Morgunblaðið - 26.10.1994, Blaðsíða 15
MORGUNBLAÐIÐ
MIÐVIKUDAGUR 26. OKTÓBER 1994 15
Samtök iðnaðarins
Markaðsátak
þjónustu-
greina íiðnaði
EFNT verður til sérstaks markaðsátaks þjónustugreina innan Samtaka
iðnaðarins á næstunni. Hér er um að ræða háriðn, snyrtifræði, ljós-
myndun, gullsmíði og úrsmíði en þetta eru allt löggiltar iðngreinar.
Markmiðið með átakinu er að
gera starfsemi þessara greina sýni-
legri jafnframt því að hvetja al-
menning til að skipta við fagfólk.
Átakið er unnið í samvinnu við
viðkomandi fagfélög innan sam-
takanna þ.e. Félags íslenskra gull-
smiða, Úrsmíðafélags íslands,
Hárgreiðslumeistarafélags ís-
lands, Ljósmyndarafélags íslands
og Félags íslenskra snyrtifræð-
inga.
Hátt í 400 fyrirtæki
Hátt í 400 fyrirtæki eru starf-
andi í þessum greinum og er
samanlögð velta þeirra einhvers
staðar á bilinu 2,5-3 milljarðar
króna, að því er fram kom á blaða-
mannafundi forráðamanna fagfé-
laganna í gær.
í tilefni átaksins hafa verið gefn-
ir út upplýsingabæklingar fyrir
hveija grein í tilefni átaksins og
sameiginlegt veggspjald verður
sett upp í öllum fyrirtækjum í við-
komandi greinum.
Sýning
í Perlunni
Þá efna félögin til sýningar á
handverki og þjónustu sinni í Perl-
unni nk. sunnudag 30. október.
Sýningin verður opin frá kl. 13.00-
22.00. Þar munu fagfélögin kynna
starfsemi sína. Ljósmyndarar
munu sýna tískumyndatökur auk
þess sem gestum gefst kostur á
að láta taka myndir af sér í anda
liðins tíma. Snyrtifræðingar og
hárgreiðslumeistarar munu veita
ókeypis ráðgjöf og meðferð jafn-
framt því að sýna handbrögð þess-
ara greina. Úrsmiðir verða með
viðgerðarverkstæði á staðnum og
meta gömul úr fyrir gesti. Þá
munu gullsmiðir sýna eðalskart-
gripi.
Vikuna þar á eftir, 31. október
til 5. nóvember, munu fyrirtæki í
þessum greinum verða með opið
hús. Þar verður tekið á móti gest-
um sem vilja kynna sér starfsem-
ina. Þá verða sérstök tilboð í gangi
í tilefni vikunnar.
Fjarskipti
Hlutabréf
Deutsche Te/e-
kom í umferð
Ein mesta einka-
væðing sögunnar
í uppsiglingu
Bonn. Reuter.
TVEIMUR stærstu bönkum
Þýzkalands, Deutsche Bank AG
og Dresdner Bank AG, hefur verið
falið að setja hlutabréf þýzka síma-
einokunarfyrirtækisins Deutsche
Telekom í umferð samkvæmt
áreiðanlegum heimildum.
Við þessu hafði verið búizt, en
fréttin á að binda enda á vanga-
veltur, sem hafa verið á kreiki um
að helzti keppinautur Deutsche
Bank (Dresdner) muni að lokum
gegna aðalhlutverki í einhverri
mestu einkavæðingu heims.
Samkvæmt heimildum í Deutsc-
he Telekom hefur Bonnstjórnin enn
ekki ákveðið hvaða erlendur banki
skuli sjá um að koma hlutabréfum
Telekoms í sölu. Telekom og emb-
ættismenn ræddu við fulltrúa 22
erlenda banka í síðustu viku.
Að því er góðar heimildir herma
eru þeir erlendu bankar, sem til
greina koma Goldman Sachs, Salo-
man Bros, Morgan Stanley, Le-
Bandaríkjunum og S.G. Warburg í
Bretlandi. Ekki er gert ráð fýrir
að greint verði frá einkavæðingunni
í einstökum atriðum fyrr en eftir
þingkosningamar 16. október.
Telekom hefur áður sagt að í
fyrstu lotu sé stefnt að því að setja
í umferð hlutabréf að verðmæti
15-20 milljarðar marka 1996, fyrst
í Þýzkalandi og London og síðan
í New York. Önnur sala kynni að
fara fram 1998 og Bonnstjórnin
afsala sér meirihluta sínum árið
2000.
Stjórnendur alþjóðlegra ijárfest-
ingabanka bíða einkavæðingar
Deutsche Telekom með óþreyju,
enda er bókfært verð fyrirtækisins
næstum því 90 milljarðar marka.
Aðgangur að stóru kerfi
„Einkavæðing Deutsche Telekom
mun veita fjárfestum fyrsta tæki-
færið til þess að fá beinan og víð-
tækan aðgang að þýzka fjarskipta-
markaðnum," sagði nýlega í
skýrslu ráðgjafafyrirtækisins
Kleinwort Benson.
Sérfræðingar segja að fyrirtækið
verði muni hafa á hendi forystuhlut-
verk í Þýzkalandi og víðs vegar í
Evrópu um mörg ókomin ár. í eigu
þessu eru stærsta farsímakerfi og
kaplasjónvarpsnet heims, sem hægt
verður að selja að hluta síðar meir
og auka þannig verðmæti fyrirtæk-
isins fyrir alþjóðlega flárfesta.
Áhrif Telekoms eru mikil vegna
bandalags við France Telecom og
Sprint og ljósleiðaranet fyrirtækis-
ins tengir 14 borgir Austur-Evrópu
við Frankfurt, fjármálahöfuðborg
Þýzkalands. Þar við bætist reynsla
af endurreisn úrelts símakerfis
Austur-Þýzkalands og Telekom
stendur því framar ýmsum keppi-
nautum sínum í Evrópu.
VIÐSKIPTI
Morgunblaðið/Sverrir
INGI Bogi Bogason, Lína G. Atladóttir og Haraldur Sumarliða-
son kynntu markaðsátak þjónustugreina innan Samtaka iðnaðar-
ins á blaðamannafundi í gær.
Irving Oil vill selja
til sjávarútvegs
KANADÍSKA olíufyrirtækið Irving
Oil Ltd. hefur áhuga á að fjárfesta
á íslandi og að nýta sér hér á landi
þá þekkingu og reynslu sem félagið
hefur aflað sér af viðskiptum við
útgerð og fiskvinnslu í Kanada, seg-
ir í fréttatilkynningu frá Irving Oil
sem Othar Örn Petersen hrl., fulltrúi
fyrir á íslandi, sendi frá sér í gær.
Þar segir ennfremur að áhugi Ir-
ving Oil á íslandi sé liður í stækkun
fyrirtækisins og mörkuðum þess.
Það annist olíuflutninga á eigin skip-
um og hafi í hyggju að reisa birgða-
stöð í Reykjavík ásamt öflugri dreif-
ingarstöð. „Ljóst er, ef af ætlun fyr-
irtækisins verður, að íslendingar
verða ráðnir til starfseminnar. Það
er skoðun forsvarsmanna fyrirtækis-
ins að áleitin markaðssetning fyrir-
tækisins komi neytendum vel, eink-
um sjávarútvegi landsins."
Fulltrúi fyrirtækisins átti fund
með Hannesi Valdimarssyni, hafnar-
stjóra í Reykjavík, sl. mánudag.
Hannes sagðist hafa veitt þær upp-
lýsingar sem leitað var eftir en sagð-
ist hafa takmarkaðar upplýsingar
um áform fyrirtækisins aðrar en þær
að það væri að skoða íslenska mark-
aðinn með það í huga að hefja hér
viðskipti með olíuvörur.
Flugfélög
Iberia
gjaldþrota
ímarzá
næsta ári?
Madrid. Reuter.
SPÆNSKA flugfélagið Iberia segir
að það verði gjaldþrota í marz 1995
ef það nái ekki samkomulagi við
starfsmenn um róttæka endur-
skipulagningu til þess að minnka
mikinn kostnað.
„Þar sem tap verður á rekstrin-
um á fyrsta ársfjórðungi 1995 verð-
um við gjaldþrota í marz ef við
gerum ekki ráðstafanir fyrir fram,“
sagði Juan Saez forstjóri í samtali
við_ viðskiptablaðið Cinco Dias.
í fyrra varð rúmlega 555 millj-
óna dollara tap á rekstri Iberia, sem
reynir að fá starfsmenn til þess að
samþykkja 15% launalækkun að
meðaltali í samræmi við áætlun um
endurskipulagningu á félaginu.
Verkalýðsfélög hafa hótað verk-
falli í næsta mánuði ef félagið
greiðir ekki tæplega 100 milljónir
dollara sem það skuldar samkvæmt
uppgjör á eldri launagreiðslum.
Viðræður stjórnar Iberia og
verkalýðsfélaga hafa siglt i strand,
en talið er að iðnaðarráðuneytið í
Madrid reyni að koma nýjum við-
ræðum af stað í vikunni.
Launasamningur er Iberia nauð-
synlegur til þess að tryggja af-
greiðslu Evrópusambandsins á við-
bótarfjármagni frá ríkiseignar-
haldsfyrirtækinu Teneo.
Stuðningsmenn Áma M. Mathiesen efna
til hádegisverðarfundar í léitingahúsinu
Gafl-inn í Hafnarfirði laugardaginn
29. október milli ld. 11:45 og 13:30.
Stuðningsmenn Áma M. Mathiesen em
hvattir til þess að mæta á fundinn.
ARNI M. MATHIESEN
Fundarstjórii
Magnús Gummrsson
Sérstakir gcstin
STUÐNINGSMANNASKRIFSTOFA DALSHRAUN! 1 I • OPIÐ
ALLA DAQA FRÁ KL. 10-22 • SlMAR: 65 43 39 /65 43 92
Benedikt Sveinsson
Ellert Eiríksson