Morgunblaðið - 26.07.1995, Side 2
2 MIÐVIKUDAGUR 26. JÚLÍ 1995
MORGUNBLAÐIÐ
FRÉTTIR
Lögreglan á ísafirði upplýsir fíkniefnamál
Handtekin
með 78 gr af
fíkniefnum
LÖGREGLAN á ísafirði yfir-
heyrði um helgina níu manns
vegna ýmissa lögbrota, þ.á m.
fíkniefnakaupa og -neyslu, inn-
brots, skemmdarverka, bílþjófn-
aðar og fleira.
Lögreglumenn á eftirlitsferð í
ísafjarðardjúpi sl. laugardags-
kvöld sáu þar bifreið á ferð sem
þeir könnuðust við að hafa tekið
skráningarnúmer af skömmu
áður. Bifreiðin var komin með
G-númer á laugardagskvöld. í
viðræðum við ökumann kom
fram að hann hafði ekið bifreið-
inni númerslausri til Reykjavíkur
þar sem hann stal númeraplötum
af bifreið á bílasölu. Við leit í
bifreiðinni fundust rúmlega 77
grömm af hassi og tæpt gramm
af amfetamini. Við yfirheyrslur
viðurkenndi maðurinn að hafa
farið til Reykjavíkur til að kaupa
fíkniefni, 84 grömm af hassi og
1 gramm af amfetamíni. Við
rannsókn málsins voru þrír aðilar
aðrir handteknir og yfirheyrðir.
Við rannsókn málsins kom
einnig fram að fólk væri á leið
til ísafjarðar frá Reykjavík til
að skemmta sér en hefði lent í
hrakningum á leiðinni. Lögregl-
an á Hólmavík var beðin um að
svipast um á þjóðveginum út frá
Hólmavík. Fimm manns fundust
um klukkan 22 á sunnudags-
kvöld, þrír piltar og tvær stúlk-
ur, þar sem þau höfðu brotist inn
í vinnubúðir Vegagerðarinnar á
Arngerðareyri. Voru þau öll
meira og minna undir áhrifum
áfengis og fíkniefna. í fórum
þeirra fundust tæp 11 grömm
af amfetamíni, tæp 22 grömm
af hassi og tvær töflur af al-
sælu. Aðkoman var Ijót eftir inn-
brotið í vinnubúðirnar. Allt var
á ljá og tundri og höfðu
skemmdirnar mest verið unnar
með ruddalegri og sóðalegri
umgengni. Fólkið er á aldrinum
17 til 23 ára.
Bifreiðin sem þau voru á var
óökufær eftir að hafa verið ekið
á kind í Lágadal, sem drapst.
Fólkið var allt handtekið af
Hólmavíkurlögi-eglunni. Sótti
lögreglan á ísafirði það inn á
Morgunblaðið/JHE
AÐKOMAN í vegavinnuskúr Vegagerðarinnar var ljót. Tóm-
atsósu og öðrum matvælum hafði verið atað á veggi og gólf.
Eins og sjá má á neðri myndinni þökkuðu ungmennin fyrir sig.
Arngerðareyri og flutti til ísa- Bolungarvík til að vista hluta
fjarðar vegna rannsóknarinnar. fólksins þar sem fangageymslur
Leita þurfti til lögreglunnar í á ísafirði voru fullar.
Leikarar hjá Ríkisútvarpinu
Verkfall staðið í
fjóra mánuði
VERKFALL leikara hjá Ríkisút-
varpinu hefur nú staðið í tæpa fjóra
mánuði, eða frá 29. mars síðastliðn-
um og hefur engin hreyfing verið
á samningaviðræðum milli deiluað-
ila seinustu vikur. Leikarar höfnuðu
tilboði því sem RÚV lagði fram 8.
maí sl., á framhaldsaðalfundi sem
haldinn var sama dag, og hafa ekki
fengið svar við gagntilboði sínu sem
sent var til ríkissáttasemjara um
miðjan júní að sögn Eddu Þórarins-
dóttur, formanns Félags íslenskra
leikara.
„Það er skelfilegt að ekki hefur
verið nein leiklist í Ríkisútvarpinu
í tæpa fjóra mánuði," segir Edda.
Deilan fór á borð ríkissáttasemj-
ara um svipað leyti og verkfallsboð-
un leikara varð ljós, en frá miðjum
júní hefur ekkert gerst í deilunni.
RÚV hafði hljóðritað nokkur verk
fyrir verkfall sem stofnunin útvarp-
aði fyrst eftir að það hófst, en hef-
ur hins vegar ekki heimild til að
taka upp nýtt efni eða endurflytja
gamalt. Meðal þess sem hefur fallið
niður er hádegisleikritið og upptök-
um á lestri á Hinu ljósa mani, mið-
hluta íslandsklukku Halldórs Lax-
ness, var slegið á frest.
Hörður Vilhjálmsson, fjármála-
stjóri RÚV, kveðst eiga von á að
viðræður hefjist aftur að loknum
sumarleyfum í ágústmánuði.
Faglegum gæðum hrakað
Aðspurður um viðbrögð hlustenda
við verkfalii leikara segir Hörður
að reynt hafi verið að finna annað
efni en skylt sem fyllt hafi í skörð-
in, en ekki hafi borist neinar kvart-
anir.
Edda segir greinilegt að fagleg-
um gæðum alls upplesturs í þáttum
RÚV hafi hrakað síðan verkfall
hófst, enda annist atvinnuleikarar
hann ekki, auk þess sem hún hafi
heyrt óánægjuraddir frá þáttar-
gerðarmönnum stofnunarinnar sem
geti ekki notfært sér krafta leikara
sökum ástandsins.
„Við stríddum við það lengst af
tímanum að fara með samningana
yfir á annað kerfi, þar sem greitt
væri í heilum eða hálfum dögum í
staðinn fyrir línufjölda í handritum.
Það gekk ekki upp hjá okkur. Síðan
reyndum við að ná saman í gamla
kerfinu til áramóta, en það tókst
ekki heldur. Of mikið skilur að,“
segir Hörður.
Hvorki Edda né Hörður vildu
meta kröfur leikara í krónum eða
prósentum en Hörður kvaðst telja
að seinasta tilboð RÚV hefði verið
hægt að meta til 8% hækkunar.
Edda segir leikara óska eftir launa-
hækkunum fyrir lægst launuðu
leikarana og leiðréttingu á greiðsl-
um, en frá því síðasti samningur
var gerður 1987 hafi leikarar ekki
hlotið hækkanir annarra stétta í
mynd orlofsuppbóta og desember-
uppbótar, svo eitthvað sé nefnt.
Meingallaður samningur
Laun leikara hjá RÚV miðast
m.a. við línufjölda í handritum,
stærð hlutverka og fjölda æfinga.
„Gamli samningurinn er mein-
gallaður. Ef við tökum sem dæmi
leikara sem er með stórt hlutverk
upp á 300 línur í fámennu verki sem
kallar á fáar æfingar og fáa upp-
tökudaga, getur hann verið með
mun lægri tekjur fyrir vikið en leik-
ari með jafnmargar línur í fjöl-
mennu leikriti sem kallar á margar
æfingar og marga upptökudaga
getur haft sæmilegar tekjur.
Við viljum umbylta samningnum
á þann hátt að leikara væri tryggð
ákveðin lágmarkstrygging fyrir
sína vinnu, þ.e. vissan fjölda æf-
inga fyrir hlutverk af ákveðinni
stærð. Einnig vildum við setja inn
heimavinnuálag sem ykist í sam-
ræmi við stærð hlutverka og að
æfing reiknaðist ekki t.d. sem tveir
og hálfur tími, heldur hálfur eða
heill dagur eftir atvikum," segir
Edda.
Aðspurður um fullyrðingar þess I
efnis að Ieikarar fái lág laun fyrir
vinnu sína hjá RÚV segir Hörður
ástæður vera margvíslegar. „Ef við-
skiptin gætu verið meiri myndu
kjörin þykja alveg viðunandi, en það
hefur verið verulega þrengt að leik-
listardeildinni undanfarin ár,“ segir
hann.
Forsætisráðherra ætlar að skoða reglugerð um krókabáta í kjölfar athugasemda sjómanna
Athugasemdir smábáta-
sjómanna flækja kerfið
DAVÍÐ Oddsson forsætisráðherra
segist ætla að taka til jákvæðrar
skoðunar athugasemdir smábáta-
sjómanna, en forystumenn þeirra
gengu í gær á hans fund og ósk-
uðu eftir því að hann beitti sér
fyrir breytingum á nýrri reglugerð
sjávarútvegsráðherra um veiðar
krókabáta. Davíð lagði áherslu á
að málið væri á forræði sjávarút-
vegsráðherra. Hann sagði að smá-
bátasjómenn væru að fara fram á
breytingar sem gerðu eftirlit með
veiðum þeirra enn erfiðara.
„Forystumenn smábátaeigenda
gengu á minn fund til að gera at-
hugasemdir við tiltekna þætti
reglugerðarinnar. Eg mun hafa
samband við sjávarútvegsráð-
herra, sem er staddur í Bremen, í
dag [þriðjudag] og fara yfir málið
með honum. Málið er algerlega á
forræði sjávarútvegsráðherrans
samkvæmt íslenskri stjórnskipun.
Ég hef ekki stjómskipulega heim-
ild til að taka fram fyrir hendumar
á honum né hef áhuga á að gera
það. Þama eru nokkur atriði sem
þeir vilja að séu skoðuð og mér
finnst sjálfsagt að það verði gert
og farið verði yfir þetta á nýjan
leik. Menn eru ekki að tala um að
fjölga tonnum heldur ákveðna
þætti sem m.a. lúta að öryggisþátt-
um,“ sagði Davíð eftir fundinn.
Forsætisráðherra sagðist hafa
tekið það skýrt fram við forystu-
menn smábátasjómanna að hann
gæti engu lofað um hvort reglu-
gerðinni yrði breytt. „Ég tel hins
vegar ekki annað boðlegt en að
taka athugasemdir af þessu tagi
til jákvæðrar skoðunar og sjá hvort
hægt er að koma á móts við þær.“
Eftirlit flókið
Davíð sagðist ekki taka undir
gagnrýni smábátasjómanna um að
sjávarútvegsráðherra túlkaði lögin
mjög þröngt með útgáfu reglu-
gerðarinnar. „Sjávárútvegsráð-
herrann hefur fengið mjög vanda-
samt verkefni. Honum var fengið
það verkefni að fylgja eftir lögum
um útfærslu á veiðikerfi smábáta,
sem gerir kröfu til gríðarlega flók-
ins eftirlitskerfis. Hann hefur ekki
áhuga á að flækja það kerfi enn
meira. Ef þessi viðsnúningsregla
yrði sett myndi ekki liggja fyrir
að bátur sem væri farinn á sjó
væri farinn á sjó. Það yrði ekki
ljóst fyrr en séð yrði hvort hann
myndi snúa til baka innan tveggja
til þriggja klukkutíma. Þetta myndi
því flækja enn mjög erfitt eftirlits-
kerfi.“
Forsætisráðherra sagði að smá-
bátasjómenn myndu fá svör við
athugasemdum sínum mjög fljót-
lega. Örn Pálsson, framkvæmda-
stjóri Landssambands smábátasjó-
manna, sagði mikilvægt fyrir smá-
bátasjómenn að fá svör sem fyrst
þar sem frestur til að tilkynna
hvort sjómenn velja banndagakerf-
ið eða sóknarmarkið rynni út 1.
ágúst nk.
Sanngirnismál
Athugasemdir smábátasjó-
manna beinast fyrst og fremst að
tveimur þáttum. Annars vegar vilja
þeir að sóknardagur verði skil-
greindur 24 klukkustundir og mið-
að verði við upphaf veiðitúrs óháð
því hvenær sólarhringsins lagt er
úr höfn. Reglugerðin gerir ráð fyr-
ir að sóknardagur miðist við sólar-
hring, mælt frá miðnættis til mið-
nættis. Hins vegar vilja smábát-
asjómenn að tekið verði tillit til
ófyrirsjáanlegra atvika sem upp
geta komið í sjósókn, s.s. bilana,
skyndilegra veðurbreytinga o.fl.
Slík atvik skerði ekki sóknardaga
þeirra. Þetta kalla þeir viðsnún-
ingsreglu.
„Þetta skiptir mjög miklu máli
fyrir smábátasjómenn, ekki síst þá
sem eru á litlu bátunum. Þetta er
bæði sanngirnismál og öryggisat-
riði. Þegar sóknardagarnir eru
orðnir þetta fáir eins og er í dag
vegur hver dagur mjög mikið.
Smábátasjómenn mega t.d. aðeins
vera á sjó í einn mánuð yfir sumar-
mánuðina fjóra.“
Örn sagði mörg dæmi um að
smábátasjómenn færu á sjó að
kvöldi til og kæmu inn snemma
að morgni. Hann nefndi sem dæmi
að smábátasjómenn við Faxaflóa
fengju umtalsvert hærra verð á
mörkuðum fyrir ferskasta fiskinn
og þess vegna hefðu margir farið
út að kvöldi og landað skömmu
áður en uppboð á fiskmörkuðum
hæfust.
Örn hafnaði því að þær breyting-
ar sem smábátasjómenn væru að i
fara fram á kölluðu á mikið og j
flókið eftirlit. „Það er fyrir hendi
tölvubúnaður sem er beintengdur 1
við allar hafnarvigtir landsins og
þær eru tengdar Fiskistofu. Það
er örugglega hægt að samnýta
þann búnað við þetta eftirlit. Þetta
er vel framkvæmanlegt.“
Örn viðurkenndi að eftirlit með
bátum yrði erfiðara ef hin svokall-
aða viðsnúningsregla yrði sett, en
það væri eftir sem áður vel fram-
kvæmanlegt. Hann minnti á að i
banndagakerfið væri búið að vera |
í gildi í 11 ár og ekki væru dæmi
um að menn væru að róa á bann-
dögunum. Smábátasjómenn væru
ekki lögbijótar.
Leiðrétting
ÞAU leiðu mistök urðu í frétt á
bls. 6 í gær um nýja reglugerð um
stjórn fiskveiða, að ummæli Arnar I
Pálssonar í miðjum aftasta dálki )
voru eignuð Ara Eðvald. Eru hlut- i
aðeigandi beðnir velvirðingar á
þessum mistökum.