Morgunblaðið - 29.01.1995, Blaðsíða 34

34 SUNNUDAGUR 29. JANÚAR 1995
MORGUNBLAÐIÐ
Smáfólk
Hafðu engar áhyggjur, það vogar sér enginn nálægt húsinu okkar.
BREF
TLL BLAÐSINS
Kringlan 1103 Reykjavík • Sími 569 1100 • Símbréf 569 1329

JÓNAS Árnason „sleginn til riddara" af „höfðingja" Hana-nú og
hann sæmdur heiðurstitlinum „Hertoginn af Hana-nú“ fyrir utan
heimili sitt á Kópareykjum í ferð bókmanntaklúbbs Hana-nú til
Borgarfjarðar sl. sumar.
Frístundahópurinn
Hana-nú í Kópavogi
Frá Ásdísi Skúladóttur:
HANA-NÚ félagar og gestir þeirra
eiga óvenjulega skemmtilegt ár að
baki. Segja má að þar beri hæst
ferð bókmenntaklúbbs í Borgar-
fjörðinn með borgfirsk ljóð í far-
teskinu, sem flutt voru á Hvann-
eyri. Síðar var sama dagskrá flutt
m.a. á menningarvöku í Langholts-
kirkju og á kvöldvöku í Reykjalundi
við frábærar viðtökur áhorfenda. í
för Hana-nú til Borgarfjarðar var
Jónas Arnason skáld m.m. sæmdur
heiðurstitilinum „Hertoginn af
Hana-nú“ og er hann eini maðurinn
á landinu sem ber þann titil.
Árið 1995 hófst á því að Göngu-
Hrólfar í Reykjavík buðu Göngu-
klúbbi Hana-nú til morgungöngu
og morgunverðarveislu og það verð-
ur að segjast eins og er, að það var
ekki í kot vísað að njóta gestrisni
þeirra, enda fjölmenni mikið.
Félagar í bókmenntaklúbbi eru
nú að rilja upp og skrá mannlífssög-
ur úr bæjarlífí Kópavogs á frumbýl-
ingsárunum og lesa um leið verk
nokkurra skálda í bænum í tilefni
af 40 ára afmæli bæjarins í vor.
Fundijnir eru á lesstofu Bókasafns-
ins. Ýmislegt er fleira á döfinni.
Þar má nefna að kleinukvöld verður
í Gjábakka 30. janúar en þar mun
Inga Björg Stefánsdóttir söngnemi
syngja við undirleik Brynhildar
Asgeirsdóttur píanóleikara.
Farið verður í hópferð á myndlist-
arsýningar á Listasafni íslands og
Listasafni Kópavogs og farið í skoð-
unarferð í Þjóðarbókhlöðuna.
Farið verður að sjá Óskina hjá
Leikfélagi Reykjavíkur og kráar-
kvöld Hana-nú í ár verður á Gauk
á Stöng.
Spjallkvöld verður í Gjábakka í
lok febrúar. Þar mun Sæunn Kjart-
ansdóttir hjúkrunarfræðingur og
sálgreinir fjalla um þá skefjalausu
útlits- og æskudýrkun sem ríkir í
nútíma samfélagi. Þetta er það
helsta sem ákveðið er á næstunni
en nú sem fyrr er ómögulegt að
segja til um hvað hugmyndaríkum
Hana-nú félögum dettur í hug að
gera sér til skemmtunar og þrosía.
Þeir sem vilja fylgjast með og vilja
vita meira um fyrirbærið Hana-nú
geta haft samband við Gjábakka í
Kópavogi en síminn þar er 43400.
F.h. Hana-nú,
ÁSDÍS SKÚLADÓTTIR.
Ég leita orða
Ég leita orða, leita nær og fjær,
ljóð að flytja þér á mildum tónum,
þér, sem skuggi dauðans fölva fær
og fram á veginn horfir döprum sjónum.
Þú átt í þínum huga helgidóm,
himneska birtu Drottinn lífsins gefur.
Krist hefur sent að tala tærum róm
tjá mönnum kærleik þann er aldrei sefur.
Handan við sorg og harmköld veðraský
himinn er blár, svo tær og fagur.
Sólin mun aftur brosa björt og hlý,
brátt fer að skína vonadagur.
íslenska þjóðin er við þína hlið
einhuga biður: Miskunn til þín streymi.
Þér veiti Drottinn líf og líkn og frið
ljós eilíft þeim er deyja í þessum heimi.
Þú, sem nú lifir þjáningu og neyð,
þú, sem tregar ástvininn þinn kæra,
gegnum sorg og harma löng er leið,
ég leyfi mér að nefna veginn færa.
Sauðárkróki, 26. janúar 1995.
Sauðárkróki í janúar,
HJÁLMAR JÓNSSON.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.