Morgunblaðið - 16.02.1995, Blaðsíða 2
2 FIMMTUDAGUR 16. FEBRÚAR 1995
MORGUNBLAÐIÐ
FRÉTTIR
Þingflokkar stjórnarflokkanna fengu í gær hvalveiðitillögu til meðferðar
Veiðar gætu hafíst á næsta ári
HVALVEIÐAR gætu hafíst hér við land á
næsta ári að uppfylltum ákveðnum skilyrðum,
samkvæmt drögum að þingsályktunartillögu
sem ríkisstjórnin afgreiddi á þriðjudag og
þingflokkar stjórnarflokkanna fengu til með-
ferðar í gær.
I tillögudrögunum segir að Alþingi álykti
að fela ríkisstjóminni að gera ráðstafanir til
að hvalveiðar geti hafíst á ný, að fengnum
tillögum Hafrannsóknastofnunar og skýrslu
starfshóps embættismanna um hvalveiðihags-
muni íslendinga á alþjóðavettvangi sem liggi
fyrir ekki síðar en í mars 1996.
Engin loforð um veiðar
í tillögunni segir einnig að áður en einstök-
um skipum og fyrirtækjum sé veitt leyfí til
Einstök skip og fyrirtæki
fái leyfi til veiða
í atvinnuskyni
hvalveiða í atvinnuskyni, og þeim úthlutað
aflahlutdeild í samræmi við heildaraflamark
viðkomandi hvalategunda, skuli tryggt að skil-
virkt, alþjóðlega viðurkennt eftirlit með veið-
unum sé fyrir hendi. Ríkisstjórninni sé enn-
fremur falið að kynna stefnu íslands í hval-
veiðimálum á alþjóðavettvangi og að hafa
samráð við aðrar þjóðir á vettvangi þeirra
alþjóðastofnana sem um þau mál fjalli.
Þorsteinn Pálsson sjávarútvegsráðherra
sagði að þessi tillaga þýddi að hrefnuveiðar
gætu í fyrsta lagi hafíst á næsta ári, og hann
gæti ekki gefíð nein loforð um hver niðurstað-
an yrði. Hins vegar fæli tillagan í sér það
mikilvæga skref að Alþingi gæfí ríkisstjóm-
inni heimild til að hefja hvalveiðar á ný að
ákveðnum skilyrðum uppfylltum.
Vonbrigði
Þorsteinn sagði aðspurður að íslensk stjóm-
völd hefðu verið að ræða við aðrar þjóðir um
þessi mál og þyrftu að gera það í ríkara
mæli, ekki síst aðildarþjóðir að Alþjóðahval-
veiðiráðinu og samstarfsþjóðir í NAMMCO.
„Okkar sérfræðingar telja að þeir þurfí að
minnsta kosti þennan tíma til að fá skýrari
mynd af málinu og með hliðsjón af þeim víð-
tæku hagsmunum sem þingmannanefndin
lagði áherslu á að gætt yrði, þá hef ég talið
mér skylt að fara eftir þeirri leiðsögn," sagði
Þorsteinn.
Mögulegar hrefnuveiðar voru ræddar utan
dagskrár á Alþingi í gær, að ósk Valgerðar
Sverrisdóttur þingmanns Framsóknarflokksins,
og krafðist hún þar svara sjávarútvegsráðherra
við því hvers vegna tillaga um að leyfa hrefnu-
veiðar hefði ekki enn verið lögð fýrir þingið.
Flestir þingmenn sem tóku til máls lýstu stuðn-
ingi við að hrefnuveiðar yrðu hafnar á ný.
Sumir töldu rétt að fara með gát vegna þess
að miklir hagsmunir tengdust því en aðrir lýstu
yfir miklum vonbrigðum með að ekki ætti að
heimila veiðar á þessu ári og gagnrýndu að
þingsályktunartillaga um málið kæmi ekki fram
fyrr en á síðustu dögum þinghaldsins.
Umönnunar- og hjúkr-
unarheimilið Skjól
Ættingjar
þvoi fatnað
FRÁ 1. mars nk. þurfa aðstandendur
vistmanna á umönnunar- og hjúkr-
unarheimilinu Skjóli í Reykjavík að
annast þvott á persónulegum fatnaði
vistmanna, en að sögn Rúnars Brynj-
ólfssonar, forstöðumanns Skjóls, hef-
ur heimilið annast þvottinn til þessa
og hefur fylgt því nokkur kostnaður.
Rúnar sagði í samtali við Morgun-
blaðið að ekki væri gert ráð fyrir
kostnaði vegna þvottarins í tekju-
framlagi ríkisins og þar sem nauð-
synlegt væri að draga til hins ýtr-
asta úr rekstrarkostnaði yrði að grípa
til þess ráðs að láta aðstandendur
vistmanna annast þvottinn. Hann
sagði að slíkt fyrirkomulag tíðkaðist
víðast hvar annars staðar á sambæri-
legum vistheimilum. Hins vegar yrði
áfram séð um allan þvott á því líni
sem heimilið legði vistmönnunum til.
Ný bifreiðaskoðun
opnuð í marsmánuði
BIFREIÐASKOÐUNIN, Athugun
hf. skoðunarstofa, verður stofnuð
á morgun og tekur til starfa í
næsta mánuði að óbreyttu. Fyrir-
tækið hefur sótt um faggildingu
sem er undanfari þess að því verði
veitt starfsleyfi af dómsmálaráð-
herra. Fyrirtækið verður til húsa
í Klettagörðum 11 í Reykjavík.
Stærstu hluthafar hins nýja fyrir-
tækis eru innlend trygginga- og
olíufélög. Heildarfjárfestingin sem
fyrirtækið ræðst í nemur 70-80
milljónum kr. og er þar innifalin
800 fermetra nýbygging sem reist
verður í Klettagörðum.
Stofnun fyrirtækisins hefur ver-
ið í undirbúningi í eitt ár. Jóhann-
es Jóhannesson hefur verið ráðinn
framkvæmdastjóri og segir hann
hlutaféð vera 25 millj. kr. Stofn-
endur fyrirtækisins eru tólf ein-
staklingar og fyrirtæki, þ. á m.
trygginga- og olíufélög, en Jó-
hannes vildi ekki tilgreinaJtvaða
fyrirtæki það væru.
Athugun hf. hefur fengið bygg-
ingarleyfí á aðliggjandi lóð í
Klettagörðum og þar verður reist
800 m2 hús. Framkvæmdir heQast
í vor. Kostnaðaráætlun við bygg-
inguna er 40-50 millj. kr. Jóhann-
es segir að bróðurparturinn af
tækjakostinum sé þegar til staðar
og annað sé á leiðinni. Starfsmenn
verða átta.
Lægra verð en
keppinautarnir
Jóhannes óttast ekki að mark-
aðurinn sé mettur. „Við gerum
okkur vonir um 20-25% markaðs-
hlutdeild," segir Jóhannes.
Verðskrá liggur ekki fyrir en
Jóhannes segir að Athugun hf.
verði samkeppnishæft sem þýði
lægri verðskrá en hjá keppinautun-
um.
„Þessi stöð verður mun tölvu-
væddari en hinar en það lágmark-
ar villur í færslum og framkvæmd
skoðana. Við höfum að sjálfsögðu
aðgang að ökutækjaskrá en ekki
aðgang til þess að breyta henni
og framkvæma allar gerðir af
skoðunum eins og þær eru fram-
kvæmdar hjá Bifreiðaskoðun ís-
lands. Bifreiðaskoðun hefur einka-
rétt á umskráningum og með
samningi við dómsmálaráðuneytið
hefur fyrirtækið umsýslu með öku-
tækjaskránni sem gildir til ársloka
árið 2000,“ sagði Jóhannes.
Veitti föður
hættulegan
áverka
MAÐUR á fertugsaldri stakk föð-
ur sinn með hnífi í bakið í gær á
heimili þeirra í Reykjavík.
Faðirinn var fluttur á slysadeild
með sjúkrabíl. Að sögn læknis er
áverkinn lífshættulegur og var
maðurinn á gjörgæsludeild.
Talið er að sonurinn eigi við
geðræn vandamál að stríða, að
sögn lögreglu.
Utanrikisráðherra á Alþingi
Óruggt að EES-samn-
ingur gildir áfram
UTANRIKISRAÐHERRA segir að
íslensk stjórnvöld þurfí ekki að eyða
neinum efasemdum um að samn-
ingurinn um Evrópska efnahags-
svæðið sé áfram í gildi og sé mjög
mikils virði fyrir þjóðina. Spuming-
in snúist um það hvort áhrif EFTA-
ríkjanna, á grundvelli samningsins,
séu nú minni en áður þegar þau
njóti ekki lengur atbeina þeirra
EFTA-ríkja sem gengu í Evrópu-
sambandið um áramótin.
Guðrún Helgadóttir þingmaður
Alþýðubandalagsins spurði Jón
Baldvin Hannibalsson utanríkisráð-
herra á Alþingi í gær hvort hann
teldi samninginn um Evrópska
efnahagssvæðið ekki vera orðinn
einskis virði.
Guðrún vitnaði í umræður á Evr-
ópuþinginu á þriðjudag og sagði að
þar hefði EES-samningurinn verið
kallaður skrímsli og þingmenn sagt
skýrt og skorinort að draga yrði
úr áhrifum Noregs og íslands.
EES ekki í hættu
Jón Baldvin Hannibalsson sagði
að niðurstaðan á Evrópuþinginu
væri skýr, sú að EES-samningurinn
væri ekki í hættu. Því hefði ekki
verið Iýst yfir að menn á Evrópu-
þinginu myndu beita sér fyrir upp-
sögn á samningnum.
Umræðurnar á Evrópuþinginu
hefðu hins vegar snúist um að þau
tvö EFTA-ríki, ísland og Noregur,
sem eiga aðild að EES-samningn-
um, gætu ekki gert ráð fyrir því
að áhrif þeirra við undirbúning,
mótun og ákvarðanatöku væru þau
sömu og aðildarríkja Evrópusam-
bandsins. Við það gætu íslendingar
ekki gert athugasemdir.
Morgunblaðið/Knstinn
Sflaveiðar í
Seljahverfí
SÍL AVEIÐ AR virðast enn stund-
aðar af kappi hjá yngri kynslóð-
inni þrátt fyrir gott framboð af
annars konar dægrastyttingu
innan dyra. Ekki þarf flókinn
tækjabúnað til þess að leggja þá
iðju fyrir sig og nóg að fá sigtið
hennar mömmu lánað eða háfinn
hans pabba til að fjarlægja sílin
úr tjörninni sinni heim í stofu
þar sem þeim verður væntanlega
búið gott heimili.
Þjóðvaki á Reykjanesi
Samkomu-
lagum
efstu átta
ÁTTA efstu sætin á framboðslista
Þjóðvaka í Reykjaneskjördæmi voru
samþykkt á fundi þjóðvakafólks í
kjördæminu í gær. Ágúst Einarsson,
ritari Þjóðvaka, verður í efsta sæti.
Hann sagði í samtali við Morgunblað-
ið að með samþykkt fundarins væri
búið að setja niður deilur innan
flokksins í kjördæminu, og hann
horfði nú bjartsýnn til kosninga með
sterkan lista.
Njáll Harðarson, einn þeirra
manna sem hafa verið ósáttir við
sjávarútvegsstefnu Þjóðvaka, hefur
sagt sig úr flokknum. Rætt var um
sérframboð í Reykjanesi, næðust
ekki sættir um sjávarútvegsmál.
Kristján Pétursson einn hinna
óánægðu sagðist í gær styðja Þjóð-
vaka. Þótt hann og fleiri hefðu ekki
viljað taka sæti á framboðslistanum
vegna ágreinings væri fleira sem
sameinaði en sundraði.
Lilja og Jörundur
í 2. og 3. sæti
í öðru sæti lista Þjóðvaka á
Reykjanesi er Lálja Á. Guðmunds-
dóttir, kennari í Hafnarfírði, í þriðja
Jörundur Guðmundsson, fram-
kvæmdastjóri í Vogum, í fjórða Bragi
Sigurvinsson, starfsmaður álversins,
Bessastaðahreppi, í fímmta Sigríður
Sigurðardóttir, kennari í Kópavogi,
í sjötta Þorbjörg Gísladóttir, húsmóð-
ir í Hafnarfirði, í sjöunda Benedikt
Kristjánsson, sjómaður í Kópavogi,
og í áttunda sæti Jan Ingimundar-
son, deildarstjóri í Mosfellsbæ.
Lesendaþjónusta Morgnnblaðsins
Spurt og svarað um
tilvísunarkerfið
HEILBRIGÐISRÁÐHERRA hef-
ur gefíð út reglugerð um tilvísun-
arkerfi í heilbrigðisþjónustunni.
Til að auðvelda lesendum að átta
sig á þessari breytingu mun Morg-
unblaðið taka á móti spumingum
þeirra í síma 691100 milli kl. 10
og 11 árdegis, mánudaga til föstu-
daga. Spumingunum verður kom-
ið á framfæri við heilbrigðis- og
tryggingaráðuneytið, svo og Sér-
fræðingafélag íslenzkra lækna,
eftir því, sem efni þeirra gefur
tilefni til og verða svörin birt svo
fljótt sem unnt er. Lesendur geta
beint spumingum sínum til annars
hvors aðilans eða beggja ef því
er að skipta. Nauðsynlegt er að
nöfn og heimilisföng fylgi spurn-
ingum lesenda.