Morgunblaðið - 31.05.1994, Blaðsíða 19

MORGUNBLAÐIÐ
ERLENT
ÞRIÐJUDAGUR 31. MAÍ 1994 19
Erich Honecker látínn í Chile
Faðir Berlínar-
múrsins lést í út-
legð og einsemd
Bonn, London. The Daily Telegraph, Reuter.
ERICH Honecker, fyrrum leiðtogi Austur-Þýskalands, lést á heimili
sínu í Santiago í Chile á sunnudag. Honecker, sem hafði um nokkura
ára skeið þjáðst af krabbameini í lifur, neitaði að gangast undir bráða-
aðgerð á síðustu stundu þar sem hann taldi slíkt vera vonlaust. Honec-
ker, sem þekktastur var fyrir að hafa látið reisa Berlínarmúrinn, hafði
búið í Chile frá því í janúar 1993. Þangað flutti hann eftir að dómstóll
í Berlín hafði komist að þeirri niðurstöðu að hann væri of veikur til
að hægt væri að rétta í máli hans. í október 1992 greindu læknar frá
því að Honecker ætti í mesta lagi eftir 18 mánuði ólifaða. Reyndist
þeim einungis skeika um mánuð. Þýskur almenningur virtist ekki taka
andlát Honeckers mjög nærri sér er þýska sjónvarpið spurði fólk um
viðbrögð. „Er hann látinn? Loksins, Guði sé lof,“ sagði einn aðspurðra.
Honecker fæddist árið 1912 i
bænum Neunkirchen í Saarland í
suðvesturhluta Þýskalands. Hann
gerðist meðlimur í ungliðahreyf-
ingu Kommúnistaflokksins árið
1922 og sjö árum síðar í Komm-
únistaflokki Þýskalands. Arið
1930 nam hann við Lenínskólann
í Moskvu og er hann sneri aftur
heim varð hann ritari ungliða-
hreyfingar kommúnistaflokksins í
Saar-héraði. Fimm árum síðar,
eftir að nasistar höfðu komist til
valda, var hann handtekinn í Berl-
ín og árið 1937 var hann dæmdur
til tíu ára fangelsivistar. Hann
hlaut frelsi á ný er Rauði herinn
hernam Berlín árið 1945 og hóf
hann þá á ný störf í flokknum.
Er ungmennahreyfing Austur-
Þýskalands, FDJ, var stofnuð árið
1946 varð Honecker leiðtogi henn-
ar og árið 1950 tók hann sæti í
miðstjórn Kommúnistaflokksins.
Honecker starfaði mikið að innri
öryggismálum og gat sér orð fyrir
mikla hörku, ekki síst í kjölfar
uppreisnarinnar gegn stjórnvöld-
um árið 1953. Árið 1961 var hann
orðinn næst valdamesti maður
Austur-Þýskalands á eftir Walter
Ulbricht og falin yfirumsjón með
byggingu Berlínarmúrsins. Árið
1971 varð hann leiðtogi Kommún-
istaflokksins og er Ulbricht lést
árið 1973 tók hann við forseta-
embættinu.
Mikil persónudýrkun var byggð
upp í kringum Honecker og hélt
hann því gjarnan fram að honum
hefði tekist að gera Austur-Þýska-
land að öflugasta iðnrikinu
austantjalds. Eftir sameiningu
Þýskalands kom hins vegar í ljós
að flestar yfirlýsingar um efr.a-
hagslegan mátt landsins höfðu
byggt á lygum og fölsunum.
A níunda áratugnum lenti aust-
ur-þýska hagkerfið í miklum erfið-
leikum vegna verðhækkana á so-
véskri olíu og öðrum hráefnum auk
tölvubyltingarinnar á Vesturlönd-
um. Honecker reyndi að bregðast
við þessu með því að halda uppi
hagvexti óháð því hveiju yrði að
kosta til. Leiddi þetta til gífurlegra
umhverfisslysa í austurhluta
Þýskalands.
Austur-þýska kerfið hrundi svo
loks haustið 1989 í kjölfar þess
að Ungveijar höfðu opnað landa-
mæri sín gagnvart Austurríki og
hundruð þúsunda Austur-Þjóð-
veija streymdu til Vesturlanda.
Erich Honecker var ýtt frá völdum
af eigin flokksmönnum og við
stjórn landsins tók Egon Krenz.
Honecker var rekinn úr kommúni-
staflokknum og lengi vel var hann
í stofufangelsi í Berlín. í apríl
1990 var hann fluttur á sovéskt
hersjúkrahús í Austur-Þýskalandi
og í mars 1991 til Sovétríkjanna.
Kröfurnar um að hann yrði látinn
svara til saka fyrir gjörðir sínar
urðu sífellt háværari í Þýskalandi,
ekki síst í kjölfar þess að fjórir
fyrrum austur-þýskir landamæra-
Rcuter
Boltamynt sett
á markað í Japan
HEIMSMEISTARAMÓTIÐ í
knattspyrnu hefst eftir röskar
tvær vikur í Bandaríkjunum og
stendur keppnin yfir í fjórar vik-
ur. Til að fjármagna kostnaðar-
samt mótshaldið verða fram-
kvæmdaraðilar að hafa allar
klær úti og hefur framkvæmda-
nefndin meðal annars látið slá
sérstaka minjapeninga. Verður
hún seld í sérstökum öskjum um
heim allan og var myndin tekin
er hún var sett á markað í Japan
í gær.
HONECKER lést á heimili sínu í Chile um helgina. Hér má sjá ekkju hans, Margot, á Iíkvöku.í gær.
verðir voru kærðir fyrir að hafa
skotið pilt er reyndi að flýja yfir
Berlínarmúrinn. í árslok 1991 gaf
Borís Jeltsín Rússlandsforseti fyr-
^rheit um að Honecker yrði fram-
seldur og leitaði hann þá hælis í
sendiráði Chile í Moskvu. Þar hafð-
ist hann við þar til í ágúst 1992
að hann gafst upp og hélt til
Þýskalands þar sem hann var
handtekinn og settur í gæsluvarð-
hald. Réttarhöldin yfir honum hóf-
ust í nóvember sama ár og var
hann sakaður um manndráp. í
janúar 1993 var hins vegar kveð-
inn upp úrskurður um að Honec-
ker væri ekki nógu heilsuhraustur
til að halda réttarhöldunum áfram.
Hélt hann þá til fjölskyldu sinnar
í Chile.
Honecker kvæntist árið 1947
Edith Baumann, sem var háttsett
innan Kommúnistaflokksins. Þau
skildu og sá Honecker til þess að
hún var svipt stöðu sinni og öllum
embættum. Árið 1953 kvæntist
hann Margot Feist, sem hann
gerði síðar að menntamálaráð-
herra. Var hún almennt kölluð
„Nornin" meðal Þjóðveija. Þau
áttu tvær dætur saman.
Kólumbía
Kosið að
nýju um
forseta
Bogota. Reuter.
EFNA verður til annarrar um-
ferðai' í forsetakosningunum í
Kólumbíu eftir þijár vikur þar
sem enginn frambjóðendanna
fékk meirihluta atkvæða í kosn-
ingunum á sunnudag, þeim tví-
sýnustu í sögu landsins.
Þegar talið hafði verið í 97%
kjörstaðanna var hagfræðing-
ut'inn Ernesto Samber, fratn-
bjóðandi Fijálslynda flokksins,
með 45,25% atkvæða og Andr-
es Pastrana, fyrrverandi sjón-
varpsmaður og frambjóðandi
íhaldsflokksins, 44,92%.
Kosið verðut' á rnilli þeirra
tveggja í síðari umferðinni 19.
júní en sextán aðrir frambjóð-
endur heltust úr lestinni.
Kosningarnar fóru friðsam-
lega fram en kjörsóknin var
mjög lítil, tveir af hverjum
þremur neyttu ekki atkvæðis-
réttar síns.

Sumarbústaðaeigendur:
Við eigum réttu eldavélina fyrir ykkur
Hæð 85 cm, breidd 50 cm.
4 hellur venjulegar kr. 43.605,-
4 hellur keramik kr. 71.155,-
Hjá okkur færðu ennfremur
ELFA-OSO ryðfría hitakúta með blöndunarkrana.
ELFA-GENNEL ódýra olíufyllta rafmagnsofna.
Blomberg kæliskápa.
Ávallt nýbakað brauð
Taktu El-Gennel brauðvélina í bústaðinn og þú
átt þá alltaf nýtt brauð án nokkurrar fyrirhafnar.
Hún hnoðar, hefar og
algerlega sjálfvirkt.
íslenskar uppskriftir
fylgja.
Verð kr. 26.505,-.
ÖII verð staðgreiðsluverð með vsk.
Einar
Farestveit&Co.hf.
Borgartúni 28 622901 og 622900
Hæð 85 cm, breidd 40 cm.
2 hellna venjuleg kr. 37.905,-
- Þjónusta í þína þágu -