Morgunblaðið - 22.06.1991, Blaðsíða 16
16
MORGUNBLAÐIÐ LAUGARDAGUR 22. JUNI 1991
Perlan:
Opnuð með veislu
og fjölskylduhátíð
„ÞETTA er íslenska aðferðin. Sólarhring fyrir opnun er allt á öðrum
endanum og ekkert útlit fyrir að að hægt verði að taka á móti gest-
um,“ sagði Ólafur Jónsson upplýsingafulltrúi Reykjavíkurborgar,
þegar Perlan, útsýnishús Hitaveitu Reykjavíkur í Óskjuhlíð, var
kynnt fjölmiðlum. I gærkvöldi bauð borgarstjórn til veislu, þar sem
húsið var formlega tekið í notkun en í dag og á morgun gefst öðrum
landsmönnum tækifæri á að skoða húsið og spóka sig í Öskjuhlíð.
Haldin verður fjölskylduhátíð sem hefst kl. 14 og stendur til kl. 17,
laugardag og sunnudag.
Hugmynd að útsýnishúsi í
Öskjuhlíð kom fyrst fram árið 1930
í bókinni Gijót eftir Jóhannes Kjar-
val. Þegar ákveðið var að reisa
fyrstu hitaveitugeymana árið 1938
var efnt til samkeppni um fyrir-
komulag þeirra. Þá kom meðal
annars fram hugmynd um útsýnis-
hús en ekkert varð af þeirri fram-
kvæmd.
Ingimundur Sveinsson er arki-
tekt Perlunnar og í lýsingu hans á
mannvirkinu kom fram, að bygg-
ingin er sjö hæðir að meðtöldum
kjallara og stendur á milli hita-
veitugeymanna og yfir þeim. I
kjallara er meðal annars fundarsal-
ur og í Vetrargarðinum á jarðhæð
er sýningarsalur. Þar hefur verið
komið fyrir listaverkum eftir sex
myndlistarmenn, þau Ásu Ólafs-
dóttur, Ingunni Benediktsdóttur,
Huldu Hákonar, Jón Óskar, Ragn-
heiði Jónsdóttur og Sigurð Örlygs-
son. Þetta eru stór verk sem njóta
sín vel á stórum fleti.
Undir hvolfþaki er veitingasala
og er sjálfsafgreiðsla á fjórðu hæð,
Á góðviðrisdögum verður hægt að
njóta veitinganna utan dyra á
hringpalli efst á hitaveitugeymun-
um. Á fimmtu hæð er þjónað til
borðs á snúningspalli, sem fer einn
hring á klukkutíma. Bjarni I. Áma-
son veitingamaður sér um allan
veitingarekstur og sagði hann að
um 70 manns yrðu í fullu starfi
við framreiðsluna. „Hingað eiga
allir að geta komið og notið staðar-
ins,“ sagði hann. „Veitingar á neðri
hæð verða á vægu verði og meðal
annars boðið upp á ís fyrir böm
og eldri ísunnendur, en á fimmtu
hæð verður fyrsta flokks veitinga-
staður með fyrsta flokks mat á
markaðsverði. Við verðum fyllilega
samkeppnisfærir við önnur veit-
ingahús í þeim flokki.“
Perlan er í eigu Hitaveitu
Reykjavíkur og er Jóhannes Zoéga
fyrrverandi hitaveitustjóri verkefn-
isstjóri byggingarinnar en rekstrar-
aðilar eru auk Bjarna, Gísli Thor-
oddsen og Stefán Sigurðsson.
Byggingarkostnaðurer 1.290 millj-
ónir króna á núverandi verðlagi.
Séð niður í anddyrið af fimmtu
hæð en veitingastaðurinn á
fjórðu hæð er í tíu metra hæð.
Á dagskrá íjölskylduhátíðar í
tilefni opnunarinnar er meðal ann-
ars Brúðubíllinn, Söngieikurinn
Grænjáxlar, Eyfi og Stebbi, Karla-
kórinn Fóstbræður, Bamakór Bú-
staðakirkju, Götuleikhús og Tóti
trúður, Hljómskálakvintettinn auk
atriða frá Listahátíð æskunnar. Þá
munu félagar úr Skógræktarfélagi
Reykjavíkur kynna gönguleiðir og
sjá um skipulagðar gönguferðir um
Öskjuhlíð en hlíðin býður upp á
fjölbreyttir útivistarmöguleikar.
Morgunblaðið/KGA
í Perlunni var unnið af fullum krafti fram á síðustu stundu.
Smiðir, rafvirkjar, málarar, framreiðslumenn, listamenn, blóma-
skreytingamenn og flokkur með kústa, ryksugur og klúta að
vopni kepptust við að koma öllu í lag.
Morgunblaðið/Ámi Sæberg
Fyrsti útskriftarhópurinn í rekstrar- og viðskiptafræðinámi á vegum Endurmenntunarnefndar Háskólans ásamt Sigmundi Guðbjarnarsyni
rektor H.I., Jóni Torfa Jónassyni dósent og formanni Endurmenntunarnefndar og Margréti Björnsdóttur, framkvæmdastjóra Endurmennt-
unarnefndar
„Útskrift fyrstu
nemendanna
markar tímamót“
- sagði Jón Torfi Jonasson dósent við útskrift
fyrstu nemannna úr rekstrar- og viðskiptafræð-
inámi á vegum Endurmenntunarnefndar H.I.
FYRSTU nemendurnir í rekstrar- og viðskiptanámi Endurmenntunar:
nefndar Háskóla íslands voru útskrifaðir s.l. fimmtudag, 21 að tölu. f
ávarpi sem Jón Torfi Jónasson dósent og formaður Endurmenntunar-
nefndar hélt við það tækifæri kom fram að útskrift nemanna markaði
timamót, þar sem um væri að ræða alveg nýja tegund af námi hérlend-
is, samfellt þriggja missera nám sem fólk gæti stundað með starfi.
Námsefnið er á háskólastigi og eru tekin fyrir helstu undirstöðuatriði
hagfræða og rekstrar en námið er ætlað öðrum en viðskipta- og hag-
fræðingum. Rektor Háskóla íslands, Sigmundur Guðbjarnarson, af-
henti nemendum prófskírteinin við útskriftina.
Að sögn Margrétar S. Björnsdóttur,
endurmenntunarstjóra, hefur að-
sóknin í rekstrar- og viðskiptanámið
verið mikil og þurft hefur að vísa
fólki frá á hverju misseri, þar sem
miðað er við að ekki séu fleiri en 25
í hveijum hópi.
„Forgang í námið hafa þeir sem
lokið hafa háskólanámi, en í hvert
sinn er jafnframt tekinn inn ákveðinn
hópur fólks sem hefur stúdentspróf
eða sambærilega menntun, töluverða
reynslu af rekstrar- eða stjórnunar-
störfum og hefur með starfsferli
sínum sýnt að hann er fær um að
takast á við nám á þessu stigi,“ sagði
Sigmundur Guðbjarnarson, rektor H.Í., afhendir Árna Ingasyni
prófskírteini sitt
Margrét í samtali við Morgunblaðið.
Útskriftarnemarnir hófu nám sitt
eftir áramótin 1990 en tveir aðrir
hópar eru komnir áleiðis í náminu
og nýr hópur mun byija í haust. í
útskriftarhópnum voru, að sögn
Margrétar, m.a. lögfræðingar, lyfja-
fræðingar, félagsfræðingar, guð-
fræðingar, verkfræðingar, tækni-
fræðingar og nokkrir með stúdents-
próf og reynslu af stjórnunarstörfum.
Að sögn Margrétar er tilhögun
námsins sú að kennt er að jafnaði
einn fastan dag í viku frá kl. 16:15
til 20:00, einn föstudag í mánuði frá
kl. 13:00 til 18:30 og einn heilan
laugardag í mánuði. Samtals eru
þetta 120 klst á um 15 vikum mánuð-
ina september-desember og janúar-
maí. Kennd er ein námsgrein í einu
og henni lokið með prófi eða verk-
efni áður en sú næsta hefst.
Helstu efnisþættir námsins eru:
rekstrarhagfræði, reikningshald og
skattskil, fjármálastjórn, stjórnun og
skipulag, starfsmannastjórnun, upp-
lýsingatækni í rekstri og stjórnun,
markaðs- og sölufræði, réttarreglur
og viðskiptaréttur, þjóðhagfræði,
haglýsing og stefnumótun.
Frönskþýðing-
arverðlaun fyr-
ir Snorra Eddu
Árleg verðlaun Félags franska
þýðenda hlýtur á árinu 1991
Francois- Xavier Dillmann fyrir
þýðingu sína á Eddu Snorra
Sturlusonar, sem út kom í febrú-
ar sl. og var þá getið hér í blað-
inu. L’Edda var gefin út í bóka-
flokknum „L’aube des peuples“
hjá Gallimard útgáfunni.
Prófessor Francois-Xavier Dill-
mann er kennari í norrænum fræð-
um í París. Hann er sérfræðingur
í fornum norrænum bókmenntum
og miðaldabókmenntum. Hann hef-
ur dvalið við nám og rannsóknir við
háskóla á Norðurlöndum, m.a. í
Reykjavík. Doktorsritgerð hans
fjallaði um galdur í norrænum bók-
menntum. Hann er nú að vinna að
þýðingu á Heimskringlu með ýtar-
legum formála, samskonar og
fylgdi Eddu og mun koma út í sama
bókaflokki hjá hinu virta útgáfufyr-
irtæki Gaillimard. En í þessum
bókaflokki, sem kenndur er við
morgun þjóðanna, hefur m.a. komið
út finnski ljóðabálkurinn Kalevala.
Milljón til
skógræktar
HÉÐINN hf. og danska fyrirtækið
Danfoss A/S ætla að gefa eina
milljón til skógræktar á íslandi í
tilefni þess að Héðinn hf. hefur
selt 1.000.000 Danfoss hitastilli-
ventla á íslandi. Gjöfin verður
afhent við sérstaka athöfn i Perl-
unni mánudaginn 24. júní.
Um þessar mundir eru 40 ár frá
því að Héðinn hf. tók við einkaum-
boði Danfoss A/S og hefur Héðinn
selt yfir milljón hitastilliventla á ís-
landi. í tilefni þessa hafa fyrirtækin
ákveðið sameiginlega að færa skóg-
rækt á Islandi gjöf að upphæð ein
milljón króna. Upphæðin svarar til
einnar krónu fyrir hvern seldan vent-
il en þessi fjöldi jafngildir því að
hvert mannsbarn hér á Iandi hafi
keypt 4 Danfoss-ventla.