Morgunblaðið - 20.06.1995, Page 21

MORGUNBLAÐIÐ
ÞRIÐJUDAGUR 20. JÚNÍ1995 21
ERLENT
Veður
hamlaði
innpökkun
BÚLGARSKI listamaðurinn
Christo hófst á laugardag form-
lega handa við að sveipa þinghús-
ið í Berlín silfurlitu efni. Tugir
verkamanna og klettaklifrara
eru honum til aðstoðar við verk-
ið sem Jjúka átti á miðvikudag.
Búist er við að það dragist eitt-
hvað þar sem fresta varð inn-
pökkuninni á sunnudag sökum
hvassviðris. Samkvæmt þýskri
vinnulöggjöf mega bygginga-
verkamenn ekki vinna utandyra
fari vindhraðinn yfir 30 hnúta,
um 7 vindstig. Veður í júnímán-
uði hefur verið með versta móti
í Þýskalandi, kalt og hvasst en í
gær var veður mun skaplegra.
A myndinni sveipa verkamenn
hluta þaks Reichstag efninu en
í forgrunni er Quadriga-styttan.
Reuter
Seinni umferð frönsku bæjar- og sveitarsljórnarkosninganna
Þjóðfylkingin hyggst nota
sigin* gegn innflytjendum
París. Reuter.
ÞJÓÐFYLKINGIN komst til valda fyrsta sinni í
þremur bæjum í Frakklandi um seinni umferð
bæjar- og sveitastjórnarkosninganna þar í landi á
sunnudag og kvaðst Jean-Marie Le Pen, leiðtogi
hennar, ætla að nota nýfengið vald flokksins til
að knýja fram stefnu hans í innflytjendamálum.
Brottför Jacques Chiracs, forseta Frakklands, úr
embætti borgarstjóra Parísar hefur komið sér illa
fyrir flokksbræður hans því að íhaldsmenn misstu
sex hverfi af tuttugu hverfum borgarinnar í hend-
ur sósíalista í kosningunum.
Le Pen kvaðst búast við því að á brattann yrði
að sækja í baráttu Þjóðfylkingarinnar fyrir því
að innfæddir Frakkar hafi forgang um atvinnu,
húsnæði, menntun og félagsmálabætur.
Hægri öfgamenn náðu undir sig embættum
bæjarstjóra í hafnarbæjunum Toulon, Marignane
og Orange í suðurhluta Frakklands.
Að auki varð hægri maðurinn Jacques Peyrat,
fyrrum félagi í fylkingunni og vinur Le Pens,
borgarstjóri í Nice, sjöttu stærstu borg Frakklands.
Þjóðfylkingin vill láta senda þrjár milljónir inn-
flytjenda aftur til síns heima og veita Frökkum
forgang. Le Pen sagði að sigur flokksins hefði
orðið stærri ef „glæpamenn kerfisins" hefðu ekki
rekið hræðsluáróður og sent „hersveitir [arabískra
ungmenna] og dæmdra sakamanna" til höfuðs sér.
Ósigur í París
Úrslit kosninganna höfðu litlar breytingar með
sér í Frakklandi. Sósíalistar héldu víðast hvar sínu,
sem er merki um það að sigur Chiracs í forseta-
kosningunum í síðasta mánuði hafí ekki borið
hægri sveiflu vitni.
Sósíalistar unnu meira að segja á í París. Þar
hafði Chirac verið borgarstjóri í átján ár, þar til
hann lét völdin í hendur Jeans Tiberis, sem sagð-
ur er litlaus stjórnmálamaður, fyrir mánuði. í síð-
ustu kosningunum sigraði Chirac í öllum hverfum
Parísar, en nú missti eftirmaður hans sex hverfi
í hendur sósíalista.
Athygli vakti að Jean-Louis Debres innanríkis-
ráðherra beið ósigur í átjánda hverfi.
Tap Giscards
d’Estaings
Valery Giscard d’Estaing, fyrrum Frakklands-
forseti, var meðal þeirra, sem verst fóru út úr
kosningunum. Hann hugðist steypa Roger Quilli-
ot, hinum þaulsetna borgarstjóra sósíalista í
Clermont Ferrand, en beið lægri hlut. Fréttaský-
rendur sögðu að þessi ósigur gæti þýtt endalok
pólitísks ferils hans.
Giscard d’Estaing var þriðji forseti fimmta lýð-
veldisins. Hann var fyrst kosinn á þing árið 1956.
Hann varð fjármálaráðherra í stjórn Charles de
Gaulles árið 1962 og tókst að skila fyrstu halla-
lausu fjárlögum Frakklands í þrjátíu ár. Samdrátt-
ur í efnahagslífinu var hins vegar rakinn til að-
haldsstefnu hans og var honum vikið úr embætti.
Giscard d’Estaing var kjörinn forseti árið 1974
þegar hann bar sigurorð af Francois Mitterrand
í síðari umferð kosninganna. Honum hefur verið
hrósað fyrir að þátt Frakka í að efla evrópskt
samstarf.
Árið 1981 voru Giscard d’Estaing og Mitterrand
aftur andstæðingar í forsetakosningum, en nú
varð sá síðarnefndi hlutskarpari.
Chaban-Delmas
Annar franskur stjórnmálamaður hefur senni-
lega einnig sagt sitt síðasta orð í frönskum stjórn-
málum. Jacques Chaban-Delmas, sem var meðal
forsetaframbjóðenda árið 1974, ákvað að gefa
ekki kost á sér að nýju til borgarstjóra í Borde-
aux, þar sem hann hafði setið í embætti frá árinu
1947.
Chaban-Delmas gekk í frönsku andspyrnuhreyf-
inguna árið 1940 og tók sér þá dulnefnið Cha-
ban, sem hann síðar bætti við nafn sitt.
Hann var helsti milligöngumaður andspyrnuhreyf-
ingarinnar og útlagastjómar de Gaulles á stríðsár-
unum og honum hefur verið þakkað hve lítið
manntjón varð þegar bandamenn tóku París.
Chaban-Delmas var fyrst kjörinn á þing sem
róttækur sósíalisti, en þegar flokkur gaullista var
stofnaður árið 1947 gekk hann til liðs við hann.
Hann var ráðherra i nokkrum ríkisstjórnum
fjórða lýðveldisins og átti þátt í myndun fimmt^
lýðveldisins og komu de Gaulles til valda á ný
árið 1958. Hann gegndi embætti forsætisráðherra
frá 1969 til 1972 þegar Georges Pompidou var
forseti.
36 fórust
í Ang'óla
ÞRJÁTÍU og sex manns fórust
í flugslysi í Suðvestur Angóla
á laugardag. Fimm komust lífs
af. Meðal þeirra sem fórust
eru meðlimir knattspyrnuliðs
frá Angóla. Orsakir slyssins
eru ókunnar.
Claesvill
róa Rússa
WILLY Claes, framkvæmda-
stjóri Atlantshafsbandalagsins
(NATO), sagði í gær að þótt
til athugunar væri að stækka
bandalagið hefðu Rússar enga
ástæðu til þess að óttast um
sinn hag. Sagði Claes að NATO
væri ekki lengur hemaðar-
bandalag eingöngu, heldur
væri það að breytast í pólitísk
samtök með það að markmiði
að tryggja öryggi í Evrópu. Það
væri enginn vilji fyrir nýjum
skiptingum eða því að ergja
þjóðir á borð við Rússa.
Báru fram
sýkla
JAPANSKI dómsdagssöfnuð-
urinn sem sakaður hefur verið
um taugagasárás í neðanjarð-
arlestum Tókýó er nú grunað-
ur um að hafa borið fram
sýklablandaða „síðustu kvöld-
máltíð“ handa þeim meðlimum
sem töldust villutrúaðir. Að
sögn japanskra fjölmiðla hafa
nokkrir framámenn í söfnuðin-
um sagt lögreglu að þeir hefðu
borið fram mat sem í höfðu
verið settir plágu- og sperðil-
sýklar, til þess að komast að
því hver áhrifin yrðu.
Hótel fá
skattalækkun
SVISSNESKUM hótelrekend-
um var í gær boðið að greiða
lægri skatta, svo að þeir eigi
hægara um vik með að bregð-
ast við skyndilegum sam-
drætti. Svissneska stjómin til-
kynnti að virðisaukaskattur af
næturgistingu yrði 3% í stað
6,5% næstu tíu árin. Virðis-
aukaskattur var lagður á í
byijun þessa árs, og hefur,
ásamt sterkri stöðu svissneska
frankans, komið illa við ferða-
mannaiðnaðinn í landinu.
NÝJUM
er Prince Polo!
Ásbjörn Ólafsson hf. Skútuvogi 11A Sími: 588 7900
Slappaðu af - þetta