Morgunblaðið - 15.12.1992, Blaðsíða 23

MORGUNBLAÐIÐ ÞRIÐJUDAGUR 15. DESEMBER 1992 23
Arkitektúr í
Hafnarfirði
'2-2. désember 1992*5,* J
,/ 7 'V-^V
Myndllist
Eiríkur Þorláksson
Það hefur fjölgað geysilega í
stétt arkitekta síðustu ár, og nú
eru um 145 íslendingar við nám
í arkitektúr og innanhússarki-
tektúr við erlendar menntastofn-
anir. Það segir sig sjálft, að ein-
ungis hluti þessa stóra hóps get-
ur gert sér vonir um að geta
starfað í þessum greinum hér á-
landi í náinni framtíð; núverandi
kreppuástand gerir slíkt enn ólík-
legra. Samkeppnin verður því
mikil, og er ekki ólíklegt að þeir
sem hafa tekið hluta námsins hér
á landi kunni að standa eitthvað
betur að vígi á vinnumarkaðinum
fyrir vikið.
Arkitektafélag íslands hefur
um nokkurt skeið barist fyrir að
hér yrði stofnaður arkitektaskóli,
og þessi menntun þannig færð
inn í landið. Þetta hefur ekki
fengið miklar undirtektir ennþá,
en beðið er eftir að lög um Lista-
háskóla íslands verði samþykkt
á Alþingi, en í þeim yrði væntan-
lega heimildarákvæði um kennslu
í arkitektúr. En sem fyrsta skref
á þessu sviði hefur Arkitektafé-
lagið tekið upp samvinnu við er-
lendan skóla um kennslu hér á
landi.
í ágústmánuði hófu sextán
nemendur við Arkitektaháskól-
ann í Osló vinnu hér á landi við
verkefni í eina námsönn, sem nú
er lokið, og er afraksturinn uppi-
staðan í sýningu sem stendur
yfir í Sverrissal Hafnarborgar í
Hafnarfirði. I hópnum eru tíu
íslenskir nemendur og sex norsk-
ir, en aðalkennarar þeirra hafa
verið arkitektarnir Valdís
Bjarnadóttir og Steve Christer;
skipulagsyfirvöld í Hafnarfírði,
sem og menntamálaráðuneyti,
umhverfisráðuneyti, borgar-
skipulag og fleiri aðilar hafa stutt
þetta verkefni dyggilega.
Það er nokkuð þröngt um sýn-
inguna í salnum, og uppsetningin
auðveldar gestum ekki að skoða
verkin, heldur þvert á móti.
Heildarsvipurinn ber keim af inn-
setningu, þar sem dót úr Rafha-
verksmiðjunni (þar sem hópurinn
hafði vinnuaðstöðu) er notað til
skreytingar, og vinnumyndir eru
hengdar niður úr lofti, en ekki á
veggi. En þegar verkefnalýsing-
ar hafa verið athugaðár, kemur
í ljós að vinnuteikningum er rað-
að skipulega, þó stundum þurfi
að leita þess sem á saman.
Þær hugmyndir sem nemend-
ur hafa unnið úr eru eins fjöl-
breyttar og þær eru margar.
Þarna getur að líta félagsmið-
stöðvar eða athvörf, íbúðarbygg-
ingar, fæðingaheimili, glasa-
Hafnfirsk verk arkitektanema.
fijóvgunarstöð, stjörnu- og jarð-
skjálftaathugunarstöð, verk-
smiðjur og umferðaræðar; alls
staðar er það byggð og landslag
Hafnarfjarðarbæjar sem er ráð-
andi þáttur í verkunum.
Nemendur hafa útfært hug-
myndir sínar á mismunandi vegu.
Sumir hafa lagt fram ítarlegar
teikningar, aðrir hafa byggt mód-
el, en nokkrir hafa lagt meira
upp úr tengslum landsins og
byggingarinnar. Ýmsar hug-
myndanna virðast fyrst og fremst
athugun á tengslum rýmis og til-
gangs bygginganna, og leggja
mest upp úr ytri áhrifum, en
aðrar væri forvitnilegt að sjá í
framkvæmd; hér má nefna hug-
myndir Sigríðar Önnu Eggerts-
dóttur um íbúðir við hafið og þá
kjarnatengingu sem Anna Mar-
grét Tómasdóttir leggur til í verk-
efni sínu, „Stiklað í hrauni".
Hugmynd Þorleifs Eggertssonar
um vatnsátöppunarverksmiðju
við Kaldá er vel útfærð og fellur
vel inn í landið, og tillaga Sissel
Rúbe um stjörnu- og jarðskjálfta-
athugunarstöð virðist skemmti-
leg verkfræðiþraut við fyrstu sýn.
Fleira forvitnilegt mætti nefna
af því sem hér getur að líta, en
hér skal látið staðar numið.
Sú tilraun, sem hér hefur verið
gerð til að færa hluta af námi
arkitekta framtíðarinnar inn í
landið, er allrar virðingar verð,
og vel til þess failin að beina
athygli að nýjum og oft óvenju-
legum hugmyndum til lausnar
skipulagsverkefnum. Hvort ein-
hveijar þeirra hugmynda sem hér
sjást eru nothæfar eða ekki skal
ósagt látið, en þó kæmi ekki á
óvart að hluti þeirra yrði að veru-
leika í framtíðinni, þó það verði
ekki alveg á næstu árum; stækk-
andi bær getur alltaf notað nýjar
hugmyndir.
- Sýningin á hafnfirskum verk-
um arkitektanemanna frá Osló í
Hafnarborg stendur til þriðju-
dagsins 22. desember.
Jj^diMífínal^þiÖnu^a