Morgunblaðið - 01.11.1994, Blaðsíða 12

12 ÞRIÐJUDAGUR 1. NÓVEMBER 1994
MORGUNBLAÐIÐ
Úr dagbók lögreglunnar
Annríki þrátt
fyrir fremur fáar
dagbókarfærslur
28.-31. október 1994
ÞRÁTT fyrir tiltölulega fáar
bókanir (353) í dagbókina var
talsvert annríki hjá lögreglu-
mönnum um helgina. Tilkynnt
var um 25 umferðaróhöpp. Í
tveimur tilvikum var um meiðsli
á fólki að ræða. Innbrot eru
skráð 14 talsins, 7 skemmdar-
verk, 14 rúðubrot og 6 líkams-
meiðingar. Þá voru 9 ökumenn
grunaðir um að hafa verið und-
ir áhrifum áfengis.
Um hádegi á föstudag var
harður árekstur fólksbifreiðar
og vörubifreiðar á gatnamótum
Sægarða og Vatnagarða. Öku-
maður fólksbifreiðarinnar var
fluttur með sjúkrabifreið á
slysadeild með talsverða áverka.
Um kvöldið var tæplega fer-
tugur maður handtekinn í aust-
urborginni. Hann var sagður
hafa nauðgað fyrrverandi sam-
býliskonu sinni og veitt henni
alvarlega áverka eftir átök
þeirra á millum. Maðurinn hlaut
einni minniháttar áverka. Hann
var úrskurðaður í 14 daga
gæsluvarðhald vegna þessa
máls.
Á laugardagsmorgun var
maður sleginn í Austurstræti.
Eftir að hann hafði fallið við var
sparkað í hann með þeim afleið-
ingum að hann missti meðvitund
og flytja varð hann á slysadeild.
Árásarmaðurinn var handtekinn
og vistaður í fangageymslu.
Á laugardagskvöld var lög-
reglan kölluð til eftir að fímm-
tugur maður hafði veist að öldr-
uðum foreldrum sínum í húsi í
austurborginni og veitt þeim
talsverða áverka. Flytja varð
þau á slysadeild. Maðurinn yfir-
gaf vettvang og hélt heim til
sín eftir að hafa verið með hót-
anir. Ástæða þótti að kalla út
sérsveit Iögreglunnar. Eftir að
rætt hafði verið við manninn
féllst hann á að koma út mót-
þróalaust. Hann var færður í
fangageymslu, en síðan vistaður
á viðeigandi sjúkrastofnun.
Á laugardagskvöld varð harð-
ur árekstur með tveimur bifreið-
um á gatnamótum Sæbrautar
og Skeiðarvogar. Tvennt var
flutt á slyadeild með minnihátt-
ar meiðsli. Grunur er um að
ökumaður annarrar bifreiðar-
innar hafi verið undir áhrifum
áfengis.
Skömmu eftir miðnætti þurfti
lögreglan að hafa afskipti af
heimilisófriði í húsi í vesturbæ.
Þar var talin ástæða til að leggja
hald á haglabyssu og skotfæri.
Talið er að um 2.000 manns
hafi verið I miðborginni aðfara-
nótt sunnudags. Um hálffjögur-
leytið var sendibifreið hlaðin
hljómflutningstækjum ekið inn
í Pósthússtræti og stöðvuð þar.
Hliðar bifreiðarinnar voru
opnaðar og byijað var að þenja
spilverkið. í stað tóna hlaust af
ævarandi hávaði. Þegar lögregl-
an ætlaði að hafa afskipti af
málinu upphófust slagsmál.
Hljómsveitarmeðlimir komust
undan, en handtaka þurfti fimm
einstaklinga í áhorfendahópn-
um. Sendibifreiðin og hljóm-
flutningstækin voru flutt á lög-
reglustöðina. í viðtali við með-
limi hljómsveitarinnar kom fram
að ætlunin með framferði þessu
hefði verið að ná athygli fjöl-
miðla og auglýsa þannig nýút-
komna hljómplötu hljómsveitar-
innar. Sjónvarpsstöðvarnar bitu
á agnið.
A sunnudag þurftu lögreglu-
menn að beita táragasi til að
yfirbuga mann, sem otaði að
þeim hnífum í húsi nálægt mið-
borginni. Hann var yfirbugaður
og fluttur á viðeigandi sjúkra-
stofnun.
Snemma á sunnudagsmorgun
var maður á þrítugsaldri rændur
í austurborginni. Hann hafði
fengið far úr miðborginni með
þremur mönnum um tvítugt, en
þegar á leiðarenda kom heimt-
uðu þeir af honum fé. Maðurinn
eftirlét mönnunum 500 krónur
í reiðufé eftir að hafa verið beitt-
ur þvingunum. Þeir voru hand-
teknir skömmu síðar.
Aðfaranótt sunnudags var
kvartað yfir hávaða frá hljóm-
flutningstækjum frá íbúð í aust-
urborginni. Þegar húsráðandi,
sem virtist ölvaður, var beðinn
um að lækka þverkallaðist hann
við og hækkaði þess í stað, öllum
til mikils ama. Var brugðið á
það ráð að taka rafmagnið af
íbúðinni svo koma mætti á
sæmilegri ró í hverfinu.
Á laugardag voru tveir ungir
menn staðnir að því að hnupla
ákveðinni tegund súkkulaðirúllu
úr matvöruverslun í Kringlunni.
Þegar upp komst sögðust þeir
aðspurðir hafa ætlað að borða
sælgætið sjálfír, en síðan ætlað
að gefa kærustum sínum síð-
ustu molana.
Á föstudag beraði maður sig
fyrir framan tvær ungar stúlkur
í garði á bak við Bústaðakirkju.
Þær sakaði ekki en manninum
er lýst sem dökkhærðum manni,
25-30 ára, 180-185 cm að
hæð, klæddum ljósum buxum
og í peysu.

AKUREYRI
Einni mestu virkjunarframkvæmd ársins lokið á Akureyri
!
i
U
i

Orkuvinnslugeta hita-
veitu jókst um 14% .
Viðbótarorkan nægir til að hita upp 1.800 manna byggðarlag •
Morgunblaðið/Rúnar Þór
FRANZ Árnason, veitustjóri Hita- og vatnsveitu Akureyrar, g
Svavar Ottersen, formaður veitustjómar, og Jakob Björasson
bæjarstjóri fögnuðu í hópi gesta einni mestu virkjunarfram-
kvæmd landsins á þessu ári þegar vatni var hleypt inn á veitu- %
kerfið eftir nýrri aðveituæð frá Laugalandi á Þelamörk.
EINNI mestu virkjunarframkvæmd
á landinu í ár lauk á Akureyri um
helgina en þá var því fagnað að
orkuvinnslugeta Hita- og vatns-
veitu Akureyrar jókst um allt að
14% í kjölfar þess að heitu vatni
úr borholu á Laugalandi á Þelamörk
var hleypt á aðveitukerfi veitunnar
auk þess sem tenging við rafskauta-
ketil í Mjólkursamlagi KEA var tek-
in í notkun. Þar mun vatn úr Glerár-
dalsholu veitunnar verða hitað um
15 til 20 gráður. Sú viðbótarorka
sem þarna fæst gæti nægt allt að
1.800 manna byggðarlagi. Þetta er
stærsta framkvæmd á vegum hita-
veitunnar á Akureyri í 13 ár eða
frá 1981.
„Þetta eru mikil gleðitíðindi því
svo var komið að orkuvinnslugetan
var ófullnægjandi í mestu kuldum,"
sagði Franz Árnason veitustjóri en
visst öryggi hefði verið í svartolíu-
katli veitunnar, sem væri reyndar
dýr í rekstri og algert neyðarbrauð
að nota slík tæki.
Langt er síðan fyrst var farið að
huga að jarðhitasvæðinu á Lauga-
landi á Þelamörk en þar var fyrsta
borholan á vegum bæjarins boruð
laust eftir 1940. í kjölfar olíukrepp-
unnar 1973 var í alvöru hugað að
framtíðarhitunarmöguleikum húsa
á Akureyri og Hitaveita Akureyrar
varð til. Heitt vatn fannst á Laugar-
landi í Eyjafirði og þaðan hafa
bæjarbúar fengið heitt vatn síðustu
ár. Árið 1989 þótti nauðsynlegt að
huga að viðbótarorkuöflun þar sem
sýnt þótti að vinnslugetu myndi
þijóta á álagspunktum innan fimm
ára. Litu menn þá að nýju til Lauga-
lands á Þelamörk, boraðar voru
rannsóknarholur og fyrir tveimur
árum var afráðið að bora þar
vinnsluholu. Rannsóknir sýndu að
borholan á bökkum Hörgár gæti
gefíð um 90°C heitt vatn næstu
14-16 árin og var í framhaldinu
ákveðið að virkja holuna og leggja
aðveituæð til Akureyrar en því verki
lauk formlega um helgina.
120 milljónir
Ekki er að fullu ljóst hve kostnað-
ur við hinar umfangsmiklu fram-
kvæmdir veitunnar verður en gert
er ráð fyrir að heildarframkvæmdir
Hita- og vatnsveitu Akureyrar verði
um 120 milljónir króna. Þrátt fyrir
mikinn kostnað hafa ný lán ekki
verið tekin og staðið verður við af-
borgarnir og vaxtagreiðslur sem
inna þarf af hendi á þessu ári sam-
tals að upphæð um 560 milljónir
króna.
Franz Árnason veitustjóri segir
að með þessum framkvæmdum
verði séð fyrir orkuþörf veitunnar
næstu árin, nýir viðskiptavinir hafí
bæst við hópinn sem einnig þýði
auknar tekjur veitunnar. Annað
sem ávinnst með umræddum fram-
kvæmdum er að öryggi varðandi
afhendingu orkunnar eykst mikið
við þetta auk þess að miðlunar-
geymir við Súluveg hefur verið tek-
in í notkun að nýju.
Áhugi á tengingu
Nú er unnið að lagningu heim- U
æða fyrir heitt vatn í Glæsibæjar-
hreppi en samningur við hreppinn 1
og bændur kveður á um að nokkrir ^
bæir eigi rétt á að óska eftir teng-
ingu og þá hefur að ósk Akureyrar-
bæjar verið lögt heimæð að dvalar-
heimilinu Skjaldarvík norðan bæjar-
ins, en áhugi fyrir að tengjast veit-
unni er mikill að sögn veitustjóra.
Hvað varðar framkvæmdir á öðr-
um sviðum má nefna að helsta
vatnsveituframkvæmd þessa árs «
var endurnýjun lagnar frá Hesju-
vallalindum að svokölluðum Mið- í
geymi sem er nokkru ofan við bæ- (
inn Hlíðarenda. Um er að ræða
rúmlega kílómetra langa plastlögn
sem leysir gamlar stálpípur af
hólmi.
SF

1980
Kr
at.
ootu ekki af o któ b e r b
nan i paitka \
ðarms ekki innifalm
unum!
Q*
ásútgáfan
Qleráraötu 28 - Akureyri
Áskriftarsími 96-24966