Morgunblaðið - 28.01.1995, Blaðsíða 5
MORGUNBLAÐIÐ
LAUGARDAGUR 28. JANÚAR 1995 5
FRÉTTIR
Morgunblaðið/Árni Sæberg
Mynd að komast á
víkingaskipið
SMÍÐI víkingaskips
stendur nú sem hæst
í Héðinshúsinu við
Mýrargötu og er ráð-
gert að hleypa því af
stokkunum um mán-
aðamótin apríl-maí.
Smíði skipsins er
rúmlega hálfnuð en
prufusigling er ráð-
gerð 12. maí næst-
komandi. Kostnað-
aráætlun við smíðina
hljóðar upp á 18
milljónir króna.
Reykjavíkurborg veitti 10 millj-
óna króna styrk til smíði skips-
ins en eigandinn, Gunnar Marel
Eggertsson skipasmiður, lagði
til það sem upp á vantaði, átta
milljónir króna. Með styrkveit-
ingunni tryggði Reykjavíkur-
borg reykvískum skólabörnum
siglingu með skipinu í 50 daga
á ári og verður siglingin notuð
til fræðslunámskeiða á vegum
fræðsluskrifstofu Reykjavíkur
um lífið í sjónum með sögu-
ívafi. A sumrin er ráðgert að
bjóða íslenskum og erlendum
ferðamönnum í siglingar. Skip-
ið er smíðað úr sérvalinni eik
og furu frá Svíþjóð og Noregi
og segir Gunnar að efniviðurinn
sé af sömu gerð og í uppruna-
legum víkingaskipum. Skipið
mun vega 15-16 tonn.
Fj árhagsáætlun Reykjavíkurborgar
400-600
manns ráðnir
tímabundið
BORGARSTJÓRI, Ingibjörg Sólrún Gísladóttir, sagði við fyrri
umræðu um fjárhagsáætlun Reykjavíkurborgar, að baráttan við
atvinnuleysið væri forgangsverkefni borgarstjórnar. Fram kom að
sérstök nefnd skipuð borgarfulltrúum hafi unnið úttekt á átaksverk-
efnum borgarinnar á síðasta ári og leggur hún til að 400-600
manns verði veitt tímabundin atvinna á þessu ári.
Sagði borgarstjóri að í niður-
stöðu nefndarinnar komi fram að
markmiði átaksverkefnisins á síð-
asta ári um að veita þúsund manns
tímabundna atvinnu hafi náðst.
Nefndin bendi á óviðunandi fjár-
hagslega útkomu borgarsjóðs í
samskiptum við Atvinnuleysis-
tryggingasjóð og veki athygli á
að jafnræðis kynjanna hafi ekki
verið gætt í verkefnunum.
Ingibjörg Sólrún Gísladóttir
sagði að hlutur kvenna hefði verið
19% þegar litið væri til verkefna
á vegum borgarinnar. Það hafi ef
til vill ekki komið á óvart, þar sem
verkefnaskrá átaksins hafi verið
ákveðin í upphafi ársins 1994 á
fundi með 12 forstöðumönnum
borgarstofnana, en í þeim hópi
væri ein kona. Þá komi fram að
að hlutdeild launa í verkefnunum
hafi í sumum tilvikum verið allt
niður í 33%, sem væri of lágt.
Jafnari skipting milli kynja
Nefndin hafi bent á tíu atriði
og lagt til að 400-600 manns
yrði veitt tímabundin atvinna með
átaksverkefnum á þessu ári auk
þess sem lögð væri áhersla á að
vinna þyrfti að sköpun nýrra
starfa til frambúðar. Lagt væri til
að yfirstjórn átaksverkefna yrði á
einum stað og að undirbúningur
hæfist tímanlega auk þess sem
markvisst yrði stefnt að jafnari
skiptingu milli kynjanna.
Lagt er til að þeim sem hefðu
verið atvinnulausir lengi yrði boðið
námskeið eða aðlögunartími til að
auðvelda þeim að hefja störf á ný.
Að endingu væri mælt með sér-
tækum aðgerðum fyrir fólk sem
hugsanlega væri hæpið að telja
meðal atvinnulausra á skrá og að
möguleikar á samvinnu Vinnu-
miðlunar og Félagsmálastofnunar
yrðu þá kannaðir.
fyrsti vinningur á laugardag!
I
MERKISMENN