Morgunblaðið - 28.01.1995, Blaðsíða 37

MORGUNBLAÐIÐ
LAUGARDAGUR 28. JANÚAR 1995 37
Örlögin eru óskiljanleg, æðri mátt-
arvöld ráða og stjórna.
Við vinkonurnar kynntumst Bellu
á Héraðsskólanum á Núpi i Dýra-
firði veturna 1969-70-71, ogtókst
með okkur öllum kær og góð vin-
átta, enda þótt Bella væri sveita-
stúlka, en við borgarstúlkur.
Skólaárin okkar á Núpi voru eft-
irminnileg og lærdómsrík, þó að
ekki væri allt á bókina lært, og
brölluðum við ýmislegt spaugilegt
og skemmtilegt saman.
Bella var traust vinum sínum,
dugleg, atorkusöm og alltaf jafn
gaman að hitta hana, eftir að
skólaárum okkar lauk. Gott er að
geyma þá minningu hjá sér.
Við biðjum algóðan Guð að varð-
veita og geyma í faðmi sínum ást-
kæra vinkonu okkar og litlu stúlk-
una hennar, svo og alla hina sem
fórust í þessu mannskæða snjó-
flóði. Hugheilustu samúðarkveðjur
til Rögnu á Laugabóli, Garðars
Smára í Aðaldal, Oskars á Akur-
eyri, og Vals föður Petreu og allra
annarra ættingja og vina.
Fá orð fá lýst harmi og sorg alls
fólksins frá þessu litla byggðarlagi,
Súðavík. Þjóðarsorg hefur ríkt á
íslandi. En við verðum öll að trúa
og treysta á styrk og kærleika
Guðs og mátt bænarinnar.
í almáttugri hendi hans
er hagur þessa kalda lands,
vor vagga, braut, vor byggð og gröf,
þótt búum við hin ystu höf.
Skólasystur frá Núpi,
Þórný Kr. Sigmundsdóttir,
Gunnhildur Sigurbjömsdóttir,
Þórunn Kjartansdóttir,
Sigrún Kristjánsdóttir.
Haustið 1974 kom saman á
Bændaskólanum á Hvanneyri hóp-
ur ungmenna víðs vegar af landinu
til náms. Þetta var samheldinn
hópur ólíkra einstaklinga sem átti
ánægjulega dvöl á Hvanneyri
þennan vetur. Nú hefur ein eftir-
minnilegasta persónan úr þessum
hópi, hún Bella, verið kölluð yfir
móðuna miklu ásamt dóttur sinni,
henni Petreu litlu. Það er erfitt að
sætta sig við þá tilhugsun að Bella
og Petrea séu ekki lengur hér á
meðal okkar, en örlög sín fær eng-
inn flúið.
Minningin um Bellu mun áfram
lifa skýr í hugum okkar. Kjarklegt
fas og æðruleysið birtist í brosinu
og augnaráðinu, lífið stóð aldrei
kyrrt í kringum Bellu. Ósjálfrátt
dró hún að sér athyglí okkar hinna,
sem endaði með vinskap og vænt-
umþykju um manneskju sem ekki
gleymist. Bella tók lífinu eins og
það var og óbifanlegt æðruleysi
var einkennandi í fari hennar.
Stundum var eins og hún vildi
bjóða lífinu birginn og gat þá verið
svolítið hijúf á yfirborðinu en alltaf
var stutt í hina ljúfu og góðu Bellu
undir niðri.
Bella tók ekki sveig fýrir vanda-
málin heldur tókst á við þau og
leysti þau með kjarki og þori. Þann-
ig skildi hún eftir sig hreina slóð
þegar hún yfirgaf Hvanneyri vorið
1975 vinafleiri en fyrr. Við skóla-
systkinin söknum Bellu sárt. Hún
var góð stúlka, ein litríkasta persón-
an í hópnum, mótuð af hinu vest-
firska landslagi, sem að lokum skóp
örlög hennar. Nú sjáum við hana
fyrir okkur ganga til móts við nýjas
víddir ákveðnum skrefum með
kjarklegu brosi og æðrulausu
augnaráði með Petreu litlu sér við
hlið, sem þegar öllu er á botninn
hvolft þykir nú eins og alltaf áður
best að vera hjá mömmu.
Við vottum aðstandendum Bellu
og Petreu litlu og öllum þeim, sem
um sárt eiga að binda vegna ham-
fara undangenginna daga okkar
dýpstu samúð og biðjum Guð að
leiða þau aftur til ljóssins.
Nemendur bændadeildar
Hvanneyrarskóla
1974-1975.
Vorið 1987 leiddi umrót í þjóðlíf-
inu til að Borgaraflokkurinn bauð
fram í öllum kjördæmum. Á meðal
brautryðjenda flokksins voru Ragna
Aðalsteinsdóttir á Laugabóli og
dóttir hennar, Bella Vestfjörð. í dag
kveðja samheijar Bellu og ástkæra
dóttur hennar, Petreu.
Örlög Bellu og Petreu verða aldr-
ei skilin frá örlögum granna þeirra
og að kveðja mæðgumar er að
kveðja hina Súðvíkingana. Við
kveðjum vestfirskt kjarnafólk með
ólgu í æðum og seltu í blóði. ís-
lenska hrafnistumenn og konur.
Hvar selurinn liggur í látmm og
Hornbjarg úr djúpinu rís. Brimið
sverfur ströndina og í fjarska garg-
ar máfur. Djúpið er fagurt en Djúp-
ið er líka kalt. Á svipstundu breyt-
ist fallega þorpið við fjörðinn í
kirkju íslenskrar náttúru.
MINNIIMGAR
í dag drúpa íslendingar höfði og
eru harmi slegnir. Söknuður. Mest-
ur er harmur vinkonu minnar
Rögnu á Laugabóli. Hún kvaddi
ástkæran son fyrir skömmu og
kveður nú elskaða dóttur og litla
ömmusnót. Djúpið gefur og Djúpið
tekur. Snarbrött fjöllin og hjarnið
kalt. Sortinn. Hvílíkt gjald fyrir að
eija landið og sækja sjóinn. Hvílíkt
gjald fyrir að vera íslendingur.
Guð blessi Rögnu á Laugabóli
og aðra ástvini í raunum. Fyrir
höndum er hlýjan og ljósið. Himin-
friður. Gamlir félagar úr Borgara-
flokknum þakka fyrir sig.
Ásgeir Hannes.
HELGIINDRIÐASON
+ Helgi Indriðason fæddist í
Ásatúni í Hrunamanna-
hreppi 30. janúar 1914. Hann
lést í sjúkraheimilinu Kumbara-
vogi 14. janúar síðastliðinn og
fór útför hans fram frá Skál-
holtskirkju 20. janúar.
HELGI Indriðason fyrrum bóndi í
Laugarási í Biskupstungum er lát-
inn, áttræður að aldri. Áður var
farin kona hans, Guðný Aðalbjörg
Guðmundsdóttir, ömmusystir okk-
ar.
Á uppvaxtarárunum átti Helgi
að stríða við langvarandi heilsu-
brest, sem hann náði ekki að hrista
af sér fyrr en hann fór til náms
norður að Hólum í Hjaltadal, tví-
tugur að aldri. Að loknu búfræð-
ingsprófi vann hann næstu tólf
árin að bústörfum, ýmist sem
kaupamaður eða ráðsmaður, fyrst
á Hólum en síðan á bæjum á Suð-
ur- og Vesturlandi. Áríð 1947 hófu
þau Helgi og Guja búskap í Lauga-
rási þar sem þau bjuggu í tuttugu
og þrjú ár.
Við bræður kynntumst þeim
hjónum ásamt börnunum Birgi og
Gróu, þegar við komum í sveit í
Laugarás fremur stutt vaxnir úr
grasi. Er við höfðum náð skóla-
aldri var sveitarvistin orðin að
sjálfsögðum hlut og við eyddum
sumrum og flestum öðrum skólafr-
íum { sveitinni fram á unglingsár
eða þar til Helgi brá búi og flutt-
ist með fjölskylduna til Reykjavík-
ur. í Laugarási var jafnan mikið
um að vera. Þar kom til nábýlið
við garðyrkjustöðvamar en einnig
og ekki síður margrómuð gestrisni
þeirra hjóna. Þarna kynntist fólk
úr ýmsum áttum sem varla hefði
átt samleið annars. Helgi var ekki
fasmikill maður en nálægð hans
fór ekki fram hjá neinum. Hann
stjórnaði búskapnum af vandvirkni
og myndarskap og snyrtimennskan
vakti athygli allra sem að komu.
Þótt nóg væri að gera fengu ungir
menn ætíð svör við spurningum
sínum sem ekki voru allar gáfuleg-
ar. Við voram teknir inn í heimilið
frá fyrsta degi og þótt blóðböndum
væri ekki fyrir að fara var Helgi
náinn ættingi upp frá því. Hann
kenndi okkur að umgangast dýrin
og jörðina og fjölmargt annað. í
sveitinni lærðum við margt sem
hefur nýst okkur vel síðan við alls
óskyld störf. Þama eignuðumst við
marga vini. Mest voru tengslin við
Guðmund á Lindarbrekku bróður
Helga og hans fjölskyldu og síðan
öll börnin á garðyrkjustöðvunum.
Þetta var eitt samfélag, Laugarás
með garðyrkjustöðvum, læknamið-
stöð og sumarbústöðum ásamt
nágrannabæjunum Skálholti og
Iðu. Á sumrin bættist við barna-
heimili Rauða krossins með Jónu
Hansen og á haustin sláturhúsið.
Auk búskaparins skipaði hesta-
mennskan stóran sess hjá Helga.
Hann ferðaðist víða um land á
hestbaki á sínum yngri áram og
átti þátt í stofnun tveggja hesta-
mannafélaga. í frítímum lá leið
hans iðulega í útreiðatúr eða á
hestamannamót. í ellinni færði .
hann oft í tal kærkomnar minning-
ar um eftirminnilegar óbyggða-
ferðir og horfna gæðinga.
Helgi var alla tíð sveitamaður.
Ákvörðunin, um að flytja á mölina,
var ekki auðveld og hann leysti
búið upp með trega. í Reykjavík
sinnti hann störfum sínum af sömu
samviskuseminni og búskapnum
en sá alltaf eftir sveitinni, enda
neytti hann allra færa til að kom-
ast austur yfir fjall á meðan heils-
an leyfði. Við áttum áfram mikil
og góð samskipti við Helga og
Guju eftir að þau komu í bæinn.
Gestrisni þeirra hjóna var söm við
sig og margir áttu leið um heimili
þeirra í Reykjavík. Við áttum þar
alltaf vísan samastað til lengri eða
skemmri dvalar.
Nú er nokkuð liðið frá því að
við lærðum að forðast hverina og
ána í Laugarási og æði margt
breytt þar eystra. Samt er alltaf
eins og að koma heim, þótt maður
aðeins renni í gegnum staðinn eft-
ir þjóðveginum og góðar minningar
koma upp í hugann. Við vottum
þeim Birgi og Gróu og barnabörn-
unum Helgu, Guðnýju og Ásrúnu
hluttekningu á þessari stund og
þökkum allt gamalt og gott.
Arngrímur og Birgir
Thorlacius.
í formála minningargreina um
Helga Indriðason á bls. 36 í Morg-
unblaðinu á föstudag varð villa í
upptalningu á systkinum hins
látna. Þegar kom að áttunda systk-
ininu, Guðmundi bróður hans, var
Jónína Jónsdóttir sögð ekkja hans.
Hún er hins vegar eiginkona hans,
þar sem Guðmundur er bráðlif-
andi. Hlutaðeigendur eru innilega
beðnir afsökunar á þessum mistök-
um.
Birna Héðinsdóttir Carvalho, Alfrod Carvalho,
Rósa Héðinsdóttir, Gils Stefánsson,
barnabörn og barnabarnabörn.
t
Ástkær faðir okkar, tengdafaðir og afi,
ELMAR ÞORKELL ÓLAFSSON,
lést á heimili sínu þann 27. janúar.
Birkir Þór Elmarsson, Kristín Anna Björnsdóttir,
. Elísa Björk Elmarsdóttir, Fannar Helgi Þorvaldsson,
Daníel Freyr og Davi'ð Fannar afastrákar.
t
Ástkær eiginmaður minn, sonur, faðir
okkar, tengdafaðir og afi,
GUÐMUNDUR JÓH ANNESSON
vélfræðingur,
Lágholti 11,
Mosfellsbæ,
varð bráðkvaddur fimmtudaginn
26. janúar.
Anna Jóna Ragnarsdóttir, Úlfhildur Guðmundsdóttir,
Úlfhildur Guömundsdóttir, Sveinn Val Sigvaldason,
Sigrún Guðmundsdóttir, Pétur U. Fenger,
Jóhannes Guðmundsson,
Ólafur Guðmundsson, Anna Björk Jónsdóttir
og barnabörn.
Útför föður mins,
AXELSSVANBERGS
ÞÓRÐARSONAR
kennara,
fer fram frá Fossvogskapellu mánudag-
inn 30. janúar kl. 15.00.
Guðjón Axelsson.
+
Hugheilar þakkir fyrir auðsýnda samúð og vinarhug vegna frá-
falls og jarðarfarar móður okkar, tengdamóður, ömmu og
langömmu,
JÓHÖNNU EINARSDÓTTUR LÖVDAHL.
Sérstakar þakkir til starfsfólks Hafnarbúða.
Einar Lövdahl, Inga Dóra Gústafsdóttir,
Karen Lövdahl, Þórður Júlíusson,
Bergþóra Lövdahl, Einar Eyjólfsson,
barnabörn og barnabarnabörn.
+
Innilegustu þakkir til allra þeirra, sem
sýndu okkur hlýju, samúð og vinarhug
vegna fráfalls eiginkonu minnar, móður
okkar, tengdamóður, ömmu og
langömmu,
ÖNNU SVÖLU JOHNSEN
frá Suðurgarði.
Óiafur Þórðarson,
börn, tengdabörn, barnabörn
og barnabarnabörn.
Lokað
Lokað verður í dag, laugardag, vegna jarðarfarar
HJÖRDÍSAR BJÖRNSDOTTUR, BIRNU DÍSAR og
HELGU BJARKAR JÓNASARDÆTRA.
Snyrtivöruverslunin Guilbrá,
Nóatúni 17.
Lokað
Vegna jarðarfarar HJÖRDÍSAR BJÖRNSDÓTTUR,
BIRNU DÍSAR JÓNASDÓTTUR og
HELGU BJARKAR JÓNASDÓTTUR verður
lokað frá kl. 13.00 í dag.
Breiðholtsbakarí.