þingi
til þess að setja fram lagaumgjörð
fyrir verkefnið.
„Ég er eftir atvikum mjög
ánægður með niðurstöður fundar-
ins,“ sagði Jón Sigurðsson, „og tel
að málið sé nú orðið skýrt um
það, hvernig menn ætli sér að
sfanda að þessu og vona að um
það geti tekist sem víðtækust sam-
staða á Islandi, því að ekki þarf
að fara um það mörgum orðum
að þetta mikilvæga atvinnumál
hefur aldrei verið brýnna en ein-
mitt nú.“
Afföllin af hús-
bréfum 14,6%
LANDSBRÉF hf., viðskiptavaki húsbréfa, hækkar í dag ávöxtunar-
kröfu húsbréfa úr 7,6% í 7,7%. Afföll af uppreiknuðu verði bréfanna
eru þá orðin um 14,6%, en voru 13,9%. Gunnar Helgi Hálfdánarson
forstjóri Landsbréfa segir ástæðuna vera mikið framboð af húsbréf-
um og litla eftirspurn. Þett«a sé aðlögun að markaðnum. „Við erum
að leitast við að finna jafnvægispunkt miðað við þessar nýju aðstæð-
ur,“ sagði hann í samtali við Morgunblaðið í gær. Ávöxtunarkrafan
var síðast hækkuð hjá Landsbréfum úr 7,4% í 7,6% á þriðjudag.
Aðrir verðbréfamarkaðir fylgdu
í kjölfarið þegar Landsbréf hækk-
uðu ávöxtunarkröfuna í bytjun vik-
unnar. í gær var krafan 7,7% hjá
Verðbréfamarkaði Islandsbanka,
7,65% hjá Kaupþingi og 7,60% hjá
Fjárfestingarfélaginu. Fram hefur
komið að helstu skýringar á ójafn-
vægi milli framboðs og eftirspurnar
á húsbréfamarkaði séu annars veg-
ar mikið framboð nú í febrúarmán-
uði, hins vegar að lífeyrissjóðirnir
kaupa minna af húsbréfum en
vænst hafði verið, meðal annars
vegna þess að þeir eru að kaupa
skuldabréf af Byggingarsjóði ríkis-
ins og viðræður standa yfir um að
þeir flýti skuldabréfakaupum af
sjóðnum vegna slæmrar fjárhags-
stöðu hans.
14,6% affoll þýða, að 854 þúsund
krónur fást fyrir húsbréf, sem að
uppreiknuðu verðmæti eru ein millj-
ón króna. Afföllin eru 146 þúsund
krónur. Sé uppreiknað verðgildi
húsbréfanna fimm milljónir króna,
eru 14,6% afföll af því verði 730
þúsund krónur. í þessum tölum er
ekki reiknað með öðrum kostnaði
við viðskiptin.