Morgunblaðið - 06.05.1992, Blaðsíða 3

MORGUNBLAÐIÐ MIÐVIKUDAGUR 6. MAI 1992
3
Þormóður rammi kaupir meirihluta Skjaldar:
Ekkí dregið úr rekstrinum
- segir Ólafur Marteinsson framkvæmdastjóri
ÞORMÓÐUR rammi hf. á Siglufirði hefur keypt meirihluta hlutafjár
í hraðfrystihúsinu Skildi hf. á Sauðárkróki. Seljendur hlutabréfanna
eru nokkur stórfyrirtæki í Reykjavík og fá þau söluverðið greitt með
hlutabréfum í Þormóði ramma hf.
Skjöldur hf. rekur hraðfrystihús
á Sauðárkróki og gerir út togarann
Drangey sem með 1.650 tonna kvóta
í þorskígildum reiknað. Olafur Mar-
teinsson framkvæmdastjóri Þormóðs
ramma hf. sagði í samtali við Morg-
unblaðið að ekki væri fyrirhugað að
sameina rekstur fyrirtækjanna. Aft-
ur á móti gæfi náin samvinna mögu-
leika á betri og stöðugri rekstri, til
dæmis með hráefnismiðlun. Ólafur
sagði að starfseminni yrði haldið
áfram á Sauðárkróki og að ekki
væri fyrirhugað að draga úr rekstr-
inum, frekar að auka hann. Þó
mætti búast við að í hagræðingar-
skyni yrði stjórnunarþáttur fyrir-
tækjanna sameinaður á Siglufirði.
Fyrirtækin sem seldu Þormóði
ramma hlut sinn í Skildi hf. eru
Eimskip, Jöklar hf., Tryggingamið-
stöðin, BYKO, Hagkaup, ístak og
fleiri. Fá þau greitt í hlutabréfum í
nýju hlutafjárúboði í Þormóði
ramma. Ólafur sagði að þau fengju
bréf að nafnverði um 20 milljónir
kr. sem metin væru á 54 milljónir kr.
Meirihluti annarra hluthafa, sem
er Sauðárkróksbær og ýmis fyrir-
tæki og einstaklingar, aðallega á
Sauðárkróki, hefur samþykkt söl-
una. Fiskiðjan Skagfirðingur hf. sem
er í meirihlutaeigu. Kaupfélags
Skagfirðinga hafði óskað eftir við-
ræðum um kaup hlutabréfanna en
við því var ekki orðið.
Á aðalfundi Þormóðs ramma hf.
sem haldinn var fyrir skömmu var
samþykkt heimild til stjórnar að
bjóða út nýtt hlutafé að fjárhæð 50
til 100 milljónir kr. að nafnverði til
sölu á almennum hlutabréfamark-
aði. Jafnframt var ákveðið að skrá
hlutabréf fyrirtækisins hjá viðskipta-
vaka.
Morgunblaðið/Rúnar B. Ólafsson
*
A leið í pílagrímaflug
Breiðþota Air Atlanta, sem er stærsta flugvél íslenska flugflotans, fer á
næstu dögum í pílagrímaflug. Um síðustu helgi var vélin sett inn í flug-
skýli á Keflavíkurflugvelli, hún merkt Air Atlanta Iceland og íslenski
fáninn málaður á hana. Breiðþotan sjálf var máluð erlendis á dögunum,
en hún var ómerkt þar til nú. Á myndinni sést vélin, sem hefur nú hlot-
ið nafnið Mrs. Knauer, á Keflavíkurflugvelli eftir merkinguna.
Atvinnumiðlun
námsmanna;
Fleiri skrán-
ingar en í allt
fyrrasumar
Þúsundasti námsmaðurinn mun
að öllum líkindum skrá sig hjá
atvinnumiðlun námsmanna í dag.
í fyrrasumar voru 900 námsmenn
skráðir hjá atvinnumiðluninni. Þá
tókst að útvega öllum atvinnu en
líkur eru á að atvinnuástand verði
mun verra á þessu sumri, að sögn
Ástu Snorradóttur framkvæmda-
stjóra atvinnumiðlunarinnar.
Ásta sagði að hringt hefði verið
í fyrirtæki og atvinnumiðlunin aug-
lýst í ýmsum miðlum. Engu að síður
væru færri störf á skrá en á sama
tíma í fyrra. Þá hefði tekist að út-
vega öllum, sem ekki hefðu fundið
sér eitthvað að gera sjálfir, atvinnu.
Nú sæi hún aftur á móti fram á að
atvinnuástandið yrði erfitt nema
eitthvað róttækt gerðist og ekki
væri víst að hægt yrði að finna vinnu
fyrir alla.
Flestir skrá sig hjá atvinnumiðl-
uninni snemma á vorin en Ásta
kvaðst búast við að enn ættu náms-
menn eftir að koma til skráningar.
Benti hún í því sambandi á að ennþá
væru margir námsmenn í prófum.
Hún vildi hvetja fyrirtæki til að hafa
samband við miðlunina í leit að sum-
arafleysingafólki. Á skrá hjá miðlun-
inni eru námsmenn frá 16 ára aldri.
Að henni standa framhaldsskólar,
Háskólinn, sérskólar og námsmenn
erlendis.
Launahækkun í miðl-
unartillögunni:
Rafverktakar
hvattir til að
hækka ekki
útselda vinnu
Landssamband íslenskra raf-
verktaka hefur beint þeim til-
mælum til rafverktaka að þeir
láti ekki þá 1,7% launahækkun
sem kveðið er á um í miðlunartil-
lögu ríkissáttasemjara, fara út í
verðlagið með því að hækka út-
selda vinnu á móti.
Tillaga þessa efnis var samþykkt
á vorfundi landssambandsins _sem
haldið var 1-2. maí. Að sögn Árna
Brynjólfssonar framkvæmdastjóra
sambandsins verður ekki gefinn út
nýr taxti fyrir útselda rafverktaka-
vinnu heldur mun gamli taxtinn
gilda áfram.
N 0 FÆRÐU
NAUTAKJÖT
Á GÓÐU
VERÐI
í NÆSTU
VERSLUN!
í byrjun mars lækkuðu bændur verð á nautakjöti.* Júlíus og Jón hjá Félagi matvörukaupmanna
fagna þessu frumkvæði bænda. Þeir eru sannfærðir um að þessi verðlækkun örvi
sölu á nautakjöti og benda á að beinlaust nautakjöt getur verið ódýrasti
kosturinn þegar velja skal gott kjöt í matinn.
‘Lækkunin tekur til framleiðsluverðs ijögurra hæstu
verðflokkanna - besta kjötið lækkar í.verði.
Snitzel
Gúllas
T-bein steik
N Al J TGRIPABÆNDIJ R