Morgunblaðið - 31.12.1993, Blaðsíða 22

22
MORGUNBLAÐIÐ FÖSTUDAGUR 31. DESEMBER 1993
Fjárfestar og tyrirtækjaeigendur
Nýir aðilar hafa tekið ákvörðun um að stofna nýtt félag um
rekstur útvarpsstöðvarinnar Sólarinnar, FM 100,6, sem hefur
aðallega útvarpað tónlist og hefur notið vaxandi vinsælda.
Áhugasamir sendi inn nafn og símanúmer í lokuðu umslagi til
auglýsingadeildar Mbl., merktu: „S - 10989“, sem allra fyrst.
Öllum fyrirspurnum verður svarað. Algjörum trúnaói heitið.
STÓRÚTSALA HEFST Á MÁNUDAG
40-70% afsláttur
1( R m
EddufeUi 2 *Smú 71730
EGLA
-RÖÐOG
REGLA
Margir litir margar stærðir.
Þessi vinsælu bréfabindi
fást í öllum helstu
bókaverslunum landsins.
Vladímír Zhírínovskíj vill heimsækja Frakkland
Lýsir furðu sinní yfir
ásökunum um ofstæki
Moskvu, París, Vín. Reuter.
VLADÍMÍR Zhírínovskíj, leiðtogi flokks öfgafullra þjóðernissinna í
Rússlandi, er ekki af baki dottinn þótt hann hafi verið rekinn með
skömm frá Búlgaríu og Þjóðveijar meini honum um vegabréfsárit-
un. Hann sagðist i gær vilja heimsækja Frakkland og ræða við
helstu ráðamenn, þ. á m. Jacques Chirac, leiðtoga Gaullistaflokks-
ins og borgarstjóra Parísar. Flokkar þeirra ættu margt sameigin-
legt, hins vegar væru Þjóðernisfylking Jean-Marie Le Pens og „aðr-
ir öfgafullir hægriflokkar" af öðru sauðahúsi.
Zhírínovskíj sagðist ekki skilja
hvers vegna íjölmiðlar teldu hann
vera hægri-ofstækismann. Hann
sagðist gera ráð fyrir að Frakkar
veittu sér vegabréfsáritun enda
væri hann vinur þeirra og hefði
aldrei gert þeim neitt. Franskur
embættismaður sagði að umsókn
Zhírínovskíjs yrði tekin til umfjöll-
unar ef hún bærist; austurrískur
starfsbróðir hans taldi ólíklegt að
áritun flokksleiðtogans þar í landi
yrði endurnýjuð.
Fyrir nokkru sagði Zhírínovskíj
á blaðamannafundi í Vín að Rússar
réðu yfír leynivopni sem væri mun
öflugra en kjarnorkusprengjur.
Pavel Gratsjov, varnarmálaráð-
herra Rússlands, sagði aðspurður
á miðvikudag að hann vissi ekki
hvaða vopn þingmaðurinn ætti við.
„Ef hann veit meira um þetta en
varnarmálaráðherrann ættuð þið
fremur að tala við hann“.
Stjórnmálaskýrendur í Rússlandi
segja að úlfúðin erlendis vegna
ögrandi ummæla Zhírínovskíjs geti
aukið stuðning við hann heima fyr-
ir meðal ákafra þjóðemissinna.
Þeir telji hann vera sterkan leiðtoga
sem verji rússneska hagsmuni í
fjandsamlegum heimi.
Skiptar skoðanir um af-
mörkun fiskmarkaðar
ÚTFLUTNINGBEIÐNI Samherja
hf. fyrir jól vegna tveggja gáma
af karfa var hafnað þar sem þeg-
ar hafði verið úthlutað þeim leyf-
um er rétt þótti að úthluta á mark-
að í Frakklandi, Belgiu og Þýska-
land með tilliti til hámörkunar
aflaverðmætis auk annarra þátta,
s.s. framboðs á fiski til vinnslu
innanlands, að sögn Eiríks Tómas-
sonar stjórnarformanns Aflamiðí-
unar. Hann segir að litið sé á lönd-
in þijú sem eitt markaðssvæði,
enda séu ótal dæmi um að þau
hafi áhrif hvert á annað. Leo Ver-
heya, innkaupasljóri Pieters í
Belgíu, sem ætlaði að kaupa fisk-
inn af Samheija, segir ljóst að
mikill skortur hafi verið á karfa
í Belgíu og neitar að um sameigin-
legan markað landanna þriggja
sé að ræða.
„Þegar við veitum leyfí erum við
ekki að hugsa um einn eða tvo gáma
heldur ástand og útlit almennt. í
þessu tilfelli var búið að úthluta þeim
leyfum sem við töldum rétt að út-
hluta til meginlands Evrópu,“ sagði
Eiríkur þegar rætt var við hann og
minnti jafnframt á að eðlilegt gæti
talist að menn fengju leyfi til útflutn-
ings áður en sölusamningur væri
gerður. Samheijamenn hefðu ekki
farið þessa leið.
Leo Verheye, innkaupastjóri Piet-
ers í Belgíu, sem ætlaði að kaupa
karfann af Samheija, sagði ljóst að
ekki hefðu verið til nægilegar karfa-
birgðir í landinu á umræddum tíma.
Fyrirtækið hefði verið búið að selja
karfann frá Samherja fyrirfram og
til að bjarga því sem bjargað varð
hefði verið brugðið á það ráð að fá
físk flakaðan hjá Bylgju í Ólafsvík
og flytja hann flugleiðis til Belgíu á
mánudag. „Ef við erum að láta senda
okkur físk með jafn dýrum hætti er
staðreyndin auðvitað sú að þennan
fisk hefur vantað. Þetta vita þeir,“
sagði Verheye og vísaði þannig til
Aflamiðlunar.
Verheye sagðist hafa verið í sam-
bandi við utanríkis-, flármála- og
sjávarútvegsráðuneytið vegna máls-
ins. Þá hefðu verið send símbréf
vegna þess til sendiráðs íslendinga í
Brussel og Aflamiðlunar. Hann vitn-
aði í símbréf til Aflamiðlunar og kem-
ur þar fram að aljur ferskur fískur
fyrirtækisins frá íslandi hafí verið
seldur á belgískum markaði. „Við
höfum ekki selt eitt kíló af ferskum
karfa eða grálúðu á frönskum eða
þýskum markaði," segir m.a í bréfinu
og Verheye lagði ríka áherslu á að
löndin þijú væru ekki eitt markaðs-
svæði.
57 bruggverksmiðj ur
stöðvaðar á 52 vikum
LÖGREGLA á höfuðborgarsvæð-
inu stöðvaði starfsemi í 57 brugg-
verksmiðjum á árinu sem er að
líða og hellti niður um 10 þúsund
lítrum af gambra og hátt á annað
þúsund lítrum af eimuðum landa.
Að auki er um að ræða á annan
tug mála þar sem landasölumenn
voru handteknir í bílum eða á al-
mannafæri með landa ætlaðan til
sölu.
Ómar Smári Ármannsson aðstoð-
aryfirlögregluþjónn í Reykjavík sagð-
ist aðspurður telja að helsta skýring-
in á því hve vel lögreglu hefði orðið
ágengt í að uppræta starfsemi brugg-
ara undanfarið væri ávöxtur þess að
lögreglumenn sem þessum málum
hefðu sinnt, einkum í Breiðholtsstöð-
inni í Reykjavík, hefðu lagt áherslu
á að mynda góð tengsl við íbúa þá
sem þeir eigi að þjóna og hefðu notið
þess í því að fólk hefði beint til þeirra
upplýsingum um starfsemi bruggara.
Um 30 bruggverksmiðjanna voru
upprættar í samvinnu lögreglunnar í
Breiðholti og Hafnarfirði, þar af voru
10 á starfssvæði Hafnarfjarðarlög-
reglunnar, og í Kópavogi lagði lög-
Morgunblaðið/Júlíus
GISSUR Guðmundsson rann-
sóknarlögreglumaður í Hafnar-
firði var af hafnfirskum borgara
sæmdur eimingarorðunni 1993 í
viðurkenningarskyni fyrir bar-
áttuna gegn bruggun.
regla hald á sjö bruggtæki. í flestum
stærri málanna var um að ræða sam-
vinnu lögreglumanna í embættunum
á svæðinu.
Minni sala var á hlutabréfum í
vikunni en búist hafði verið við
MIKIL örtröð var hjá verðbréfafyrirtækjunum í gær vegna sölu hluta-
bréfa til einstaklinga sem hyggjast nýta sér skattaafslátt. Verðbréfam-
iðlurum sem Morgunblaðið hafði samband við bar þó saman um að
salan hafi verið minni en búist var við og minni en fyrir áramótin í
fyrra. Þetta er m.a. rakið til þess að nú þarf að eiga hlutabréfin í þrjú ár
í stað tveggja ára áður til að hljóta afsláttinn og verðlækkana bréf-
anna undanfarin tvö ár. Þá hefur mikið framboð hlutabréfa síðustu
tváer vikur komið mjög á óvart. Er á það bent að margir eigendur
hlutabréfa hafi beðið fram eftir árinu og haft væntingar um verðhækk-
anir fyrir áramótin, ekki síst í ljósi viðskiptanna í nóvember þegar
verðbréf í mörgum hlutafélögum hækkuðu verulega. Verðbréfafyrir-
tækin hafa opið til hádegis í dag eða til kl. 14.
„Það hefur verið mjög mikið að
gera og biðröð eftir afgreiðslu í allan
dag,“ sagði Sigurbjöm Gunnarsson,
deildarstjóri hjá Landsbréfum. „Um
helmingur sölunnar hefur verið í ís-
lenska hlutabréfasjóðnum en þar fyrir
utan hafa bréf í Olís, Eimskip, Sæ-
plasti og fleiri félögum selst vel.“
Ásgeir Þórðarson, forstöðumaður
hjá Verðbréfamarkaði íslandsbanka,
sagði að örtröð hefði verið hjá fyrirtæk-
inu og mikil sala. Fólk hefði þurft að
bíða í allt að eina klukkustund. „Það
kemur mér á óvart að það er mikið
af nýjum kaupendum. Um helmingur
sölunnar er í hlutabréfasjóðum og af-
gangurinn hefur dreifst á mörg félög."
Ásgeir kvaðst telja að saian milli jóla
og nýárs til einstaklinga myndi ekki
ná því að verða 500 milljónir eins og
spáð hefur verið heldur nær 400 millj-
ónum. „Salan er minni en í fyrra og
minni en björtustu vonir stóðu til.“
„Framboð hlutabréfa er gríðarlegt
og markaðurinn ber þess öll merki,“
sagði Pálmi Kristinsson, forstöðumað-
ur hjá Kaupþingi. „Seljandinn hefur
gefíð eftir í flestum tilfellum enda hef-
ur eftirspum verið töluvert minni en
væntingar stóðu til.“
Um klukkan sex síðdegis í gær var
búið að skrá hjá Verðbréfaþingi hluta-
bréfaviðskipti fyrir 88 milljónir og að
sögn Pálma þýðir það að viðskipti dags-
ins verði vel á annað hundrað milljónir
þegar allt er tekið með. „Það má bú-
ast við að í heild muni hlutabréfakaup
einstaklinga verða á milli 300 og 400
milljónir í vikunni," sagði Pálmi.