Morgunblaðið - 25.02.1994, Side 20

20
MORGUNBLAÐIÐ FÖSTUDAGUR 25. FEBRÚAR 1994
Japaiii vill kaupa allt að
100 tonn af marglyttu
JAPANSKUR kaupsýslumaður
sem rekur fyrirtæki á sviði sjáv-
arútvegs hefur áhuga á að
kaupa verkaða marglyttu frá
íslandi og áformar Sveinn Jóns-
son oddviti í Árskógshreppi og
fleiri aðilar að reyna veiðar og
vinnslu þessa sjávardýrs næsta
sumar. Fyrirhugað er að senda
út í tilraunaskyni fjóra til fimm
gáma af verkaðri marglyttu til
að byija með.
Sveinn greindi frá þessu á fundi
um atvinnumál sem haldinn var í
Sjallanum á Akureyri í fyrrakvöld,
en Ríkisútvarpið á Akureyri stóð
fyrir fundinum.
Sveinn sagði í samtalið við
Morgunblaðið að fyrir skömmu
hefði Japaninn komið í heimsókn
í Árskógshrepp en hann hefði mik-
inn áhuga á að eiga viðskipti við
íslendinga, m.a. vildi hann kaupa
héðan ígulkerahrogn. Að sögn
Sveins veltir fyrirtæki hans um
20 milljörðum króna, en þætti
-ekki stórt á japanskan mæli-
kvarða. Starfsmaður þessa fyrir-
tækis er væntanlegur hingað til
lands í næsta mánuði til að ræða
um og leiðbeina heimamönnum um
veiðar og vinnslu ígulkera.
„Ástæðan fyrir því að þeir vilja
skipta við okkur er sú að hér er
hreint og gott hráefni að fá, en
eftir slíku er menn famir að leita
í auknum mæli,“ sagði Sveinn.
Söltuð og þurrkuð
Marglyttan verður veidd í net
og síðan er hún látin liggja í salti
í 6 vikur, þá er hún þurrkuð og
sett í pakkningar. „Þetta er nokk-
urs konar snakk, eftir þessa með-
ferð verður marglyttan stökk, hún
er skorin í ræmur og borðuð, það
má líkja henni við franskar kart-
öflur, nema hvað bragðið er allt
annað,“ sagði Sveinn, en hann
hyggst ásamt fleirum reyna fyrir
sér í sumar með veiðamar. Hann
sagði að lítið væri um slíkar veið-
ar vitað á þessu stigi, né heldur
væri málið svo langt komið að
hann vissu um hvaða verð væri
greidd fyrir þessa afurð.
Japaninn hefur áhuga á að fá
til að byija með fjóra til fimm
gáma, eða allt að 100 tonn af
saltaðri oer þurrkaðri marerlvttu.
Morgunblaðið/Rúnar Þór
Skákmenn á Minjasafni
ÞAÐ var frídagur hjá þátttakendum í íslandsbankamótinu, alþjóðlegu
skákmóti sem staðið hefur yfír á Akureyri síðustu daga, og var hann
notaður til skoðunarferðar um bæinn. Skákmennimir komu m.a. við á
Minjasafninu þar sem þeir grófu upp gamalt tafl sem þeir prófuðu sér
til gamans, Daninn Klaus Berg og Bandaríkjamaðurinn De Firmian,
en Ivan Sokolov fvlndist crrannt, með.
,25.000
30.000
kr. afslátt af öllum sleðum
kr. úttekt í aukahlutum og fatnaði
Morgunblaðið/Runar Þór
Stór verðkönnun í Eyjafirði
NEYTENDAFÉLAG Akureyrar og nágrennis stóð í gær fyrir stórri verð-
könnun í 9 verslunum á Eyjafjarðarsvæðinu. Könnunin var gerð í sam-
vinnu við Vinnumiðlunarskrifstofuna á Akureyri, en fólk af atvinnuleysis-
skrá framkvæmdi könnunina. Farið var í allar verslanirnar samtímis, en
könnunin náði til 250 vöruflokka. Fólkið hittist á skrifstofu Neytendafé-
lagsins þar sem Vilhjálmur Ingi Árnason formaður afhenti könnunarlista.
Styrktartonleikar
Á DEGI tónlistarskólanna, sem er
á morgun, laugardaginn 26. febr-
úar, verða haldnir styrktartón-
leikar fyrir minningarsjóð Þor-
gerðar S. Eiríksdóttur í Safnarð-
arheimili Akureyrarkirkju og
hefjast þeir kl. 16.
Á tónleikunum leika nemendur og
kennarar Tónlistarskólans á Akur-
eyri, en sérstakur gestur verður Öm
Magnússon píanóleikari sem er á
meðal styrkþega úr sjóðnum. Efnis-
skráin er fjölbreytt, en einkum verð-
ur flutt kammertónlist. Aðgangur er
ókeypis en tekið verður á móti frjáls-
um framlögum í sjóðinn, sem pinnig
er hægt að styrkja með því að kaupa
minningarkort.
Þorgerður fæddist árið 1954, hún
lauk burtfararprófi frá Tónlistarskól-
anum á Akureyri vorið 1971 og var
nýkomin til Lundúna til að hefja
framhaldsnám er hún lést af slysför-
um í febrúar árið 1972. Markmið
minningarsjóðsins er að styrkja efni-
lega nemendur sem lokið hafa burtf-
ararprófi við Tónlistarskólann á Ak-
ureyri til framhaldsnáms, en frá upp-
hafi hafa 34 nemendur notið styrkja
úr sjóðnum.
(Fréttatilkynning.)
-----» ♦ ♦
Dorgveiðidag-
ur í Olafsfirði
DORGVEIÐIDAGUR fjölskyld-
unnar verður haldinn á Ólafsfjarð-
arvatni nk. sunnudag.
Félagar frá Dorgveiðifélagi ís-
lands verða á staðnum og leiðbeina'
fólki. Veittar verða viðurkenningar
fyrir þátttökuna, sérstakar * viður-
kenningar í flokkum unglinga og
fullorðinna fyrir stærstu fiskana.
Veiði hefst kl. 10 um morguninn, en
mæting er við laxeldisstöð Laxóss
þar sem skráning fer fram.
■ LEIKFÉLAG Verkmennta-
skólans á Akureyri sýnir söngleik-
inn Jósep eftir Andrew Lloyd
Webberog Tim Rice í Gryfjunni,
sal skólans í kvöld, föstudagskvöld
og laugardagskvöld, sunnudags-
kvöld og mánudagskvöld, en allar
sýningamar hefjast kl. 20.30. Bæta
-þurfti við tveimur aukasýningum
vegna mikillar aðsóknar, en uppselt
á sýningamar á laugardags- og
sunnudagskvöld.
■ ARNÞÓR Hreinsson opnar
sýningu á tússpennateikningum, ol-
íumálverkum og olíupastelverkum á
Café Karolínu, Grófargili sunnu-
daginn 27. febrúar. Hann er fæddur
árið 1964 í Vestmannaeyjum og
stundaði nám við MHÍ 1982-1986.
Hann hefur haldið einkasýningar
og tekið þátt í fjölda samsýninga,
en hann tekur einmitt þátt í einni
slíkri í Gerðubergi um þessar
mundir. Arnþór hefur undanfarin
ár unnið sjálfstætt að teiknum, list-
málum og við tímarit. Sýningin er
opin á opnunartíma kaffíhússins
næstu vikur.
■ HADDA hefur hengt upp
nokkrar myndir í Vinnustofugang-
inum í Grófargili og er fólki vel-
komið að líta inn og fá sér kaffí-
sopa. Sýningin er opin frá þriðju-
degi til föstudaga frá kl. 14 til 17
eða á sama tíma og vinnustofan
Grófin. Sýningin stendur út mars-
mánuð, en ætlunin er að leigjendur
vinnustofanna haldi áfram að hafa
fjölbrcytileg verk í vinnustofunni.
■ SÍÐUSTU sýningar verða á
Góðverkunum hjá Leikfélagi
Akureyrar um helgina. Mikil að-
sókn hefur verið að þessum gaman-
leik sem er eftir þijá Þingeyinga,
Ármann Guðmundsson, Sævar
Sigurgeirsson og Þorgeir
Tryggvason. Leikurinn þarf nú að
víkja af fjölunum fyrir stórsýningu
ársins, Óperudraugnum eftir Ken
Hill sem verður frumsýndur í
mars. Tvær sýningar verða á
Góðverkunum um helgina, í kvöld,
föstudagskvöld og laugardjigskvöld-
ið 26. febrúar. Sýningum á Barpari
er verður haldið áfram í „Þorpinu"
nýju leikhúsi LA fram að páskum.
■ FÉLAG áhugafólks og að-
standenda sjúklinga með Alz-
heimersjúkdóm og skylda sjúk-
dóma á Akureyri og nágrenni
heldur fræðslufund í Dvalarheimil-
inu Hlíð á morgun, laugardaginn
26. febrúar kl. 13. Sýnd verða
myndbönd um sjúkdóminn og um-
ræður verða um þau. Samtökin voru
stofnuð í apríl 1992 og vinna þau
nú að því að stofnuð verði dagvist
eða sambýli fyrir sjúklinga á Akur-
eyri. Allir sem áhuga hafa eru vel-
komnir á fundinn.
■ SÓKN breskra togara á ís-
landsmið 1919-1976 er heiti á
fyrirlestri sem Jón Þ. Þór sagn-
fræðingur flytur við Háskólann á
Akureyri næstkomandi laugardag,
26. febrúar, kl. 14 í stofu 24. Jón
Þ. Þór hefur ritað fjöldann allan
af ritgerðum sagnfræðilegs eðlis í
tímarit hér heima og erlendis. Af
útgáfum frá hans hendi má nefna
Landráð og landsfeður, Bréfa-
skipti dr. Valtýs Guðmundssonar
og Björns Jónssonar ritsljóra og
ráðherra og Bréfabók Þorláks
biskups Skúlassonar. Jón Þ. Þór
er formaður alþjóðlegs sagnfræðifé-
lags sem nefndist Association for
the History of the Northern Seas
en þau samtök efna til þings við
Háskólann á Akureyri dagana 15.
til 20. ágúst á sumri komanda.
(Fréttatilkynning.)