Morgunblaðið - 19.10.1991, Blaðsíða 18
18
MORGUNBLAÐIÐ LAUGARDAGUR 19. OKTÓBER 1991
Athugasemd
vegna Heilsu-
hælisins
Morgunblaðinu hefur borist eft-
irfarandi athugasemd frá heil-
brigðis- og tryggingaráðuneytinu:
„Vegna fréttar á bls. 4 í Morgun-
blaðinu í gær, föstudag, tekur heil-
brigðis- og tryggingaráðuneytið
fram, að unnið er að samningum við
eigendur Heilsuhælisins í Hveragerði
um framtíðarhlutverk þess. Engar
niðurstöður iiggja hins vegar fyrir
og það er því of snemmt að fjalia
um einstaka þætti málsins.”
• •
Ort vaxandi að-
sókn að ljóða-
tónleikum
I ÞRJU ár hefur aðsókn að ljóða-
tónieikum Gerðubergs farið ört
vaxandi og nú er svo komið að
tónleikahaldið hefur slitið barns-
skónum og kallar góð aðsókn á
tvenna tónleika hverju sinni. Tón-
leikar verða með hefðbundnu
sniði á mánudagskvöldum eins og
undanfarin ár, en auk þess verða
tónleikar á laugardögum, og þá
með eilítið öðru yfírbragði, þar
sem efni Ijóða verður kynnt í
töluðu orði og sagt frá tónskáldum
og tilurð verka.
Fyrstu tónleikarnir verða í dag,
laugardaginn 19. október, kl. 17.00
og mánudaginn 21. október ki.
20.30, en þá syngja þær Erna Guð-
mundsdóttir sópran og Sigríður Jóns-
dóttir messósópran. Á efnisskránni
eru ljóðadúettar og einsöngslög. Eft-
ir hlé syngja þær Ema og Sigríður
fyrst tvo kunna dúetta eftir Henry
Purcell, en þá syngur Sigríður átta
barnagælur eftir Atla Heimi Sveins-
son. Sáman syngja þær Pastorale,
Hjarðljóð eftir Camille Saint Saens,
en þá syngur Ema lagaflokkjpn Lög
handa litiu fólki eftir Þorkel Sigur-
björnsson. Tónleikamir enda á tveim-
ur Ijóðadúettum eftir Gioacchino
Rossini. Jónas Ingimundarson leikur
með söngvurunum á píanó.
■ í TILEFNIAF 25 ára afmæli
björgunarsveitar SVFÍ, Fiska-
kletts í Hafnarfirði, gefst bæj-
arbúum og öðrum sem áhuga hafa
kostur á að skoða húsnæði og bún-
að sveitarinnar að Hjallahrauni 9,
milli ki. 13 og 16 í dag, laugardag-
inn 19. október. M.a. verður til sýn-
is nýr, öflugur 25 feta hraðbjörgun-
arbátur af Viking-gerð, sem sveitin
hefur nýlega fest kaup á. Slysa-
vamadeild Fiskakletts var stofnuð
í nóvember 1928 en björgunarsveit-
in þann 15. febrúar 1966.
(Fréttatilkynning)
■ PÍANÓTÓNLEIKAR verða í
Menningarmiðstöðinni Gerðu-
bergi sunnudaginn 20. október kl.
15. Þar mun Örn Magnússon leika
íslenska píanótónlist. Á efnis-
skránni eru verk eftir Hiimar Þórð-
arson, Hjálmar Ragnarsson, Jón
Leifs, Mist Þorkelsdóttur, Pál
Isólfsson, Sveinbjörn Svein-
björnsson og Þorkel Sigurbjörns-
son. Efnisskrá þessara tónleika
mun Örn flytja á þriggja vikna tón-
leikaferðalagi um Japan nú í nóv-
ember. Þar mun hann leika í fimm
borgum og verða fyrstu tónleikarn-
ir í Tókýó í nóvember. Von er á
geisladiski með leik Amar nú í nóv-
ember.
(Fréttatilkynning)
■ JC-DA GURINN er í dag,
laugardaginn 19. október. Kjörorð
dagsins er „heimur án landa-
mæra”. í tilefni af JC-deginum
verður haldin sýning í Perlunni (2.
hæð) á myndum eftir börn þar sem
þau tjá framtíð sína í heimi án
landamæra. Það eru JC-Borg, JC-
Bros, JC-Nes og JC-Vík sem sjá
um þetta verkefni. Sýningin stendur
aðeins yfir í dág og em allir vel-
komnir.
Trillan situr föst í ísnum 50 metra frá landi. 'íorgunbiaðið/Rúnar Þór Mennirnir jusu eins og þeir gátu, en höfðu ekki undan.
Oddeyrin komin að trillunni og búið að koma böndum á bátinn,
sem sekkur á sama augnabliki.
Annar maðurinn bjargaðist þurr um borð í togarann, en hinn lenti
í sjónum.
Tveimur mönnum bjargað er trilla sökk í Akureyrarhöfn;
Oþægileg tilfinning að
sjá trilluna fyUast af sjó
- segir Emil Ásgeirsson, annar mannanna
TVEIR menn á l'/i tonna trillu voru hætt komnir aðeins 50 metra
undan Eimskipafélagsbryggjunni á Akureyri síðdegis í gærdag.
Lögreglunni barst tilkynning um að trillan væri að sökkva á
þessum stað en ekki tókst að koma út gúmbjörgunarbát sökum
mikUs íshröngls sem var í höfninni. Það var ekki fyrr en togar-
inn Oddeyrin, sem lá við bryggjuna, sigldi að trillunni að hægt
var að bjarga mönnunum. Um leið og Oddeyrin kom böndum á
trilluna sökk hún.
Mennimir tveir, Emil Ásgeirs-
son og Jón Kárason, em báðir úr
Hrísey og þangað var för þeirra
heitið. Að sögn Emils lögðu þeir
upp frá Torfunefsbryggju en þá
var mikið ísskæni á sjónum. Náði
ísinn að bijóta gat á trilluna
skömmu eftir að þeir lögðu af
stað. Fossaði sjór inn um gatið
og höfðu þeir ekki undan við að
ausa. Sjónarvottar í landi komu
auga á vandkvæði þeirra félaga
og létu lögregluna vita.
Samkvæmt upplýsingum frá
lögreglunni fór hún á staðinn með
gúmbjörgunarbát en tókst ekki
að koma honum á flot sökum ís-
hröngls í höfninni. Skipveijar um
borð í Oddeyrinni höfðu þá séð
til trillunnar og fóm mönnunum
til aðstoðar. Um leið og Oddeyrin
kom böndum á trilluna sökk hún
og annar þeirra sem var um borð
fór í sjóinn.
„Það er varla að maður hafi
enn áttað sig á því sem gerðist,”
sagði Emil Asgeirsson í samtali
við Morgunblaðið i gærkvöldi.
„Þótt það hafi óneitanlega verið
óþægileg tilfínning að sjá trilluna
fyllast af sjó þá tel ég að við höf-
um ekki verið í verulegri hættu
svona skammt frá landi. En við
báðir viljum við koma á framfæri
þakklæti okkar til mannanna um
borð i Oddeyrinni og þeirra sem
lögðu hönd á plóginn við að bjarga
okkur.”
Blásarakvintett Reykja-
víkur í Listasafni íslands
BLÁSARAKVINTETT Reykjavíkur heldur tónleika í Listasafni ís-
Iands nk. þriðjudagskvöld kl. 20.30. Tónleikarnir eru hinir fyrstu
af fernum sem kvintettinn heldur í safninu í vetur til að fagna 10
ára starfsafmæli sínu. Sömu félagar hafa verið í hópnum frá byij-
un, en þeir eru: Bernharður Wilkinson, flauta, Daði Kolbeinsson,
óbó, Einar Jóhannesson, klarinett, Jósef Ognibene, horn, og Haf-
steinn Guðmundsson, fagott. í tilefni afmælisins hefur kvintettinn
pantað ný verk frá þremur íslenskum tónskáldum, þeim Hauki Tóm-
assyni, Hjálmari H. Ragnarssyni og Karólínu Eiríksdóttur. Á hverjum
tónleikanna munu koma fram gestir í einu eða fleiri verkum.
Nk. þriðjudag verður frumfluttur
nýr sextett fyrir sembal og blásar-
akvintett eftir Karólínu Eiríksdótt-
ur. Gestur tónleikanha er sembal-
og píanóleikarinn Robyn Koh. Hún
er fædd í Malasíu en býr nú og
starfar í Englandi. Hún mun einnig
leika á píanó í sextett eftir Francis
Poulenc með þeim félögum. Önnur
verk á efniskránni eru eftir Jean
Francaix og Jacques Ibert. Aðrir
gestaflytjendur í vetur verða sænski
vísnasöngvarinn Jan Olaf Anders-
son, Quintessence-blásarakvintett-
Blásarakvintett Reykjavík.
inn og Kjartan Óskarsson bassa-
klarinettuleikari.
Auk tónleikahalds hér heima
ferðast Blásarakvintett Reykjavík-
ur mikið. Þeir félagar eru nýkomn-
ir úr Ameríkuför og á næstunni eru
fyrirhugaðar tónleikaferðir m.a. til
Ítalíu, Frakklands og Englands.
Kvintettinn gerði nýverið samning
við breska útgáfufyrirtækið CHAN-
DOS um gerð sex hljómdiska á
næstu árum og verður sá fyrsti
unninn í Englandi á sumri kom-
anda.