Morgunblaðið - 04.08.1994, Blaðsíða 32
32 FIMMTUDAGUR 4. ÁGÚST 1994
MORGUNBLAÐIÐ
Ferdinand
Smáfólk
Reyndu aldrei að
kyssa einhvern í
gegnum íþrótta-
grímu!
NEVER TRy
TO KI55
50MEB0PV
THR0U6H A
CATCHER'5
MA5K! .
4-20
O 1994 Umted Fealure Syndicate. Inc. c'Z/lJfM.
BREF
TIL BLAÐSINS
Kringlan 1103 Reykjavík • Sími 691100 • Símbréf 691329
Fyrsta ársmót
Reynifellsættar
Frá Þór Jakobssyni:
FYRSTA ársmót Reynifellsættar
verður haldið að Laugalandi í Holt-
um laugardaginn 13. ágúst 1994.
Mun það hefjast kl. 14 og standa
til kl. 18. Þeir sem tök hafa á geta
þó dvalist lengur og pantað sér
gistingu til næsta dags á sumar-
hótelinu, innanhúss eða á tjald-
stæði.
Með þessu fyrsta ársmóti Reyni-
fellsættar verður riðið á vaðið með
tilraun til að halda slíkan fagnað
árlega. Farið verður hægt í sakirn-
ar að þessu sinni sökum hins
skamma fyrirvara en þeim mun
betur verður vandað til næstu sam-
funda, að öllum líkindum að ári.
Laugardaginn 13. ágúst nk. verður
kaffi á boðstólum í Laugalandi,
kynni munu takast með ættmenn-
um úr Reynifellsætt og þá munu
verða kynnt störf ættfræðinefndar
Reynifellsættar.
Fjórar ættkvíslir
Reynifellsætt er rakin til hjóna
sem bjuggu á Reynifelli í Rangár-
vallahreppi á árunum frá því um
það bil 1760 til 1790. Þau hétu
Þorgils Þorgilsson (1718-1763) og
Guðrún Erlendsdóttir (1722-
1798). Þau eignuðust sex börn og
náðu fjórir synir fullorðinsaldri. Er
margt manna frá þeim komið og
má til hægðarauka skipta Reyni-
fellsætt í íjorar ættkvíslir raktar
til þeirra bræðra, en þeir hétu
Magnús (1748-1814) í Tungu, Sig-
urður (1752-1813) í Bolholti, síðar
í Stúfholti og Kambi í Holtum, Jón
(1757-1824) á Rauðnesstöðum og
Finnbogi (1760-1833) á Reynifelli
(Rangvellingabók Valgeirs Sig-
urðssonar, 1982). Bærinn Reynifell
liggur við fjallsrætur Þríhyrnings,
norðanvert.
Öflun upplýsinga og tölvuskrán-
ing Reynifellsættar hófst fyrir 5
árum og hafa nú verið skráðir um
7.500 niðjar þeirra Þorgils og Guð-
rúnar, ásamt mökum og tengdafor-
eldrum niðja. Er hér um ærna vinnu
að ræða eins og gefur að skilja.
Það afrek hafa unnið mæðgurnar
Selma Egilsdóttir á Selfossi, áður
á Hvolsvelli, og Kristín Auður Jóns-
dóttir í Garði á Suðurnesjum, nú
nýflutt til Noregs. Vonir standa til
að niðjatal með hinum fjórum ætt-
kvíslum Reynifellsættar verði gefið
út í nokkrum bindum með tíð og
tíma.
Undirbúningsnefnd
Upplýsingar um fyrsta ársmót
Reynifellsættar 13. ágúst nk, gefa
eftirtaldir í undirbúningsnefnd: Þór
Jakobsson veðurfræðingur og
Selma Egilsdóttir ættfræðingur (s.
98-21917). Ennfremur fást upplýs-
ingar í síma 98-76543 að Lauga-
landi í Holtum (Inger Nielsen).
Undirbúningsnefnd hvetur alla
af Reynifellsætt að bregða sér á
fyrsta ársmótið sem nú er í vænd-
um. Það skal að lokum tekið fram
að gamlir og ungir Rangæingar eru
velkomnir að taka þátt í fagnaðin-
um hvort sem þeir eru af Reyni-
fellsætt eða ekki.
ÞÓR JAKOBSSON
veðurfræðingur,
Espigerði 2,108 R.
Að færa til aldamótin
Frá Þórði Guðmundssyni:
ÞANN 21. júlí síðastliðinn birtist
grein í Morgunblaðinu undir yfir-
skriftinni: „20. öldin hvenær lýkur
henni.“ Sigurbjörn Guðmundsson
fer á kostum við að rökstyðja það
að þessi áratugur hafi byijað 1. jan-
úar 1991 og endi 31. desember
2000. Þessi grein var allsérstök og
sé ég mig knúinn til að mótmæla
örlítið þessari grein.
Núll hross
Sigurbjöm fór í hugskoti sínu út
í haga ásamt tveimur vinum sínum
til að telja fimm hross. Vinir hans
tveir töldu fímm hross en Sigurbjörn
aðeins fjögur. Síðan verður til
ágreiningur sem stendur enn í dag.
Það er vegna þess að hann bendir
á hross og segir „0“, svo á næsta
hross og segir þá „1“, og heldur
síðan áfram. Satt best að segja þá
er táknið „0“ tákn fyrir ekki neitt.
Það er ekki hægt að nota það eins
og venjulegt töluorð. Með því að
núllgreina hluti eru þeir taldir eins
og þeir séu ekki til. Þannig var fyrsti
hesturinn núllgreindur eins og um
engan hest væri að ræða.
Angurgapar
Þá var hoppað til baka í tímatal-
inu. Segir Sigurbjörn „að upphafs-
menn tímatals okkar hafi verið slík-
ir angurgapar að þeir hafi byijað
talninguna á einum í stað þess að
byija á núlli". Upphafsmenn tíma-
talsins gátu ekki farið að byija tíma-
talið á núlli þar sem þetta tákn er
ekki töluorð og það er ekki hægt
að hafa ár með yfirskriftinni og
tákninu „0“ sem táknar ekki neitt.
Þess vegna var ákveðið að láta tíma-
talið byrja frá núlli en ekki á núlli.
Sem sagt, byijað er á einum og
áfram. Af þeim sökum geta ekki
upphafsmenn tímatalsins talist
„angurgapar".
Heilbrigð skynsemi
Þó að tímatalið byiji á einum, þá
er ekki þar með sagt að við förum
að slíta í sundur áratugi og jafnvel
færa til aldamót. Ef síðasta ár 20.
aldarinnar er árið 2000 þá er um
leið búið að færa til aldamótin um
eitt ár! Þá byijar 21. öldin ári 2001!
Það er enginn tilgangur í því að
ofurselja sig þannig tölunum að
heilbrigða skynsemi vanti.
Núll verður að tölu þegar því er
bætt aftan við töluorð og myndar
töluorð ásamt því. Þannig verður
fyrsta ár þessa áratugar 1990 en
ekki 1991 þar sem núllið kemur á
undan einum en það gagnast ekki
að taka núllið eitt og sér, fara með
það út í haga og ætla sér að telja
hross! Síðasta ár þessarar aldar er
1999. Og hljóta flestir að vera sam-
mála um það. Með þökk fyrir birt-
inguna.
ÞÓRÐUR GUÐMUNDSSON,
guðfræðinemi, Laugarnesskóla
105 Reykjavík.