Morgunblaðið - 04.08.1994, Blaðsíða 7
MORGUNBLAÐIÐ
FIMMTUDAGUR 4. ÁGÚST 1994 7
FRÉTTIR
Staða skólastjóra við ffrunnskólann á Hvolsvelli olli deilum
Skipaður skólastjóri dró
umsókn sína til baka
4
Morgunblaðið/Snorri Snorrason
UNNAR Þór Böðvarsson, skólastjóri í Reykholti, telur að menntamálaráð-
herra hafi gengið fram hjá sér við skipun skólastjóra grunnskóla Hvol-
svallar, Hvolsskóla, og hyggst hann kæra veitinguna til umboðsmanns
Alþingis. Ólafur G. Einarsson, menntamálaráðherra, skipaði nýlega Jónínu
Tryggvadóttur, kennara við Fósturskóla ísiands, skólastjóra grunnskól-
ans, en tólf manns sóttu um stöðuna. Ráðherra segist hafa gert það á
grundvelli meiri menntunar Jónínu og með tilliti til jafnréttislaga. Unnar
Þór fékk öll atkvæði bæði í skólanefnd og kennararáði skólans þegar
hann sótti um. Hann segir að þá hafi málið farið til fræðslustjóra sem
einnig hafi stutt hann og síðan til menntamálaráðherra. Síðdegis í gær
dró Jónína umsókn sína til baka og taldi Ágúst Ingi Ólafsson formaður
skólanefndar að hún hafi ekki viljað standa í útistöðum og etjum.
Skólastjórafélag Suðurlands
Mótmælir stöðu-
veitingu ráðherra
SKÓLASTJÓRAFÉLAG Suður-
lands' hefur mótmælt vinnu-
brögðum við stöðuveitingu skóla-
stjóra við Hvolsskóla á Hvols-
velli.
í fréttatilkynningu frá félag-
inu segir m.a. að Unnar Þór
Böðvarsson hafi hlotið stuðning
skólanefndar, kennararáðs og
fræðslustjóra á Hvolsvelli, en
menntamálaráðherra hafi hunds-
að vilja heimamanna og skipað
Jónínu Tryggvadóttur í stöðuna.
Það skjóti einnig skökku við
að á meðan ráðherra boði aukna
valddreifingu í skólakerfinu og
aukna ábyrgð heimamanna, þá
skuli hann ganga þvert á vilja
heimamanna í þessu máli.
Félagið mótmælir þessu og
óskar eftir opinberum skýringum
á því hvers vegna ráðherra gangi
framhjá vilja heimamanna og
þvert á þá stefnu sem hann boði.
Unnar Þór segir að þessir þrír
aðilar hafi talið hann hæfastan til
þess að gegna stöðunni og því hafj
það komið honum verulega á óvart
að hljóta hana ekki, hann hafi þegar
verið farinn að huga að flutningum.
„Ég get ekki fundið neina skýringu
á þvi hvers vegna ég hlaut ekki stöð-
una,“ segir hann.
Hyggst krefja ráðherra svara
Unnar Þór hefur verið skólastjóri
í Reykholti síðastliðin 13 ár og áður
skólastjóri á Vestfjörðum í ellefu ár.
Hann hyggst krefja ráðherra svara
um hvers vegna hann hafi ekki verið
ráðinn, því að hans mati sé ekki um
að ræða að framfylgja jafnréttislög-
unum, enda sé aðstoðarskólastjórinn
í Hvolsskóla kona. Hún sótti ekki
um stöðu skólastjóra. „Einnig er ég
búin að vera skólastjóri í aldarfjórð-
ung og fólkið á Hvolsvelli leit til
þess,“ segir Unnar. „Mér finnst frek-
lega brotið á mér, sveitarstjórninni
og heimafólki. Það er traðkað alveg
á þeirra vilja.“
Unnar Þór segist vera staðráðinn
í því að kæra stöðuveitingu ráðherr-
ans út frá jafnréttissjónarmiði. „Mitt
jafnréttishugtak nær ekki svo langt
að það eigi að skipa konur í allar
stöður,“ segir hann. „Síðan mun ég
kæra þetta til umboðsmanns Alþing-
is og ég mun fara með þetta mál
eins langt og ég get.“
Honum finnst þetta einnig vera á
skjön við stefnu menntamálaráð-
herra um að færa stjórn skólanna
yfir til sveitarfélaganna þegar hann
ræður ekki þann sem heimamenn
kjósa.
Jónína með meiri menntun
Ólafur G. Einarsson menntamála-
ráðherra segir tvær ástæður liggja
að baki stöðuveitingunni. Jónína hafi
meiri menntun en Unnar Þór og
finnst honum það skipta miklu máli.
Unnar hafi aftur á móti mun meiri
reynslu af skólastjórnun, en það
skipti ekki sköpum í þessu tilfelli.
„Það er mikill munur á menntun-
inni,“ segir hann. „Það út af fyrir
sig dugir mér alveg til þess að taka
Jónínu fram yfir Unnar.“
Einnig segist Ólafur hafa þurft
að taka tillit til jafnréttislaganna,
sem skólanefnd, kennararáði og
fræðslustjóra komi ekki við, en hon-
um^beri að halda.
Ólafur segir að sér hafi þótt slæmt
að ganga fram hjá vilja þeirra þriggja
aðila sem honum beri að leita álits
hjá. „En mér þykir verra að þessir
aðilar skuli ekki meta í neinu þá
menntun sem kennarar eru að sækja
sér í skólastjórnun, sem ég held að
verði skilyrði fyrir veitingu skóla-
stjóraembættis í framtíðinni. Það er
mitt mat að þeir kennarar sem leita
sér fyllri menntunar eigi að njóta
þess.“
Svanur RE
45 end-
urnýjaður
SVANUR RE 45 kom til heima-
hafnar í Reykjavík að morgni síð-
astiiðins föstudags 29. júlí eftir
gagngerar endurbætur í Póllandi.
Að sögn Ingimundar Ingimundar-
sonar útgerðarmanns fór skipið
héðan til Nada-skipasmíðastöðv-
arinnar í Gdynia þann 4. apríl síð-
astliðinn. Nær allt hefur verið
endurnýjað annað en vél og
nokkrar vistarverur. Framendi
skrokksins var endurbyggður og
sett perustefni á skipið. Allt ofan-
þilja er nýsmíði, bæði brú, hval-
bakur og rými undir brú þar sem
meðal annars er nýtt eldhús og
borðsalur. Einnig eru fjórir nýir
svefnklefar í skipinu.
Skrokkurinn var sandblásinn
að innan og utan og lestum breytt.
Dælubúnaðinum er stjórnað úr
brú. í perustefninu er 30 tonna
ferskvatnsgeymir.
Að sögn Ingimundar er nú ver-
ið að búa skipið til loðnuveiða.
Skipstjóri á Svani RE 45 er Gunn-
ar Gunnarsson og eru 14 í áhöfn.
SERTILBOÐ
á 15 og 18 gíra
fjallahjólum.
Fáein eintök af
metsölufjallahjólinu
JAZZ by TREK.
Dæmi:
TREK USA, Model 800 (18 gíra Shimano,
krómólý stell í mörgum stær&um,
26" gjarbir og átaksbremsur)
á kr. 22.054 stgr. (áður kr. 27.935 stgr.).
TREK USA, Model 820 (21 gírs,
gripskiftir krómólý stell í mörgum
stærðum,2ó" gjarðir og átaksbremsur)
á 27.527.stgr. (áður 34.868.stgr.)
JAZZ fjallahjól
Mjúkur hnakkur
Áfaks- *
bremsur
Krómólý létf-
malmstell með E
*vilangri óbyrgð \
EINNIG MARGAR FLEIRI GERÐIR FJALLAHJOLA
GÖTUFJALLAHJÓLA, HEFÐB UNDINNA HJÓLA
OG BARNAHJÓLA FRÁ BANDARÍKJUNUM,
ÞÝSKALANDI,FRAKKLANDI, DANMÖRKU
OG HOLLANDI.
Breið gróf-
mynstruð
SUMARTILBOÐH>
STENDUR AÐEINS
í 10 DAGA
.. Heiönjo/aversiunmr—
ORNINNP'
SKEIFUNNI V I
VERSLUN SÍMI889890 VERKSTÆÐISIMI889891
OPIÐ
LAUGARDAGA
KL. 10-14
RAÐGREIÐSLUR
ALVEG EINSTAKT TÆKIFÆRI TIL AÐ EIGNAST KJORGRIP A TOMBOLUVERÐI