Morgunblaðið - 04.08.1994, Blaðsíða 11

MORGUNBLAÐIÐ
FIMMTUDAGUR 4. ÁGÚST 1994 11
AKUREYRI
LANDIÐ
700-670" SAM-
TALS:
600
540
Atvinnuleysi
á Akureyri
janúar til júlí
1994
500
400
425
385
Atvinnuleysi
á Akureyri
í júlílok 1991-1994
SAM-
TALS:
425
Erfitt atvinnuástand meðal verkafólks
Aldrei j afnmargir
atvinnulausir í júlí
ATVINNULEYSI á Akureyri í lok júlímánaðar hefur aldrei verið eins
mikið og nú. Alls voru 425 skráðir atvinnulausir, 173 karlar og 252
konur. Núna í júlílok eru atvinnulausir um 50 fleiri en á sama tíma
í fyrra og rúmlega 200 fleiri en á sama tíma 1991.
Listasumar ’94
Rokk og ljóð
Breska
ljóðskáldið
og rokk-
arinn Mart-
in Newell
kemur fram
í Deiglunni klukkan 21 í kvöld.
Hann hefur gefið út fjölmarg-
ar plötur svo og ljóðabækur
og komið fram sem ljóðskáld.
Söngvaka í Minja-
safnskirkjunni
Söngvaka er í kvöld klukkan
21 í kirkju Minjasafnsins. Rósa
Kristín Baldursdóttir og Þór-
arinn Hjartarson flytja íslensk
sönglög. Safnið er opið í kvöld
til klukkan 22.30.
Árni ísleifs djassar
Djassklúbbur Listasumars
og Karólínu verður í kvöld eins
og alla fímmtudaga. í þetta
sinn mun Árni Isleifsson djass-
kóngur Egilsstaða leika þar
ásamt Garðari Harðarsyni
bassaleikara og Ragnheiði
Sigjónsdóttur söngkonu.
Heildartala atvinnulausra á
Akureyri hefur lækkað hægt og
bítandi frá áramótum. Mest fækk-
aði atvinnulausum frá janúarlokum
til febrúarloka, úr 670 í 583, en
þá fækkaði konum á skrá um 52
og körlum um 35, og frá apríliokum
til maíloka, úr 540 í 471, en þá
fækkaði skráðum konum um 9 en
körlum um 60. Breytingar á
heildartölunni eru að öðru leyti litl-
ar milli mánaða.
Það vekur athygli að skráðum
atvinnlausum körlum fækkar um
hver mánaðamót en sveiflur eru til
muna meiri i hópi atvinnulausra
kvenna. Þeim fækkar frá janúar til
febrúar, eru jafnmargar í febrúar-
lok og marslok, íjölgar til aprílloka,
fækkar á ný til loka maí, fjölgar
til júníloka og fækkar ögn nú til
júlíloka. Skráðar atvinnulausar
konur á þessu ári eru fæstar í febr-
úar og mars, 233, en flestar í jan-
úar, 285. Atvinnuleysi hjá körlum
er minnst nú í júlílok, 173, en var
mest í lok janúar, rúmlega tvöföld
tala atvinnulausra nú, 385 manns.
Versti júlímánuðurinn
Aldrei hafa jafnmargir verið at-
vinnulausir í lok júlí og á þessu
ári. Atvinnulausir nú eru rúmlega
200 fleiri en 1991, 175 fleiri en
1992 og 47 fleiri en í fyrra. At-
vinnulausir nú eru um 100 fleiri af
hvoru kyni en í júlílok 1991 og
áberandi er að álíka margir karlar
eru atvinnulausir í júlílok nú og í
fyrra en atvinnulausar konur eru
nú 45 fleiri en í fyrra.
Að sögn Sigrúnar Björnsdóttur
hjá Vinnumiðlunarskrifstofunni á
Akureyri segja þessar tölur einung-
is hver staða var í skráningu at-
vinnulausra síðasta föstudag mán-
aðarins. Miklu meiri hreyfing væri
á skráningum en tölurnar gæfu til
kynna. Þannig hefðu alls 603 kom-
ið til skráningar í júlímánuði. Flest-
ir þeirra sem fengið hefðu vinnu
hefðu komist að hjá Akureyrarbæ,
annars dreifðist þetta á marga
staði. Sigrún sagði að langmest
atvinnuleysi væri hjá verkafólki.
Alls væru 183 Einingarfélagar á
skrá og mest konur, 119 talsins.
Næstflestir atvinnulausra eru versl-
unar- og skrifstofufólk, 96, þar af
73 konur. Iðjufélagar atvinnulausir
eru 72, þar af 43 konur.
Að sögn Sigrúnar eru atvinnu-
leysistölur nú mun hærri en vænta
hefði mátt þar sem þessi mánaða-
mót hafa jafnan verið svo, að færri
hafa komið til skráningar en ella,
sumpart vegna fjarveru. Nýjar regl-
ur um atvinnuleysisskráningar
komi hér ef til vill eitthvað til skýr-
inga en þó alls ekki að öllu leyti.
í átaksverkefnum í lok júlí nú
voru alls 69, ýmist hjá Akureyrarbæ
eða einstaklingum og fyrirtækjum.
Verslunarmannahelgin í Skagafirði
Engin útihátíð
en mikil umferð
Skagafirði - Engin skipulögð úti-
hátíðahöld voru um verslunar-
mannahelgina í Skagafirði, en
hestamannafélögin Léttfeti og Stíg-
andi héldu árlegt hestamót sitt á
Vindheimamelum.
Á Vindheimamelum var fremur
fátt fólk, en þó nokkur fjöldi ungl-
inga sló upp tjöldum sínum við
Varmahlíð, en í félagsheimilinu
Miðgarði skemmti hljómsveitin Plá-
hnetan á föstudags- og laugardags-
kvöld, og voru þessir dansleikir tveir
af þremur þeim fjölsóttustu á sumr-
inu. Allt fór fram með sæmilegum
friði á föstudagskvöldið, en eftir
dansleikinn á laugardagskvöldið
kom til átaka utan við félagsheimil-
ið, á meðan lögreglan var að taka
ökumann sem grunaður var um ölv-
un við akstur, og í átökunum var
einn samkomugestur nefbrotinn og
hlaut hann fleiri áverka í andliti,
sem gert var að á sjúkrahúsinu á
Sauðárkróki.
Fjórir gistu fangageymslur lög-
reglunnar á Sauðárkróki, eftir
þessa dansleiki.
Að sögn lögreglunnar var mjög
mikil umferð á öllu svæðinu fyrir
og um helgina, og bar alit of mikið
á hraðakstri, og voru mjög margir
ökumenn stöðvaðir og þeir beðnir
að stilla hraðanum í hóf, en sjö
voru ákærðir fyrir hraðakstur og
sá sem fór hvað mest, reyndist á
um það bil 140 km hraða.
í viðtölum við lögreglumenn telja
þeir mjög til vandræða hversu lög-
gæslan er fáliðuð um þessa mestu
umferðarhelgi, en til marks um
umferðarþungann um svæðið, taldi
ölumaður á leið frá Siglufirði, eftir
hádegi á sunnudag eitt hundrað og
sautján bíla, sem hann mætti á leið-
inni inn að Ketilási, en það er um
25 km leið og má því gera ráð fyr-
ir að nokkur hafi umferðin verið
þegar hinir sex þúsund gestir sem
á Siglufirði voru um helgina voru
að koma þangað á föstudag og
laugardag.
Morgunblaðið/Sigríður Ingvarsdóttir
MIKLAR endurbætur standa nú yfir á Siglufjarðarflugvelli.
Flugvöllurinn lokað-
ur vegna endurbóta
Siglufirði - Miklar framkvæmdir
hafa undanfarið staðið yfir við
Siglufjarðarflugvöll. Verið er að
keyra í hann undirlag, byggja upp
og klæða. Völlurinn hefur að þess-
um sökum verið lokaður frá 9. júlí
og hefur íslandsflug því þurft að
fljúga á Sauðárkrók og er farþeg-
um ekið á milli.
Framkvæmdir við Siglufjarðar-
flugvöll voru á sínum tíma boðnar
út og var tilboði verktakafyrir-
tækisins Klæðningar hf. frá
Garðabæ tekið, en það bauð 8,7
milljónir í verkið, sem er um 75%
af kostnaðaráætlun.
Björn Ingi Sveinsson, tæknileg-
ur framkvæmdastjóri Klæðningar
hf., segir verkinu hafa miðað mjög
vel áfram og hann býst við að því
ljúki nú í þessari viku, en enn er
eftir að klæða seinna lagið á völl-
inn og ganga frá flughlaði og bíla-
stæðum.
*
cn
Q
CJ£
Z>;
Q
(J)
cn
<
co-

n
Býrð þú í hurðarlausu?
Þýsku Moralt innihurSirnar eru
glæsilegar og á góðu verði.
Einfaldar í uppsetningu.
Hafið samband og fáið
sendan nýja glæsilega Moralt
innihurðabæklinginn okkar.
Söluaðili í Reykjavík: Innflytjandi:
Harðviðarval,
Krókhálsi 4,
sími 91-671010.
<íp>s
BYGGINGAVÖRUR

Mikil verðlækkun
ELÍZUBÚÐIN SkipholH 5.
.... ''f
- kjarni málsins!