Morgunblaðið - 12.09.1995, Blaðsíða 13
MORGUNBLAÐIÐ
ÞRIÐJUDAGUR 12. SEPTEMBER 1995 13
LANDIÐ
Nýtt íþróttahús
vígt í Varmahlíð
Morgunblaðið/Hallgrímur Magnússon
UNGIR Grundfirðingar virða fyrir sér fallbyssurnar.
Sauðárkróki - „Nú hefur skólinn
yfir að ráða frábærri aðstöðu til
flestra þeirra þátta sem tilheyra
kennslu og skólastarfi," segir Páll
Dagbjartsson, skólastjóri.
Skólasetning Varmahlíðarskóla í
Skagafirði fór fram 3. september sl.
í nýju og glæsilegu íþróttahúsi sem
um leið var vígt og tekið í notkun.
Fjöldi fólks lagði leið sína til Varma-
hlíðar til þess að vera viðstatt hátíð-
arhöldin sem hófust kl. 15 með hljóð-
færaleik en síðan flutti Páll Dag-
bjartsson, skólastjóri, setningará-
varp. Sigurður Haraldsson, formaður
byggingarnefndar, rakti byggingar-
sögu hússins og aðdraganda þess að
ráðist var í það að ljúka uppbyggingu
skólaseturs í Varmahlíð.
Þessu næst söng karlakórinn
Heimir en sr. Gísli Gunnarsson prest-
ur í Glaumbæ blessaði húsið og bað
öllu starfi og leik sem þar færi fram
velfarnaðar. Þá gerði Páll Dagbjarts-
son grein fyrir heillaóskum og gjöf-
um sem húsinu hefðu borist, en síðan
tóku til máls og fluttu árnaðaróskir
og kveðjur Ragnar Arnalds, þing-
maður, sem sagði nú vera að rætast
gamlan draum, en um það bil sextíu
ár væru liðin frá því að fyrst var
farið að hreyfa því máli að koma upp
fullkominni íþróttaaðstöðu í Varma-
hlíð.
Gunnar Sigurðsson, formaður
Ungmenna- og íþróttafélagsins
Smára, sagði tilkomu
þessa húss gjörbreyta
allri aðstöðu til íþrótta
ekki eingöngu hvað
varðaði unglinga og
þá sem nýttu húsið til
náms heldur ekki síður
þeirra sem eldri væru
og vildu sinna hollri
og heilsusamlegri lík-
amsrækt.
Páll Dagbjartsson
lauk síðan þessum
þætti dagskrár með
ræðu þar sem hann
þakkaði öllum þeim sem lagt hefðu
hönd að því að þetta glæsilega hús
væri risið en taldi að öllum öðrum
ólöstuðum mætti nefna tvo menn,
Jóhann Lárus Jóhannesson frá Silf-
rastöðum og Halldór Benediktsson
frá Fjalli, sem báðir eru nú látnir,
en þeir hefðu á sínum tíma lagst
hvað þyngst á árar til þess að vinna
því máli brautargengi að skólasetur
risi í Varmahlíð.
Eftir að gestir höfðu þegið kaffí-
veitingar í boði skólans fór fram
íþróttadagskrá í húsinu en m.a.
leiddu þar saman hesta sína Theodór
Karlsson og Jón Arnar Magnússon
í hástökkseinvígi, Magnús Scheving
þolfimimeistari sýndi _ listir sínar en
að lokum áttust við Úrvalsdeildarlið
Tindastóls og KR í körfuknattleik.
Grundarfirði - Fallbyssurnar
tvær sem fundust í sjó í Grundar-
firði á dögunum verða geymdar
í ferskvatni í vetur. Er þetta
gert til-að koma í veg fyrir að
þær ryðgi í sundur. Enn er óvíst
hvernig þessar rúmlega tveggja
metra löngu fallbyssur hafa
hafnað i sjónum.
Fróðir menn i Grundarfirði
hafa rifjað upp skipsströnd á
þessu svæði, því vel má vera að
byssurnar hafi verið notaðar sem
kjölfesta. Það eru helst tvö
strönd sem koma til greina. Þær
gætu til dæmis verið úr erlendu
Fallbyss-
urnar
geymdar í
ferskvatni
skipi sem strandaði við Búðar-
tanga eftir aldamótin siðustu.
Búðartangi er þó alllangt frá
staðnum þar sem byssurnar
fundust.
Einnig er hugsaniegt að þær
séu úr dönsku kaupfari sem lenti
í miklum hrakningum á leið til
Flateyjar og Stykkishólms árið
1871. Skipið rak uppí fjöruna
við Kirkjufellssand. íslendingar
keyptu skipið og drógu það upp
í fjöru í Grundarfirði og þar var
það gert upp og var í siglingum
lengi eftir það. Hugsanlegt er
að fallbyssurnar hafi verið kjöl-
festa í skipinu og þær skildar
eftir í fjörunni.
Morgunblaðið/Björn Björnsson
ÍÞRÓTTAHÚSIÐ í Varmahlíð.
Morgunblaðið/Sigurður Aðalsteinsson
Vörður hlaðnar með hjólaskóflu
Vaðbrekku, Jökuldal - Það hefur
tíðkast gegnum árin á íslandi að
hlaða vörður og venjulega hafa menn
hlaðið þessar vörður í svita síns and-
lits, þ.e. með höndunum.
Víðir Sigbjörnsson á Egilsstöðum
hefur hinsvegar tekið tæknina í sínar
hendur við vörðugerðina og kannski
ekki nema von þar sem steinarnir
sem hann leggur í vörðuna eru í
stærra lagi. Fréttaritari átti leið um
á dögunum þar sem Víðir var að
hlaða vörðu með hjólaskóflu er hann
vinnur á. Varðan stendur á Hrafn-
kelsdaisbrúnum í Skænudal, á landa-
merkjum Aðalbóls og Vaðbrekku.
VEGAFRAMKVÆMDIR á Selströnd.
Steingrí msfj örður
Nýr vegnr
á Selströnd
Drangsnesi - í sumar hefur verið
unnið að vegagerð á Selströnd í
Steingrímsfirði. Mikil breyting
verður á veglínunni því nýi vegur-
inn verður að mestu með sjónum.
Það tafðist nokkuð að framkvæmd-
ir gætu hafist, þrátt fyrir að íjár-
veiting væri komin í verkið, því
nýja veglínan fór eins og lög gera
ráð fyrir í umhverfismat og síðan
í frekara umhverfismat og að lok-
um til ráðherra.
Kaflinn sem tekinn er fyrir í
sumar er 3,9 km langur frá Fag-
urgalavík að Úrsúlukleif. Þetta er
ekki löng leið en samt hverfa við
þessa breytingu u.þ.b 10 slæmar
blindhæðir eða beygjur og nokkur
erfið snjóastæði eins og t.d Hey-
kleif, sem mörgum hefur gert
gramt í geði á liðnum árum.
Verkið var boðið út í lok maí og
voru Vinnuvélar Jóa Bjarna á Hellu
með lægsta tilboðið 32,6 milljónir,
sem eru 75,2% af kostnaðaráætlun
Vegagerðarinnar. Vinna við verkið
hófst um mánaðarmótin júní-júli
og á að vera lokið 15. október í
haust. Samkvæmt upplýsingum frá
Vegagerðinni er verkið heldur á
eftir áætlun og gætu því verklok
dregist.
Er pappírsvinnan að sliga þig?
Vilborg Hannesdóttir framkvæmdastjóri Bátafólksins
Síðastliðin sjö ár hef ég rekið fyrirtæki sem stöðugt hefur vaxið fiskur um
hrygg. Þótt ég væri með stúdents- og háskólapróf vantaði mig faglega
þekkingu á fyrirtækjarekstri. Þegar ég sá auglýsingu frá Viðskiptaskóla
Stjórnunarfélagsins og Nýherja um námskeiðið Rekstur og áætlanagerð
smáfyrirtækja ákvað ég að láta til skarar skríða. Á þessu námskeiði er
tekið á þeim þáttum sem mér fannst mig vanta þekkingu á, svo sem
áætlanagerð, markaðssetningu og bókhaldi.
Kennslan fer fram á tíma sem hentar vinnandi fólki
og var því auðvelt að bæta námskeiðinu við
aðrar daglegar annir. Hæfir leiðbeinendur sáu
um kennsluna og allt skipulag var til fyrir-
myndar. Ég get því hiklaust mælt með
þessu námskeiði fyrir þá sem hyggja á
rekstur fýrirtækis eða stunda
hann nú þegar.
Miðskiptaskóli
i SlJÓRNUNARF ÉIAGSINS OG MÝHERJA
Rekstur og áætlanagerð
smáfyrirtækja
er 12 vikna námskeið sem tekur á
helstu þáttum sem viðkoma daglegum
rekstri smáfYrirtækja.
Helstu efnisþættir eru:
- Samskiþti á vinnustað
- Stofnun og eignarform fyrirtækja
- Markaðsfræði sem stjórntæki,
markaðsmat, markaðssetning
- Færsla fylgiskjala, virðisaukaskattur
og launaútreikningur, tölvubókhald
- Tölvunotkun, gerð tilboða og
viðskíptabréfa, áætlanagerð
NárrAkeiðid hefst 18. september.
Nánari upplýsingar: 569 7640 og 569 7645