Morgunblaðið - 29.12.1992, Blaðsíða 33

MORGUNBLAÐIÐ ÞRIÐJUDAGUR 29. DESEMBER 1992
33
Evrópa Svíþjóð
Bílafram-
leiðendur
birta saman-
burðarverð
innan EB
BÍLAFRAMLEIÐENDUR hafa
samþykkt að birta tvisvar á ári
samanburðarlista yfir valin ný
ökutæki þar sem bornir verða
saman eiginleikar og verð innan
Evrópubandalagsins.
Krafan um birtingu slíks lista
er komin frá nefnd Evrópubanda-
lagsins sem fjallar um samkeppn-
ismál. Krafan kom fram í kjölfar
þess að Neytendasamtök Evrópu
bentu á að munað gæti allt að 40%
á verði nýrrar bifreiðar eftir því
hvar í Evrópubandalaginu hún er
keypt.
Sir Leon Brittan, formaður
nefndarinnar um samkeppnismál,
telur að birting listans muni auð-
velda neytendum að gera hagstæð
bifreiðakaup. Hann telur ennfrem-
ur að framleiðendur neyðist nú til
samræma verð innan Evrópu.
Samkvæmt samkomulaginu um
útgáfu listans verða allir bifreiða-
framleiðendur sem selja bíla sína
innan Evrópubandalagsins að velja
einn bíl úr hveijum framleiðslu-
flokki og gefa upplýsingar um
grunnverð, auk verðs á fimm al-
gengra tegunda aukabúnaðar.
Einnig verða að koma fram upp-
lýsingar um ábyrgðir, þjónustu og
afhendingarkostnað. Verðið á að
gefa upp bæði í innlendum gjald-
miðli og 'ECU, og bæði með og
án skatta.
Listinn verður gefinn út tvisvar
á ári, í maí og nóvember, og nær
til 10 landa Evrópubandalagsins,
en Danmörk og Grikkland eru
undanskilin vegna gífurlega hárra
skatta á bíla þar.
Fjarskipti
Ericson og
Hewlett-
Packard
hefja sam-
starf
SÆNSKA símafyrirtækið Eric-
son og bandaríska tölvufyrir-
tækið Hewlett-Packard hafa
stofnað fyrirtæki saman til að
vinna að tækniþróun í tölvusam-
skiptum.
Hið nýja fyrirtæki er að 60%
hluta í eigu Ericson og verða aðal-
stöðvar þess í Stokkhólmi. Einnig
verða skrifstofur í Gautaborg og
í Grenoble í Frakklandi þar sem
tölvusamskiptadeild Hewlett-
Packard er staðsett.
Fyrirtækið hefur fengið nafnið
Ericson Hewlett-Packard
Telecommunications AB og er
ætlunin að starfsemin hefjist þeg-
ar á fyrsta ársfjórðungi 1993.
Talsmenn Ericson og HP neituðu
að gefa upp áætlanir um tekjur
hins nýja félags en upplýstu að
áætlaður starfsmannafjöldi væri
350. Báðir aðilar tóku fram að hér
væri um að ræða umtalsverða fjár-
festingu fyrir félögin.
Markmið fyrirtækisins er að
þjónusta hinn ört vaxandi hóp við-
skiptavina sem leita að tölvukerf-
um sem bæði bjóða upp á hefð-
bundna notkun netkerfa við stjórn-
un og rekstur, og nýtast ennfrem-
ur beint við þjónustu og samskipti
við viðskiptavini.
Mikil fækkun starfa
hjá hinu opinbera
Á NÆSTU árum mun störfum hjá hinu opinbera fækka gífurlega í
Svíþjóð. Talið er að fækkunin muni nema um 100.000 stöðugildum,
til viðbótar við fækkun um 15.000 störf sem þegar hefur komið til
framkvæmda.
Þessi fækkun stöðugilda mun
skiptast nokkurn veginn jafnt milli
ríkis og sveitarfélaga. Óhjákvæmi-
legt er að í kjölfarið aukist atvinnu-
leysi enn, en í dag eru um 300.000
manns atvinnulausir í Svíþjóð. Að
auki er talið að vandræði geti skap-
ast á fasteignamarkaði þar sem
stærsti hluti þeirra sem missa vinn-
una séu starfsmenn á opinberum
skrifstofum og eftirspurn eftir
skrifstofuhúsnæði í miðbæjum muni
því stórlega dragast saman.
Mest verður fækkun starfa hjá
Símanum, Póstinum og Jámbraut-
unum. Nú þegar hafa um 10.000
manns misst vinnu sína hjá þessum
stofnunum. Aftur á móti fjölgar
störfum nokkuð hjá Endurmennt-
unarstofnun atvinnulífsins og hjá
utanríkisþjónustunni.
íslenski hlutabréfasjóðurinn hf.;
GÓÐ LEIÐ TIL AÐ LÆKKA
SKATTANA ÞÍNA
í ágúst síöastliönum fengu mörg hundruð hluthafar í íslenska hlutabréfasjóðnum hf.
ánægjulega sendingu frá skattinum, eöa um 37.000 króna endurgreiðslu á tekjuskatti.
í ár eiga einstaklingar sem fjárfesta í hlutabréfum* einnig kost á um 37.000 króna
skattaafslætti. Kaupa má hlutabréf fyrir hvaöa fjárhæö sem er en hámarksafsláttur miöast
viö 94.000* króna kaup. Þannig getur skattaafsláttur hjóna numiö tæpum 75.000 krónum.
Fjárfestingar í hlutabréfum geta verið áhættusamar. Hlutabréf eru í eðli sínu
langtímafjárfesting og skattaafsláttur miðast viö tveggja ára eignarhaldstíma. Arðsemi af
hlutabréfaeign veröur því fyrst og fremst metin eftir a.m.k. tveggja ára eignartíma.
íslenski hlutabréfasjóðurinn dreifir áhættu meö kaupum á hlutabréfum margra félaga
í ólíkum atvinnugreinum og stuölar aö auknu öryggi hluthafa
meö kaupum á skuldabréfum.
Islenski hlutabréfasjóöurinn
dreifir áhættu í hlutabréfaviðskiptum
Heildar-
áhætta
Ahætta tengd
einstöku fyrirtæki
EIGNASAMSETNING
íslenska hlutabréfasjóösins
11. desember 1992
4% Bankainnstæður
Hlutabréf
48%
Skuldabréf
38%
1 5
Fjöldi hlutabréfa
5%
Hlutdeildarskírteini
á erlendum grunni
5%
Hlutdeildarskírteini
á innlendum grunni
Landsbréf eru viðskiptavaki hlutabréfa íslenska hlutabréfasjóðsins og tryggja að ávallt sé
markaður fyrir hendi með hlutabréf félagsins.
Leitaöu upplýsinga hjá ráögjöfum okkar og umboösmönnum
í Landsbanka íslands um allt land.

LANDSBRÉF HF.
Landsbankinn stendur með okkur
Suðurlandsbraut 24, 108 Reykjavík, sími 91-679200, fax 91-678598
Löggilt veröbréfafyrirtæki. Aðili að Verðbréfaþingi íslands.
*Hlutabréf viðurkennd
af ríkisskattstjóra
og frádráttarbær til skatts
skv. núgildandi skattalögum.