Morgunblaðið - 12.09.1995, Blaðsíða 6
6 ÞRIÐJUDAGUR 12. SEPTEMBER 1995
MORGUNBLAÐIÐ
FRÉTTIR
Fleiri íslenskir flug-
menn hjá Cargolux
ÍSLENSKUM flugmönnum hefur
flölgað verulega hjá Cargolux í Lux-
emborg á þessu og síðasta ári, og
þannig hafa átta flugmenn hafið störf
hjá félaginu í ár og sex í fyrra. Alls
starfa nú 52 íslenskir flugmenn hjá
Cargolux, þar af 24 flugstjórar og
28 aðstoðarflugmenn.
Að sögn Einars Gunnarssonar,
skrifstofustjóra hjá Cargolux, hafa
flestir íslensku flugmannaíina sem
þar hafa hafið störf síðustu misseri
komið frá flugfélaginu Atlanta.
„Helsta ástæðan er sú að þeir vilja
komast í fasta vinnu, því að hjá Atl-
anta og þessum minni fyrirtækjum
er þetta svo árstíðabundið og óör-
uggt, og erfítt að reka heimili upp á
það að vera kannski í vinnu 6-8 mán-
uði á ári. Þetta eru menn sem eru
með þá reynslu sem við erum að leita
eftir fyrir alþjóðaflugmenn, en þeir
eru komnir með nokkur hundruð flug-
tíma á Boeing 737 þotur sem er eðli-
legt milliþrep upp í 747 vélamar sem
við erum með,“ sagði Einar.
Cargolox er nú með sex Boeing
747 vélar í rekstri og að sögn Einars
bætist sú sjöunda í flugflotann eftir
helgina, en það er ný 747-400 vél.
Hjá fyrirtækinu starfa samtals tæp-
lega 700 manns.
Morgunblaðið/Árni Sæberg
TVö útköll
á þyrlu-
degi
Umboðsmaður Alþingis um yfirverkstjórastöðu hjá Vegagerðinni
Óskar skýringa sam-
gönguráðuneytis
UMBOÐSMAÐUR Aþingis hefur
óskað eftir skýringum frá samgöngu-
ráðuneytinu vegna afgreiðslu þess á
erindi Hilmars Hallvarðssonar. Hilm-
ar óskaði eftir þvl við ráðuneytið að
það endurskoðaði ákvörðun Vega-
gerðarinnar um ráðningu í stöðu yfir-
verkstjóra þar sem hann teldi sig
eiga forgang að starfíhu sem opinber
starfsmaður.
Hilmar vann sem verkstjóri hjá
Vita- og hafnamálastofnun frá 1962
til 1971 þegar hann var ráðinn yfír-
verkstjóri. Arið 1980 var hann skip-
aður af ráðherra í stöðuna. Tólf árum
síðar, áramótin 1992-1993, var hon-
um sagt upp starfi vegna skipulags-
breytinga og staða hans lögð niður.
Samkvæmt réttindum slnum sem ■
opinbers starfsmanns átti Hilmar
rétt á annarri stöðu hjá hinu opin-
bera. Hilmar kveðst hafa sótt um
stöður hjá mörgum ríkisstofnunum,
en alls staðar fengið synjun.
Taldi sig eiga forgang
Hilmar.sótti m.a. um stöðu yfir-
verkstjóra í járnsmiðju og vélaverk-
stæði Vegagerðarinnar. Vegagerðin
sendi Hilmari bréf þar sem honum
var tjáð að þegar hefði verið ráðið í
stöðuna. Hilmar sendi þá samgöngu-
ráðuneytinu bréf þar sem hann fór
fram á að Vegagerðin endurskoðaði
afstöðu sína til ráðningarinnar þar
sem hann telji sig eiga forgang að
starfinu samkvæmt 14. grein laga
um opinbera starfsmenn.
í framhaldi af því leitaði sam-
gönguráðuneytið eftir upplýsingum
hjá Vegagerðinni. í svarbréfi Vega-
gerðarinnar til ráðuneytisins segir
að maðurinn sem ráðinn var í stöð-
una hafi hætt við að taka hana og
sé alls óvíst hvort ráðið verði í hana.
Hilmar telur sig hins vegar hafa
upplýsingar um að þá þegar hafí
verið búið að ráða annan mann í
stöðuna. Umboðsmaður Alþingis hef-
ur óskað eftir því að samgönguráðu-
neytið skýri viðhorf sitt til kvörtunar
Hilmars og láti sér í té gögn máls-
ins. Hann óskar sérstaklega eftir því
að fram komi í skýringum ráðuneyt-
isins upþlýsingar um hvemig staðið
hafi verið að auglýsingu á umræddu
yfirverkstjórastarfí og í hverju það
hafí verið fólgið. Ennfremur óskar
hann eftir að fram komi hver gegni
nú umræddu starfí.
LANDHELGISGÆSLAN bauð
landsmönnum að skoða flug-
flota stofnunarinnar sl. laugar-
dag og þáðu margir boðið. Fólki
gafst reyndar ekki mikill tími
til að skoða nýju þyrluna, TF-
LÍF, því að hún þurfti að fara
í tvö björgunarflug sama dag.
Skömmu eftir hádegi var
þyrlan kölluð til aðstoðar, en
gangnamaður, sem var í leitum
á Kjarrárdal ofan við Gilsbakka
í Borgarfirði, fékk aðsvif. Þyrl-
an flutti manninn á Borgarspít-
alann og fékk hann að fara
heim að lokinni skoðun. Hann
verður þó áfram undir eftirliti
lækna. Um kl. 16 var þyrlan
kölluð til, en kona hafði fallið
og fótbrotnað í Skarðsdal í
Skarðsheiði. Hún var einnig
flutt á Borgarspítalann. \
NÝJA safnahúsið er smekklega tengt
eldri byggingunni með glerinngangi.
Morgunblaðið/Sig. Jóns.
FRÁ vígsluathöfninni, gestir standa umhverfis Péturseyjarskipið.
Nýbygging
Skóga-
safns vígð
Selfossi. Morgunblaðið.
NÝ HÚSAKYNNI byggðasafnsins á Skóg-
um voru vígð síðastliðinn laugardag, 9.
september, að viðstöddu fjölmenni.
Hið nýja safnahús er 600 fermetrar að
gólffleti og safnahúsið allt um 1.000 fer-
metrar. I kjallara þess er skjalasafn sýsln-
anna tveggja Rangárvallasýslu og Vestur-
Skaftafellssýslu auk þess sem þar eru opn-
ar safngeymslur, aðstaða fyrir fræðimenn
og sýningarsalur. Við byggingu hússins var
lögð áhersla á að tengja vel saman eldri
bygginguna og þá nýju þannig að þær
mynduðu aðgengilega umgjörð um safnið
og einn aðalgrip þess, Péturseyjarskipið,
sem stendur þar inni með fullum seglum.
Heildarkostnaður 80 milljónir
Heildarkostnaður við framkvæmdirnar í
Skógasafni er á núvirði um 80 milljónir og
hefur verið greiddur af eigendum safnsins,
Rangárvallasýslu um 60% og Vestur-
Skaftafellssýslu um 20% auk þess sem ríkis-
sjóður hefur kostað um 18% af bygginga-
kostnaði. Við vígsluathöfnina kom fram að
mikil og góð samstaða hefur verið um fram-
kvæmdirnar og að tekist hefnr með sameig-
inlegu átaki að gera Skógasafnið að lands-
þekktri stofnun sem um 25 þúsund gestir
heimsækja árlega.
Safnið á Skógum verður ekki nefnt nema
í sömu andrá og nafn Þórðar Tómassonar
safnvarðar sem hefur gert safnið að þeirri
perlu sem það er. Við vígsluathöfnina var
margítrekað að Skógasafn væri lifandi safn
þar sem nánast hver einasti gestur væri
tekinn tali og fengi lifandi leiðsögn um
safnið af hálfu safnvarðarins en slíkt væri
einsdæmi. Án Þórðar væri Skógasafn ekki
til og hefði ekki þá sál sem raun ber vitni.
Þórður Tómasson safnvörður á Skógum
flutti ávarp við vígsluna og gaf gestum
innsýn í sögu safnsins og tilurð þess. Hann
sagðist ákaflega þakklátur fyrir þann
stuðning sem hann og safnið hefðu fengið
í gegnum tíðina. Hann kvaðst fyrst og síð-
ast þakklátur öllu því fólki sem hefði látið
gripi sína af hendi rakna til hans og sýnt
honum með því mikið traust. Uppbyggingu
safnsins á Skógum sagði hann vera þá
mestu viðurkenningu sem fólkið í sýslunum
hefði sýnt sér. Við vígsluna kynnti Andrés
Valberg gjöf sína til safnsins, en þar er um
að ræða einkasafn hans á náttúrugripum
og ýmsum merkum munum, og lét þau orð
fylgja að slikt safn þyrfti góð húsakynni.
Fyrirhugað er að selja upp náttúrugripa-
safn Andrésar í kjallara hússins.
Slösuðust
þegar blys
sprakk
LÖGREGLAN á Hvolsvelli sótti
þijá menn að skála við Veiðivötn
aðfaranótt sunnudags, en þeir
höfðu slasast þegár blys sprakk
í höndum þeirra. Einn mannanna
slasaðist sýnu mest og skaddað-
ist mikið á hendi.
Lögreglan fékk tilkynningu
um slysið um kl. 2 um nóttina.
Mennimir þrír höfðu verið með
flugelda og blys og eitt blysanna
sprungið í höndum þeirra. Sam-
kvæmt upplýsingum lögreglunn-
ar var það ekki handblys.
Vegna þoku og dimmviðris
var fallið frá því að senda þyrlu
Landhelgisgæslunnar á staðinn,
en tveir sjúkrabílar frá Rauða
krossinum og lögreglumenn frá
Hvolsvelli héldu til hjálpar.
Mennimir þrír vom fluttir á
sjúkrahús í Reykjavík.
Biluðu skipin
komaá
fimmtudag
VEL GENGUR að draga togar-
ana Sindra frá Vestmannaeyjum
og Eyvind vopna frá Vopnafírði
til landsins, en skipin biluðu í
Smugunni í síðustu viku. Norsk-
ur dráttarbátur dregur Sindra
og er gert ráð fyrir að skipin
komi til Hafnarfjarðar á fimmtu-
dag eða föstudag.
Haraldur Kristjánsson er með
Eyvind vopna I togi og er búist
við þeim til Vopnafjarðar um
hádegisbil á fimmtudag. Gert
verður við togarann á Vopna-
firði. Enn er ekki vitað hvað
langan tíma tekur að gera við
skipið, en vél þess er úrbrædd.
Það eru tryggingafélög skip-
anna sem greiða að mestu kostn-
að við viðgerð og kostnað við
að draga þau til hafnar. Útgerð-
arfyrirtækin bera sjálf kostnað
af töpuðum veiðidögum.
Kærði
nauðgun
TÆPLEGA fertug kona kærði
mann fyrir nauðgun á sunnu-
dagsmorgun. Samkvæmt upp-
lýsingum Rannsóknarlögreglu
ríkisins var maðurinn ófundinn
síðdegis í gær.
Konan hitti manninn í miðbæ
Reykjavíkur, en hún þekkti hann
ekki fyrir. Hún fór með honum
heim til hans, í hús í Vesturbæn-
um, þar sem hún segir að hann
hafi komið fram vilja sínum.
Samkvæmt upplýsingum
Rannsóknarlögreglunnar er
óljóst hvar maðurinn býr og hafði
hann ekki verið handtekinn I gær.
Barn kveikti
eld í f eiti
SLÖKKVILIÐIÐ var kallað að
húsi í Vesturfold á níunda tíman-
um I gærmorgun, en þar hafði
kviknað í potti með feiti.
Lítill drengur á heimilinu
hafði kveikt á öllum hellum elda-
vélarinnar. Á einni þeirra stóð
pottur með djúpsteikingarfeiti,
sem hitnaði svo að kviknaði í
henni.
Stálu byssum
og skotum
BROTIST var inn í húsið við
Barónsstíg 2-4 um helgina og
þaðan stolið tveimur haglabyss-
um og um 400 skotum í þær.
Samkvæmt upplýsingum lög-
reglu höfðu þjófarnir einnig
verkfæri á brott með sér.