Morgunblaðið - 28.12.1994, Blaðsíða 20

20 MIÐVIKUDAGUR 28. DESEMBER 1994
MORGUNBLAÐIÐ
FLUGRÆIMINGJAR YFIRBUGAÐIR I MARSEILLE
Reuter
FRÁ vettvangi í Marseille. Myndin var tekin er áhlaup víkingasveitarinnar var nýhafið. Á landgangi fremst á þotunni standa liðs-
menn víkingasveitarinnar í skotbardaga við flugræningja. Á sama tíma hjálpa aðrir lögreglumenn farþegum að flýja frá borði.
Ráðgerðu að sprengja
þotuna yfir París
Marseille, París. Daily Telegraph. Reuter.
ALSÍRSKU flugræningjarnir sem rændu Airbus A300 þotu franska flugfé-
lagsins Air France á aðfangadag ráðgerðu sjálfsmorðsárás á París, að því
er Charles Pasqua innanríkisráðherra Frakklands sagði í gær. Talið er
að ræningjamir hafí ýmist ráðgert að sprengja flugvélina í tætlur yfír
frönsku höfuðborginni eða Steypa henni til jarðar í borginni, að sögn far-
þega. Frönsk víkingasveit batt enda á flugránið í Marseille á annan dag
jóla. Flugræningjamir voru felldir í áhlaupinu en 170 manns, farþegar
og áhöfn, frelsaðir úr klóm þeirra. Þrettán farþegar og þrír áhafnarmenn
slösuðust, þar á meðal flugmaður sem hlaut skotsár. Níu víkingasveitar-
menn særðust í aðgerðinni, tveir lífshættulega. Ræningjarnir myrtu þrjá
farþega en borið var til baka að þeir hefðu myrt þann fjórða rétt áður en
þeir voru yfirbugaðir.
LIÐSMÖNNUM frönsku víkingasveitarinnar var fagnað er þeir
komu í gær til Parísar, daginn eftir að hafa frelsað 170 manns
úr klóm fjögurra alsirskra flugræningja.
Þotan var við það að leggja upp
í ferð til Parísar er henni var rænt
á flugvellinum í Algeirsborg í Alsír
að morgni aðfangadags. Um borð
voru þá komnir 227 farþegar og 12
manna áhöfn en 44 farþegar, sem
vom enn í rútum á flugvellinum,
sluppu naumlega við þá lífsreynslu
sem hinna beið næstu 54 stundirnar.
Ræningjamir fjórir klæddust ein-
kennisfötum flugliða alsírska
flugfélagsins Air Algerie. Drógu
þeir upp vélbyssur, sjálfvirkar
skammbyssur og sprengjur er um
borð var komið. Við töku þotunnar
myrtu þeir aisírskan iögreglumann
og víetnamskan stjómarerindreka.
Flugvellinum var samstundis lokað
og alsírska lögreglan umkringdi
þotuna.
Ofsafengin samtök
Ræningjarnir hrópuðu trúarleg
slagorð múslima og kröfðust þess
að konur sveiptu sig slæðum svo
ekki sæist í bert hold eða hár.
Reyndust þeir vera úr íslömsku
vopnasveitinni, GIA, ofsafengnustu
samtökum alsírskra bókstafstrúar-
manna.
Eftir að frestur, sem ræningjam-
ir höfðu gefið til þess að fá heimild
til að fljúga úr landi, var liðinn á
jóladag drápu þeir þriðja farþegann,
matsvein franska sendiráðsins.
Fleygðu þeir líkunum út um fram-
dyr þotunnar.
Flugvélin fékk að halda til Mar-
seille í Frakklandi aðfaranótt mánu-
dagsins að tilmælum franskra
stjórnvalda. Hafði Edouard Ballado-
ur forsætisráðherra beitt sér fyrir
því persónulega í samtölum við als-
írska ráðamenn. Kröfðust rænin-
gjarnir eldsneytis til flugs tii Parísar
en fengu ekki.
Sömu kröfu ræningjanna eftir að
þotan lenti í Marseille um miðja
nótt aðfaranótt annars dags jóla var
hafnað.
Áður en þotan hélt af stað hofðu
ræningjarnir hleypt 63 farþegum
frá borði í Algeirsborg, aðallega
konum og bömum.
Sagðist farþegum svo frá að ræn-
ingjarnir hefðu talað saman á arab-
ísku. Hefðu þeir skipst á að sofa
og þeir sem stóðu vakt hveiju sinni
því verið tiltölulega rólegir.
Ungir að árum
Flugvallaryfirvöld í Marseille
sögðu að ræningjarnir hefðu verið
ungir að ámm, hinn elsti um tví-
tugt. Tilraunir til þess að semja við
þá reyndust árangurslausar. Er þeir
hófu skothríð út um glugga á stjórn-
klefanum á flugturninn síðdegis í
fyrradag létu liðsmenn sérsveita
franska hersins til skarar skríða.
Frönsk sjónvarpsstöð sagði að 50
sérsveitarmenn hefðu verið á vett-
vangi en milli 20 og 30 réðust um
borð.
Að sögn farþega höfðu rænin-
gjamir nýlega látið þau boð berast
um farþegaklefann að þeir hygðust
brátt lífláta tvo farþega til viðbótar
er víkingasveitin réðist inn í þotuna.
Áhlaupið var gert frá þremur
stöðum samtímis þar sem ekki Iá
fyrir nákvæm vitneskja um hvar
flugræningjarnir héldu til í þotunni.
Gífurleg kúlnahríð mætti átta sveit-
armönnum, sem fóru upp um land-
gang og bmtust inn um framdyr
þotunnar. Skothríðin kom frá flug-
stjómarklefanum þar sem rænin-
gjamir fjórir reyndust hafa búið um
sig.
„Þetta var eins og í logandi víti,“
sagði Denis Favier, foringi víkinga-
sveitarinnar. „Þeir hrundu upp
hurðinni öðru hveiju og hentu að
okkur sprengjum eða skutu án af-
láts af sjálfvirkum rifflum, bæði að
okkur og í átt að farþegaklefan-
um,“ sagði Favier.
Fjögurra mínútna skotbardagi
Við og við sáust appelsínugulir
blossar í stjórnklefanum og hann
virtist fyllast af reyk. Eftir um fjög-
urra mínútna ákafann skotbardaga
lágu ræningjamir í valnum. Á með-
an á átökunum frammi í þotunni
stóð komu víkingasveitarmenn, sem
ráðist höfðu inn í þotuna aftan-
verða, farþegum til hjálpar við að
flýja frá borði um neyðarrennur.
„Lögreglumennirnir sögðu okkur
að fleygja okkur niður og skríða að
neyðarútgöngudyrum," sagði far-
þegi sem sagðist heita Areski að
skímarnafni. Kona meðal farþega
sagði: „Þeir sögðu okkur að leggj-
ast niður og er maðurinn minn Iyfti
höfðinu til að gægjast upp keyrði
flugfreyja hann aftur niður í sætið.“
Aðstoðarflugmaður þotunnar
kastaði sér út úr flugvélinni um
glugga á flugstjómarklefanum.
Haltraði hann hjálparlaust frá þot-
unni eftir að hafa fallið sex metra til
jarðar.
Átti að brotlenda í París?
Hugsanlegt var talið að rænin-
gjamir hafí ráðgert bífræfna sjálfs-
morðsárás á Parísarborg. Nokkrir
farþegar sögðust hafa heyrt ræningj-
ana ræða um það að „þakka fyrir
sig“ svo eftir væri tekið er þeir hefðu
fengið kröfunni um að fá að fljúga
til Parísar framgengt. Annars vegar
með því að sprengja þotuna í tætlur
á flugi yfír París eða steypa henni
í jörðina í borginni. Að minnsta kosti
fjórir farþegar kváðust hafa séð
ræningjana meðhöndla nokkur búnt
af dýnamit-túpum um borð. F’ranska
lögreglan staðfesti að ræningjarnir
hefðu komið 20 túpum fyrir víðs
vegar í þotunni. Þá höfðu þeir kom-
ið sprengju fyrir bak við sæti aðstoð-
arflugmannsins.
Óttast hefnd
Flestir farþeganna voru alsírskir.
Báðust þeir undan viðtölum af ótta
við hefndaraðgerðir. Margir huldu
andlitið er þeir komu út úr flug-
stöðvarbyggingunni. „Ég þarf að
fara til baka eftir viku,“ hrópaði
einn þeirra fokillur til myndatöku-
manna.
Farþegi sem ekki vildi segja til
nafns, sagðist hafa reynt að eiga
skynsamlegar samræður við einn
ræningjanna. „Ég sagði honum að
þeir hefðu ekki valið sér skynsam-
lega baráttuaðferð. Hann svaraði
því til að ekkert gæti verið fegurra
en deyja í nafni íslams," sagði far-
þegjnn.
Söngvari á aftökulista
Cesar Ferhar, vinsæll alsírskur
söngvari og andstæðingur strang-
trúaraflanna, var meðal farþega
þotunnar. „Þeir virtust strax kann-
ast við andlitið og er þeir áttuðu sig
næsta dag á því hver ég var sögðu
þeir að ég yrði settur á aftökulist-
ann, röðin kæmi að mér.“
„Ræningjarnir virtust yfirvegaðir
og fullir sjálfstrausts í upphafi rán-
ins. En þegar komið var til Mar-
seille var tekið að reyna á þolrifin.
Þuldu þeir þá við og við kennisetn-
ingar úr kóraninum til þess að róa
sig niður,“ sagði Ferhat.
520 mannslífum bjargað
Víkingasveitin, GIGN, var stofn-
sett í kjölfar hryðjuverka palestín-
skra öfgamanna á Olympíuleikunum
í Miinchen árið 1972. Hafði hún
ekki stöðvað flugrán af þessu tagi
en verið mjög vel þjálfuð til slíkra
verka. Liðsmenn hennar eru 87 og
fram að flugráninu höfðu þeir frels-
að 350 manns úr gíslingu. Eru þau
því orðin um 520. Hefur sveitin
verið kölluð til 650 sinnum til þess
að kljást við hvers kyns misyndis-
menn og hafa fimm liðsmenn beðið
bana í aðgerðum af því tagi.
Sósíalist-
ar sigruðu
í Búlgaríu
BIRTAR voru í gær lokatöl-
urnar í þingkosningunum í
Búlgaríu fyrir tíu dögum og
þær staðfesta að Sósíalista-
flokkurinn (BSP) fékk meiri-
hluta þingsætanna. Fimm
flokkar hlutu sæti á þinginu
og Sósíalistaflokkurinn fékk
125 af 240 þingsætum. For-
ystumenn flokksins hafa boð-
ið leiðtogum annarra flokka
til viðræðna um hugsanlega
myndun samsteypustjórnar.
Karl Schiller
látinn
ÞJÓÐVERJAR syrgðu í gær
Karl Schiller, fyrrverandi ráð-
herra Jafnaðarmannaflokks-
ins sem talinn hefur verið
einn af feðrum „efnahag-
sundursins" í Þýskalandi.
Schiller var stundum nefndur
„ofurráðherrann" vegna þess
að hann stjórnaði bæði efna-
hags- og fjármálaráðuneyt-
unum samtímis í byijun átt-
unda áratugarins. Hann lést
á mánudag, 83 ára að aldri,
eftir langvarandi veikindi.
Breska
lögreglan
gagnrýnd
BRESKA lögreglan banaði í
gær manni sem talinn var
hættulegur en í ljós hefur
komið að hann kann að hafa
verið vopnaður eftirlíkingu
af skammbyssu. Fjórir sér-
sveitarmenn skutu manninn
til bana eftjr að lögreglunni
hafði verið greint frá því að
hann hefði hleypt af skamm-
byssu á götu við heimili sitt
í gærmorgun. Atvikið varð til
þess að deilt var á bresku
lögregluna fyrir að beita skot-
vopnum of oft, þótt almennir
lögreglumenn ' hafi verið
óvopnaðir.
Dó eftir 15
metra fall
LOFTFIMLEIKAMAÐUR
beið bana eftir 15 metra fall
í gær fyrir framan hundruð
skelfíngu lostinna áhorfenda
í fjölleikahúsi í Blackpool í
Englandi. Fimleikamaðurinn,
sem var rúmlega tvítugur,
var að ganga á járnhringum
fyrir ofan sviðið þegar hann
hrasaði og féll niður.
Samhentir
tvíburar
ÞÆR tvíburasysturnar
Lorraine og Levinia Christm-
as hafa ávallt verið samhent-
ar og þá ekki síst á jólum
enda heita þær Jól að eftir-
nafni. Á þessum jólum voru
þær systurnar, sem búa hvor
í sínum bæjarhluta í Flitcham
á Englandi, báðar á sjúkra-
húsi og ástæðan var sú, að
þær lentu í árekstri á sömu
stundu sama daginn. Þær
voru að flýta sér með gjafirn-
ar hvor til annarrar og líklega
þarf ekki að taka það fram á
hvern þær keyrðu.