Morgunblaðið - 04.08.1994, Blaðsíða 9
MORGUNBLAÐIÐ
FIMMTUDAGUR 4. ÁGÚST 1994 9
FRÉTTIR
SILFURSKEMMAN
Bólar á
smálaxi
nyrðra
EINHVER hreyfing er komin á
veiðiskapinn í ám á Norðurlandi
og um Vopnafjarðarárnar má segja
að þær eru með þolanlega veiði
þótt um mun lakari útkomu sé að
ræða heldur en síðustu ár. Menn
hafa orðið smálaxa varir nyrðra
síðustu daga. Ekki mikið en þó
reyting og menn benda á að smá-
streymt er um þessar mundir og
því sé spurning hvort göngurnar
nú, þótt smáar séu, séu ávísun á
eitthvað stærra á næstu dögum.
Tíminn sker úr um það.
Betra útlit
„Þetta lítur betur út, á mánudag-
inn veiddust t.d. 46 laxar. Það var
að vísu fyrsti maðkveiðidagurinn
eftir flugutímabilið, en athyglis-
verðast fyrir okkur var að mikið
af laxinum var nýgenginn smálax.
Vonandi vísar það á batnandi veiði
með vaxandi straumi," sagði Böðv-
i ar Sigvaldason á Barði um atburða-
rásina við Miðfjarðará síðustu daga.
Það voru þar með komnir um 320
laxar á land. „Austuráin stendur
sig best, en menn verða víða varir
við fisk þótt magnið hafi ekki til
þessa verið eins mikið og menn
vonuðust til,“ bætti Böðvar við.
Smálax síðustu tvo daga
„Þetta hefur verið rólegt að und-
anförnu, en síðustu tvo daga hefur
► verið reytingur af nýrunnum smá-
laxi og eitthvað af vænni laxi í
bland. Það eru komnir 315 laxar á
land sem er 30 fiskum minni veiði
heldur en á sama tíma í fyrra. Við
búum enn að sterku byijuninni
VEIÐIMENN með góðan afla úr Svartá. Frá vinstri: Ásgeir
Þorvaldsson með 18 punda lax, Eggert Kristinsson, Dagfríður
Halldórsdóttir, Katrín Sigurgeirsdóttir, Sigurgeir Magnússon
og Pétur Sigurðsson.
hérna, þannig er hópurinn sem nú
á einn dag eftir með 45 laxa, en
var með 140 í fyrra,“ sagði Gylfi
Ingason við Vatnsdalsá í gærdag.
Sagði hann verulega gengið á stór-
laxagöngurnar sem héldu uppi veið-
inni framan af veiðitíma, en ef eitt-
hvað gengi af laxi næstu daga og
vikur gæti það bjargað miklu.
Grímsá á níunda hundraðið
Grímsá var komin með rétt tæpa
800 laxa að morgni mánudags, en
eftir hádegi sama dags hófu maðk-
veiðimenn veiðar og veiddu vel,
enda talsvert af laxi í ánni og enn
að ganga.
„Þetta hefur verið mjög góður júlí-
mánuður, megnið af veiðinni kom
þá, en júní var mjög slakur. Meðal-
veiði á stöng í júlí 2-3 laxar,“ sagði
Þór Þorsteinsson leiðsögumaður við
Grímsá í samtali við Morgunblaðið
á mánudaginn. Athygli hefur vakið
að talsvert af 10 til 14 punda laxi
hefur veiðst og sést að undanförnu,
bæði nýgengnir fiskar og lítið legn-
ir.
Þetta er fiskurinn sem saknað var
í júní en skilar sér nú. Þá er tals-
vert af nýgengnum og vænum sjó-
birtingi á ferð, einkum á neðsta
svæðinu, hálfum mánuði fyrr en
vant er. Að undanförnu hafa veiðst
þetta 5-10 á dag, 1,5 til 4 punda
fiskar, og ágæt búbót í poka veiði-
manna.
Haffjarðará góð
Lax er enn að ganga í Haffjarð-
ará og þar stefnir í að veiðin endi
í góðu meðallagi. Um helgina voru
komnir um 400 laxar á land. Voru
menn að fá ’ann víða, t.d. í Nes-
enda, Bakka, Urð og lúsuga laxa
allt frá Gretti og upp í Garð. Þetta
er mest smálax þessa dagana, en
vænni innan um. Smálaxinn er af
ýmsum stærðum, 3 til 7 pund.
20 úr Álftá um helgina
Tuttugu laxar veiddust í Álftá á
Mýrum um helgina og voru þá
komnir 107 laxar úr ánni sem er
mjög góð útkoma í júlí, sérstaklega
með tilliti til þess hve vatnslítil áin
var lengi mánaðar og skilyrði erfið
eftir því. Flestir laxanna um helgina
veiddust á flugu, en annars nota
menn mest maðkinn í ánni.
Laxá í Leiru á góðu róii
Veiðin í Laxá í Leirársveit er
komin á sjötta hundrað laxa og eru
menn hressir með það, því veiðin
datt illa niður um tíma fyrr í sumar
og þá leist mönnum ekki á blikuna.
Ágætar smálaxagöngur hafa verið
í ána og að auki veiðast af og til
góðir boltafiskar úr júnígöngunum.
Silfurskartgripir frá Chile og Mexíkó
Mikið úrvai
Opið daglega frá kl. 15-18, laugard. frá kl. 10-12
eða eftir samkomulagi.
Sími 91-628112
Miðbraut31, 170 Seltjarnarnesi,
MSA...
Hljóðeinangrun
fyrir skólprör.
Nauðsynleg
á allar
skólplagnir.
' HÚSASMHXIAN
Reykjavík og Hafnarfirði.
ÚTSALAN
HEFST í DAG
B O G N E R
sérverslun v/Óðinstorg, sími 25177
Laxastofn hrynur niður í Eystrasalti vegna sýkingar
: Átak gegn mengun
í Eystrasalti nauðsyn
SAMNORRÆNT átak er nauðsyn-
) legt til að vinna gegn mengun í
| Eystrasalti að mati Össurar Skarp-
héðinssonar umhverfisráðherra og
formanns ráðherranefndar Norður-
landaráðs í umhverfismálum. Hann
segir að Eystrasaltið sé í vaxandi
mæli að mengast af ýmis konar
efnum, einkum klórefnum s.s. DDT
og PCB, sem falla um straumvötn
í innhafið. Af þeim sökum hafi m.a.
orðið vart sjúkdóms í merkum laxa-
stofni. Hann herji á seiði Iaxanna
með þeim afleiðingum að í síðustu
} árgöngum hafa um 95% seiðanna
ekki náð að þroskast.
Laxastofn þessi er mjög merki-
legur að mati Ossurar en laxinn er
sömu tegundar og sá sem gengur
upp í ár hér á landi. „Eystrasalts-
stofninn heldur sig alfarið í innhaf-
inu og er einstakur," sagði Össur
í viðtali við Morgunblaðið. „Honum
verður því að viðhalda samkvæmt
nýjum alþjóðlegum samningi um
líffræðilegan fjölbreytileika. Menn
tóku fyrst eftir sjúkdómi í laxa-
stofninum árið 1974. Fyrst í stað
varð hans lítið vart en nú er hann
í algleymingi. Af þeim sökum hefur
orðið algjört hrun í stofninum,"
sagði Össur.
Seiði ná ekki að þroskast
„Sjúkdómurinn lýsir sér þannig
að hrogn ná ekki að þroskast fram
yfir kviðpokastig,“ sagði Össur.
„Hrognin og svilin úr hængunum
virðast eðlileg og frjóvgun er bæri-
leg. Seiðin deyja aftur á móti flest
þegar þau eru að losa sig af kvið-
pokastiginu. Þannig er talið að um
95% seiða nái ekki upp.“
Þessi ótíðindi bera vitni um það
að mati Össurar að mengunin sé
það mikil að öllu dýralífi stafi hætta
af. „Á vettvangi Norðurlandaráðs
hefur mikið verið rætt um aðgerðir
til þess að draga úr mengun Eystra-
saltsins. Við höfum ákveðið að beita
okkur fyrir því að átak verði gert
til að vinna gegn menguninni og
verður þetta mál tekið upp á næsta
fundi ráðherraráðs í umhverfismál-
um,“ sagði Össur.
Rætur mengunar kannaðar
„Það sem við munum gera er að
kanna nánar rætur þessarar meng-
unar og reyna að grafast nánar
fyrir um það hvaða efni það eru sem
valda þessu. Það má geta þess að
á allra síðustu mánuðum og misser-
um eru að koma fram nýjar upplýs-
ingar sem sýna að PCB efnin hafa
mjög neikvæð og óheillavænleg
áhrif á æxlunargetu allra dýra.
Böndin berast því að þessum skað-
valdi,“ sagði hann..
Össur telur þetta mál tengjast
náið einu helsta baráttumáli Islend-
inga á alþjóðavettvangi í umhverfis-
málum, sem sé að draga úr losun
efna sem berast til sjávar. „Nú sjá
þessar þjóðir svart á hvítu hvað er
að gerast. Hið válega er að nú eru
líka að berast tíðindi um að þetta
sé að henda aðra stofna líka. Ef
þjóðir heims taka ekki höndum sam-
an til að stemma stigu við úthafs-
mengun getum við ímyndað okkur
hvað gerist með fiskistofna í úthaf-
inu eftir nokkurn tíma,“ sagði Öss-
ur.