Morgunblaðið - 16.02.1995, Blaðsíða 26
26 FIMMTUDAGUR 16. FEBRÚAR 1995
AÐSEIMDAR GREINAR
MORGUNBLAÐIÐ
Ingibjörg Sól-
rún - 41 millj.
í viðbót?
TIL stendur að
auka skattbyrðina í
Reykjavík um 41 millj-
ón króna, ofan á allt
annað. Já, ofan á hol-
ræsagjaldið.
Þessi skattheimta
hefur farið hljótt,
varla að nokkur hafi
veitt henni athygli
enda ekki nema von,
aðeins viðskiptavinir
fyrirtækja og stöfnana
í miðbæ Reykjavíkur
eiga að bera þessa
byrði.
Skattur þessi skal
innheimtur með 100%
hækkun í stöðumæla svo og með
hækkun stöðumælasekta.
Þetta gerir um 41 milljón króna
í viðbótarskatt ofan á þær tæpu
200 milljónir sem nú þegar eru
innheimtar í stöðugjöld í miðbæn-
um einum. Með þessu eru borgar-
yfirvöld að fara inn á alveg nýja
braut! Það er að nýta stöðumæla
sem skattstofn. Stöðumælar eru
tæki til að miðla stæðum milli
fólks, ekkert annað, og alls ekki
skattstofn.
Miðbær Reykjavíkur er stærsta
atvinnusvæði landsins með um
eittþúsund fyrirtæki og stofnanir,
Þeir sem við Laugaveg-
inn starfa, segir Heimir
Bergmann, sætta sig
ekki við þessa
skattheimtu.
með um átta þúsund starfsmenn
og á fjórða þúsund íbúa. Á hluta
þessa hóps, og þó aðallega við-
skiptavini þeirra, skal nú ráðist og
þeim gert að greiða um 41 milljón
í viðbót á þessu ári. Það gera 164
milljónir á kjörtímabilinu. Kannske
meira. Segi enginn neitt má alltaf
hækka gjöldin síðar. Og svo aftur.
Og svo aftur.
Stór hluti ríkisstarfsmanna er í
gjaldfríum stæðum og borgin veit-
ir sínum starfsmönn-
um 50% afslátt í til
dæmis Ráðhússtæðin.
Þannig eru það við-
skiptavinir og starfs-
fólkið í einkageiranum
sem mest er lamið á
og gert að greiða
skuldir borgarinnar
vegna bílhýsanna og
það á mettíma. Offjár-
festingin í bílastæða-
húsunum og staðsetn-
ing þeirra var ekki bor-
in undir þessa aðila.
Markaðssetning
þessara húsa er röng,
og nýting þeirra þar
af leiðandi léleg. Stærsta versla-
namiðstöð landsins, Laugavegur-
inn, er í harðri samkeppni við aðr-
ar verslanamiðstöðvar svo sem
Kringlu, Skeifu, Faxafen og
Mjódd. Á þessum stöðuin eru stæði
í eigu borgarinnar GJALDFRÍ, sem
bætir samkeppnisaðstöðu þeirra
mjög gagnvart Laugavegi.
Viðhald og endumýjun Lauga-
vegar hefur dregist úr hömlu svo
enn hallar á. Þeir sem við Lauga-
veginn starfa sætta sig ekki við
þessa skattheimtu. Að borgaryfir-
völd ætli að taka 41 milljón króna
skatt í vibót við þær tæpu 200
milljónir sem nú þegar renna í
borgarsjóð af þessu eina svæði er
ekkert annað en tilræði við starf-
semi þeirra fyrirtækja sem þar
eru, og þar með er atvinnuöryggi
launþega á svæðinu ógnað.
Neytendafélag Reykjavíkur og
Félag íslenskra bifreiðaeigenda
hafa enn ekkert látið frá sér fara
vegna þessa máls og bíð ég spennt-
ur eftir viðbrögðum þeirra. Tilefnið
er ærið. Ég tel mig vita hver við-
brögð neytenda á þessu svæði
verða og óttast þau, kom til þessar-
ar hækkunar.
Ég skora á borgarstjóra og
borgarstjóm að fara sér hægt í
þessu máli. Það kann ekki góðri
lukku að stýra að sækja skatttekj-
ur með þessum hætti og með þeirri
mismunun sem þama er á ferðinni.
Höfundur er verslunarmaður við
Laugaveginn.
Heimir Bergmann
Umboðsaöili
Óskum eftir umboösaöila á íslandi til aö selja nýjar
eins hreyfils flugvélar fyrir sænskt fyrirtæki.
Mjög hagstætt verö.
Fjármögnun gegn bankaábyrgð
Helmingi ódýrari í rekstri en t.d. Cessna 150.
Tökum notaöar vélar uppí sem greiöslu.
Upplýsingiar
í síma OO 46 141 91513, fax OO 46 141 91517.
Fræðslumiðstöð Náttúrulækningafélagsins
Símar: 551 4742 og 552 8191
Um hamingjuna
í dag, fimmtudaginn 16. febrúar, fiytur dr. Kristján Kiistjánsson,
heimspekingur, fyrirlestur um hamingjuna. Rcett verður um tvo lykilþcetti
hamingjunnar, ánægju og farsceld, og hvemig þeir fléttast saman í lífi okkar.
íframhaldi afþví verður fjallað um þýðingu sjálfsvirðingar fyrir
hamingjuríkt líf og mikilvcegi þess að leggja rcekt við hana í siðlegu uppeldi.
Einnig verður minnst á sjálfsálit og álit annarra á okkur.
Hvað skyldi helst ráða þvf?
Fyrirlesturinn verður haldinn í Norrcenahúsinu í dag, fimmtudaginn
16. febrúar, kl. 20.30 og er öllum opinn. Aðgangseyrir er kr. 500.
Villandi fréttaflutningur
af skíðasvæði Isfirðinga
í SÍÐUSTU viku
voru fluttar fréttir í
Ríkisútvarpinu um
skíðasvæði ísfirðinga.
Annan eins villandi
fréttaflutning hefur
undirritaður aldrei
heyrt. Það er engu lík-
ara en að fréttamenn
séu orðnir móðursjúkir
vegna þeirra hörm-
unga sem urðu í Súða-
vík í janúar sl.
í þessum fréttum er
skíðasvæði ísfirðinga
sagt stórhættulegt
svæði, þar er ekki
gerður greinarmunur
á Seljalandi og
Tungudal. Þar er ekki getið þeirra
ráðstafana sem hafa verið gerðar
heldur látið líta svo út sem Isfirð-
ingar séu að kasta á glæ þeim
bótum sem þeir fá fyrir það tjón
sem varð vegna náttúruhamfar-
anna á síðasta ári. Það er ekki
síður látið líta þannig út að við
ætlum að lokka fólk inná stór-
hættulegt svæði núna þegar Skíða-
mót íslands verður haldið á ísafirði
í apríl.
Til þess að upplýsa landsmenn
ætla ég að rekja uppbygginguna
eins og ég hef fylgst með henni
sl. ár.
Strax eftir að lyftumannvirkin
eyðilögðust í snjóflóði var skipuð
nefnd sem skyldi athuga hvar og
hvemig væri hægt að standa að
uppbyggingu á nýju skíðasvæði
fyrir Isfirðinga. Nefndin fékk til
liðs við sig svissneska snjóflóðasér-
fræðinga til þess að gera tillögur
að snjóflóðavörnum á Seljalandsd-
al. Það þurfti ekki neina sérfræð-
inga til þess að segja okkur að
þarna væri hættusvæði, það vita
jú allir að þarna féll flóð og þetta
er hættusvæði í þeim skilningi.
Nefndin skoðaði alla þá staði í
nágrenni við ísafjörð sem þóttu
koma til greina. Ákveðið var að
byggja upp framtíðarskíðasvæði á
tveimur stöðum, þ.e. í Tungudal
og á Seljalandsdal.
Svæðin yrðu tengd
saman með einni
tengilyftu. Þessi
ákvörðun var m.a. tek-
in vegna þeirrar snjó-
flóðahættu sem getur
skapast á Seljalandsd:
al við viss skilyrði. í
Tungudal er ekki svo
vitað sé (frekar en á
öðrum skíðasvæðum á
landinu) nein snjó-
flóðahætta.
Sett hafa verið upp
nákvæm mælitæki til
þess að tryggja öryggi
fólks. Mælitækin vora
sett upp á Seljalandsd-
al þannig að alltaf væri hægt að
fylgjast nákvæmlega með úrkomu,
Engu er líkara en frétta-
menn séu móðursjúkir,
segir Kristján Guð-
mundsson, sem hér
fjallar um skíðasvæði
ísfirðinga.
snjóalögum, vindi og fleiri atriðum
sem hafa áhrif á það að snjóflóða-
hætta geti orðið. Þessi mælitæki
vora sett upp sl. sumar og munu
þau tryggja það að ekki sé farið
inná svæðið sé einhver hætta fyrir
hendi.
Hluti af daglegu eftirliti á svæð-
inu verður að skoða snjóalög, taka
gryfjur til þess að ahuga hvort
einhver hætta sé fyrir hendi. Þetta
verður gert daglega og svæðið
ekki opnað nema það sé öruggt.
Seljalandsdalur er og verður eitt
besta skíðasvæði á landinu, og það
vita allir sem það hafa reynt.
Svæðið fyrir botni Tungudals er
einnig mjög skemmtilegt svæði.
Hveijum þjónar slíkur frétta-
flutningur, sem viðhafður var í
þessu tilviki? Mitt svar er engum.
Hvað þarf til þess að snjóflóða-
hætta geti myndast, jú brekku og
snjó. Samkvæmt því sem snjóflóða-
sérfræðingar segja þá falla flest
snjóflóð í brekkum sem era með
halla 30-40°. Eins og allir vita
halla bestu skíðabrekkurnar 30-
45° líka. Skíðasvæði eru yfirleitt
með þessum halla og svæðin era
byggð upp þar sem snjór á það til
að safnast fyrir, það eru því öll
skilyrði til þess að snjóflóð geti
fallið á hvaða skíðasvæði sem er
ef vindur og úrkoma era „hag-
stæð“. Þó ísfirðingar hafi verið svo
óheppnir að hér féll flóð á síðasta
ári er ekki þar með sagt að það
gerist á hveiju ári.
I ofangreindri frétt er jafnvel
reynt að gera það tortryggilegt að
það skuli eiga að bæta það tjón
sem við urðum fyrir. Þar sé verið
að kasta peningum á glæ. Ég vil
bara minna á að þar er verið að
bæta tjón sem hefur orðið og verð-
ur peningunum varið til uppbygg-
ingar á skíðasvæðum sem era á
tveimur aðskildum stöðum. Öryggi
iðkenda á svæðinu verður sett ofar
öllu hér eftir sem hingað til. Það
mætti líka spytja sig að því hvort
ekki sé hægt að gera það tortryggi-
legt að bæta bíl sem hefur lent í
tjóni, hann fer jú aftur út á vegina
og gæti lent í öðru. Eða hús sem
brennur, eigandinn byggir væntan-
lega aftur og það gæti jú brannið
líka.
Senn líður að opnun á skíða-
svæði ísfirðinga. Vil ég nota tæki-
færi til þess að bjóða alla lands-
menn velkomna á skíði á eitt besta
svæði landsins sem nær yfir tvo
dali. Þar verður öryggi iðkenda
best á landinu því hvergi verður
betur fylgst með snjóflóðahættu.
Höfundur erformaður
Skíðafélags Isufjarðar.
Kristján
Guðmundsson
Auðlindir hafsins
og stjórnarskráin
ÞEGAR flokksþing
Alþýðuflokksins sam-
þykkti að stefna bæri
að aðild íslands að Evr-
ópusambandinu hófst
nýtt tímabil í íslenskri
stjórnmálasögu. Þessi
sögulega afstaða hefur
þegar vakið miklar
umræður og sett flokk-
inn í nýtt og bjartara
Ijós. Sjálfum fannst
mér merkilegt að upp-
lifa þann óvænta kraft
sem í kjölfarið braust í
gegn á flokksþinginu.
Hræðsluáróður
Hver hafa verið við-
brögð hinna flokkanna? Sumir eru
þegar farnir að kyija þann söng að
Alþýðuflokkurinn sé reiðubúinn til
að selja forræði yfir fiskmiðunum
yfir evrópskar ekur. Það er einfald-
lega rangt. Hornsteinn að aðilda-
rumsókn viljum við jafnaðarmenn
leggja með því að binda í stjórnar-
skrána, að fiskmiðin séu þjóðareign.
Á sínum tíma voru það einmitt
við, sem knúðum það inn I löggjöf
landsins, að fiskimiðin umhverfis
landið væru sameign þjóðarinnar.
Síðan hefur það verið haldreipið, sem
þjóðin hefur hangið á, þegar útgerð-
in er í gegnum grófa afbökun á
kvótakerfinu að reyna að slá eign
sinni á auðlindina.
Forræðið yfir
fiskiium
Nú vilja alþýðu-
flokksmenn gera eins
og spartverska konan
ráðlagði syni sínum;
stíga feti framar. Með
því að binda sameign
þjóðarinnar á auðlind-
um hafsins í stjómar-
skrá yrði tryggt, að
engin ríkisstjórn, eng-
inn flokkur, enginn
stjómmálamaður gæti
selt yfirráð þjóðarinnar
yfir fiskimiðunum í
hendur erlends valds.
Alþýðuflokkurinn er
með þessu ekki aðeins
að tryggja eignarhald á auðlindinni;
hann er líka að tryggja samnings-
stöðu komandi ríkisstjórna gagnvart
Formenn stjórnarflokk-
anna eru sama sinnis,
segir Össur Skarphéð-
insson, um að binda
í stjórnarskrá ákvæði
um þjóðareign á
fiskimiðunum.
Össur
Skarphéðinsson
Evrópusambandinu. Ríkisstjóm sem
hefði slíkt ákvæði í farteskinu stæði
miklu sterkar að vígi í samningum
um aðild. Ef svo færi, að samninga-
menn ESB vildu ásælast fiskimiðin
nægði einfaldlega að vísa til stjórn-
arskrárinnar, sem beinlínis bannar
slíkt framsal.
Forsætisráðherra sammála
Sú hugmynd að binda í stjórnar-
skrá fyrstu grein laga um stjórn fisk-
veiða er ekki ný af nálinni. Alþýðu-
flokkurinn hefur löngum bent á
nauðsyn þess. Það hefur Davíð Odd-
son forsætisráðherra einnig gert.
Sem nýbakaður formaður Sjálfstæð-
isflokksins lýsti hann því yfir fyrir
síðustu kosningar að skynsamlegt
og rétt væri að breyta stjórnar-
skránni þannig, að fiskistofnarnir
væru sameign þjóðarinnar. Þetta
kom einna skýrast fram í kosninga-
sjónvarpi Stöðvar 2 þann 17. apríl
1991, þremur dögum fyrir kosning-
ar. Davíð kvað þetta nauðsynlegt til
að koma í veg fyrir að nytjaréttur
útgerðarinnar á fiskimiðunum ynni
henni varanlegan eignarrétt á kvót-
anum gegnum hefð og tíma. í Hvíta-
bók ríkisstjórnarinnar er þetta árétt-
að frekar með þeim orðum að
tryggja verði „stjómskipulega stöðu
sameignarákvæðis laga um stjórn
fiskveiða".
Yfirlýsing forsætisráðherra og
Hvítabók ríkisstjórnarinnar standa.
Það liggur því fyrir að formaður
Sjálfstæðisflokksins og Alþýðu-
flokkurinn eru sama sinnis um að
binda í stjórnarskrá ákvæði um þjóð-
areign á fiskimiðunum. Um þetta
ætti að nást þjóðarsamstaða.
Höfundur er umhverfisr&ðherra.