Morgunblaðið - 23.11.1994, Blaðsíða 6

6 MIÐVIKUDAGUR 23. NÓVEMBER 1994
MORGUNBLAÐIÐ
FRÉTTIR
Hjúkrunardeildum á Hrafnistu haldið gangandi með aðstoð ættingja heimilisfólks
Mönnun undir
öryggismörkum
Ragiiheiður Guðfinna Sigurður
Stephensen Magnúsdóttir Einarsson
Morgunblaðið/Þórdís
Á 2B á Hrafnistu þurfa heimilismenn á mikilli aðstoð að halda.
„ÞETTA var ekki forsvaranlegt um
síðustu helgi. Ég tei að þá hafi mönn-
un á hjúkrunardeild 2b farið niður
fyrir öryggismörk," sagði Ragnheið-
ur Stephensen, hjúkrunarfram-
kvæmdastjóri á Hrafnistu í Hafnar-
fírði. Verkfall sjúkraliða hefur komið
mjög þungt við stofnunina, en um
þriðjungur starfsfólksins er sjúkra-
liðar. Staðan batnaði ekki í vikunni
þegar fór að bera á inflúensufaraldri
meðal starfsfólks.
Um helgina áttu fimm sjúkraliðar
að vera á vakt á 2b, en aðeins fékkst
undanþága fyrir einn. Á vakt voru
því aðeins einn hjúkrunarfræðingur,
einn sjúkraliði og ein starfsstúlka.
Þessir þrír starfsmenn sáu um 28
heimilismenn á deildinni. Ragnheiður
sagði engan vafa leika á að þessi
mönnun hefði verið undir öryggis-
mörkum.
Harðari undanþágur
Ragnheiður sagði það sitt mat að
undanþágunefnd væri að herða und-
anþágur. Hún sagði að síðustu daga
hefði verið hægt að ganga að því
nokkuð vísu að ef beðið var um und-
anþágu fyrir þrjá sjúkraliða fengist
undanþága fyrir einn. í gær hefði
hins vegar ekki fengist undanþága
fyrir neinn þrátt fyrir að beðið hefði
verið um undanþágu fyrir fjóra.
Ragnheiður sagði að á Hrafnistu
hefði ekki verið farin sú leið að kalla
hjúkrunarfræðinga út á aukavaktir,
enda væri það verkfallsbrot.
„Þetta væri auðvitað ekki hægt
nema með hjálp aðstandenda og
vegna þess að annað starfsfólk hefur
lagt á sig mikla vinnu. Það má segja
að starfsfólk stoppi ekki í vinnunni
og það gengur ekki til lengdar. Fólk
þreytist með tímanum," sagði Ragn-
heiður.
Aðstandendur heimilismanna á
Hrafnistu hafa komið og aðstoðað
ættingja sína eftir föngum. Aðstoðin
hefur aðallega falist í þrennu, að
hjálpa fólki á fætur, að mata það
og hjálpa því í rúmið. Margir hafa
komið á morgnana áður en fólk fer
í vinnu og hjálpað sínu fólki á fæt-
ur. Einnig er dæmi um að fólk skjót-
ist úr vinnu í hádeginu til að hjálpa
fólki að matast.
Ættingjar skipuleggja aðstoð
„Ég bið að góður guð gefi ríkis-
stjóminni víðsýni til að leysa þetta
verkfall sem allra fyrst. Sjúkraliðar
eru stétt sem síst á það skilið að
sitja eftir í launum," sagði Guðfinna
Magnúsdóttir, sem er til heimilis á
2b. Guðfínna er 73 ára og er í hjóla-
stól og þarf því mikla aðstoð við að
komast úr rúmi og í. „Dóttir mín og
vinkona hennar hafa komið og hjálp-
að mér, einnig sonur minn ogtengda-
dóttir. Sonur minn, sem býr í Hvera-
gerði, hefur meira að segja komið
til að hjálpa mömmu sinni á fætur
á morgnana. Það hefur skapast hér
skemmtileg stemmning. Það er eins
og jólin séu komin,“ sagði Guðfinna.
Sigurður Einarsson, sem einnig
er vistmaður á 2b á Hrafnistu, er
ekki svo heppinn að eiga nákomna
ættingja sem geta hlaupið undir
bagga í verkfallinu. Hann sagði að
engu að síður væri vel um sig hugs-
að. „Ég finn fyrir því að það er
meira álag á starfsfólki en venjulega
og þjónustan er takmarkaðri." Sig-
urður sagðist taka þessu með jafnað-
argeði, en sagðist vona að samkomu-
lag næðist sem fyrst í kjaradeilunni.
Ragnheiður sagði að reynt hefði
verið að halda sömu þjónustu við
heimilismenn þrátt fyrir verkfallið.
Þjónustan væri kannski ekki jafn
hröð og venjulega, t.d. tæki lengri
tíma að koma öllum á fætur á morgn-
ana. Aftur á móti hefði dagdeildinni
á Hrafnistu verið lokað, en þangað
koma aldraðir á daginn og fá mat
og alla almenna aðstoð.
Átök á Eir
Sjúkraliðafélagið telur að verið sé
að framkvæma verkfallsbrot á hjúkr-
unarheimilinu Eir. Þar er fyrirhugað
að opna nýja deild fyrir blinda um
næstu mánaðamót. Hjúkrunarfræð-
ingar og starfsstúlkur, sem eiga að
starfa á nýju deildinni, hafa verið
teknar inn á almennar hjúkrunar-
deildir til þjálfunar. Kristín Á. Guð-
mundsdóttir, formaður Sjúkraliðafé-
lagsins, sagði að mjög óeðlilega væri
að þessu staðið af hálfu hjúkrunar-
stjórnarinnar á Eir. Hún sagðist hafa
rætt þetta mál við heilbrigðisráð-
herra og hann hefði sýnt sjónarmið-
um Sjúkraliðafélagsins skilning.
Kristín sagði að til greina kæmi að
herða undanþágur til Eirar ef þessi
mál yrðu ekki endurskoðuð.
Samdráttur á Landakoti
Stjómendur á Landakotsspítala
ákváðu í gær að draga verulega úr
starfsemi á augndeild, handlækn-
ingadeild og lyflæknisdeild. Með því
móti telur spítalinn að hægt verði
að flytja hjúkrunarfræðinga af þess-
um deildum yfir á öldrunardeildir þar
sem ástandið hefur verið mjög slæmt.
Þessar aðgerðir leiða til þess að enn
færri aðgerðir verða á spítalanum
og biðlistar munu lengjast.
Framkvæmdastjóri VSI
Tafirnar skrifast
á reikning- ASI
ÞÓRARINN V. Þórarinsson, framkvæmdastjóri Vinnuveitendasambands
íslands, segir VSÍ síst af öllu hafa staðið í vegi fyrir því að setja reglur
á sviði aðbúnaðar- og hollustuvandamála í samræmi við skuldbindingar
í sambandi við samninginn um Evrópska efnahagssvæðið. Ari Skúlason,
framkvæmdastjóri Alþýðusambands Islands, sagði á fundi Alþýðuflokks-
ins um Evrópumál nýlega að varðandi vinnumarkaðshluta EES-samnings-
ins hefði vegna andstöðu VSÍ ekkert gengið að koma inn sameiginlegum
reglum sem koma átti í framkvæmd vegna aðildar að Evrópska efnahags-
svæðinu. Segir Þórarinn þessi ummæli Ara vera fullkomlega óskiljanleg.
Morgunblaðið/Sverrir
SKIPT var um sölukassa í söluturninum Gerplu í gær. Á mynd-
inni eru (f.v.) Víðir Tómasson, Guðmunda Jónsdóttir og Þorgeir
Ástvaldsson frá Islenskri getspá.
íslensk getspá
Nýtt sölukerfi
„Við höfum gert tillögu um það
að þessar lágmarksreglur verði
settar strax til að fullnægja skuld-
bindingum okkar, en við teljum að
það sé afar brýnt fyrir ísland að
geta staðið frammi fyrir Evrópu-
sambandinu og sýnt með ótvíræð-
um hætti að við séum færir um
að framfylgja samningsskuldbind-
ingum. Þess vegna höfum við lagt
til að við settum strax lágmarks-
reglurnar eins og EES-samningur-
inn gerir kröfu um á þessu sviði.
Alþýðusambandið hefur hins vegar
kosið að koma með óskir um marg-
háttaðar viðbætur og aðrar lausnir
heldur en felast í skuldbindingum
okkar samkvæmt EES-samningn-
um. Það hefur tafið fyrir þessu,
þannig að þær tafir sem orðið hafa
á fullnustu okkar á EES-samn-
ingnum hvað þetta varðar verða
alfarið skrifaðar á reikning ASÍ,“
sagði Þórarinn.
Síst á móti umræðum um
vinnutímareglur
Á umræddum fundi gerði Ari
Skúlason athugasemdir við að VSÍ
hefði staðið gegn samþykkt reglna
um vinnutíma, og sagði Þórarinn
það vera rétt. Það væri umdeilt
hvort íslendingum væri skylt að
taka upp reglur Evrópusambands-
ins um vinnutíma, og það væri
ákveðið mat VSI að það sem Is-
lendingum væri ekki skylt að taka
upp í þessu efni ættu þeir ekki að
taka upp.
„Ef það eru sérstök vandamál
sem lúta að reglum um vinnutíma
á íslenskum vinnumarkaði þá eig-
um við að semja um þær reglur
sjálf.
Við erum ekki aðilar að Evrópu-
sambandinu, en ef við værum aðil-
ar að því þá værum við bundin af
því að lúta þessum reglum í einu
og öllu. Enm fyrst svo er ekki þá
eru ekki efni til að binda okkur
meira en þörf er á. Við höfum síst
á móti því að ræða við launþega-
hreyfinguna um reglur um vinnu-
tíma ef á því er þörf, en það hafa
engar slíkar óskir komið,“ sagði
Þórarinn.
NÝTT og fullkomnara sölukerfi
hefur verið tekið í notkun hjá ís-
lenskri getspá. Nýjum vél- og hug-
búnaði hefur verið komið fyrir í
höfuðstöðvunum og nýjum sölu-
kössum á sölustöðum vítt og breitt
um landið. Lottóið hefur skilað
eigendum sínum yfir tveimur
miHjörðum króna í tekjur frá því
sala hófstfyrir átta árum. íþrótta-
samband íslands hefur fengið um
einn milljarð í sinn hlut, Öryrkja-
bandalag íslands um 900 miHjónir
og Ungmennafélag íslands rúmar
300 milljónir.
Á blaðamannafundi vegna
breytinganna kom fram að lottó-
spilarar yrðu einkum varir við þá
breytingu að nýju sölukassarnir
væru algerlega hljóðlausir og mun
hraðvirkari en þeir gömlu.
Á þeim átta árum sem liðin eru
frá stofnun lottósins hafa verið
seldar 199.204.209 raðir í Lottó
5/38. MiHjónamæringar eru orðn-
ir 338, fjöldi vinningshafa með
fyrsta vinning 581, annan vinning
1.561, þriðja vinning 82.571,
fjórða vinning 2.476.484 og heild-
arfjöldi vinningshafa er 2.561.197.
Alls hafa verið seldar 29.460.990
raðir í Víkingalottói. MiRjóna-
mæringar eru orðnir 21, fjöldi
vinningshafa með fyrsta vinning
3, annan vinning 47, þriðja vinning
540, fjórða vinning 31.421, fimmta
vinning 111.266 og heildarfjöldi
vinningshafa er orðinn 143.277.
Lögreglan á
ekki frum-
kvæði að
fréttaflutningi
„LÖGREGLAN á ekki frumkvæði að
því að koma á framfæri við fjölmiðla
fréttum eða upplýsingum um nafn-
greinda einstaklinga. Hún er bundin
þagnarskyldu," sagði Ómar Smári
Ármannsson aðstoðaryfírlögreglu-
þjónn aðspurður í framhaldi af um-
mælum Gísla Gíslasonar lögmanns
Lindu Pétursdóttur um það að Linda
hefði ekki átt frumkvæði að fréttum
af handtöku hennar.
Ómar Smári sagðist telja ljóst, að
fjölmiðlar hefðu önnur ráð en upplýs-
ingar frá lögreglu til að afla frétta
af þessu tagi. „Umræddur atburður
átti sér stað á almannafæri og að
honum voru sjónvarvottar, aðrir en
lögregla og þau sem í hlut áttu,“
sagði Ómar Smári. Hann sagði að
lögreglunni hefði komið það jafnmik-
ið á óvart og öðrum að hluti lögreglu-
skýrslna vegna málsins hefði síðan
birzt í blaði.
------4-» 4-----
Trúlofunar-
hringum stolið
BROTIST var inn í Gull og silfur-
smiðjuna Ernu í Skipholti 3 í fyrri-
nótt og stolið 40 pörum af trúlofunar-
hringum. Að sögn Ásgeirs Reynis-
sonar gullsmiðs eru hringarnir flestir
úr kopar með gullhúð og er M stimpl-
að innan í marga þeirra.
Að sögn Ásgeirs spenntu þjófarnir
upp glugga og stálu úr sýningar-
glugga. Hann sagði að tjónið væri
umtalsvert, en vildi beina því til þjóf-
anna að koma þýfinu til skila þar
sem verðmæti þess fyrir þá væri lítið.