Morgunblaðið - 06.04.1995, Page 12

12 FIMMTUDAGUR 6. APRÍL 1995
MORGUNBLAÐIÐ
FRÉTTIR
Þj óð vakamaður
dregur framboð
sitt til baka
Framboðs-
listinn
óbreyttur
BENEDIKT Sigurður Kristjáns-
son, sem skipar 7. sæti Þjóðvaka
í Reykjaneskjördæmi fyrir al-
þingiskosningar, hefur dregið
framboð sitt til baka. Ólafur Walt-
er Stefánsson, skrifstofustjóri í
dómsmálaráðuneytinu, segir. að
ekki sé hægt að breyta framboðs-
lista svo skömmu fyrir kosningar
og standi hann því óbreyttur.
Ólafur segir að ákvæði séu í
lögum um að heimilt sé að bæta
nafni inn á lista ef frambjóðandi
deyr á tilteknum tíma, ekki sé
hægt að breyta lista undir öðrum
kringumstæðum.
Benedikt gerði grein fyrir af-
stöðu sinni í yfirlýsingu sem hann
hefur sent frá sér. Þar segir hann
að í ljós hafi komið að efstu sæti
listans séu ekki skipuð félags-
hyggjufólki heldur eingöngu
íhaldsmönnum og krötum. „Eng-
inn grtmdvöllur er fyrir lýðræðis-
legu starfi, þar sem ofríki og and-
staða Ágústar Einarssonar kemur
í veg fyrir að formlegt þjóðvakafé-
lag með stjórn og kjördæmisráði
sé stofnað af félagsmönnum Þjóð-
vaka,“ segir í yfirlýsingunni.
Benedikt skorar. á félags-
hyggjufólk og vinstri menn að
styðja sína flokka en vara sig á
Þjóðvaka í Reykjaneskjördæmi,
„þar sem siglt er undir fölsku
flaggi uppstokkunar flokkakerfis-
ins, félagshyggju og siðvæðingar
í stjórnmálum,“ eins og segir í
yfirlýsingunni.
Fundur viðskipta- og hagfræðinga um pólitíska markaðssetningu
Neikvætt að aug-
lýsa of mikið
KOSNIN G AB ARÁTT AN hefur
endurspeglað fremur slælega
vinnu stjórnmálaflokkanna frá
síðustu kosningum að mati Gunn-
ars Steins Pálssonar, hjá auglýs-
ingastofunni Hvíta húsinu.
Á fundi Félags viðskipta- og
hagfræðinga á miðvikudag, þar
sem Ijallað var um pólitíska mark-
aðssetningu, sagði Gunnar Steinn
að líkja mætti markaðssetningu
stjórnmálaflokkanna við nám.
Regluleg ástundun skipti öllu, en
hugsanlega væri hægt að bjarga
sér fyrir horn með átaki á síðustu
stundu.
Gunnar Steinn sagði að þess
væru merki að margir flokkanna
væru illa lesnir og vísaði þar til
þess hve mikið hefði verið um
auglýsingar undanfarið, eiginlega
of mikið. Gunnar Steinn sagðist
sannfærður um að hið daglega
pólitíska starf sem innt væri af
hendi innan stjórnmálaflokkanna
vægi langþyngst í markaðssetn-
ingu þeirra. „Eg leyfi mér að slá
fram ábyrgðarlausum tölum um
það hvað ræður atkvæðum fólks.
Ég giska á að þetta pólitíska starf
vegi 60-70%,“ sagði Gunnar
Steinn og ennfremur að það mætti
ímynda sér að hlutur pólitískrar
málefnavinnu gæti síðan verið
15-20%.
Meira fé lagt í
baráttuna
Gunnar Steinn sagðist síðan
telja það vega um 10% í markaðs-
setningunni hvemig menn kæmu
fyrir í kosningabaráttunni. „Að
lokum gef ég auglýsingum, öllum
kjörorðum og annarri slíkri mark-
aðssetningu um 10%.
Varðandi hvaða Iærdóm mætti
draga af þeirri kosningabaráttu
sem nú stæði yfir sagði Gunnar
Steinn ljóst að héðan í frá myndu
stjórnmálaflokkar og fagfólk í
upplýsingamiðlun starfa saman í
baráttunni. Það væri líka ljóst að
verið væri að tala um meira fé í
kosningabaráttuna en nokkru
sinni fyrr og styrktaraðilar væru
farnir að skipta miklu.
ímynd leiðtoganna
byggð upp
„Mikið magn auglýsinga getur
virkað neikvætt á hinn almenna
kjósanda sem kannski hefur ekki
svo mikinn áhuga á stjómmálum.
Hann getur þannig jafnvel átt
erfitt með að átta sig á því hvað
höfðar til þeirra og hvaða skilaboð
eru frá hvaða flokki," sagði Magn-
ús Kristjánsson, markaðsstjóri ís-
lenska útvarpsfélagsins, á fundi
Félags viðskipta- og hagfræðinga.
Magnús sagðist halda það
skynsamlegra fyrir flokkana að
veija meiri tíma og orku I að fara
út á markaðinn og hlusta og skil-
greina hvar þeir stæðu miðað við
samkeppnisaðilana til þess að
gera skilaboðin markvissari. „Ef
við skoðum auglýsingarnar sem
hellast yfir okkur sjáum við jafn-
vel hátt í tíu mismunandi auglýs-
ingar frá einum flokki í sjónvarpi
og annað eins i dagblöðum. Skila-
boðin eru því orðin nokkuð mis-
munandi."
Breyttar áherslur
Gunnar Steinn og Magnús
sögðu áberandi að áherslur flokk-
Morgunblaðið/Sverrir
PÓLÍTÍSK markaðssetning var umfjöllunarefni á fundi Fé-
lags viðskipta- og hagfræðinga á miðvikudag.
MAGNÚS Kristjánsson, markaðssljóri íslenska útvarpsfélags-
ins, kynnti hvernig auglýsingastofan Saatchi & Saatchi byggði
upp ímynd Margrétar Thatcher á sínum tíma. Hann sagði
markaðssetningu íslenskra stjórnmálaflokka vera að færast
meira í þá áttina.
anna virtust hafa breyst fyrir
þessar kosningar á þann hátt að
meiri áhersla væri lögð á fólk auk
þess sem áhersla væri lögð á að
byggja upp ímynd leiðtoga fiokk-
anna. Þá sagði Magnús að kjör-
orðin væru huglæg og höfðuðu
meira til tilfinninga en áður. Flest
væru þannig að þau gætu í raun
átt við hvaða flokk sem væri.
Skoðanakönnun BB á Vestfjörðum
Sjálfstæðisflokkur
næði sínum 3. manni
SJÁLFSTÆÐISFLOKKURINN
eykur fylgi sitt í Vestfjarðakjördæmi
og fær þijá menn kosna samkvæmt
skoðanakönnun sem blaðið Bæjarins
besta á ísafirði birtir í dag. Flokkur-
inn hefur nú tvo þingmenn. Fram-
sóknarflokkur og Alþýðubandalag
tapa fylgi og þingmaður Alþýðu-
bandalagsins fellur.
Kjúklingar
í kosninga-
slaginn
FRAMBJÓÐENDUR Alþýðu-
flokksins kynna Evrópuviku
flokksins í Nóatúni við Hring-
braut í dag. Þar verða kjúkling-
ar seldir „á Evrópuverði", eða
220 krónur kílóið.
Venjulegt verð á kjúklingum
ku vera nálægt 700 krónum.
Munu frambjóðendurnir af-
henda viðskiptavinum Nóatúns
kjúklingana.
Með þessu hyggjast alþýðu-
flokksmenn vekja athygli á
verði landbúnaðarvöru í Evr-
ópusambandslöndum. í frétta-
tilkynningu segir að á sama
hátt vilji verslunin Nóatún gefa
íslenskum neytendum kost á
að kaupa kjúklinga á Evrópu-
verði og sýna þannig fram á
mikinn verðmun á milli versl-
ana á íslandi og í Evrópu.
í skoðanakönnun BB, sem gerð
var á fimmtudag í síðustu viku, var
hringt í 500 íbúa og samsvarar það
8% fólks á kjörskrá. Liðlega 23%
voru óákveðnir eða neituðu að svara
en það eru helmingi færri en í fyrri
könnun blaðsins sem gerð var tveim-
ur vikum áður.
Framsókn og Alþýðu-
bandalag tapa
Þegar aðeins er litið á þá sem
gáfu upp afstöðu sést að Sjálfstæð-
isflokkur fengi liðlega 37% atkvæða
ef kosið væri nú á móti tæplega 35%
í síðustu kosningum. Blaðið metur
það svo að flokkurinn bæti við sig
manni verði úrslitin í þessa veru,
fengi þijá menn kjörna, þá Einar
Kr. Guðfinnsson, Einar Odd Krist-
jánsson og Ólaf Hannibalsson.
Framsóknarflokkur fengi tæplega
18% á móti tæpum 28% fyrir fjórum
árum og einn mann kjörinn, Gunn-
laug M. Sigmundsson. Alþýðuflokk-
ur fengi 14% í stað tæplega 16% og
einn mann, Sighvat Björgvinsson.
Vestfjarðalistinn, sem er nýtt fram-
boð, fengi tæp 13%. BB metur það
svo að listinn þurfi mun fleiri at-
kvæði til að koma Pétri Bjarnasyni
á þing. Alþýðubandalag fengi 7% í
stað tæplega 11% í síðustu kosning-
um og þingmaður þess, Kristinn H.
Gunnarsson, næði ekki kjöri.
Kvennalisti fengi tæp 6%, 2% minna
en í síðustu kosningum. Jóna Val-
gerður Kristjánsdóttir náði síðast
kjöri sem „flakkari“ en það þing-
sæti hefur nú verið fest í Reykjavík.
Þjóðvaki fengi 4 xh%.
Atvinnulífið
ogum-
heimurinn
JÓN Baldvin Hannibalsson ut-
anríkisráðherra, Ingibjörg Sólrún
Gísladóttir borgarstjóri og Sveinn
Hannesson framkvæmdastjóri
Samtaka iðnaðarins voru fram-
sögumenn á fundi ungra jafnaðar-
manna um atvinnulífið og tengsl
þess við umheiminn, sem haldinn
var í Reykjavík í gær.
Þar var meðal annars fjallað um
erlenda fjárfestingu, EES og að-
ild að ESB. Þá ræddi borgarstjóri
um möguleika á samstarfi við
erlenda aðila um rekstur sorp-
mála í höfuðborginni.
Ungt sjálf-
stæðisfólk
opnar
skrifstofu
Selfossi. Morgunblaðið.
UNGT sjálfstæðisfólk opnaði fyr-
ir skömmu kosningaskrifstofu á
Selfossi að Austurvegi 38 á jarð-
hæð. Skrifstofan verður opin
fram til 23 á kvöldin fram að
kosningum og lengur á kjördag.
Unga fólkið býður upp á þægi-
legt kaffihúsaumhverfi með tón-
list og stórum sjónvarpsskjá til
að fylgjast með tónlistarefni frá
MTV, einnig Eurosporti og síðan
kosningasjónvarpi á kjördag og
kosninavöku um kvöldið. Ungt
fólk mun troða upp á kvöldin
með söng og hljóðfæraslætti.
Morgunblaðið/Sigurður Jónason
Morgunblaðið/Kristinn