Morgunblaðið - 16.03.1995, Blaðsíða 18
18 FIMMTUDAGUR 16. MARZ 1995
MORGUNBLAÐIÐ
Sjávarútvegsráðuneytið úrskurðar um starfsemi fiskmarkaðanna
UR VERIIMU
Fiskmörkuðum óheimilt
að bjóða í afla fiskiskipa
SJÁVARÚTVEGSRÁÐUNEYTIÐ
hefur komizt að þeirri niðurstöðu,
að það samræmist ekki starfsregl-
um fískmarkaða hérlendis, að þeir
afli tilboða í fisk og annist sölu á
fiski án uppboðs. Fiskmarkaðir hér
hafa tekið að sér í einhveijum tilfell-
um að bjóða í afla ísfisktogara,
meðal annars frá Akureyri, í sam-
vinnu við samtök sjómanna. LÍÚ
dró í efa að starfsemi þessi stæðist
gildandi lög um fískmarkaði, en
jafnframt hefur Fiskmarkaðurinn
hf. í Hafnarfirði óskað umsagnar
ráðuneytisins á lögmæti þess hátar
starfsemi.
í bréfi frá Fiskmarkaðnum hf. til
ráðuneytisins kemur fram, að beiðn-
ir hafi borizt bæði frá kaupendum
og seljendum afia um að Fiskmark-
aðurinn hf. aflaði tilboða og annað-
ist sölu á físki án uppboðs og hafi
fiskmarkaðurinn ávallt reynt að
verða við slíkum óskum.
Samkvæmt lögum um uppboðs-
markað fyrir sjávarafla þarf sér-
stakt leyfí ráðherra til reksturs upp-
boðsmarkaðar. „Í starfsreglum
Fiskmarkaðarins hf. í Hafnarfirði,
sem sjávarútvegsráðuneytið stað-
festi í apríl 1987 er ekki gert ráð
fyrir starfsemi af því tagi sem fyrir-
spurn yðar lýtur að. Telur ráðuneyt-
ið að eðlilegt sé að í starfsreglum
markaðarins séu ákvæði um öll þau
fískviðskipti sem Fiskamrkaðurinn
hf. hyggst standa að eða hafa milli-
göngu um. Að óbreyttum starfsregl-
um telur ráðuneytið Fiskmarkaðn-
um hf. því óheimilt að leita tilboða
með þeim hætti, sem lýst er í bréfí
yðar,“ segir í svari ráðuneytisins.
í svari ráðuneytisins segir enn-
fremur að berist formleg ósk um
breytingu á starfsreglum í ofan-
greinda átt muni hún að sjálfsögðu
verða tekin til skoðunar og af-
greiðslu. Ráðuneytið vill þó þegar
láta koma fram að draga verði í efa
að sú starfsemi að gera tilboð í afla
fyrir tiltekna kaupendur samrýmist
því meginverkefni markaðarins að
leita óbundið kaupenda að tilteknum
afla með uppboði á físki. „Hlýtur
að vera hætta á að sá aðili sem
hyggst stunda starfsemi af ofan-
greindu tagi lendi í hagsmunaá-
rekstrum sem eru til þess fallnir að
draga úr trúverðugleika hans,“ seg-
ir í bréfí ráðuneytisins.
Víðtækt
páskastopp
ALLA.R fískveiðar verða bannaðar á
hrygningarstöðvum þorsks í hálfan
mánuð um miðjan apríl.
Þar er um að ræða páskastoppið
svokallaða, en sjávarútvegsráðu-
neytið hefur nú gefið út reglugerð
um veiðinbann á ákveðnum svæðum.
Bannið tekur gildi klukkan 8 að
kvöldi þriðjudagsins 11. apríl næst-
komandi og stendur til klukkan 10
árdegis miðvikudaginn 26. apríl.
Samkvæmt reglugerðinni verða
allar fiskveiðar bannaðar á stóru
svæði fyrir Suður- og Vesturlandi
umrætt tímabil. Bannsvæði þetta er
hið sama og á síðasta ári að öðru
leyti en því að norðurmörkum svæð-
isins hefur verið breytt lítillega.
Sama tíma eru allar veiðar bann-
aðar innan þriggja sjómílna frá
fjörumarki meginlandsins fyrir
Norður- og Austurlandi frá Horni
að Stokksnesi.
Heimilt verður að stunda allar
veiðar, þar með taldar netaveiðar,
utan bannsvæðanna. Innan svæð-
anna verður þeim heimilt að stunda
veiðar á grásleppu, innfjarðarrækju,
hörpudiski og ígulkerum, sem leyfí
til slíkra veiða hafa.
-----» ♦ ♦----
Grandi með
520 tonn
af hrognum
GRANDI hf. hefur nú fryst um 520
tonn af hrognum, sem er nærri jafn-
mikið og á allri vertíðinni í fyrra.
Frysting hjá Granda hófst 5. marz
og er stefnt ða því að frysta að
minnsta kosti 700 til 800 tonn, jafn-
vel meira. Gert er ráð fyrir að
hrognafrysting geti staðið fram á
helgi.
Tvö skip, Helga II RE og Faxi
RE sjá Granda fyrir loðnu til hrogna-
töku og landa þau nánast daglega.
Nýting út förmunum hefur verið um
7% og hafa um 100 tonn verið fryst
á sólarhring undanfarna daga.
Steindór Gunnarsson stjórnar loðnu-
vinnslunni hjá Granda. Hann segir
að mikill gangur sé í vinnslunni,
enda gangi vel að landa og skilja
hrognin frá loðnunni.
Tölvu
bókhald
35 klukkusfundir
Kvöldnámskeið
hefst21.mars
Aflaðu þér
hagnýtrar kunnátlu
í tölvubókhaldi.
K Ó L I
STJÓRNUNARFÉLAGS ISLANDS 1
OG NYHERJA
569 7769 - 569 7770 1