Morgunblaðið - 21.08.1993, Blaðsíða 14

14
MORGUNBLAÐIÐ LAUGARDAGUR 21. ÁGÚST 1993
Ríkisútvarpið
Uppfærslur frá Metrópólitan
í útvarpinu á laugardögum
Á fundi útvarpsráðs I gær voru samþykkt drög að vetrardag-
skrá fyrir Rás 1 og Rás 2 í vetur. Meðal efnis í þeirri dagskrá
voru hugmyndir um að laugardagskvöld á Rás 1 skyldu verða
„Óperukvöld". Áætlað er að vetrardagskráin hefjist 4. október
næstkomandi. Fyrsta óperukvöldið verður því 9. október, en þá
verður útvarpað Galakonsert í tilefni af því að tuttugu ár eru
liðin frá því að þeir Luciano Pavarotti og Placido Domingo stigu
þar fyrst á svið.
Aðaláherslan verður á útsend-
ingar frá Metropolitan-óperuhús-
inu í New York, auk stórra óperu-
húsa í Evrópu, en einnig er gert
ráð fyrir að Óperukvöldin verði
vettvangur fyrir stóra hátíðatón-
leika, innlenda og erlenda.
Fyrstu mánuðina verður ekki
um beinar útsendingar að ræða,
af tæknilegum ástæðum, en þegar
er farið að vinna að því að svo
verði. Að sögn Guðmundar Emils-
sonar, tónlistarstjóra Ríkisút-
varpsins, er vonast til að beinar
útsendingar hefjist næsta haust.
í vetur verða óperur og hátíðadag-
skrár því sendar út viku eftir
flutning í Metrópólitan eða öðrum
óperuhúsum.
Eftir 9. október verða Óperu-
kvöldin tileinkuð tónlistarhátíðum
og óperuhúsum í Evrópu, eða
fram í miðjan desember. Að sögn
Margrétar Oddsdóttur, dagskrár-
stjóra á Rás 1, er ekki endanlega
ákveðið hvaða uppfærslur verða
í boði, en sem dæmi um óperuhús
sem komi til greina, nefndi hún
Berlínaróperuna og Vínaróper-
una. „Við erum mjög spennt fyrir
þessu verkefni hér á Rás 1,“ sagði
Margrét, „en við eigum enn eftir
að ganga frá nokkrum tæknileg-
um atriðum. Það er áætlað að
Óperukvöldin hefjist klukkan
19.30 eða eftir fréttir og veður-
fregnir og það er ljóst að þessir
yfirgripsmiklu tónleikar og óperur
raska hefðbundinni dagskrá hjá
okkur. Við eigum enn eftir að
semja við Veðurstofu íslands,
vegna veðurfrétta klukkan 22.30,
en höfum nú eftir fund útvarps-
ráðs fengið grænt ljós til að ræða
við hana. En það ríkir mjög mikil
ánægja með þessa ákvörðun hér
á Rás 1, því þetta er verkefni sem
við höfum lengi beðið eftir. Og
hvað varðar hefðbundna dagskrá,
þá má geta þess.til gamans, að á
fyrstu árum útvarpsins, voru
laugardagskvöldin óperukvöld."
Færumst nær kjarnanum
Guðmundur Emilsson tók undir
þessi orð Margrétar og sagði:
„Mín fyrstu viðbrögð eru fögnuð-
ur yfir samþykkt útvarpsráðs, því
þetta er svo stór breyting á dag-
skrá okkar á laugardagskvöldum,
sem hefur verið hefðbundin frá
ári til árs um margra ára skeið.
Ég hlýt að gleðjast yfir því að
meðlimir útvarpsráðs skuli hafa
kjark til að gera svo stóra breyt-
ingu. Og ég held að ég tali fyrir
hönd flestra starfsmanna hér inn-
anhúss, þegar ég segi að þetta
er stór búbót fyrir okkur. Með
óperukvöldunum færumst við nær
kjarnanum - erum allt í einu kom-
in í kviku þessarar háborgar og
höll tónlistarinnar. í gegnum
Metrópólitan streyma bestu
söngvarar og hljómsveitarstjórar
heims.“
Metrópólitan
Frá miðjum desember og fram
að páskum verða Óperukvöldin
eingöngu tileinkuð Metrópólitan
óperunni. Þær óperur sem verða
fluttar á því tímabili eru: Rusalka
eftir Dvorák, 11. desember, Fíd-
elíó eftir Beethoven, 18. desem-
ber, II Barbiere eftir Rossini, 25.
desember, Les Troyens eftir
Berlioz, 1. janúar, Madama Butt-
erfly eftir Puzzini, 8. janúar, I
Lombardi eftir Verdi, 15. janúar,
Elektra eftir Strauss, 22'. janúar,
Metrópólitanóperan í New York.
Lucia di Lammermoor eftir
Donizetti, 29. janúar, Aida eftir
Verdi, 5. febrúar, Le Nozze di
Figaro eftir Mozart, 12. febrúar,
La Fille du Régiment aeftir
Donizetti, 19. febrúar, Death in
Venice eftir Britten, 26. febrúar,
Stiffelio eftir Verdi, 5. mars, The
Dialogues of the Carmelites
eftir Poulenc, 12. mars, Adriana
Lecouvreur eftir Ciléa, 19. mars,
La Bohéme eftir Puzzini, 26.
mars, Otello eftir Verdi, 2. apríl,
Der Fliegende Hollander eftir
Wagner, 9. apríl, og Ariadne auf
Naxos eftir Strauss, 23. apríl.
Sem fyrr segir verða óperurnar
sendar út hér viku eftir flutning-
inn í New York fyrst til að byija
með.
Um kostnaðarhliðina segir
Guðmundur Emilsson: „Kostnað-
urinn af þessari dagskrá er hverf-
andi, vegna þess að Ríkisútvarpið
er í EBU, Sambandi evrópskra
útvarpsstöðva. Það er fyrir milli-
göngu EBU sem þessir samningar
náðust fyrir allar EBU-útvarps-
stöðvar í Evrópu, en samningavið-
ræður stóðu yfir í tvö til þrjú ár.“
En nú höfum við fregnir af því
að Kristján Jóhannsson muni
syngja í Metrópólitan-óperunni í
vetur. Megum við eiga von á að
heyra þá uppfærslu í Ríkisútvarp-
inu?
„Það er ekki gert ráð fyrir út-
sendingu á sýningum hans í vet-
ur, en það er ekki ólíklegt að við
hlýðum á hann næsta haust, en
þá vonumst við til að beinar út-
sendingar geti hafist.
Ég get ekki látið hjá líða að
geta þess að það er fyrir stór-
merkt framlag Texaco-olíufélags-
ins sem Evrópskum útvarpsstöðv-
um er gert kleift að njóta þessara
útsendinga," sagði Guðmundur
Emilsson að lokum.
Sveiflur á markaði ríkisvfxla
Meðalávöxtun ríkisvíxla náði lágmarki fyrir gengisfellinpu í lok júnf. Hún hefur
nú farið lækkandi að nýju og nálgast ávöxtunarkröfu a Verðbréfaþingi
IslandS. Morgunt)laðiö/BS Hamifd: Lánafiýsia rikjssins.
MeðaJávöxtun ríkis-
víxla er nú um 9%
RÍKISSJÓÐUR tók á miðvikudag tilboði 21 aðila í ríkisvíxla að upp-
hæð 2.785 miHjónir króna. Seðlabanki íslands er stærsti kaupand-
inn, að vixlum að andvirði 500 milljónir króna. Bréfin eru til þriggja
mánaða og er meðalávöxtun 9,11%. Að sögn Péturs Kristinssonar
framkvæmdasljóra Þjónustumiðstöðvar ríkisverðbréfa er ávöxtun á
ríkisvíxlum nú á góðri leið að nálgast vexti sem ríkja á Verðbréfa-
þingi íslands, en þeir eru um 8%.
Ríkissjóður fjármagnar nú ríf-
lega fímmtung skulda sinna með
skammtímabréfum og munar þar
mestu um ríkisvíxlana, sem eru til
þriggja mánaða. Um 19 milljarðar
króna eru bundnir í ríkisvíxlum og
-bréfum en ríflega 50 milljarðar í
spariskírteinum.
í samtali við Morgunblaðið sagði
Pétur Kristinsson að þrátt fyrir að
raunávöxtun ríkisvíxla kynni að
vera lægri þessa stundina en á öðr-
um ríkisverðbréfum, lægju ýmsar
ástæður að þar að baki. Meðal ann-
ars væri lausafé banka og spari-
sjóða að jafnaði með rýmsta móti
síðsumars. Hann sagði ástæðulaust
að bera saman raunávöxtum á ríkis-
víxlum og skuldabréfum til lengri
tíma. Skammtímabréf væru al-
mennt ekki verðtryggð og sveiflur
í verðbólgu frá mánuði til mánaðar
gætu gefið ýkta mynd.
Erró með gullmerki Þroskahjálpar og Jóhann Ingi Gunnarsson við
málverk eftir þann fyrrnefnda.
Erró sæmdur gull-
merki Þroskahjálpar
MYNDLISTARMAÐURINN Erró hefur til nokkurra ára verið einn
dyggasti stuðningsmaður Landssamtakanna Þroskahjálpar og fært
samtökunum mörg myndverk að gjöf. Hafa þær gjafir komið sér vel
i fjáröflun samtakanna. Fyrir aðstoðina var ákveðið að sæma Erró
gullmerki Landssamtakanna Þroskahjálpar.
Hestamenn
komastekki
í Snæfell
vegna snjóa
EINAR Bollason, sem er á hesta-
ferð yfir landið með hóp af útlend-
ing^um, segir að ekki sé útlit fyrir
að hópurinn komist í Snæfell, eins
áætlað var nú um helgina, þar sem
mikill snjór er þar. „Eg ætla ekki
að fara með hópinn aftur inn í
snjó og kulda. Það er nóg að upp-
lifa það einu sinni og það gerðum
við um síðustu helgi,“ sagði Einar.
Einar sagði að ferðin gengi vel
og þrátt fyrir að þrekið hjá fólkinu
væri eitthvað farið að minnka væri
hugurinn sá sami og þegar lagt var
af stað í ferðina. Þá fékk hópurinn
nýja hesta til ferðarinnar á þriðju-
dag. Enn á hópurinn eftir sjö daga
þar til komið verður til Reyðarfjarðar
þar sem ferðinni lýkur fímmtudaginn
26. ágúst.
„Það er ansi mikill norðangarri
að skella á okkur hér á Grímsstöðum
á Fjöllum. Þetta verður erfið reið hjá
okkur næstu tvo daga, mikið klifur
upp í fjöllin," sagði Einar í samtali
við Morgunblaðið í gær. Hópurinn
fór í gær frá Grímsstöðum í Möðrud-
al og í dag verður farið að Aðalbóli
í Hrafnkelsdal.
Hann sagði að dýralæknir hefði
komið frá Húsavík til að skoða hest-
ana á þriðjudag og ekkert hefði ver-
ið að þeim og bæði þeir og fólkið
væru við bestu heilsu.
Kom það í hlut Jóhanns Inga
Gunnarssonar, stjórnarmanns í
Þroskahjálp, að færa Erró gull-
merkið er þeir hittust í París fyrir
skemmstu og sýna honum þannig
velvild í verki.
Erró leysti Jóhann út með gjöfum
til handa Landssamtökunum
Þroskahjálp; tíu grafíkmyndir og
olíumálverk.
Falskur tónn frá íslandsbanka
MORGUNBLAÐINU hefur borist eftirfarandi frá Vilþjálmi Inga
Arnasyni, formanni Neytendafélags Akureyrar:
„Jón G. Briem, Iögfræðingur
íslandsbanka, sendir mér tóninn
í Morgunblaðinu þann 20. ágúst.
Þessi sending er formlegt yfirklór
íslandsbanka vegna greinar
minnar frá því deginum áður. Jón
telur mig draga íslandsbanka með
ósannindum og á ósanngjarnan
hátt inn í fasteignaviðskipti
tveggja ungmenna á Akureyri.
Gagnrýnir hann einkum tvö atriði
í grein minni þar sem ég fullyrði
að bankinn hafí gefið út falskt
veðleyfí og að bankinn hafi brotið
lög. Ég ítreka enn og aftur að
fullyrðingar mínar í greininni
standa óhaggaðar.
Bankastjórinn var látinn búa
til veðleyfi sem byggði á röngum
forsendum og gaf þannig rang-
lega leyfi til að láta veðrétti þoka.
Því er og verður veðleyfið falskt.
íslandsbanki tók nær hálfa
milljón af fjármunum skjólstæð-
ings síns og greiddi til þriðja að-
ila. Bankinn var dæmdur til að
greiða peningana til baka. Því er
og verður úttektin ólögleg.
Ég skora á íslandsbanka að
reyna að hrekja þessar staðreynd-
ir, og hætta þeim leiða sið, að
væna aðra um ósannindi, en líta
þess betur í eigin barm.“