Morgunblaðið - 07.04.1993, Blaðsíða 10

10
MORGUNBLAÐIÐ MIÐVIKUDAGUR 7. APRÍL 1993
Lýgur meira
en hann m....
Leiklist
Súsanna Svavarsdóttir
Mög'uleikhúsið: Geiri lygari.
Handrit og söngtextar: Pétur
Eggerz. Sönglög: Ingvi þór
Kormáksson. Leikstjórn:
Bjarni Ingvarsson. Leikmynd
og búningar: Leikhópurinn.
í búðinni hjá Sigvalda kaup-
manni kennir margra grasa.
Hann er einn af þessum fágætu,
yndislegu kaupmönnum á hom-
inu, sem selur títupijóna og ha-
framél, lyftiduft og húsamáln-
ingu — og allt þar á milli. Ef
viðskiptavininn vanhagar um
eitthvað, pantar Sigvaldi það
bara frá hinum síglaða Matta.
Hann afhendir vörurnar með
bros á vör. Talar í bundnu máli
og bjargar öllu sem bjargað
verður.
Það er mikið að gera í búð-
inni hans Sigvalda og því þarf
hann að hafa aðstoðarmann. Það
er drengur nokkur sem Geiri
heitir. En Geiri hefur bara einn
stóran galla, sem er heldur til
vandræða. Hann er svo óttalega
lyginn. Þegar leikurinn hefst er
Sigvalda farið að lengja nokkuð
eftir Geira, sem hefur farið í
örstutta sendiferð til að kaupa
dagblað. Þegar hann loks snýr
til baka, lýgur hann því að það
hafi bara verið svo löng röð við
blaðabúðina; hún hafi náð þrjá
hringi í kringum húsið, í henni
hafi verið að minnsta kosti þús-
und manns. Það besta við lygar
Geira er að þær eru nokkuð
augljósar. Að minnsta kosti
flestar. Þó lýgur hann meira en
hann m...... Þegar Sigvaldi
ákveður að geyma Geira í búð-
inni og fara sjálfur að kaupa
dagblað, fer þó næstum illa,
þegar Jarþrúður gamla (fastur
kúnni), er að versla. Hún sér
varla handa sinna skil, fyrir
sjóndepru, hvað þá í gegnum
iygar Geira. En annríkið hjá
Geira verður heldur meira en svo
að hann megi vera að því að
velta vöngum yfir því, vegna
þess að þjófur er laus í bænum
og auðvitað lítur hann inn í Sig-
valdabúð, rétt á meðan Geiri er
þar einn, bindur hann og keflar
og rænir peningakassanum. Og
aumingja Geiri, sem hefur kallað
á lögguna til að handtaka Jar-
þrúði; hafði logið því að hún
væri dulbúinn þjófur. Þetta fer
næstum því mjög illa.
Geiri lygari er fjórða sýningin
sem Möguleikhúsið setur upp til
sýninga á leikskólum á höfuð-
borgarsvæðinu. Hún er bæði
fjörmikil og skemmtileg. Text-
inn er hnyttinn og nokkuð krefj-
andi og söngvarnir bráð-
skemmtilegir. í leikhópnum eru
þau Pétur Eggerz, Bjarni Ing-
varsson, Alda Amardóttir og
Stefán Sturla Sigurjónsson. Það
var alveg ljóst af bömunum á
Kvistaborg, þar sem hópurinn
sýndi á mánudaginn, að þau
stóðu með Geira, sem leikinn er
af Stefáni Sturlu; alveg sama
hversu lyginn hann er og hversu
mörg skammarstrik hann gerir
Geiri (Stefán Sturla Sigurjóns-
son) felur sig fyrir þjófnum,
sem hann veit ekki hvort er
alvöru, eða einhver Iygin úr
sjálfum sér, og löggan (Bjarni
Ingvarsson) kemur honum til
hjálpar.
af sér. Það var þó ekki laust við
að færi um þau, þegar
skammarstrikin bitnuðu á Jar-
þrúði gömlu, sem kom inn grá-
hærð, en fór einhverra hluta
vegna út bláhærð. Ups!
Leikhópurinn er mjög vel
samstilltur, sýningin þétt og
heldur vel athygli smávaxinna
áhorfenda. Sjálf var ég hrifnust
af vinnu Öldu í hlutverki Jar-
þrúðar. Jarþrúður er hálfkölkuð
og vita sjónlaus og verður því
skolli fyndin og Alda fylgir þess-
um eiginleikum vel eftir með
fótaburði, hreyfingum og í svip-
brigðum.
Leikmyndin er mjög vel unn-
in, alger Ieikfangaútgáfa af
matarbúð. Ég verð að játa, að
mig langaði mest í búðarleik
með vinkonum mínum þegar
sýningunni var lokið. Og mér
sýndist ég ekki vera ein um það.
Stabat Mater 1
Bústaðakirkju
A SKIRDAGSKVOLD klukkan
20.30 mun Kirkjukór Bústaða-
kirkju ásamt einsöngvurum og
hljómsveit flylja Stabat Mater
eftir Pergulesi. Þetta er frægasta
kirkjulega verk Pérgulesi, sem
hann samdi skömmu áður en hann
lést aðeins 26 ára gamall. Hann
hafði verið beðinn að semja þetta
verk fyrir bræðrareglu í Napólí
og skyldi þetta nýja verk leysa
af hólmi eldra verk eftir Ales-
sandro Scarlatti. Það hafði þá
verið flutt á föstudeginum langa
um árabil.
Sagt er að Francesco Feo, vinur
og fyrrum kennari Pergolesis, hafi
heimsótt hann þegar hann vann að
verkinu. Aðkoman var heldur ömur-
leg, því Pergolesi var heltekinn
berklaveiki og lá fárveikur í rúmi
sínu. Var hann með verkið í höndun-
um næstum fullgert.
Pergolesi lést nokkrum dögum
síðar, eða 16. mars árið 1736, 26
ára gamall og var jarðsunginn í fá-
tækrakirkjugarði.
Stabat Mater segir frá pínu og
dauða Jesú Krists og þykir áhrifa-
mikið verk. Það hefur verið flutt í
kirkjum víða um heim á föstudaginn
langa eða dagana á undan eða eftir.
Pergulesi semur þetta verk þegar
honum er sjálfum ljóst hvert stefni
með líf sitt og hann líður þjáningar
vega veikindanna.
Sem fyrr segir mun Kirkjukór
Bústaðakirkju flytja verkið á tónleik-
um í Bústaðakirkju á skírdags-
kvöldi. Stjórnandi kórs og 11 manna
hljómsveitar er Guðni Þ. Guðmunds-
son.
Einsöngvarar verða Guðrún Jó-
hanna Jónsdóttir sópran, Elín Huld
Árnadóttir sópran, Magnea Tómas-
dóttir sópran, Erla Þórólfsdóttir
sópran, Anna Sigríður Helgadóttir
alt og Guðbjört Kvien alt.
Á milli þátta mun sóknarprestur-
inn, sr. Pálmi Matthíasson, lesa ís-
lenska þýðingu Matthíasar Jochums-
sonar á textanum auk lestra úr ritn-
ingunni.
Auk verksins Stabat Mater mun
kórinn flytja negrasálma og Taize-
söngva, sem nú njóta mikilla vin-
sælda víða um heim.
(Fréttatilkynning)
Á skírdagskvöld mun Kirkjukór Bústaðakirkju ásamt einsöngvurum
og hljómsveit flytja Stabat Mater eftir Pergulesi.
Listhúsið Laugardal
Húsgögn og málverk
KRISTINN Brynjólfsson, innan-
húsarkitekt, opnar sýningu, í dag
miðvikudaginn 7. apríl í sýning-
arsal Listagallerís í Listhúsinu í
Laugardal á ýmsum húsgögnum
sem hann hefur hannað og má þar
til telja hin þekkta sófa „Wave“
sem hlotið hefur mikla viðurkenn-
ingu fyrir glæsilegt og fágað útlit.
Einnig mun hann sýna ýmis sér-
stæð húsgögn frá Desform, en hann
hefur sérhæft sig í að kynna ítalska
hönnun hér á landi. Sýningin verður
opin til 18. apríl og er opin alla daga
nema páskadagana.
Sama dag mun Hringur Jóhann-
esson opna einkasýningu sína í mið-
rými Listhússins.
1 Kfl 91 97fl L^RUS Þ' VALDIMARSSON framkvæmdastjóri
L I IvVfalO/U KRISTINN SIGURJÓNSSON, HRL. löggiltur fasteignasali
Til sýnis og sölu m.a. eigna:
Neðri hæð á góðu verði
í tvibhúsi v. Njálsgötu 3ja herb. neðri hæð um 70 fm. IMýl. eldhinnr.
Reisul. steinh. Laus strax. Tilboð óskast.
Glæsileg sérhæð í Hlíðunum
neðri hæð rúmir 140 fm nettó. Allar innréttingar og tæki af bestu
gerð. Forstherb. með sérsnyrtingu. Stórt geymslu- og föndurherb. í
kj. Mjög góður bílskúr 28 fm.
Glæsilegt raðhús við Melbæ
m. 7 herb. íb. um 170 fm á tveimur hæðum. Innr. kj. um 85 fm. m.
frábærri fjölskaðstöðu. Sérbyggður bílsk. Góð lán áhv.
Hveragerði - einbhús - tilboð óskast
Mjög gott sænskt timburhús um 120 fm auk bílsk. Ræktuð lóð. Laust
fljótl. Skipti mögul. á lítilli íb. í borginni eða nágr.
„Gamla“ húsnæðislánið kr. 5,0 millj.
Ný og glæsil. 3ja herb. íb. 82,3 fm á 2. hæö á vinsælum stað í Graf-
arv. Þvkrókur á baði. Fullgerð sameign. Laus fljótl.
Á móti suðri og sól
í Suðurhlíðum Kópavogs húseign m. 5 herb. íb. á tveimur hæðum og
2ja herb. íb. í kj. Stór og góður bílsk. Mikið útsýni. Ýmis konar eigna-
skipti mögul. Tilboð óskast.
Nýleg og góð með bílskúr
V. Lyngmóa í Gbæ 4ra herb. goð íb. á 2. hæð tæpir 100 fm. Góður
bílsk. Mikið útsýni. Vinsæll staður. Gott verð.
Daglega leita til okkar
fjársterkir kaupendur með margs konar óskir um fasteignaviðskipti.
Sérstaklega óskast góð húseign með tveimur íbúðum.
Ennfremur óskast 3ja-5 herb. íbúðir með bílskúrum og 2ja herb. íbúð
með miklu húsnæðisláni.
• • •
Auglýsum á morgun.
Opið á skírdag og
laugardaginn kl. 10-16.
AIMENNA
FASTEIGNASAl AN
LAUGAVEG118 SÍMAR 21150 - 21370
Einar Ingimundarson
sýnir í Hveragerði
Frá Grímsá, er eitt málverkanna
sem Einar sýnir í Hveragerði.
EINAR Ingimundarson málari
úr Borgarnesi opnar mál-
verkasýningu í Hveragerði á
morgun, skírdag. Málverka-
sýningin verður í félagsheimili
Ölfusinga, við hliðina á Blóma-
skálanum Eden.
Höggmyndasýning í Gerðubergi
MENNINGARMIÐSTOÐIN
Gerðuberg mun standa fyrir
skúlptúrsýningu síðsumars.
Sýning þessi er liður í afmælis-
haldi Gerðubergs, en menning-
armiðstöðin varð 10 ára í mars
síðastliðnum.
Sýningarsvæðið verður torgið
að norðanverðu, en á því er
útilistaverk eftir Sigurð Guð-
mundsson, anddyri hússins og
gangstétt og garður að sunnan-
verðu. Öllum myndlistarmönnum
er heimil þátttaka en jiriggja
manna nefnd velur verkin. I nefnd-
inni sitja fulltrúar skipaðir af
Myndhöggvarafélagi íslands,
Kjarvalsstöðum og Gerðubergi.
Frestur til að skila inn hugmynd-
um og teikningum að verkum er
til 1. júní, en sýningin opnar á
afmælisdegi Reykjavíkurborgar
18. ágúst.
Á málverka-
sýningunni sem
er sölusýning
verða olíumál-
verk og eftir-
prentanir.
Myndefnið er
sótt í Borgar-
fjarðarhérað og
á Snæfellsnes.
Einar Ingi-
mundarson hef-
ur verið starf-
andi húsamálari í 50 ár og hefur
sinnt málaralistinni í frístundum
sínum. Hann hélt fyrstu málverka-
sýningu sína árið 1947 og sýndi
síðast í Eden fyrir tveimur árum
síðan.
Málverkasýning Einars verður
opnuð klukkan 14 á skírdag. Hún
stendur til 12. apríl.
Einar
Ingimundarson.
Reynimelur - 3ja
50,9 fm góö ósamþ. kjíb. Laus strax,
Verö 3,8 millj.
Kvistaiand - einbh.
1S5 fm eínbhús á einn! hæð
ásamt 50 fm bflsk. 4 svefnherb.
BHsk. nú innr. sem fb.
Sumarbúst. - Grímsn.
Ca 50 fm mjög fallegur nýr bústaður í
Vaðneslandi. 3 svefnherb. Vatn og raf-
magn. Kjarrivaxið girt land. Verð 3,8 m.
L Agnar Gústafsson hrl.fi
Eiríksgötu 4
Mólflutnings-
og fasteignastofa
Kristín Mjöll heldur tónleika í
Listasafni Sigiujóns Ólafssonar
Á SKIRDAG,
fimmtudaginn
8. apríl klukkan
15, heldur Krist-
ín Mjöll Jakobs-
dóttir fagott-
leikari tónleika
í Listasafni Sig-
urjóns Ólafsson-
ar. Leikin verða
verk eftir Dut-
illeux, Devienne og Hindemith,
fyrir fagott og píanó. David
Knowles leikur á píanó. Einnig
verða leikin verk fyrir fagott
og strengi eftir Stamitz og
Francaix. Hildigunnur Hall-
dórsdóttir og Una Sveinbjarnar-
Kristín M. Jakobs-
dóttir fagottleikari.
dóttir leika á fiðlur, Guðmundur
Kristmundsson á lágfiðlu,
Gunnhildur Halla Guðmunds-
dóttir á selló og Einar Sigurðs-
son á kontrabassa.
Kristín Mjöll Jakobsdóttir nam
fagottleik hjá Sigurði Markússyni
við Tónlistarskólann í Reykjavík.
Hún hélt utan til frekara náms
haustið 1987 og lauk mastersprófi
frá Yale School of Music vorið
1989. Þá stundaði Kristín Mjöll
nám við Sweelinck Conservator-
ium í Amsterdam og við Univers-
ity of Cincinnati. Kristín Mjöll
hefur starfað í Hong Kong síðan
haustið 1991.