Morgunblaðið - 28.12.1994, Blaðsíða 9

MORGUNBLAÐIÐ
MIÐVIKUDAGUR 28. DESEMBER 1994 9
FRÉTTIR
Stjórnvöld íhuga aðild að efnahags- og félagsmálaráði SÞ
Viðbrögð við hruni
N orðurlandasamstarfs
ÞRÖSTUR Ólafsson, aðstoðarmaður
utanríkisráðherra, segir að íslenzk
stjómvöld hafi ákveðið að sækjast
eftir aðild að efnahags- og félags-
málaráði Sameinuðu þjóðanna (EC-
OSOC) til að bregðast við hruni sam-
vinnu Norðurlanda á vettvangi sam-
takanna. Með inngöngu Svíþjóðar og
Finnlands í Evrópusambandið muni
draga mjög úr samráði og samvinnu
Norðurlanda á alþjóðavettvangi. Jón
Baldvin Hannibalsson utanríkisráð-
herra tók málið upp á ríkisstjórnar-
fundi í gær.
ECOSOC er ein af áhrifamestu
stofnunum Sameinuðu þjóðanna. í
ráðinu eiga 54 ríki sæti, og eiga
Vesturlönd 13 ríkja kvóta í ráðinu.
ECOSOC kemur saman í ijórar til
fimm vikur á ári að sumariagi og
þar fer fram ýmis mikilvæg stefnu-
mótun og samræming aðgerða á
vegum SÞ. Ráðið hefur með höndum
samræmingu milli SÞ og sérstofnana
samtakanna og sér um samskipti við
ýmis félagasamtök, sem tengjast
starfi Sameinuðu þjóðanna.
Á vegum ECOSOC starfa svæðis-
bundnar nefndir og nefndir, sem
sinna ákveðnum málaflokkum, t.d.
mannréttindanefnd, eiturlyíjanefnd
og mannfjöldanefnd.
Kosningar 1996
fsland átti sæti í ráðinu 1985-
1987. Þröstur Ólafsson sagði í sam-
tali við Morgunblaðið að kosningar
til ráðsins færu næst fram á allsherj-
arþingi SÞ haustið 1996 og væri
kominn tími til að vinna að aðild
íslands.
„Það eru að verða verulegar breyt-
ingar á stöðu okkar hjá Sameinuðu
þjóðunum. Eftir að Svíþjóð og Finn-
land ganga inn í ESB hættir Norður-
iandasamstarfið, sem verið hefur á
vettvangi SÞ. Við höfum verið með
sameiginlegar tillögur í nefndum,
sameiginlegar ræður og sameigin-
lega gert grein. fyrir atkvæðum okk-
ar. Þetta hefur sparað íslendingum
mikla vinnu og haft í för með sér
að við höfum ekki þurfta að sitja í
ýmsum nefndum, þar sem hin Norð-
urlöndin hafa verið. Samstarfsfund-
irnir með Norðurlöndunum hafa
komið í staðinn. Nú hrynur þetta
samstarf Norðurlanda á . sviði al-
þjóðastofnana," sagði Þröstur.
Reynt að draga úr einangrun
Hann sagði að búast mætti við
að Danmörk, Svíþjóð og Noregur
myndu einkum hafa samráð við
bandamenn sína í ESB á vettvangi
alþjóðastofnana. „Það er spurning
hvort einhveijir fundir verða haldnir
með okkur og Norðmönnum, en það
verður þá fremur á því sviði að þeim
þjóðum verði haldið upplýstum um
það hvað er að gerast hjá ESB en
að um sameiginlegan málflutning
verði að ræða,“ sagði Þröstur.
„Við erum að reyna að draga úr
þessari einangrun, sem við getum
orðið fyrir á alþjóðavettvangi með
því að sækjast eftir aðild að ECO-
SOC.“
Ríkinu heimilað að kaupa eignir veitufyrirtækja á
Vesturlandi eða stuðla að sameiningu
Reynt að lækka orkuverð
í NÝSAMÞYKKTU fjárlagafrum-
varpi er ríkinu heimilað að kaupa
eignir Rafveitu Akraness, Rafveitu
Borgamess, Andakílsárvirkjunar og
Hitaveitu Akraness og Borgaríjarðar
fyrir Rafmagnsveitur ríkisins eða
ganga til stofnunar sameiginlegs
orkufélags þessara veitufyrirtækja,
ef viðunandi samningar nást. Samn-
ingar og nauðsynleg lántaka skulu
samkvæmt tillögunni vera háð sam-
þykki iðnaðarráðherra og fjárlaga-
nefndar Alþingis.
Sturla Böðvarsson, varaformaður
fjárlaganefndar og þingmaður Vest-
urlands, sagði í samtali við Morgun-
blaðið að viðræður um hagræðingu
af einhveiju tagi hjá umræddum fyr-
irtækjum hefðu lengi verið í gangi
með þátttöku ríkisins. „Menn hafa
viljað reyna að styrkja Hitaveitu
Akraness og Borgarfjarðar, en orku-
verðið er hátt og miklar skuldir hjá
hitaveitunni. Hins vegar eru rafveit-
ur betur settar. Viðræður hafa stað-
ið yfir um að sameina þessi félög
með einhveijum hætti með þátttöku
Rafmagnsveitna ríkisins,“ sagði
Sturla.
Samningar auðveldaðir
Hann sagði að RARIK hefði hins
vegar ekki haft heimild til að ganga
til formlegra samninga eða aðgerða.
Tilgangur heimildarinnar í fjárlögum
væri því að auðvelda mönnum að
ganga til samninga. Aðspurður hvor
leiðin, eignakaup eða sameining,
væri líklegra að yrði ofan á, sagði
Sturla erfitt að átta sig á því.
Ágreiningur hefur verið milli Ak-
urnesinga og Borgnesinga um það
hvora leiðina skuli fara. „Borgnes-
ingar hafa talið það skynsamlegasta
kostinn að selja RARIK rafveitu sína,
en Rafmagnsveiturnar eru með
bækistöð í Borgarnesi og sinna sveit-
unum. Það er því talin mikil hag-
kvæmni í því fólgin að sameina
RARIK og Rafveitu Borgarness. Á
Akranesi eru skiptar skoðanir um
hvort selja beri rafveituna. Andakíls-
árvirkjun er sameign Akraness,
Borgarness og sveitahreppanna og
þar eru líka deildar meiningar," sagði
Sturla.
Hann sagðist telja að mikill vilji
væri nú í héraðinu að ná saman um
lausn á málinu og ná einhveijum
árangri við að lækka raforku- og
heitavatnsverð. Búast mætti við að
skriður færi að komast á viðræður
að nýju eftir áramót. „Þetta er samt
fyrst og fremst heimild. Það er ekki
verið að þrýsta á eigendur orkufyrir-
tækjanna af hálfu ríkisins," sagði
Sturla.
Nýleg könnun á ávinningi af hugs-
anlegri sameiningu orkufyrirtækja í
Mýra- og Borgarfjarðarhéruðum sýn-
ir að hægt væri að greiða þau lán,
sem nú hvíla á Hitaveitu Akraness
og Borgarfjarðar, niður nær sjö árum
fyrr en ella eða greiða hitunarkostnað
á svæðinu niður um allt að 25%.
PÁLL Einarsson, fulltrúi íbúa í Þingholtum, afhendir Ingibjörgu
Sólrúnu Gisladóttur borgarstjóra áskorun yfir 500 íbúa um að
fallið verði frá byggingu sendiráðs við Laufásveg 31.
Borgarstjóri um mótmæli íbúa í Þingholtum
Ulgerlegt að koma
í veg fyrir að breska
sendiráðið nýti lóðina
YFIR 500 íbúar í Þingholtunum hafa skorað á borgarstjórn að falla
frá áformum um að leyfa byggingu skrifstofuhúss á lóð við Laufás-
veg, á horni Hellusunds, Laufásvegar, Skothúsvegar og Þingholts-
strætis. Ingibjörg Sólrún Gísladóttir borgarstjóri segir að breska sendi-
ráðið hafi átt lóðina í áratugi og því illgerlegt að koma í veg fyrir að
það nýti sína lóð.
Skorað er á borgarstjórn að leita
samstarfs við íbúa Þingholtanna
um gerð deiliskipulags með það
að markmiði að nýta lóðina sem
best fyrir þjónustu í þágu hverfis-
ins eins og gert er ráð fyrir í
hverfaskipulagi frá árinu 1990 og
aðalskipulagi borgarinnar.
Þá segir: „Við fögnum fréttum
um að hafinn sé undirbúningur
að því að breyta gatnamótunum
fimmföldu sem lóðin er við, en
skorum jafnframt á borgarstjórn
að gera nýtt umferðarskipulag
fyrir Þingholtin öll til að tryggja
öryggi gangandi vegfarenda, ekki
síst skólabarna."
Sendiráðið átt lóðina í áratugi
Borgarstjóri sagði að fjallað
yrði formlega um athugasemdir
íbúanna vegna sendiráðsbygging-
arinnar í skipulagsnefnd. „Málið
er að breska sendiráðið hefur átt
þessa lóð í áratugi og alltaf verið
með það fyrir augum að byggja
þarna sendiráð,“ sagði Ingibjörg.
„Af þessari lóð var á sínum tíma
flutt gamalt hús svo að unnt yrði
að byggja sendiráð. Þetta hefur
þannig lengi legið fyrir. Það er
að okkar mati illgerlegt að koma
í veg fyrir nýtingu þeirra á lóð
sinni. Hins vegar getum við skilið
að íbúunum, sem eru búnir að
horfa á auða lóð um árabil, bregði
í brún þegar þarna á allt í einu
að fara að byggja.“
Ekki góð staðsetning
Ingibjörg sagði að á þessu horni
væri talsverð umferð og að hennar
mati ekki góð staðsetning fyrir
leiksvæði eða rétt að draga börn
að lóðinni. „Ég held að með leik-
skóla dragist að meiri umferð en
sú sem fylgir sendiráði," sagði
hún. „Reynsla okkar er sú að
umferð er mjög takmörkuð við
sendiráð.“
Það sem þú gerir ekki eftir áramót
• Við bendum þeim einstaklingum sem greiða eignarskatt á, að öll ríkisverðbréf eru undanþegin eignarskatti.*
• Það er því vel þess virði að athuga hvað Þjónustumiðstöð ríkisverðbréfa hefur að bjóða.
RíkÍSVÍxlar: Örugg skammtímabréf með trygga ávöxtun. Þau eru skráð á Verðbréfaþingi
íslands sem tryggir greið viðskipti við kaup og sölu.
ECU-tengd spariskírteini: Spariskírteini tengd evrópsku mynteiningunni ECU. Með ECU
getur þú fjárfest erlendis - hér heima.
Spariskírteini ríkissjóðs: Eldri flokkar spariskírteina ríkissjóðs til lengri og skemmri tíma.
Hringdu og leitaðu ráða hjá ráðgjöfum Þjónustumiðstöðvar
ríkisverðbréfa, síminn er 62 60 40.
‘Miöað við hreina eign einstakiings utan atvinnurekstrar (árið 1993):
a) undir 3.572.684 kr. greiðist enginn eignarskattur.
b) 3.572.684 - 5.162.803 kr. greiðist 1,2% eignarskattur.
c) 5.162.803 - 10.001.278 kr. greiðist 1,45% eignarskattur.
d) yfir 10.001.278 kr. greiðist 2,2% eignarskattur.
Hverfisgötu 6,2. hæð (neðsta húsið við Hverfisgötu).
Ofangreindar fjárhæðir má tvöfalda fyrir hjón. Fjárhæðirnar breytast eftir skattavísitölu 1994. Sími 91-62 60 40, fax 91-62 60 68
ÞJONUSTUMIÐSTOÐ
RÍKISVERÐBRÉFA
Hvað sem þú gerir - sparaðu með áskrift að spariskírteinum