Morgunblaðið - 14.09.1993, Blaðsíða 25

24
MORGUNBLAÐIÐ ÞRIÐJUDAGUR 14. SEPTEMBER 1993
MORGUNBLAÐIÐ ÞRIÐJUDAGUR 14. SEPTEMBER
25

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Kringlan 1, 103 Reykjavík. Símar: Skiptiborð 691100. Auglýsingar:
691111. Áskriftir 691122. Áskriftargjald 1400 kr. með vsk. á mánuði
innanlands. í lausasölu 125 kr. með vsk. eintakið.
Friðargjörð í
Washington
Gagnkvæm viðurkenning ísraela
og Frelsissamtaka Palestínu
(PLO) og sáttmálinn sem undirritað-
ur var í Washington í gær um heima-
stjórn Palestínumanna eru stærstu
tíðindi á vettvangi alþjóðamála frá
því kommúnisminn leið undir lok.
Vonir hafa vaknað um að takast
muni að tryggja frið með ísraelum
og aröbum eftir áratuga hatur með
tilheyrandi blóðsúthellingum og drög
hafa verið lögð að myndun ríkis Pal-
estínumanna. Enn fer því þó fjarri
að stöðugleiki hafi verið tryggður í
þessum eldfima heimshluta.
Hagsmunir ríkjanna í Mið-Austur-
löndum eru á hinn bóginn allt aðrir
en fyrir aðeins örfáum misserum og
það er þessi gjörbreytta staða sem
vekur vonir um að bundinn verði
endi á hryllinginn, hatrið og mann-
fórnirnar. Endalok kalda stríðsins,
hrun Sovétríkjanna og Persaflóa-
stríðið hafa orðið til þess að skapa
ný viðhorf í þessum heimshluta, sem
löngum var vettvangur átaka austurs
og vesturs. Nú er þeirri hugmynda-
fræðilegu baráttu lokið og ný heims-
mynd blasir við. Áhrifin hafa orðið
ljós víða um heim á undanförnum
misserum. Nú hafa þessi umskipti
loksins náð til Mið-Austurlanda.
Öryggi ísraels er ekki ógnað með
sama hætti og áður og Persaflóa-
stríðið leiddi í ljós að óvinaríki ísra-
els ráða ekki yfir vopnabúnaði sem
talist getur stofna framtíð ríkisins í
raunverulega hættu. Hagsmunir Pal-
estínumanna og þá einkum Yassers
Arafat, leiðtoga PLO, eru einnig
aðrir en áður. Upplausn hefur verið
ríkjandi innan hreyfingarinnar og
áhrif öfgamanna,_ sem flestir lúta
fjarstýringu frá íran, farið sívax-
andi. Um nokkurt skeið hefur verið
ljóst að hagsmunir hófsamya Palest-
ínumanna og stjómvalda í ísrael fara
saman að einu mikilvægu leyti; hin
raunverulega ógnun felst í uppgangi
öfgafullra múhameðstrúarmanna.
Báðir hafa þeir Yitzhak Rabin,
forsætisráðherra Israels, og Yasser
Arafat leikið snjöllum leik þó svo
samningsstaða ísraela hljóti að telj-
ast mun sterkari. Arafat hefur í senn
náð að vinna sér hylli heimsbyggðar-
innar og tryggt sér fótfestu á her-
námssvæðum Israela. Með för sinni
til Washington hefur hann hlotið við-
urkenningu þjóða heims sem hinn
rétti leiðtogi palestínsku þjóðarinnar.
Þótt vitað sé að Rabin var ákaflega
tregur til að fallast á þessa sáttar-
gjörð hefur honum tekist að tryggja
sér yfirburðastöðu í ísraelskum
stjómmálum og einangrað stjórnar-
andstöðuna, sem á nú engan stuðn-
ing vísan á alþjóðavettvangi.
Mikilvægi þess að þessi sögulegi
friðarsáttmáli var undirritaður i
Washington felst í því að Bandaríkja-
menn hafa nú tekið á sig ákveðnar
tryggingar, sem reynast munu mikil-
vægar í frekari viðræðum Israela og
araba. Þá hafa Bandaríkjamenn þeg-
ar náð að tryggja umtalsverðan
fjárstuðning m.a. frá hinum auðugu
Flóaríkjum vegna þess uppbygging-
arstarfs sem nú er fyrir höndum á
heimastjómarsvæðum Palestínu-
manna. Þessi stuðningur Flóaríkj-
anna hefur einnig táknræna merk-
ingu þar sem PLO studdi Saddam
Hussein íraksforseta í Persaflóa-
stríðinu.
Vitanlega fer því fjarri að friður
hafi verið tryggður með ísraelum og
nágrannaríkjum þeirra og enn eru
mörg framkvæmdaratriði sáttmálans
óljós. Hins vegar gefa yfirlýsingar
Jórdana til kynna að friðarsáttmáli
þeirra og ísraela kunni að vera á
næsta leiti og sjálfir hafa Israelar
látið að því liggja að eftirgjöf af ein-
hveiju tagi í Gólan-hæðum sé hugs-
anleg. Fari _ svo kann að vera að
samningar ísraela og Sýrlendinga
~séu skammt undan. Takist Yasser
Arafat að halda völdum og nái Rabin
og undirsátar hans að tryggja frið
innanlands í ísrael má vænta algjörra
þáttaskila í Mið-Austurlöndum.
Framhaldið ræðst að sjálfsögðu
af því að Palestínumenn og ísraelar
standi við skuldbindingar sínar. Á
hinn bóginn er mikilvægt að samfé-
lag þjóðanna leggi sitt af mörkum
til að unnt verði að tryggja að þau
sögulegu skref sem nú hafa verið
stigin reynist aðeins upphafið að full-
um sáttum með aröbum og ísraelum.
Hvað ber að gera í þessu efni?
í fyrsta lagi ber þjóðum heims að
styðja með beinum hætti það upp-
byggingarstarf sem við blasir, eink-
um á Gaza-svæðinu. Þegar hafa lof-
orð um fjárhagsaðstoð borist m.a.
frá Norðurlöndum og er ánægjulegt
að við íslendingar skulum hafa
ákveðið að taka þátt í því starfi.
í öðru lagi þarf samfélag þjóðanna
að greiða fyrir því að sem mest við-
skiptatengsl skapist milli ísraela og
nágranna þeirra. Þetta er unnt að
gera með því að standa fyrir sameig-
inlegum verkefnum m.a. á sviði um-
hverfismála og nýtingar náttúruauð-
linda. Með því að hvetja til aukinnar
verslunar og viðskipta verður unnt
að skapa sameiginlega hagsmuni og
sameiginlegir hagsmunir eru besta
tryggingin fyrir friði.
I þriðja lagi þurfa hin öflugri ríki
og bandalög þeirra að veita Palest-
ínumönnum og ísraelum óskoraðan
pólitískan stuðning. Með þessu móti
verður unnt að breyta eðli deilunnar
þannig að hún verði ekki svæðis-
bundin með sama hætti og áður.
Frumkvæði Norðmanna, sem er í
senn mikill persónuiegur sigur fyrir
utanríkisráðherra þeirra, Johan Jörg-
en Holst, og norska utanríkisstefnu,
sýnir svo ekki verður um villst hversu
mikilvægur slíkur stuðningur getur
reynst.
í fjórða Iagi ber samfélagi þjóð-
anna að veita ísraelum og nágrönn-
um þeirra siðferðilegan stuðning.
Koma þarf því sjónarmiði á fram-
færi að heimsbyggðinni allri sé um-
hugað um að friður verði tryggður
í Mið-Austurlöndum og að fullur
stuðningur ríki við þau skref sem
stigin hafi verið. Í þessu efni geta
öll ríki, smá sem stór, lagt sitt af
morkum.
Heimastjórnarsáttmálinn og
gagnkvæm viðurkenning PLO og
Israela eru mikil gleðitíðindi. Reynist
sáttaviljinn raunverulegur, skilning-
ur á hagsmunum gagnkvæmur og
þjóðir heims tilbúnar til að veita ísra-
elum og Palestínumönnum þann
stuðning sem þörf er á, kann varan-
legur friður að komast á í þessum
heimshluta.
SJALFSTJORNARSAMNINGUR ISRAELA OG PALESTINUMANNA
Vonir Palestínumanna
um sjálfstæði glæðast
Jerúsalem. The Daily Telegraph.
Reuter
Hamas veifar svörtum fána
UNGUR Palestínumaður, stuðningsmaður heittrúarsamtakanna Hamas, veifar svörtum fána á Gaza-svæð-
inu í gær til að sýna andúð sína á samningnum við Israela. Til að leggja áherslu á sjónarmið sín hafa
Hamas-liðar kveikt í hjólbörðum á götunni. Skoðanakannanir á Gaza og annars staðar á hernumdu
svæðunum gefa til kynna að meirihluti íbúa styðji samninginn.
Stjórn í höndum PLO
MEÐ undirritun heimastjórnar-
sáttmálans í Washington í gær
hafa Israelar færst nær því að
viðurkenna sjálfstæðiskröfur Pal-
estínumanna. Sú staðreynd að
Yitzhak Rabin, forsætisráðherra
ísraels, tók þátt í athöfninni í
Hvíta húsinu ásamt Yasser Ara-
fat, leiðtoga Frelsissamtaka Pa-
Iestínu (PLO), sem var lýstur for-
seti Palestínumanna árið 1988, er
til marks um að ísraelar hafi nú
viðurkennt að líta beri á Palest-
ínumenn sem þjóð er eigi sér eig-
in forystusveit.
Rammasáttmálinn mun gilda í
fimm ár og kveður á um sjálfstjórn
Palestínumanna á Vesturbakkanum
og Gaza-svæðinu sem ísraelar her-
tóku í Sex daga stríðinu. Staða Aust-
ur-Jerúsalem, sem ísraelar innlim-
uðu í ríki sitt eftir að stríðinu lauk
verður rædd þegar hafnar verða við-
ræður um heildarlausn deilumála.
Samningurinn er byggður á Camp
David-sáttmálanum frá 1978 um frið
milli ísraela og Egypta sem Palest-
ínumenn fordæmdu á sínum tíma.
Frá því Camp David-sáttmálinn var
undirritaður hefur fjöldi ísraelskra
landnema á hernámssvæðunum tí-
faldast og eru þeir nú um 100.000.
Pólitísk réttindi viðurkennd
Heimastjórnarsáttmálinn felur
hins vegar í sér mun meiri eftirgjöf
af hálfu Israela hvað varðar sjálf-
stætt ríki Palestínumanna. Vísað er
til „gagnkvæmra og viðurkenndra
pólitískra réttinda“ Palestínumanna
og ísraela og er það orðalag mun
afdráttarlausara en það sem Camp
David-samningurinn geymdi þar sem
einungis var að finna vísun til „rétt-
inda og þarfa palestínsku þjóðarinn-
ar.“ Heimastjórnarsáttmálinn felur
einnig í sér breytingar hvað Jórdani
varðar. Samkvæmt Camp David áttu
Jórdanir og Egyptar að semja um
tímabundna heimastjórn Palestínu-
manna og framkvæmd kosninga. Nú
hefur PLO verið falið þetta ábyrgðar-
starf í samræmi við viðurkenningu
ísraela á samtökunum frá í fyrri viku
þar sem segir að PLO sé „fulltrúi
palestínsku þjóðarinnar".
í Camp David-samningnum var
kveðið á um sameiginlegar eftirlits-
sveitir og varðstöðvar ísraela og
Jórdana en nú hefur verið ákveðið
að ísraelar skuli einir halda uppi
gæslu á landamærum. Ráðamenn í
Israel hafa á hinn bóginn vakið máls
á sameiginlegum _ eftirlitssveitum
Palestínumanna og ísraela.
Tengslin við Camp David nýtt
Tengsl heimastjórnarsáttmálans
og Camp David-samningsins hafa
orðið til þess að styrkja stöðu Verka-
mannaflokksins ísraelska í deilunum
við stjórnarandstöðuna. Þannig lagði
Shimon Peres, utanríkisráðherra,
þunga áherslu á þessa tengingu er
málið kom til umræðu á þingi og
taldi hann fordæmingu talsmanna
stjórnarandstöðunnar og þá einkum
Likud-flokksins, til marks um óheil-
indi þeirra. Peres lýsti yfir furðu sinni
á því að Likud-flokkurinn væri and-
vígur heimastjórn Palestínumanna
þar sem öll helstu atriði samnings-
ins, sem nú hefði verið gengið frá
við Yasser Arafat, væri að finna í
Camp David sem forsætisráðherra
úr röðum Likud hefði undirritað fyr-
ir 14 árum.
Samningurinn sem nefnist „Yfir-
lýsing um grundvallarreglur er varða
fyrirkomulag sjálfsstjórnar" er fyrsta
plaggið sem lítur dagsins ljós frá því
að viðræður um frið í Mið-Austur-
löndum voru hafnar í Madrid árið
1991. Samningurinn varð til í leyni-
legum viðræðum fulltrúa ísraels og
PLO með milligöngu Norðmanna en
á sama tíma gerðu opinberar sendi-
nefndir aðila fátt annað en að standa
í linnulitlu áróðursstríði.
Þungamiðjan í heimastjórnar-
samningnum er grein sú er kveður
á um brottflutning hersveita Israels
frá Gaza-svæðinu og Jeríkóborg á
Vesturbakka árinnar Jórdan. Stjórn
svæðisins verður í höndum fulltrúa
PLO. Palestínumenn telja að Arafat
muni snúa heim og taka við stjórn
heimastjórnarsvæðisins en ísraelska
herliðið mun taka sér stöðu annars
staðar á Vesturbakkanum. Palest-
ínumenn munu fá aukin völd á þeim
hernámssvæðum sem eftir munu
standa en samningaviðræðum um
tímabundna sjálfsstjórn verður hald-
ið áfram. Stjórn heimastjómarsvæða
verður í höndum ráðs sem kosið verð-
ur til og munu hinir kjörnu fulltrúar
Palestínumanna þá jafnframt stjórna
þeim svæðum sem þegar hefur verið
samið um þ.e. Gaza og Jeríkó.
í samningnum er að finna yfirlýs-
ingar um samvinnu á efnahagssvið-
inu. Aðilar em sammála um að mikil-
væg forsenda þess að sáttargjörðin
haldi sé sú að lífskjör, einkum Palest-
ínumanna, fari ört batnandi.
Óleyst ágreiningsefni
Mörg mikilvæg atriði á enn eftir
að semja um. Stærð sjálfsstjórnar-
svæðisins við Jeríkó liggur ekki fyrir
og það sama má segja um völd lög-
gæslusveita Palestínumanna, inntak
samvinnu á sviði öryggismála og
yfirráð yfir bæði vatni og landi. Þeim
Palestínumönnum sem yfirgefið hafa
hernámssvæðin frá 1967 verður leýft
að snúa aftur en þeir eru taldir vera
um 200.000. Hins vegar mun fram-
tíð þeirra flóttamanna og afkomenda
þeirra sem flúðu vegna stríðsins
1948-1949 verða ákveðin í viðræðum
um heildarlausn deilumála sem hefj-
ast munu tveimur árum eftir að lok-
ið er brottflutningi Israelshers frá
Gaza og Jeríkó. Þar er talið að um
eina og hálfa milljón manna sé að
ræða. I heildarviðræðunum verður
einnig tekið á öðrum málum sem
erfítt kann að reynast að fmna lausn
á t.a.m. framtíð Jerúsalem, land-
nemabyggðum og landamærum.
ísraelar hafa lýst yfir því að yfir-
ráð yfir Jerúsalem verði aldrei gefin
eftir og þá afstöðu ítrekaði Yitzhak
Rabin í viðtölum um helgina. í samn-
ingnum er vikið að Jerúsalem þar sem
kveðið er á um að Palestínumönnum
úr austurhluta borgarinnar skuli
heimilað að taka þátt í kosningum.
Reuter
Mótmæli í Amman
PALESTÍNSKIR flóttamenn í Jórdaníu hrópa slagorð gegn samn-
ingnum við ísrael fyrir utan sendiráð Frelsissamtaka Palestínu,
PLO, í höfuðborginni Amman í gær. Fólkið sakaði formann PLO,
Yasser Arafat, um að vera svikari á mála hjá Bandaríkjamönnum.
Fögnuður í Jeríkó
UNGAR Palestínustúlkur í Jeríkó á Vesturbakkanum, meðal þeirra
félagar í heittrúarsamtökum, dansa á aðaltorgi borgarinnar í gær
eftir að búið var að undirrita samninginn í Washington. íbúar Je-
ríkó eru um 20.000, langflestir Palestínumenn og nýtur Yasser Ara-
fat mikillar hylli þar.
Gert ráð fyrir víðtæku samstarfi
Jerúsalem. The Daily Telegraph.
SKJALIÐ sem fulltrúar ísraela og Palestínumanna undirrituðu í
Washinglon í gær er alls 22 blaðsíður og þar er fjallað um þau fjöl-
mörgu mál s.s. löggæslu og orkumál sem skipuleggja þarf upp á nýtt
á hernumdu svæðunum og hafa samstarf um. Samningurinn varðar
fyrst og fremst um tvær milljónir Palestínumanna sem búa á her-
numdu svæðunum en þar eru einnig yfir 100.000 gyðingar. Um 900.000
manns búa samanlagt á Gaza og í smáborginni Jeríkó á Vesturbakkan-
um, þessi tvö svæði fá sjálfsljórn í mörgum málum strax.
Rúm milljón manna, aðallega Pal-
estínumenn, er á Vesturbakkanum og
í austurhluta Jerúsalem sem ekki
verða undir palestínskri stjórn en
ákvæði eru um að framtíð þeirra verði
ákveðin í viðræðum innan fimm ára.
ísraelskir ráðamenn hafa reyndar
margsinnis sagt að Jerúsalem verði
um aldur og ævi undir stjórn gyð-
inga en auk múslima er þar allstór
kristinn minnihluti. Um 150.000
Palestínumenn búa í Austur-Jerúsal-
em sem Israelar lögðu undir sig
1967. Er Sameinuðu þjóðirnar sam-
þykktu skiptingu Palestínu milli gyð-
inga og araba 1947 átti öll borgin
að vera undir alþjóðlegri stjórn enda
helgur staður þrennra trúarbragða
og hafa margir viðrað þá hugmynd
á ný að undanförnu, Hussein Jórdan-
íukonungur er einn þeirra.
Sérstök nefnd deiluaðila mun
fjalla um þær deilur sem vitað er
að munu rísa um túlkun á ákvæðum
samningsins og ef till verður hugað
að einhvers konar gerðardómi.
Samningurinn á að taka gildi mán-.
uði eftir undirritun og kveður hann
á um að sett verði á laggirnar lýð-
ræðislega kjörið þjóðarráð Palestínu-
manna er fari með stjórn þeirra
mála sem þeir fá að að ráða á svæð-
um sínum. Er stefnt að því kosning-
arnar verði haldnar innan níu mán-
aða, samið verði um framkvæmd
þeirra og alþjóðlegt eftirlit.
Strax og samkomulagið tekur
gildi munu ísraelsk heryfirvöld fá
„Palestínumönnum sem til þess hafa
umboð“ stjórn mennta- og menning-
armála, heilbrigðismála, velferðar-
mála, beinnar skattlagningar og
ferðamála. Mikilvægast er að Palest-
ínumenn munu þegar hefja upp-
byggingu löggæslu sem verður und-
ir stjórn þjóðarráðsins og verða liðs-
menn frá hernumdu svæðunum og
öðrum ríkjum, áskilið er að í því
verði menn með egypsk eða jórdönsk
vegabréf. Búast má við að skærul-
iðasveitir Frelsisamtaka Palestínu,
PLO, muni leggja til megnið af liðs-
aflanum. Til greina kemur að beðið
verði um aðstoð alþjóðlegs gæsluliðs.
Lög endurskoðuð
Lög verða endurskoðuð af báðum
aðilum eftir þörfum og komið verður
á fó_t samstarfsráði Palestínumanna
og ísraela til að reyna að tryggja
friðsamleg umskipti.
Óljóst er hvort Palestínumenn fá
eigin sjónvarps- og útvarpsstöð.
Þjóðarráðið mun annast raforkumál,
hafnarmál á Gaza-svæðinu, stofna
þróunarbanka, útflutningsráð og
umhverfisstofnun. Tryggðar verða
góðar samgöngur milli Gaza og Je-
ríkó. Sett verður á stofn sérstök
nefnd um efnahagssamvinnu og eru
tilgreind svið eins og vatnsnýting,
rafveitur, orkumál, þar á meðal
möguleg bygging olíuhreinsunar-
stöðvar ásamt lagningu á olíu- og
gasleiðslum.
Rætt er um að komið verði á víð-
tæku efnahagssamstarfi milli ísra-
ela, Palestínumanna og Jórdana um
nýtingu á Dauðahafinu, einnig um
skipaskurð milli Miðjarðarhafs og
Dauðahafsins, vinnslu vatns úr sjó,
samstarf í landbúnaðarmálum og
átak gegn uppblæstri auk samstarfs
í raforku- og ferðamálum.
Tillaga um sameiningu á höfuðborgarsvæðinu
Höfuðborgarsvæðið verði
fjögnr sveitarfélög í stað 9
SVÆÐISUMDÆMANEFND um
sameiningu sveitarfélaga á höf-
uðborgarsvæðinu samþykkti ein-
róma á fundi sínum í gærkvöldi
tillögu, sem gerir ráð fyrir að á
höfuðborgarsvæðinu verði fjögur
sveitarfélög í stað níu. Þannig
sameinist Garðabær og Bessa-
staðahreppur. Selljarnarnes, Mos-
fellsbær, Kjalarneshreppur og
Kjósarhreppur sameinist Reykja-
vík.
í greinargerð með tillögu nefnd-
arinnar segir að forsenda sameining-
ar minni sveitarfélaganna við
Reykjavík sé að vegtenging milli
Geldinganess, Gunnuness og Kolla-
fjarðar verði sett inn á vegaáætlun
næstu tíu ára. Nefndin telur jafn-
framt nauðsynlegt að Kjósarskarðs-
vegur, milli Vesturlandsvegar og
Þingvallavegar, verði lagður bundnu
slitlagi. „Með þessum hætti mynda
þessi sveitarfélög heilsteypt atvinnu-
og þjónustusvæði,“ segir nefndin.
Nefndarmenn leggja áherzlu á að
akstur nemenda til og frá skóla og
heimili skerðist ekki frá því sem nú
er. Jafnframt verði skattaálögur á
almenningssamgöngur afnumdar
þannig að sveitarfélögin geti haldið
uppi eðlilegum almenningssamgöng-
um við hinn dreifbýlli hluta svæðis-
ins.
Breytingar á Jöfnunarsjóði
Umdæmanefndin telur að sveit-
arfélögin á höfuðborgarsvæðinu geti
ekki sameinazt nema til komi breyt-
ingar á Jöfnunarsjóði sveitarfélaga.
„Reglum um framlög til reksturs
grunnskóla, tónlistarskóla svo og
þjónustu og tekjujöfnunarframlög
verði breytt, en þess gætt að heildar-
tekjur hins sameinaða sveitarfélags
minnki ekki frá því sem nú er,“ segir
í greinargerðinni.
Málefnasamningur
Þar segir einnig: „Lagt er til að
viðkomandi sveitarfélög geri milli sín
drög að málefnasamningi um þau
mál sem þau koma til með að sinna
sem eitt sveitarfélag og þar með að
efla staðbundið vald og auka skil-
virkni og uppbyggingu stjórnsýsl-
unnar og starfsemi á einstökum
svæðum. Þessi drög verði gerð og
kynnt íbúum viðkomandi sveitarfé-
laga áður en til atkvæðagreiðslu
kemur 20. nóvember næstkomandi."
Tillögur um sameiningu sveitarfélaga á Vesturlandi
Verði níu í stað 36 áður
Níu sveitarfélög á Vesturlandi
Tillögur umdæmanefndar
um skipan sveitarfélaga
Eyrarsveit,
860 Ibúar
1.314 íbúar
Stykkishólmsbær
Helgafellssveit
Hellissandur/RK
Dalasýsla,
869 íbúar
Saurbæjarhreppur
Skarðshreppur
Fellsstrandarhr.
Hvammshreppur
Laxárdalshreppur
Haukadalshreppur
Suðurdalahreppur
1.881 íbúar
Ólafsvíkurkaupstaður
Neshreppur utan Ennis
Breiðuvikurhreppur
Staðarsveit
Mýrasýsla,
320 íbúar
Hraunhreppur
Álttaneshreppur
Borgarnes
Borgarhreppur
Stafholtstungnahreppur
Norðurardalshreppur
Þverárhlíöarhreppur
Hvftársíðuhreppur
599 íbúar
774 íbúar
Andakilshreppur
Skorradalshreppur
Lundarreykiadalshr.
Reykholtsdalshr.
Leirár- og Melahr. Hálsahreppur
Innri-Akraneshreppur
Skilamaijpahreppur
Hvalfjarðarstrandar.
UMDÆMANEFND Samtaka
sveitarfélaga í Vesturlandskjör-
dæmi legg^ur til að í stað 36 sveit-
arfélaga í Vesturlandskjördæmi
verði þau sameinuð í níu með frá
320 íbúum í því fámennasta í 5.272
í því mannflesta. Unnið hefur ver-
ið á annað ár að mótun tillagn-
anna og til grundvallar tillögu-
gerðinni liggur fjöldi funda með
sveitarstjórnarmönnum á svæð-
inu, Kosið verður um tillögurnar
laugardaginn 20. nóvember næst-
komandi.
Akraneskaupstaður verður fjöl-
mennasta sveitarfélag á svæðinu
með 5.272 íbúa. í öðru lagi er gerð
tillaga um að sveitarfélög í Borgar-
fjarðarsýslu sunnan Skarðsheiðar
sameinist í eitt sveitarfélag, þ.e.
Hvalfj arðarstrandarhreppur, Skil-
mannahreppur, Innri-Akraneshrepp-
ur og Leirár- og Melahreppur. Ibúa-
tala yrði samtals 599. Þá er einnig
gerð tillaga um að sveitarfélög norð-
an Skarðsheiðar saméinist í eitt
sveitarfélag, þ.e. Andakílshreppur,
Skorradalshreppur, Lundarreykj a-
dalshreppur, Reykholtsdalshreppur
og Hálsahreppur. Ibúatala samtals
er 774.
Mýrasýsla eitt sveitarfélag
Lagt er til að Mýrasýsla verði öll
eitt sveitarfélag. Við það sameinast
Hvítársíðuhreppur, Þverárhlíð-
arhreppur, Stafholtstungnahreppur,
Norðurárdalshreppur, Borgarhrepp-
ur, Borgarnesbær, Álftaneshreppur
og Hraunhreppur. íbúatala samtals
yrði 2.587.
Á Snæfellsnesi er gert ráð fyrir
að fjögur sveitarfélög austast á nes-
inu sameinist í eitt, þ.e. Kolbeins-
staðahreppur, Eyjarhreppur, Mikla-
holtshreppur og Skógarstranda-
hreppur. íbúafjöldi samtals er 320.
Þá er gert ráð fyrir að fjögur sveitar-
félög vestast á nesinu sameinist, þ.e.
Staðarsveit, Breiðuvíkurhreppur,
Neshreppur utan Ennis og Ólafsvík-
urkaupstaður. íbúafjöldi samtals er
1.881. Gert er ráð fyrir að Eyrar-
sveit verði áfram sjálfstætt sveitarfé-
lag með 320 íbúa og að Helgarfells-
sveit sameinist Stykkishólmsbæ með
1.314 íbúa. Þá er gert ráð fyrir að
sveitarfélög i Dalasýslu sameinist
þannig að Suðurdalahreppur,
Haukadalshreppur, Laxárdalshrepp-
ur, Hvammshreppur, Fellsstrandar-
hreppur, Skarðshreppur og Saurbæj-
arhreppur verði eitt sveitarfélag með
869 íbúa.
Fram kemur í fréttatilkynningu
að í júlí síðastliðnum hafi umdærna-
nefndin sent bréf til sveiutarfélaga
á svæðinu þar sem beðið var um
óskir þeirra varðandi nýskipan sveit-
arfélaga og séu tillögur nefndarinnar
að verulegu leyti byggðar á svörum
sveitarstjórna og iandfræðilegum
aðstæðum. í nokkrum tilfellum sé
um að ræða frávik frá besta kosti
einstakra sveitastjórna en hlutverk
nefndarinnar hafi verið að samræma
sjónarmið og tengja valkosti saman.
Þá kemur fram að nefndin sé reiðu-
búin að vinna áfram að kynningu
tillagnanna í samráði við sveitar-
stjórnir.