Morgunblaðið - 26.10.1994, Side 41

MORGUNBLAÐIÐ
MIÐVIKUDAGUR 26. OKTÓBER 1994 41
BRÉF TIL BLAÐSINS
BRÉFRITARI spyr hvers vegna gert sé upp á milli tóbakstegunda.
„Eg skal ráða fyrir
þig - vinur“
Frá Ólafi Ólafssyni:
FORSJÁRHYGGJA stóra bróður í
Brussel kemur víða fram. Þar
skipta menn sér af hinum minnstu
atriðum. Nú hefur hér á íslandi
verið bannað að flytja inn munntób-
ak á grundvelli einnar af ótal mörg-
um reglugerðum sem settar hafa
verið í tengslum við evrópska efna-
hagssvæðið. Þetta flóð reglugerða
virðist ekki ætla að réna — og fer
að taka á sig mynd náttúruaflanna
sem lúta eiga lögmálum og verða
ekki hamin. Munntóbak hefur verið
flutt til landsins í margar aldir. Á
að vera hægt að banna það með
einni reglugerð? Slík afskiptasemi
er óþolandi, sérstaklega þegar hún
er alls engum rökum studd. Af
hveiju er verið að gera upp á milli
tóbakstegunda? Þetta er sama og
banna innflutning á t.d. léttvíni,
en heimila áfram innflutning á
sterkum vínum.
Forsjárhyggja sem birtist í
reglugerðum af þessum toga lofar
ekki góðu um evrópskt samstarf
og hún er þeim mun verri sem
reglugerðarhöfundar eru lengra í
burtu, týndir í myrkviðum skrif-
stofubáknsins í Brussel. Vísar hver
á annan. Reglugerðir spretta upp
eins og arfi á haug. Er það þetta
sem við viljum?
ÓLAFUR ÓLAFSSON,
Neðstaleiti 13, Reykjavík.
Yfirlýsing vegna
prófkjörs
Frá Sveini G. Hálfdánarsyni:
ÞAR SEM nafn mitt hefur töluvert
verið í umræðunni varðandi
hugsanlega þátttöku í fyrirhuguðu
prófkjöri Alþýðuflokksins á Vestur-
landi fyrir komandi alþingiskosn-
ingar vil ég koma eftirfarandi yfir-
lýsingu á framfæri.
Eftir vandlega íhugun og samráð
við stuðningsfólk mitt í Vestur-
landskjördæmi hef ég ákveðið að
gefa ekki kost á mér til framboðs
í prófkjörinu. Ástæður fyrir þessari'
ákvörðun eru eftirfarandi:
Ég er ósáttur við ýmsa þætti í
innra starfi flokksins og finnst að
lítið eða ekkert tillit sé tekið til
þeirra sem eru í andstöðu við for-
ystuna i þeim efnum. Einnig tel
ég pólitíska stöðu flokksins óviðun-
andi og að breyta þurfi áherslum
og forgangsröðun. — Flokksins
vegna kýs ég að ræða þessa
óánægju mína ekki frekar á opin-
berum vettvangi, a.m.k. ekki að
sinni.
Þar sem ég tel að breytinga sé
ekki að vænta og ég finn mikla
samstöðu stuðningsmanna minna
við þessi viðhorf tel ég vonlítið að
almenningur fáist til að greiða
atkvæði í fyrirhugðu prófkjöri. Því
tel ég mig ekki eiga þangað erindi.
SVEINN G. HÁLFDÁNARSON,
Borgamesi, Borgarbyggð.
Svar við skrifum
Sveins Ólafssonar
Frá Ásmundi U. Guðmundssyni:
ÞRIÐJUDAGINN 11. október 1994
birtist á síðunni „Bréf til blaðsins“
pistill, orðmargur nokkuð, sem bar
yfirskriftina „Ökumenn dáleiddir
eða allsgáðir?" eftir Svein Ólafsson,
Furugrund 70, Kópavogi.
Þeim skrifum hans vísa ég til
föðurhúsanna eins og þau koma
fyrir, slíkur vanhugsaður orða-
flaumur lýsir skapgerðinni hjá þeim
er skrifaði pistilinn. Ljóst er, að
hver sá sem hefur aðrar skoðanir
en sjálfskipaður vandlætingar-
postuli umferðar er að hans mati
ekki fær um að komast áfallalaust
um gatnakerfí höfuðstaðarins þar
sem öllum er meira og minna van-
treyst.
Þó sá góði maður Sveinn hafi
talið sig hafa afhausað mig í eitt
skipti fyrir öll með þessum pistli
sínum, er það hinn mesti misskiln-
ingur.
ÁSMUNDUR U. GUÐMUNDSSON,
Suðurgötu 124, Akranesi.
Hafðu
samband
Magnús Bjarnason, 77 ára ellilífeyr-
isþegi, sem ritaði bréfið um Trygg-
ingastofnun ríkisins, sem birtist sl.
laugardag, er vinsamlegast beðinn
að hafa samband við Velvakanda
sem fyrst.
Allt efni sem birtist f Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.
Er það misskilningiir
hr. ráðherra?
Frá Guðmundi Jóhannssyni:
UM NÆSTKOMANDI áramót eru
flestir kjarasamningar lausir hjá
launafólki og falla eflaust mörg orð
áður en samningsaðilar fallast í
faðma og verða alsælir með sinn
hlut. Þriðjudaginn 18. október sl.
birtist á skjánum framvarða- og jafn-
framt stórskotalið þessara fylkinga
og gáfu tóninn hvert stefndi í þeirn
viðskiptum. Allir eru þessir menn
málsnjallir og færðu rök fyrir sínu
máli eins og þau horfðu við frá þeirra
sjónarhóli. Undir þessum umræðum
vöknuðu nokkrar spurningar í huga
mér, sem mig langar til að koma á
framfæri til fjármálaráðherra, Frið-
riks Sophussonar. En því legg ég
þessar spurningar fram, að ráðherr-
ann taldi flest sem mótaðili færði
fram í sínu máli byggjast á misskiln-
ingi og því spyr sá sem ekki veit.
Er það misskilningur, ráðherra,
að skattleysismörk hafí lækkað úr
nær 70.000 kr. í 57.000?
Er það misskilningur, ráðherra,
að skattprósentan hafí hækkað úr
36% í nær 42%?
Er það misskilningur, ráðherra,
að þetta tvennt hafí afgerandi skert
kjör láglaunafólks?
Það eru miklu fleiri spurningar í
raun sem ég hefði viljað koma á
framfæri, en vegna takmarkaðs pláss
af hálfu miðlana verður að kunna
sér hóf í spurningum.
Nú geri ég ekki ráð fyrir að ráð-
herra telji svona fávísar spurningar
svaraverðar og telur þær eflaust á
misskilningi byggðar. Mér býr í grun
á hvem hátt svar hans yrði ef það
kæmi, en trúlega yrði það á þá leið
að á móti þessu kæmi vaxtabætur
og barnabætur o.fl. og meðaltals-
skerðing hefði ekki orðið.
Ætli það séu ekki flestir eftir-
launamenn og fjöldi annarra aðila
sem hvorki njóta barna- eða vaxta-
bóta og eru því þau atriði sem nefnd
eru hér að framan bein skerðing hjá
þessum aðilum. Ég má segja að ráð-
herrann hafí spurt viðmælendur sína
hvar þeir teldu að hægt væri að spara
eða draga úr útgjöldum. Samkvæmt
frétt í Morgunblaðinu 18. október
var sagt frá því að risnu- og ferða-
kostnaður hefði verið um 2 milljarðar
á síðasta ári hjá opinberum aðilum.
Og enn spyr fáfróður. Finnst ráð-
herranum ekkert athugavert við
svona bruðl og hvað mætti hækka
skattleysismörkin eða lækka skatt-
prósentuna þótt ekki væri notaðúr
nema helmingur af bruðlinu. í sann-
leika sagt var ég búinn að afskrifa
sjálfan mig (aldursins vegna) með
að leggja orð í belg varðandi skipt-
ingu þjóðarkökunnar, en þegar ójöfn-
uðurinn og bruðlið ríða við einteym-
ing hjá stjórnvöldum er blóðið ekki
svo storknað að það fari ekki að
renna örlítið hraðar.
GUÐMUNDUR JÓHANNSSON
eftirlaunaþegi.
Heimurinn er eitt heimili
Frá Þorsteini S. Thorsteinssyni:
TRÚARBRÖGÐ heimsins leggja
mikla áherslu á að menn uppgötvi
hið góða og elskulega samband við
Guð, hver á sinn hátt.
Kristin trú leggur áherslu á
kærleika frekar en trú og von; isl-
am leggur áherslu á ást Allah;
buddistar leggja áherslu á misk-
unn, en Konfúsíus leggur áherslu
á jen eða jafnvægi.
Fylgjendur hverra trúarbragða
fyrir sig reyna að elska hver ann-
an. gyðingar, kristnir, múslimar
og einnig öll hin stóru heimstrúar-
brögðin segja að við séum öll börn
Guðs almáttugs. Það þýðir að við
erum öll bræður og systur.
Hvernig sem það nú er, þá sýna
menn það ekki í framkvæmd sin á
milli að elska hin trúarbrögðin.
Sem dæmi þá hefur kristnum
mönnum algjörlega mistekist hvað
varðar að sýna islamstrúarmönn-
um ást og virðingu, islamstrúar-
menn eru á móti kristintrúarmönn-
um.
Hver trúarbrögð fyrir sig
fyrirlíta eða jafnvel hata
önnur trúarbrögð; svo
að við höfum stundum
frétt frá stöðum þar
sem átök hafa átt sér
stað. Eins og er og
hefur verið hér á
landi þá hafa kirkjun-
ar menn skrifað gegn
sértrúarsöfnuðum og
nýjaldarhreyfíngunni í
Kirkjuritinu og Bjarmanum, í þeim
tilgangi að hafa vit fyrir öðrum.
Ástæðurnar fyrir þessum átök-
um milli trúarbragða eru þær að
trúarbrögðin hafa annan stofn-
anda og aðrar kenningar.
Hversu ólíkir sem stofnendur
trúarbragðanna og þeirra kenning-
ar kunna að vera ættu ólík trúar-
brögð að geta sýnt kærleika í verki
til hvers annars. Við eigum öll einn
sameiginlegan draum um himna-
ríki Þegar skilningur ólíkra trúar-
brögða eykst gagnvart öðrum trú-
arbrögðum eykst umburðar-
lyndið og virðingin gagn-
vart öðrum.
Fylgendur allra
trúarbragða verða að
skilja það, að hver
einasta persóna er
sköpuð í Guðs mynd.
Besta leiðin til að
sýna elsku og virðingu
til Guðs er að elska og
virða öll böm hans.
Á þessum grundvelli getum við
byggt upp varanlegan frið á jörðu
og sannrar ástar milli Guðs og
manna. Með góðu samstarfi milli
trúarbragða ættum við geta leyst
þau vandamál er við eigum öll
sameiginleg og hijá alla heims-
byggðina, eins og t.d stríð, hung-
ur, skilnaði og drepsóttir.
ÞORSTEINN S. THORSTEINSSON
Kaplaskjólsvegi 53, Reykjavík.
Veljum íslenskt
Sunnudagsblaði Morgunblaðsins, 30. október nk., fylgir blaöauki sem heitir Veljum
íslenskt. 1 þessum blaðauka verður m.a. fjallað um markmið átaksins, íslenskt - já takk,
þátttakendur í átakinu, vibtöl við forsvarsmenn ýmissa atvinnugreina, hver árangurinn var af
átakinu í fyrra og hvaö framundan er. Hvað segja neytendur, innkaupastjórar og
atvinnurekendur?
Þcim, sem áhuga hafa á ab auglýsa í þessum blabauka,
er bent á ab tekib er vib auglýsingapöntunum
til kl. 16.00 mibvikudaginn 26. október.
Nánari upplýsingar veita Jónína Pálsdóttir og
Rakel Sveinsdóttir, starfsmenn auglýsingadcildar,
í síma 69 11 71 eba símbréfi 69 11 10.
- kjarni málsins!