Morgunblaðið - 18.08.1995, Blaðsíða 10

10 FÖSTUDAGUR 18. ÁGÚST 1995
MORGUNBLAÐIÐ
__________________________________FRÉTTIR___________________
Matsmannafélag íslands gagnrýnir reglugerð um snjóflóðavarnir
Tiltekin ákvæði fráleit
ALVARLEG slys hafa orðið við
samningu reglugerðar um varnir
gegn snjóflóðum og skriðuföllum
sem ráðherra félagsmála undirrit-
aði 2. ágúst sl., að sögn Gunnars
Torfasonar, _ formanns Mats-
mannafélags íslands.
Matsmannafélagið hefur nú
sent félagsmálaráðuneytinu ítar-
legar athugasemdir vegna þess-
arar reglugerðar, sem Gunnar seg-
ist vona að leiði til skjótra við-
bragða af hálfu ráðherra.
I athugasemdum félagsins er
bæði að finna harðorða gagnrýni
á þau ákveði reglugerðarinnar sem
félaginu finnst fráleit og bent á
leiðir til úrbóta. Gunnar segir at-
hugasemdimar nær einskorðast við endurskoð-
un matsþáttar reglugerðarinnar, en ekki sé
tekin afdráttarlaus afstaða til mismununar
þeirrar sem felist í 6. grein laganna að mati
félagsins. Þar er kveðið á um misháar greiðsl-
ur til húseigenda á hættusvæði, eftir því hvort
þeir búi áfram í sveitarfélaginu eða flytji burt.
Alrangt fyrirkomulag
í greininni er m.a. gert ráð fyrir að stað-
greiðslumarkaðsverð húseigna utan hættu-
svæðis skuli vera til viðmiðunar við kaup á
húsum á hættusvæði. Rísi ágreiningur um það
verð skuli kveðja til tvo matsmenn. Eigi húseig-
andi hins vegar ekki kost á sambærilegri hús-
eign í sveitarfélaginu, er heimilt að miða
greiðslu við brunabótamat að viðbættu gatna-
gerðargjaldi.
Síðan segir að sé brunabótamat hærra en
endurstofnverð skuli miða við endurstofnverð.
Náist ekki samkomulag um verð skal vísa
málinu til matsnefndar eignarnámsbóta. Sveit-
arfélag skal annast greiðslur til húseiganda.
„Eigi húseigandi ekki kost á sambærilegri
húseign en vilji byggja nýtt íbúð-
arhús í sveitarfélaginu, er bent á
heimild til að miða greiðslur við
brunabótamat húseignar að við-
bættum nýjum gatnagerðargjöld-
um. Þarna eru menn á villigötum.
Brunabótamat á að endurspegla
efnisleg verðmæti fasteignar.
Fyrirkomulagið samkvæmt reglu-
gerðinni er því alrangt, þar sem
fremur á að bæta mönnum hús-
eignir á markaðsverði, sem endur-
speglar raunverulegt verðmæti
þess. Hér er hins vegar verið að
ræða um allt annan hlut en mark-
aðsverð, auk þess sem gatnagerð-
argjöld sveitarfélags ættu aldrei
að verá hluti af bótagreiðslum
ofanflóðasjóðs.
Hvort sveitarfélag vill hygla íbúunum með
niðurfellingu gatnagerðargjalda, á að vera.
einkamál þess en ekki hvíla á öxlum opinbers
sjóðs sem inniheldur skattfé almennings. Strax
vakna líka spurningar um hvort sá húseigandi
sem selur og flyst brott úr viðkomandi sveitar-
félagi eigi einnig að fá greitt gatnagerðar-
gjald. Á kannski einnig að mismuna
þegnunum hvað þetta varðar," segir
Gunnar.
Ósamræmi verður mikið
Samkvæmt ákvæðum greinarinnar
þurfa þrír aðilar, húseigandi, sveitar-
félag og ofanflóðasjóður að vera sammála um
hvert sé staðgreiðslumarkaðsverð í hveiju til-
viki. Að öðrum kosti á að dómkveðja tvo mats-
menn af héraðsdómi í því umdæmi sem húseign
er í.
„Hér skapast mikill vandi ef tryggja á sam-
ræmi í mati á markaðsverði. Héraðsdómar eru
alls átta og í flestum dómumdæmum geta kom-
ið upp voveifleg atvik sem kalla á dómskvaðn-
ingu matsmanna til að ákveða markaðsverð
húseigna. Reglugerðin kveður ekki á um hvort
matsmenn skuli vera heimamenn eða ekki, sem
skapar hættu á að til starfans veljist menn með
mjög mismunandi hæfni, bæði hvað reynslu og
kunnáttu snertir, frá einum tíma til annars og
einu umdæmi til annars. Samræmi í mötum
verður lítið eða ekkert,“ segir Gunnar.
Félagið gerir ennfremur athugasemdir við
4. og 10. grein reglugerðarinnar. I fyrri grein-
inni er kveðið á um að sveitarstjórnir annist
samninga um kaup eða flutninga á húseignum.
í seinni greininni segir að viðkomandi sveitar-
sjóður sé eigandi keyptra húseigna en nýting
þessara húseigna sé þó háð samþykki Almanna-
varna ríkisins og lögreglustjóra.
Hætta á hagsmunaárekstrum
„Sveitarstjórnir hafa alltof mikilla hagsmuna
að gæta til þess að geta annast þessa samninga-
gerð við kjósendur sína. Veruleg hætta er á
að til óeðlilegra hagsmunatengsla komi, enda
byggðarlögin flest fámenn. Hér er verið að
ráðstafa hundruðum milljónum og jafnvel millj-
örðum af almannafé, þ.e. þeim 90% af kaup-
verði sem ofanflóðasjóður greiðir en ekki fjár-
munum sveitarsjóðs nema að litlu
leyti. Auk þess er heimildarákvæði til
lánveitinga úr ofanflóðasjóði fyrir
þeim 10% af kaupverði sem sveitarfé-
lögum ber að greiða.
Síðarnefnda ákvæðið undirstrikar
því miður einnig vel hversu óraunhæft
það er í raun og veru að sveitarfélag sé samn-
ingsaðili um kaup á húseignum fyrir almannafé,
sem verða svo eign sveitarfélagsins."
Gunnar segir ennfremur stóran galla á grein-
argerðinni að ákvæði vantar um allar fasteign-
ir aðrar en íbúðarhús, þar á meðal atvinnuhús-
næði, atvinnutæki og útihús til sveita. Reglu-
gerðin virðist einhverra hluta vegna miðast
alfarið við þéttbýliskjarna.
Gunnar Torfason
„Bæta á
húseignir á
markaðs-
verði“
Sigurður Óskursson lögg. fasteignasuli
Suðurlandsbraut 16
símar 588 0150
og 588 0140
Fax 588 0140
ÓDÝRAR ÍBÚÐIR
Lausar strax eða fljótlega.
íbúðir fyrir skólafólk
Kleppsvegur 83 fm 4. hæð 5 herb. 2,3 áhv. 6,5 millj.
Hringbraut 62 fm 2. hæð 3 herb. 2,7 áhv. 5,0 millj.
Ránargata 58 fm1. hæð 3 herb. 2,5 áhv. 5,7 millj.
Öldugata 66 fm 4. hæð 4 herb. 3,1 áhv. 5,2 millj.
Austurströnd 67 fm 4. hæð 2 herb. 3,8 áhv. 6,5 m./bílskýli/lyfta
Vallarás 54 fm 5. hæð 2 herb. 2,4 áhv. 5,0 millj. /lyfta
Rofabær 53 fm 2. hæð 2 herb. 2,8 áhv. 4,9 millj.
Miklabraut 67 fm 3. hæð 4 herb. 2,0 áhv. 4,7 millj. /ósamþ.
Jörðtil sölu
Til sölu er góð bújörð í Grímsnesi með
allri áhöfn og vélum.
Um er að ræða u.þ.b. 380 ha lands á góðum stað í
Grímsnesi, þar af um 45 ræktaðir. íbúðarhús, 252 fm,
byggt 1955; fjós fyrir 24 gripi, með áburðarkj. og hlöðu,
fjárhús fyrir 240 fjár og hlaða. Vélageymsla og refahús,
837 fm. Hesthús, 3 dráttarvélar og allar venjulegar
heyvinnuvélar, 17 kýr og 130 ær, 20 gemsar, 3 hross.
Greiðslumark í mjólk 43.000 I og greiðslumark í sauðfé
2.053 kg.
Jörðinni fylgja ekki veiðiréttindi.
Jörðin gefur ýmsa möguleika, svo sem ferðaþjónustu
og skógrækt. Tilvalin jörð fyrir hestamenn.
Ásett verð kr. 31.200.000.
Nánarí upplýsingar eru á skrífstofu Lögmanna Suður-
landi, Austurvegi 3, Selfossi; ekki í síma.
Mál Sophiu Hansen
rætt á þingi ÖSE
ÖSE-ÞINGIÐ er þingmannasamtök
aðildarríkja ÖSE, Öryggis- og sam-
vinnustofnunar Evrópu. Árlegur
fundur ÖSE-þingsins var haldinn í
Ottawa dagana 4.-8. júlí sl. Fulltrú-
ar Alþingis notuðu tækifærið til að
hitta tyrkneska starfsbræður sína.
Fundur var haldinn miðvikudaginn
5. júlí og sátu hann Pétur H. Blönd-
al, formaður íslandsdeildarinnar,
Guðjón Guðmundsson og Hjálmar
Árnason og tyrknesku þingmennirnir
UIuc, Giirkan og Ahmet Feyzi í nceöz.
Tilefni fundarins var að ræða
málefni Sophiu Hansen og dætra
hennar. íslensku fulltrúarnir lögðu
fram gögn frá utanríkisráðuneytinu
og fóru yfir staðreyndir málsins.
Bentu þeir tyrknesku starfsbræðrum
sínum á að blettur félli á annars
ágæt samskipti þjóðarinnar þar sem
væri mál Sophiu og dætra hennar.
Lofaði Ulu? Gurkan að kanna málíð
þegar hann kæmi til Tyrklands.
Undirstrikaði hann þá skoðun sína
að ekki mætti hindra umgengni
móður og barna. Dr. Ahmet Feyzi
I nceöz kannaðist við rnálið og báðir
kváðust þeir ætla að hafa samband
við tyrkneskan lögfræðing Sophiu
þegar heim væri komið.
Aðilar voru sammála um að vera
í sambandi til þess að fylgja málinu
eftir og hafa íslensku fulltrúarnir
þegar áréttað málið við tyrkneska
starfsbræður sína.
33. þing SUS sett í dag
ÞRÍTUGASTA og þriðja þing Sam-
bands ungra sjálfstæðismanna verð-
ur sett í dag í húsnæði Verkmennta-
skólans á Akureyri. Þingið stendur
í þrjá daga.
Guðlaugur Þór Þórðarson formað-
ur SUS setur þingið um klukkan 18,
en að því loknu munu Svanhildur
Hólm Halldórsdóttir formaður Varð-
ar á Akureyri og Davíð Oddsson
forsætisráðherra og formaður Sjálf-
stæðisflokksins ávarpa þingið.
Um kvöldið eiga þinggestir kost á
að funda með ráðherrum Sjálfstæðis-
flokksins í gryfju VMA. Nefndarstörf
og þingfundir verða með hefðbundn-
um hætti á laugardag og sunnudag,
en að auki býðst gestum að sækja
skoðunarferðir, dansleik í Sjallanum
og hátíðarkvöldverð.
Reiknað er með gengið verði til
kosninga innan SUS um hádegi á
sunnudag og þingi slitið síðdegis
sama dag.
Hvala- og fuglaskoðun að Eldey
FERÐAFÉLAG íslands og Fugla-
verndarfélag íslands efna sameigin-
lega til hvala- og fuglaskoðunar-
ferðar út af Reykjanesi sunnudag-
inn 20. ágúst.
Siglt verður skipinu Fengsæl frá
Grindavíkurhöfn og verður haldið
út að Eldey og víðar. Ferðin mun
taka um 5 klst. og er brottför með
rútu kl. 10 frá BSI eða mæting um
borð í Fengsæli við Grindavíkurhöfn
kl. 11. Sérfræðingur í hvölum frá
Hafrannsóknarstofnun verður með
í för og nokkrir sérfræðingar í
fuglaskoðun. Skráning er á skrif-
stofu Ferðafélagsins að Mörkinni 6.
Fólk
Framkvæmda-
stjóri SÍY
• FINNUR Sveinbjörnsson, skrif-
stofustjóri í viðskiptaráðuneytinu,
hefur verið ráðinn framkvæmda-
stjóri Sambands
íslenskra við-
skiptabanka.
Hann tekur til
starfa 1. septem-
ber nk.
Finnur Svein-
björnsson er hag-
fræðingur að
mennt, Hann lauk
háskólaprófum í Englandi
(B.Sc.(Econ), University of Leicester)
og Bandaríkjunum (M.Á. University
of Minnesota). Finnur starfaði í fjár-
málaráðuneytinu, fjárlaga- og hag-
sýslustofnun 1984-1987 og Seðla-
banka íslands 1987-1990. Frá 1990
hefur hann starfað í viðskiptaráðu-
neytinu oggegnt starfi skrifstofu-
stjóra frá júlí 1991. Innan ráðuneytis-
ins hefur hann einkum farið með
efnahagsmál, málefni fjármagns-
markaðarins, gjaldeyrismál og fjár-
festingu erlendra aðila. Finnur hefur
verið varafulltrúi íslands í sjóðráði
Alþjóðagjaldeyrissjóðsins og bankar-
áði Endurreisnar- og þróunarbanka
Evrópu og formaður sérfræðinga-
nefndar EFTA á sviði ijármálaþjón-
ustu og fjármagnshreyfinga.
Finnur er kvæntur Dagnýju Hall-
dórsdóttur, framkvæmdastjóra.
Þau eiga tvö börn.
SKÚLI Helgason og Snorri
Már Skúlason.
Skúli Helgason
flytur sig á
Bylgjuna
• SKÚLI Helgason, annar lengst
starfandi starfsmaður Rásar 2, hefur
ákveðið að ganga til liðs við ís-
lenska útvarpsfélagið. Skúli mun
stjórna nýjum síðdegisþætti á Bylgj-
unni ásamt Snorra Má Skúlasyni,
en þeir sáu sameiginlega um þætti
á Rás 2 þegar hún hóf göngu sína
árið 1983.
Skúli segir margvíslegar ástæður
fyrir því að hann söðli um í starfi,
en þær helstar að honum gefist
tækifæri til að vinna að nýjum og
spennandi fréttatengdum þætti, sem
eigi að vera tilraun til að vera með
upplýst útvarp fyrir fóik sem vilji
fylgjast með í stjórnmálum og menn-
ingarmálum. „Möguleikinn á að
vinna aftur með Snorra Má gerði
útslagið, enda gjörþekkjum við hvor
annan og unnum vel saman á sínum
tíma,“ segir Skúli.
Vitræn samkeppni góð
Aðspurður segir hann að
hvorki beri að líta að þessi um-
skipti sem vantraust við dag-
skrárstefnu Rásar 2 sem slíka né
ríkisrekið útvarp. Sögusagnir um
atgervisflótta frá Rás 2 séu orðum
auknar og ástæður þeirra fáu ein-
staklinga sem hafi hætt þar störfum
séu afar misjafnar.
„Ég fékk mörg ágæt tækifæri á
Rás 2 og skil sáttur við samstarfs-
menn mína á Ríkisútvarpinu, en
þeir hafa vissulega gott af sam-
keppni eins og aðrir og vonandi tekst
okkur að veita þeim einhverja vit-
ræna samkeppni. ÖIl vistaskipti fela
líka í sér áskorun og áhættu, sem
er hollt að reyna reglulega."
Snorri Már Skúlason hefur verið
fréttaritari Stöðvar 2 og Bylgjunnar
í Danmörku seinustu ár, og snýr
nú heim til starfa en áður en hann
hélt utan starfaði hann á fréttastofu
íslenska útvarpsfélagsins.