Morgunblaðið - 26.10.1994, Blaðsíða 13
MORGUNBLAÐIÐ
AKUREYRI
MIÐVIKUDAGUR 26. OKTÓBER 1994 13
Leikhús-
fólk í há-
tíðarskapi
í tilefni af 60. sýningu á Barp-
ari næstkomandi föstudags-
kvöld verður efnt til hátíðar
hjá Leikfélagi Akureyrar, en
dregið verður úr seldum mið-
um á þeirri sýningu og heppinn
leikhúsgestur færi í vinning
árskort fyrir tvo í leikhúsið.
Þá fá öll börn sem koma
að sjá Karamellukvörnina
næsta laugardag kl. 14, frí-
miða fyrir foreldra sína eða
forráðamenn og í fréttatil-
kynningu frá leikfélaginu eru
börn eindregið hvött til að
nota þetta tækifæri til að bjóða
foreldrum sínum með sér í
leikhúsið.
Þessar tvær sýningar ganga
nú jöfnum höndum hjá félag-
inu í sitthvoru leikhúsinu en
sýningum beggja fer óðum
fækkandi.
Áhyggjur
af eldhættu
„STJÓRN Landssambands
slökkviliðsmanna lýsir yfir /
miklum áhyggjum vegna
þeirrar eldhættu sem stafað
getur af lofteinangrun í Ólafs-
fjarðargöngum. Oryggi veg-
farenda getur engan veginn
talist tryggt við slíkar aðstæð-
ur,“ segir í ályktun frá stjórn
Landssambands slökkviliðs-
manna.
Átelur sambandið Vegagerð
ríkisins fyrir að taka ekki tillit
til ítrekaðra viðvarana, m.a.
frá slökkviliðsstjóra Ólafs-
fjarðar og segir það skýlausa
kröfu að vegagerðin láti þegar
í stað framkvæma nauðsyn-
legar úrbætur í göngunum.
Vestmanney-
ingar stofna
átthagafélag
VESTMANNEYINGAR á
Norðurlandi hafa stofnað með
sér átthagafélagið Hástein og
eru stofnfélagar 33 talsins.
Á stofnfundi sem haldinn
var fyrir skömmu voru sam-
þykkt lög félagins og stjórn
skipuð en formaður hennar er
Sólrún Helgadóttir, Ingibjörg
Heiðarsdóttir er gjaldkeri,
Ásta Hallvarðsdóttir gjaldkeri
og Jón Stefánsson meðstjórn-
andi. Formaður skemmti-
nefndar er Sigmar Þröstur
Óskarsson.
Hagyrðinga-
kvöld í
Deiglunni
VETRARDAGSKRÁ í Deigl-
unni hefst annaðkvöld,
fimmtudagskvöldið 27. októ-
ber, kl. 20.30 með hagyrðinga-
kvöldi.
Nokkrir landskunnir hag-
yrðingar munu þá etja saman
skáldfákum sínum og jafn-
framt er fólk hvatt til að koma
og kasta fram fyrripörtum og
kviðlingum.
Sorgarsamtök
SAMTÖK um sorg og sorgar-
viðbrögð hafa opið hús í Safn-
aðarheimili Akureyrarkirkju
annaðkvöld, fimmtudags-
kvöldið 27. október, og hefst
það kl. 20.30.
Framkvæmdastjóri Sambands veitinga- og gistihúsa
Skammsýni að beina veisl-
um í íþróttahús og einkasali
ERNA Hauksdóttir framkvæmdastjóri Sam-
bands veitinga- og gistihúsa segir forráðamenn
bæjarfélaga sem vilji sækja fram á sviði ferða-
þjónustu eins og til að mynda Akureyri verði
að huga að því að ef til eigi að vera góð hótel
í framtíðinni til að taka á móti ferðamönnum
verði þau að fá einhver viðskipti. Það sé skamm-
sýni að beina veisluhöldum í síauknum mæli inn
í íþróttahús, einkasali og félagsheimili.
Lognast út af
„Ef ferðaþjónustufyrirtæki eiga að geta tekið
á móti ferðamönnum að sumrinu verða þau að
lifa af veturna, en þá er innlendi markaðurinn
ráðandi. Komi til þess að allar árshátíðir hverfa
inn í íþróttahús og félagsheimili lifa þau ekki
af og spurning er því sú hvort bæjaryfirvöld á
hvetjum stað vilji að hótelin lognist út af,“ sagði
Erna. Hún sagði menn hafa velt fyrir sér af
hveiju fólk sæktist fremur eftir að halda árshá-
tíðir í íþróttahúsum en á glæsilegum veitinga-
stöðum. „Ef staðin eru skil á öllu sem þarf að
standa skil á ætti ekki að vera ódýrara að sækja
í þessi hús,“ sagði Erna og benti á að sama
verð væri á hráefninu, laun starfsfólks væru
þau sömu og kostnaður við hljómsveit væri sá
sami. Það væri þvi ekkert sem benti til að ódýr-
ara væri fyrir t.d. starfsmannafélög að halda
veislur í íþróttahúsum en á skemmtistöðum og
væri því íhugunarefni hvort allt væri löglegt sem
fram færi í þessum húsum.
Hún sagði veitingahús og skemmtistaði
þurfa að uppfylla strangar kröfur og þau
greiddu margvísleg og há gjöld til hins opin-
bera sem til að mynda íþróttahús á tækifæri-
svínveitingaleyfi þyrfti ekki að uppfylla og
greiða.
Svört starfsemi
Erna sagði málið snúast einkum og sér í
lagi um tvennt, annars vegar svarta starf-
semi, sem viðgengist en væri misjöfn milli
húsa, og hins vegar væri sjónum beint að for-
svarsmönnum bæjarfélaga, það væri umhugs-
unarefni hvort stjórnendur á hveijum stað vildu
hlú að þeim fyrirtækjum sem væru bæjarfélag-
inu nauðsynleg eða hvort áfram yrði látið óátal-
ið að salir af ýmsu tagi rifu af veitingahúsun-
um viðskiptin. Það hlyti að vera hverju bæjarfé-
lagi hagsmunamál að hótelið yrði rekið svo
hægt yrði að taka á móti ferðamönnum áfram.
Morgunblaðið/Rúnar Þór
Biðu ekki
boðanna
í snjónum
EKKI stóð á snjóboltunum frá
þessum drengjum á Akureyri í
gær en þá var skýjað um mest-
allt land, slydda Norðanlands
og allhvasst á annesjum. I dag
verður kaldi og stinningskaldi
um allt land og gert ráð fyrir
áframhaldandi ofankomu, eða
éljagangi norðvestanlands
þannig að áhugamenn um
snjókast hafa örugglega úr
nógu að moða.
. Á fimmtudag og föstudag
er búist við éljum um norðan-
og austanvert land og talsverðu
frosti um land allt. Á laugardag
dregur úr frosti og snýst í aust-
anátt. Lítils háttar él verða
áfram norðaustanlands en ann-
ars þurrt og víða bjartviðri.
Kjördæmisfundur Þjóðarflokksins
Framboð óvíst
„NIÐURSTAÐAN varð sú að við
ætlum að skoða málin betur,“ sagði
Árni Steinar Jóhannsson hjá Þjóð-
arflokknum eftir kjördæmisfund
flokksins á Norðurlandi eystra sem
haldinn var á Akureyri um helgina.
Á fundinum v_ar m.a. rætt um
framboðsmál en Árni Steinar sagði
ekki tímabært að segja ákveðið fýr-
ir um hvort Þjóðarflokkurinn myndi
bjóða fram við alþingiskosningarn-
ar á næsta ári. Við síðustu kosning-
ar bauð flokkurinn sameiginlega
fram með Flokki mannsins og fékk
listinn tæplega 1.100 atkvæði á
Norðurlandi eystra og munaði litlu
að hann kæmi að manni inn á þing.
„Það er ekki tímabært enp að
segja hvort við bjóðum fram, það
er verið að skoða málið, m.a. varð-
andi samvinnu við aðra,“ sagði
Árni Steinar og taldi í því sam-
bandi koma vel til greina að athuga
samstarf við fyrirhugaðan fram-
boðslista Jóhönnu Sigurðardóttur.
Starfsemi á vegum íjóðarflokks-
ins hefur verið afar lítil frá síðustu
alþingiskosningum „aðallega vegna
peningaleysis," sagði Árni Steinar
„en það er hugur í mönnum og við
munum koma saman fljótlega aftur
og fara betur yfir málin.“
Iðnmenntaskólamenn
bera saman bækur
AÐALFUNDUR Sambands iðn-
menntaskóla var haldinn í Verk-
menntaskólanum á mánudag.
Annað hvert ár eru aðalfundir
haldnir á landsbyggðinni og hitt árið
í Reykjavík. Að loknum aðalfundar-
störfum bauð bæjaretjórn Akureyrar
upp á hádegisverð og flutti Jón Þórð-
arson, forstöðumaður sjávarútvegs-
deildar Háskólans á Akureyri, erindi
um menntun í matvælaiðnaði.
Þá skoðuðu fulltrúar húsakynni
skólans undir leiðsögn skólameist-
ara, Bernharðs Haraldssonar, sem
einnig fór með þeim í skoðunarferð
um bæinn.
Morgunblaðið/Rúnar Þór
PETREA Hallmarsdóttir, Helga Jónsdóttir og Kristbjörg Magna-
dóttir í Galleríinu í Sunnuhlíð seni átti eins árs afmæli í gær.
Hamingjusamar
handverkskonur
EITT ár er síðan Galleríið í
Sunnuhlíð opnaði, en upphafið
að starfseminni er að nokkrar
handverkskonur tóku sig saman
og leigðu húsnæði í verslunarm-
iðstöðinni til þriggja mánaða og
var tilgangurinn að koma fram-
leiðslu þeirra á framfæri og ná
hluta af jólasölunni.
Verslunin gekk framar björt-
ustu vonum og nú réttu ári
seinna hefur söluaðstaðan verði
stækkuð og vöruúrvalið aukist
eftir að fleiri handverkskonur
bættust í hópinn sem nú saman-
stendur af 15 konum búsettum
á Eyjafjarðarsvæðinu.
Vinnutilliögun í Gallerínu er
nýstárleg. í stað þess að kaupa
vinnuafl til afgreiðslustarfa
skipta konurnar vinnunni með
sér og þarf hver þeirra að vinna
í versluninni einn og hálfan dag
í mánuði.