Morgunblaðið - 05.10.1993, Qupperneq 24

24
MORGUNBLAÐIÐ ÞRIÐJUDAGUR 5. OKTÓBER 1993
Aðalfundur Innbæjarsamtakanna
Hámarkshraði verði
lækkaður í 30 km/klst.
EINAR Sveinn Olafsson var kosin formaður Innbæjarsamtakanna á
aðalfundi fyrir skömmu. Helstu mál sem bar á góma á fundinum
voru umferðarmál og mengun pollsins. Tilgangur félagsins er m.a.
að vinna að framfara-, hagsmuna-, umhverfis- og menningarmálum
hverfisins.
Á fundinum var rætt um umferð-
armál og vilja íbúar 'að hámarks-
hraði í hverfinu verði lækkaður úr
50 í 30 kílómetra á klst., götur
verði lagfærðar sem og gangstéttir
víða og eins að lögð verði gangstétt
í Spítalavegi. Þá kom fram á fund-
inum óánægja íbúa vestan við Aðal-
stræti með gróðursetningu tijáa á
brekkubrún austan kirkjugarðs-
hússins því þau munu taka af þeim
sólskinið seinni hluta dagsins.
Samtökin hafa beitt sér fyrir
úrbótum varðandi skriðuhættu í
Innbænum, þau hafa látið umferð-
armálin til sín taka og eins stóðu
samtökin fyrir undirskriftasöfnun
þar sem mótmælt var staðsetningu
kapellu- og líkhússbyggingar við
Kirkjugarða Akureyrar vegna út-
litsbreytinga á Höfðanum.
Aðrir í stjórn samtakanna eru
Anna Guðný Sigurgeirsdóttir, Ólöf
Halblaub, Hallgrímur Indriðason og
Jón Kr. Sólnes.
Tónlistarskóli Eyjafjarðar
Tónleikar í tilefni
af fimm ára afmæli
Ekið á nýrri Strandgötu innan skamms
FRAMKVÆMDUM við nýja Strandgötu hefur miðað
vel síðustu daga, enda veður hentað einkar vel til
útivinnu. Umskipti urðu þar á í gær, nýfallin snjór
á toppi Hlíðarfjalls þegar malbikunaiflokkurinn
mætti til starfa í morgunsárið. En jaxlarnir á þeim
bænum kalla ekki allt ömmu sína og halda sínu
striki þó hann blási úr norðrinu, enda verður um-
ferð hleypt á götuna um miðjan mánuðinn.
í tilefni af 5 ára afmæli Tónlist-
arskóla Eyjafjarðar munu kenn-
arar og nemendur skólans efna
til tvennra tónleika, á Grenivík
og í Freyvangi.
Tónlistarskóli Eyjafiarðar átti 5
ára afmæli 12. september síðastlið-
inn, en starfssvæði hans er frá
Fagraskógi að vestan að Grenivík
að austan og var hann stofnaður
af 9 sveitarfélögum til að bæta úr
brýnni þörf. Aðsókn hefur alla tíð
farið fram úr björtustu vonum og
eru nú um 180 nemendur á aldrin-
um 5-60 ára í skólanum.
Fyrir rúmu ári útskrifaði skólinn
fyrsta 8. stigs nemandann og nú í
vetur verður í fyrsta skipti boðið
upp á nám á tónlistarbraut í sam-
vinnu við Menntaskólann á Akur-
eyri.
■ MIÐSTÖÐ fólks í atvinnuleit
verður með opið hús í Safnaðar-
heimili Akureyrarkirkju á morg-
un, miðvikudaginn 6. október kl.
15. Elín Antonsdóttir verkefnis-
stjóri Iðnþróunarfélags Eyja-
fjarðar ræðir um nýsköpun í at-
vinnulífi, s.s. um verkefnishópa
kvenna. Einnig segir hun frá at-
vinnuskapandi verkefnum innan
átaksverkefnisins Vaka sem tekur
til Eyjafjarðarsveitar, Svalbarðs-
strandar-, Grýtubakka- og Háls-
hreppa. Samveran sem hefst kl.
15 er öllum opin og eru kaffí og
veitingar á borðum.
Morgunblaðið/Rúnar Þór
Til að fanga tímamótunum ætla
kennarar skólans, ellefu að tölu auk
nokkurra nemenda og gesta að efna
tii tónleika á Grenivík annað kvöld,
miðvikudagskvöldið 6. október og í
Freyvangi á fímmtudagskvöld 7.
október. Tónleikarnir hefjast kl.
20.30 bæði kvöldin og er aðgangur
ókeypis. (Fréttatilkynning.)
Áskoranir berast KEA um verslunarrekstur á höfuðborgarsvæðinu
Engin áform um að opna
verslun en ekkert útilokað
FJÖLDI áskorana hefur borist forráðamönnum Kaupfélags
Eyfirðinga um að félagið opni verslun í Reykjavík. Félagið hef-
ur ekki uppi nein áform um verslunarrekstur á höfuðborg-
arsvæðinu, en ekkert er þó útilokað í þeim efnum.
Hannes Karlsson, deildarstjóri
matvörudeildar Kaupfélags Ey-
firðinga, sagði að fjölmargir af
höfuðborgarsvæðinu hefðu skorað
á félagið að opna verslun í Reykja-
vík. „Umræðan er ekki frá okkur
komin, eftir að Mikligarður varð
gjaldþrota og fákeppnin varð meiri
á matvörumarkaðnum komu þess-
ar raddir upp og það er rétt að
margir hafa haft sambandi við
okkur og spurst fyrir um hvort
við værum ekki til í að opna versl-
un syðra,“ sagði Hannes.
Að sögn Hannesar er ekkert
sem bendir tii þess nú að félagið
fari út í verslunarrekstur á höfuð-
borgarsvæðinu, en hann sagði að
menn vildu heldur ekki útiloka
neitt í þessum efnum. Þetta mál
hefði ekki verið skoðað innan fé-
lagsins.
Utiloka ekkert
Kaupfélag Eyfirðinga rekur tíu
verslanir á Eyjafjarðarsvæðinu og
er að sögn Hannesar önnur
stærsta verslunarkeðja landsins
eftir að af sameiningu Hagkaups
og Bónuss varð. „Það væri vissu-
lega spennandi að fara úti í þetta,
en eins og staðan er bendir ekkert
til þess að við opnum verslun fyr-
ir sunnan. Samt viljum við ekki
útiloka neitt,“ sagði Hannes.
„Baráttan á matvörumarkaðn-
um er hörð, þetta er mikil harka
og það má aldrei slaka á, en ég
held að Akureyringar megi vel við
una hvað varðar verðlag. Það er
lágt hér miðað við ýmsa aðra
staði,“ sagði Hannes.
Morgunblaðið/Golii
Lionsmenn gefa Hjálparsveitinni
LIONSMENN hafa gefið Hjálparsveit skáta á Akureyri tæki af ýmsu
tagi sem eflaust eiga eftir að koma sér vel í starfi sveitarinnar. Um er
að ræða tvær súrefnistöskur með öllum fylgihlutum, tvö sett af hálsk-
rögum, en í hveiju setti eru 5 hálskragar og tvö GPS-staðsetningar-
tæki ásamt fylgihlutum. Myndin var tekin við afhendingu tækjanna.
Samskipti við kínversku borg-
ina verða á sviði atvinnumála
SIGURÐUR J. Sigurðsson forseti bæjarstjórnar Akureyrar seg-
ir að fyrirhugað vinabæjasamband við kínverska borg sé fyrst
og fremst hugsað til að koma á samskiptum er snúi að atvinnu-
málum. Ilalldór Jónsson bæjarstjóri er nú í Kína í fylgdarliði
Halldórs Blöndal samgönguráðherra og hefur hann heimild
bæjarráðs til að efna til vinabæjasambands við kínverska borg.
Sigurður sagði að með heim-
sókn bæjarstjóra til Kína væri
verið að endurgjalda heimsókn
sendinefndar þaðan til Akureyrar
fyrir nokkru, en sendinefndin hefði
sýnt mikinn áhuga á að koma á
samskiptum milli landanna. Fyrir-
hugað væri að tveir Kínveijar
kæmu til Akureyrar í vetur til
starfa við Háskólann á Akureyri.
Þá væri einnig fyrirhugað að koma
á samskiptum milli landanna á
sviði sjávarútvegs og vegagerðar
auk þess sem nokkrir Akureyring-
ar eiga lakkrísverksmiðju í Kína,
en hópurinn sem að henni stæði
hefði einnig hug á að stofna annað
fyrirtæki í landinu.
Ekki kostnaðarsamt
Að sögn Sigurðar yrði vina-
bæjasambandi, sem væntanlega
verður komið á í heimsókn bæjar-
stjóra, annars eðlis en til að mynda
vinabæjasambönd við borgir á
Norðurlöndunum, sem einkum eru
á sviði æskulýðs- og menningar-
mála. Hann sagði að ekki væri
meiningin af hálfu bæjarins að
leggja út í mikinn kostnað vegna
slíks sambands.
Það eru einkum tvö svæði sem
til greina kemur að efna til sam-
bands við og hefði bæjarstjóra
verið falið að velja hvor kosturinn
væri vænlegri og myndi hann gera
það með aðstoð þeirra Akur-
eyringa sem eru með í Kínaförinni.