Morgunblaðið - 09.06.1994, Blaðsíða 44

44 FIMMTUDAGUR 9. JÚNÍ 1994
MORGUNBLAÐIÐ
FOLKI FRETTUM
Vinsælar
tískusýningar
ELLA er útskrifuð úr skóla sem
sérhæfir sig í meðferð tisku-
vamings og hefur staðið fyrir
tískusýningum á mörgum helstu
skemmtistöðum borgarinnar.
Hún segir að sýningarnar séu
nú orðið meira viðburður held-
ur en sölusýningar. Ein slík
tískusýning var haldin um helg-
ina á Tveim vinum. Stúlkurnar
sem tóku þátt í sýningunni
heita: Hlín, Berglind, Sólveig,
Anna, Guðný og Svala Björg-
vinsdóttir, en hún syngur í
hljómsveitinni Scope sem hefur
gert lagið „Was it all it Was“
vinsælt. Scope er einmitt upp-
hitunarhljómsveit á listahátíð-
artónleikum Saint Etienne á
föstudagskvöldið.
Jerry Hall
elskar eigin veislur
►FYRIRSÆTAN Jerry Hall var spurð
hvernig veislu hún kysi sér helst: „Ég
er ein af þeim manneskjum sem elska
eigin veislur. Ég þarf að vera í óvenju
góðu skapi og með öllum sem mér
þykir vænt um. í minningunni er mér
annst um fimmtugsafmæli Mick’s [Jag-
ger]. Þá héldum við veislu í anda
frönsku byltingarinnar. Ég klæddi
mig eins og María Antoinette og út
um allt voru fallaxir og afhöggvin
höfuð.“ Jerry Hall þarf aukaaðstoð
fyrir undirbúning stórra veisla eins
og þessarar. A gestalistanum eru nöfn
eins og Dave Stewart, Marie Helvin,
Anjelica Huston og Lenny Kravitz.
„Ég tel allt sem virkar örvandi á fólk
nauðsynlegt góðri veislu, t.d. höfugur
og áfengur ilmur, hvítar rósir og vel
kryddaður matur. Góður gestgjafi
verður að vera duglegur við að kynna
gesti sína og má aldrei verða uppis-
kroppa með áfengi eða mat.“
morgun frumsýnum við NÝLIÐANA, hörkumynd með Nick
Nolte og NBA - stjömunum frá Orlando Magic, Shaquille
O'Neal og Anfernee „Penny" Hardaway, auk gömlu Celtics -
kappanna Larry Bird og Bob Cousey.
HOLLYWOOD
Aðeins ef ég vil
deyja fyrir hana
FYRIR tæpum tveimur árum notaði Jodie Foster sér það
góða orðspor sem hún hafði skapað sér, með tveimur
óskarsverðlaunum og frábærum dómum fyrir leikstjórn,
og náði samningi við kvikmyndafyrirtækið Polygram.
Hún fær að spreyta sig á eigin spýtur og heyrst hefur
að Polygram muni fjárfesta allt að sjö milljarða ísl. króna
í framleiðslu hennar. En hvað veldur þessari miklu vel-
gengni hennar: „Mér finnst erfitt að gefa mig ekki 130
prósent þegar ég leik í kvikmynd . Líklega er það þess
vegna sem ég leik ekki mikið. Ég get leikið í góðri
kvikmynd, en hvers vegna að ómaka sig, þegar
maður getur leikið í frábærri. Kvikmynd sem
breytir lífi fólks, eins og kvikmyndir hafa
breytt mínu lífi. Ef ég gef samþykki mitt
fyrir kvikmynd er það vegna þess að
ég vil deyja fyrir hana.“
FOLK
Dennis
Potter
látinn
London. Reuter.
► BRESKA leikskáldið Dennis
Potter lést á þriðjudagsmorg-
un 59 ára að aldri. Potter
skrifaði meðal annars
sjónvarpsþættina Ljúft
er að láta sig dreyma
(Lipstick on your Coll-
ar), Skildingar af himn-
um (Pennies From
Heaven) og Söngelski
spæjarinn (The Sing-
ing Deteetive). Hann
var illa haldinn af
krabbameini og sórías-
is. Eiginkona hans lést
úr krabbameini fyrir viku.
Potter vissi að dagar hans
væru taldir, og hafði keppst við
að Ijúka tveím sjónvarpsleikrit-
um, „Karaoke" og „Cold
Lazarus", sem hann rak
smiðshöggið á skömmu
áður en hann lést. „Mér
varð þetta ljóst á Valentín-
usardaginn [14. febrúar] -
kom eins og vitrun,“ sagði
hann í sjónvarpsviðtali í
apríl. „Hvorki lyfjameð-
ferð né skurðaðgerð dug-
ar. Ég tek bara verkja-
deyfandi þangað til, þú
veist, farvel Frans,
eins og sagt er. Af
einhverjum undar-
legum ástæðum
• er ég alveg
sallarólegur.
Nýt lífsins."
Lokasýning Möguleikhússins
Dimmalimm vakti
hrifningu barna og
fullorðinna
SÍÐASTLIÐINN mánudag hélt
Möguleikhúsið sýningu á leikriti
um Dimmalimm, sem unnið er
upp úr sögu Guðmundar Thor-
steinssonar eða Muggs. Margir
krakkar mættu á sýninguna, tóku
foreldra sína með sér og skemmtu
sér konunglega, enda lögðu þeir
sitt af mörkum til sýningarinnar.
Þeir voru afar hjálplegir leikurun-
um og iðnir við að benda á úr-
ræði ef þeim þótti eitthvað fara
úrskeiðis.
Möguleikhúsið er atvinnuleik-
hópur sem unnið hefur að leik-
sýningum fyrir börn í tæp fjögur
ár. Að því standa leikararnir Alda
Arnardóttir, Bjarni Ingvarsson,
Pétur Eggerz og Stefán Sturla
Sigurjónsson.