Morgunblaðið - 06.05.1992, Blaðsíða 17

MORGUNBLAÐIÐ MIÐVIKUDAGUR 6. MAÍ 1992
17
Grundvellinum raskað
í kjölfar búvörulaganna 1985
er sett á fót nefnd fimm manna
til að úrskurða rétt einstakra fram-
leiðenda og er hún að meirihluta
skipuð fulltrúum Stéttarsambands
bænda. Bendir Sigurður á að þarna
sé úrskurðarvald framselt til aðila
utan stjórnkerfisins, þar á meðal
hagsmunaaðila, en skjóta má úr-
skurðum til ráðherra og öll máls-
meðferð verði borin undir dóm-
stóla. Þetta veiti þó takmarkaða
vernd vegna langrar leiðar til end-
anlegrar niðurstöðu. Þá skal taka
ákvarðanir um beitingu heimilda
til að stjórna búvöruframleiðslunni
með reglugerð án nánari fyrirmæla
í lögunum. Við setningu fyrstu
reglugerðanna gerist það að
grundvelli réttar til mjólkurfram-
leiðslu fyrir 1984 er raskað og
einnig grundvelli réttar til fram-
leiðslu sauðfjárafurða fyrir 1985,
auk þess sem grundvelli til fram-
leiðslu nautakjöts er raskað 1985.
„Þetta er meðal verstu mál'a ald-
arinnar. Það sem gerðist i reynd
er að þeir sem drógu saman fram-
leiðslu á tímabilinu 1980-1985 að
hvatningu bændasamtakanna
misstu rétt, en þeir sem juku fram-
leiðsluna á þessu tímabili andstætt
við það sem að var stefnt fengu
aukinn rétt vegna þess að allt í
einu er ákveðið að raska
viðmiðunargrundvelli framleiðslu-
áranna 1976-1978. Hinir lög-
hlýðnu sem drógu úr framleiðsl-
unni misstu rétt. Þarna sjá menn
hinar háskalegu afleiðingar þess
að setja ekki skilmerkileg ákvæði
í lög. Þarna hoppa hagsmunasam-
tökin og framkvæmdavaldið yfir á
allt annan grundvöll með þessum
afleiðingum. Það eru til jarðir sem
eru gjörsamlega kvótalausar í
skjóli þessara reglna. Eg er ekkert
að æsa menn til málaferla, en hef
sagt að oft hafi verið farið í mál
af minna tilefni en þessu. Mér
finnst þetta ekki geta staðist. Þetta
misbýður réttlætistilfinningu
manna.“
Sigurður telur að líkt og 1979
hafi Alþingi með lagasetningunni
1985 alls ekki tekið á málunum,
og valdið sé enn framselt langt
umfram heimildir.
„Raunveruleg framkvæmd lag-
anna er ekki á dagskrá hjá mér í
þessari ritgerð, og ég gagnrýni
hana aðeins að því leyti sem ég
get ráðið það af lögunum. Ég segi
ekkert um það hvort einhver spill-
ing sé í þessu, um það veit ég
ekkert. í skjóli þessara reglugerða
getur allt gerst, og þannig eiga
reglur ekki að vera. Það er kjarni
málsins," sagði Sigurður Líndal.
„Ævintýri á
norðurslóð-
um“ hlýtur
verðlaun
KVIKMYNDIN „Ævintýri á
norðurslóðum" hefur hlotið
viðurkenningu EUREKA
audivisiuel, seni er sam-
starfsverkefni evrópuþjóða á
sviði kvikmynda og sjón-
varps. Er þetta fyrsta ís-
lenska kvikmyndin sem hlýt-
ur slíka viðurkenningu.
Viðurkenningin byggir á því
að hér sé um sérstaklega mark-
vert samstarfsverkefni íslend-
inga, Færeyinga og Grænlend-
inga að ræða sem undirstriki
menningarleg sérkenni þessara
þjóða í útjaðri Evrópu og lýsi
hugarheimi barna í þessum
löndum.
Meginmarkmið EUREKA
audovisiUel er að skapa aukna
möguleika á framleiðslu og
dreifingu kvikmynda- og sjó-
varpsefnis og styrkja þannig
evrópskan kvikmynda- og sjón-
varpsmarkað.
Ríkissljórnin heitir föstu gengi næsta árið:
Sjávarútvegurinn verð-
ur að reyna að þrauka
- segir Kristján Ragnarsson framkvæmdastjóri LÍÚ
KRISTJÁN Ragnarsson framkvæmdasljóri Landssambands íslenskra
útvegsmanna segir að þótt raungengi komi til með að lækka í kjöl-
far kjarasamninganna vegna minni verðbólgu hér en í helstu við-
skiptalöndunum, eigi sjávarútvegurinn í slíkum erfiðleikum að ekki
sjái út úr þeim. Hins vegar hafi ríkisstjórnin heitið því að gengi
verði haldið stöðugu á samningstímanum við það verði sjávarútvegur-
inn að sætta sig, reyna að þrauka og vona að afurðir hækki aftur
eitthvað í verði.
„Gangi þessir samningar eftir
verður verðbólgan hér undir meðal-
verðbólgu í viðskiptalöndunum og
með þeim hætti mun raungengið
lækka og samkeppnisstaðan
batna,“ sagði Kristján. „Áð því leyti
er þetta jákvætt og víðtækur skiln-
ingur á þessari niðurstöðu sýnir að
fólk hefur skilið samhengi vinnunn-
ar og launanna betur en áður. Fólk
sá fram á, að fjöldi fyrirtækja, sér-
staklega í sjávarútvegi, var að
kikna. Launafestan og öryggið er
einnig mikils virði. í heildina tekið
verður því við þetta unað, en þetta
leysir ekki vandamál stórs hluta
íslensks sjávarútvegs og rekstrar-
dæmið þar er mjög slæmt. Og
minnkun veiðiheimildanna veldur
slíkum erfiðleikum að menn sjá
ekki út úr þeim,“ sagði Kristján.
Þegar Kristján var spurður hvort
gengislækkun myndi leysa þau
vandamál svaraði hann að því væri
gjarnan haldið fram að gengisfell-
ing breytti engu. „En þótt skuldir
hækki um leið og tekjurnar hækka
þá hækka skuldirnar aðeins einu
sinni en tekjuhækkunin verður við-
varandi. Fyrir skuldugustu fyrir-
tækin í erlendri mynt myndi gengis-
felling litlu eða engu breyta en fyr-
ir ijöldann myndi hún breyta miklu.
En gengisfelling þýðir ekkert annað
en skerðingu á kjörum og minni
kaupmátt en einnig minni viðskipta-
halla sem er önnur hlið á þessu
máli serh of mikið er horft fram-
hjá,“ sagði Kristján Ragnarsson.
----»-■■♦ -♦-
Strákagöng:
Vegskáli
boðinn út
TRÉSMÍÐAVERKSTÆÐI Sig.
Konráðssonar á Sauðárkróki átti
lægsta tilboð í gerð vegskála við
Strákagöng í nýlegu útboði Vega-
gerðarinnar. Tilboð fyrirtækisins
var 14,6 milljónir kr. sein er 78%
af 18,7 milljóna kr. kostnaðar-
áætlun.
Vegskálinn verður 28 metra lang-
ur. Á að gera hann í sumar og skal
verktaki skila af sér fyrir 30. ágúst.
Eitt annað tilboð barst, frá Bygg-
ingafélaginu Berg hf. á Siglufirði,
18,8 milljónir kr.
Sakadómur Reykjavíkur:
Fangelsi fyrir að falsa erfðaskrá
SAKADÓMUR Reykjavíkur hefur dæmt 62 ára gamlan mann til 12
mánaða fangelsisvistar, þar af 9 mánuði skilorðsbundið í 3 ár, fyrir
að hafa falsað erfðaskrá þess efnis að hann sjálfur skyldi erfa helm-
ing um 27 milljóna króna eigna manns sem hann var kunnugur og
stóð í trúnaðarsambandi við. Erfðaskránni framvísaði hann á skrif-
stofu hæstaréttarlögmanns sem fenginn hafði verið til að annast
skipti í dánarbúi arfleifandans. Tveir menn, 76 og 58 ára, voru sýkn-
aðir af ákærum um að hafa vottað hina fölsuðu erfðaskrá með
þeirri röngu áritun að arfleifandinn hefði í viðurvist þeirra ritað
nafn sitt undir hana.
Arfleifandinn féll frá 84 ára gam-
all árið 1990. Hann lét ekki eftir
sig skylduerfingja en 10 systkina-
börn hans voru lögerfingjar. Hæsta-
réttarlögmaður var fenginn til að
annast skipti í dánarbúinu. Þegar
innköllun hafði verið gefin út gaf
maður, sá sem nú hefur verið
dæmdur, sig fram og framvísaði
erfðaskránni.
Lögmaðurinn hafði rætt erfða-
mál við arfleifandann þrisvar eftir
dagsetningu erfðaskrárinnar án
þess að þar væri minnst á tilurð
hennar, heldur þvert á móti að eng-
in erfðaskrá hefði verið gerð og
leiddi það ásamt öðru til að óskað
var opinberrar lögreglurannsóknar
á málinu.
Leitað var til rithandarsérfræð-
ings RLR og norsks sérfræðings
sem báðir komust að þeirri niður-
stöðu að arfleifandinn hefði ekki
undirritað plaggið heldur væri um
fölsun að ræða.
Báðir mannanna sem ákærðir
voru fyrir að votta erfðaskrána
kváðust hafa undirritað plögg á
heimili hins dæmda að arfleifandan-
um viðstöddum. Annar þeirra sagð-
ist þó ekki hafa lesið það sem hann
ritaði undir en hinn kvaðst meðal
annars hafa undiritað auð blöð fyr-
ir þann sem ákærður var fyrir föls-
unina. Hvorugur þeirra kannaðist
við að sér hefði verið kynnt að um
erfðaskrá væri að ræða eins og
fram kom í vottuninni. Sá dæmdi
neitaði ávallt að um fölsun hafi
verið að ræða en dómurinn taldi
það engu að síður sannað en sýkn-
aði vottana af ákærum.
Endurklcebum húsgögn.
Gott úrval áklceba.
Fagmenn vinna verkib.
BólstranÁsgríms,
Bergstaðastræti 2,
sími 16807.
ÖRYGGIS OG
GÆSLUKERFI
FRÁ ELBEX
SPARIÐ TÍMA FÉ
OG FYRIRHÖFN
og skapid ðruggarí
virsnu og rekstur með
EIBEX sjónvarpskerfi.
Svart hvítt eða I lit, ■
úö og tnní kerli.
Engin lausn er of
flðkin fyrir ELSEX.
kynnlft ykkur möguteikín*.
Borgaitúni 28, simi 9í-622800
Sterkurog
hagkvæmur
auglýsingamióill!