Morgunblaðið - 31.12.1993, Blaðsíða 9

MORGUNBLAÐIÐ FÖSTUDAGUR 81. DESEMBER 1993
9
ára afmæli. í dag,
gamlársdag, er átt-
ræður Franch Michelsen,
úrsmíðameistari, Stóra-
gerði 8, Reykjavík, (áður
Alftamýri 65). Eiginkona
hans er Guðný Guðrún Jóns-
dóttir, verslunarstjóri. Þau
taka á móti gestum í sam-
komusal Rafiðnaðarsam-
bandsins, Austurveri, Háa-
leitisbraut 68, laugardaginn
8. janúarnk. milli kl. 15-18.
7 /\ára afmæli. í dag,
I U gamlársdag, er sjö-
tug Margrét Sigurðardótt-
ir, Bjarnhólastig 24, Kópa-
vogi. Hún tekur á móti gest-
um á heimili sínu milli kl.
14-17 í dag, afmælisdaginn.
/Vára afmæli. Sunnu-
Ovf daginn 2. janúar nk.,
verður fimmtug Torunn Sig-
urðsson, sjúkraliði, Mið-
vangi 103, Hafnarfirði. Eig-
inmaður hennar er Pétur
Sigurðsson, framkvæmda-
stjóri. Þau hjónin taka á
móti gestum í A. Hansen, í
Hafnarfirði, milli kl. 17-19 á
afmælisdaginn.
7Aára afmæli. Sunnu-
I U daginn 2. janúar
nk., verður sjötugur Böðv-
ar Stefánsson, fyrrv. skóla-
sljóri Ljósafossskóla, Suð-
urengi 28, Selfossi. Eigin-
kona hans er Svava Eyvinds-
dóttir. Þau hjónin taka á
móti gestum í Hótel Selfossi
á milli kl. 15-19 á afmælis-
daginn.
7 Aára afmæli. Mánu-
f Vf daginn 3. janúar nk.,
verður sjötug Guðrún Bene-
diktsdóttir, Heiðargerði 55,
Reykjavík. Eiginmaður henn-
ar er Magnús Guðmunds-
son. Þau taka á móti gestum
í Danshúsinu, Glæsibæ, frá
kl. 20 á afmælisdaginn.
verður fimmtugur Jóhannes
Gísli Svavarsson, sölumað-
ur, Hamrahlíð 35, Reykja-
vík. Hann tekur á móti gest-
um í Hamrahlíð 17 milli kl.
15-18 á afmælisdaginn.
ÁRAMÓTAHUGVEKJA
Dagarnir líða
Sr. Solveig Lára
Guðmundsdóttir
Drottinn, ó, Drottinn vor,
dagarair líða,
allt er að breytast, en aldrei þú.
Ver þú oss veikum hjá,
verada þína arfleifð.
Liknandi hendi, ó, leið oss nú.
Dagarnir líða. Árin líða. Tíminn
líður. Heimurinn breytist frá degi til
dags. Við náum ekki að fylgjast með
þeim öru breytingum, sem verða á
öllum hlutum. Enginn hlutur fær að
haldast óbreyttur. Sífelld vöruþróun
er í gangi, þrátt fyrir að öllum hafi
vel líkað það sem fyrir var. Sam-
keppnin æpir á breytingar. Óttinn
við það að einhveijum leiðist tilbreyt-
ingarleysið rekur okkur áfram í
þennan darraðardans.
Og svo fáum við að heyra þetta
litla sálmavers, sem lætur svo lítið
yfir sér:
Drottinn, ó, Drottinn vor
dagamir líða,
allt er að breytast, en aldrei þú.
Og við stöldrum við. Við sem erum
orðin þreytt á ístöðuleysi umhverfis-
ins og spyijum: Hver er þessi Drott-
inn, sem aldrei breytist? Er hann eitt-
hvað fyrir mig? Og í hveiju liggur
staðfesta hans?
Hann sagði: Sjá, ég er með yður
alla daga, allt til enda veraldarinnar.
Hann er hinn sami í dag og í gær
og um allar aldir og hann er með
þér, með þér í öllu lífinu, sem breyt-
ist svo ört frá degi til dags.
Og nú eru áramót. Gamla árið
gráhært og úfið er tilbúið til að
kveðja og hið nýja ferskt og fullt af
nýjum fyrirheitum boðar komu sína
í kvöld.
Og við stöldrum við. Við íhugum
stundir liðinna mánaða með þakk-
læti í huga, þótt inn á milli minning-
anna kunni að leynast sárindi og
jafnvel biturleiki. Við reynum að telja
okkur trú um að við getum eitthvað
af þeim lært, þó ekki vildum við
ganga í gegnum þær aftur. En þess-
um minningum tengist líka örlítill
kvíði fyrir nýjum dögum. Hvað ber
hið nýja ár í skauti sínu?
Drottinn, ó, Drottinn vor,
dagarnir líða,
allt er að breytast, en aldrei þú.
Þessar ljóðlínur beina huga okkur
frá okkur sjálfum og erfiðleikum
okkar og við lítum í hæðir. Við sjáum
að við getum falið honum sárindin,
Jesús prédikar fagnaðarboðskapinn (Matt. 4,23.) - Mynd Gustave Doré
biturleikann og kvíðann. Við getum
litið upp full af kjarki og krafti af
því að hann hét því að vera með
okkur allt til enda veraldarinnar.
Það er einn, sem breytist aldrei.
Það er einn, sem stendur ævinlega
við hlið okkar hvaða áföllum sem við
kunnum að verða fýrir. Jafnvel þótt
við missum ástvini okkar, jafnvel
þótt sorgin nísti okkur svo sárt í
hjartað, að okkur finnst tilgangur
lífsins hafa hrunið, já, jafnvel þótt
óréttlæti heimsins æpi á okkur ófrið-
ur og hörmungar, já, jafnvel þótt
heimurinn og lífíð allt umhverfist,
þá mun hann standa stöðugur, Drott-
inn okkar og frelsari, sem fæddist á
jólum, Jesús Kristur, frelsari heims-
ins.
Hann er frelsari okkar af því að
hann lét lífið fyrir okkur á krossi og
reis upp til að gefa okkur eilíft líf
með sér. Og þannig hefur hann frels-
að okkur undan öllu því, sem kvelur
okkur, sekt og svikum og nístandi
óvissu um framtíðina.
Jesús er frelsari okkar og því get-
um við örugg tekið undir sálmavers-
ið, sem endar á bæninni:
Líknandi hendi, ó, leið oss nú.
Felum nýja árið í hendur hinna
líknandi handa, sem standa frammi
fyrir okkur útréttar, tilbúnar til að
taka okkur í faðminn sinn og þá
megnum við að taka því sem lífið
kann að bera í skauti sér með hjálp
þess Guðs, sem gerir okkur styrk.
Drottinn, ó, Drottinn vor,
dagarnir líða,
allt er að breytast, en aldrei þú.
Ver þú oss veikum hjá,
vernda þína arfleifð.
Líknandi hendi, ó, leið oss nú.
I
Okeypis skipulagsbók og
mappa fyrir
heimilisbókhaldið
BUNAÐARBANKl
ISIANDS
HEIMILISLINAN