Morgunblaðið - 12.09.1995, Blaðsíða 19

MORGUNBLAÐIÐ
ÞRIÐJUDAGUR 12. SEPTEMBER 1995 19
ERLEIMT
Stýriflaugaárás
á Serba mótmælt
Belgrad, Napolí, Pale. Reuter.
Reuter
Sjúkraliðar flylja manninn,
sem var skotinn í ráðhúsi
Óslóar í gær, á sjúkrahús.
Kærður fyrir að
nauðga stjúpdóttur
Skotinn í
ráðhúsi
Oslóar
Ósló. Morgunblaðið.
NORÐMAÐUR af egypskum ættum
var skotinn niður í aðaldyrum ráð-
húss Oslóborgar í gærmorgun og
var ungur sambýlismaður stjúpdótt-
ur mannsins að verki. Hinn látni,
sem var 47 ára gamall, hafði verið
ákærður fyrir að nauðga stjúpdótt-
urinni.
Maðurinn var látinn við komuna
á sjúkrahús. Drápsmaðurinn er 25
ára og mun vera fæddur í Júgóslav-
íu sem var. Hann var vopnaður
skammbyssu, skaut um 20 skotum
í bakið á manninum og hrópaði um
leið margsinnis á ensku. „Hvers
vegna gerðirðu það?“
Ringulreið í ráðhúsinu
Fólk í ráðhúsinu reyndi í ofboði
að forða sér. Ovopnaður lögreglu-
maður hrópaði til mannsins að hann
ætti að leggja vopnið frá sér og
leggjast á gólfið. Þá kom ung kona
æpandi á hlaupum niður stigann.
Hún fleygði frá sér plastpoka og
heyrðist hár hvellur er hann lenti á
gólfinu. Út úr pokanum þeyttist stór
vasahnífur.
Konan hrópaði að hún vildi að
maðurinn yrði skotinn. Nokkrir lög-
reglumenn komu og handsömuðu
hana og brotnaði hún þá alveg sam-
an. í ljós kom að hún var umrædd
stjúpdóttir hins látna. Maðurinn sem
skaut var handtekinn án þess að til
átaka kæmi. Hann fleygði frá sér
byssunni og fór úr jakkanum áður
en hann lagðist á gólfið.
ÞRETTÁN stýriflaugum Atlants-
hafsbandalagsins (NATO) af gerð-
inni „Tomahawk“ var í gær skotið
frá bandaríska beitiskipinu Nor-
mandy til þess að eyðileggja rat-
sjár og eldflaugaskotpalla í vígi
Bosníu-Serba umhverfis Banja
Luka. Bosníu-Serbar í Pale, þar
sem þeir hafa höfuðstöðvar sínar,
fordæmdu árásina í gær og sögðu
hana hafa verið óþarfa nú þegar
friðarviðræður vektu vonir um
lausn.
Trevor Murray, yfirmaður suð-
urstjórnar aðgerða NATO í lofti,
sagði í gær að stýriflaugaárásin á
sunnudag hefði valdið miklu tjóni
á loftvörnum Bosníu-Serba, en þó
ekki eyðilagt loftvarnarkerfi
þeirra.
„Það stafar enn þá hætta af því
og við verðum að skipuleggja að-
gerðir okkar með þá hættu í
huga,“ sagði Murray og. bætti við
að kerfi þeirra væri „mjög háþró-
að“.
Árásir á Pale
Loftárásum NATO á Bosníu-
Serba var haldið áfram í gær og
í gærmorgun mátti heyra sex
kraftmiklar sprengingar í Pale.
Bosníu-Serbar sögðu að mikið
mannfall hefði orðið í stýri-
flauga árásinni á sunnudag og
Sögð grafa
undan viðræð-
unum um frið
og pólitíska
lausn í Bosníu
tilgreindu að tveir menn hefðu
látið lífið og fjórir særst, þar af
þijú börn, í tveimur þorpum fyrir
utan Banja Luka..
„Þetta ber vitni mjög hættu-
legri aukningu [árásarþungans],
sem sennilega munu eyðileggja
friðarviðræðurnar,“ var haft eftir
háttsettum embættismanni Bos-
níu-Serba. „Þetta er ekki leiðin til
þess að byggja á árangrinum, sem
náðist á ráðstefnunni í Genf [þar
sem gert var bráðabirgðasam-
komulag um framtíð Bosníu á
föstudag].“
Erfið staða Jeltsíns
Borís Jeltsín, forseti Rússlands,
er í erfiðri stöðu vegna ástandsins
í Bosníu. Hann er að reyna að
friðþægja þjóðernissinna, en um
leið vill hann koma í veg fyrir að
kastist í kekki milli Rússlands og
Vesturlanda.
Rússneska þingið, dúman, lét
-ónægju sína með það að Rússar
skuli halda að sér höndum í Bosn-
íu á laugardag með því að skora
á Jeltsín að hætta samstarfi við
NATO, virða þvinganir Sameinuðu
þjóðanna á hendur Júgóslavíu
(Serbíu og Svartjallalands) vettugi
og reka Andrei Kozyrev utanríkis-
ráðherra.
Jeltsín er nú farinn í tveggja
vikna frí og því ólíklegt að hann
bregðist strax við þessari áskorun,
en fréttaskýrendur telja sennilegt
að hann neyðist til þess að láta
Kozyrev fjúka.
Kozyrev gagnrýndur
Kozyrev hefur verið utanríkis-
ráðherra síðan 1990 og hann hef-
ur verið gagnrýndur fyrir að láta
það viðgangast að Rússar séu
sniðgengnir í stefnumótun og
ákvarðanatöku varðandi Bosníu
og halda málstað Rússa ekki fram
af nægilegri festu í samskuptum
sínum við fulltrúa Vesturlanda.
Jeltsín sagði á blaðamannafundi
á föstudag að hann væri ekki
ánægður með frammistöðu utan-
ríkisráðuneytisins og bætti við að
draga myndi til tíðinda yrði ekki
breyting þar á. Kozyrev hefur hins
vegar verið Jeltsín trúr og meðal
annars stutt forsetann í Tsjetsjníu.
Gonzalez
bætir
stöðu sína
Madrid. Reuter.
MIKILVÆGUSTU hlutar
leynilegs skjals leyniþjónustu
spænska hersins frá 1983, þar
sem lýst er aðferðum við að
beijast gegn hryðjuverka-
hreyfingu aðskilnaðarsinna
Baska á Spáni, ETA, eru tekn-
ir nær óbreyttir úr öðru riti
um sama efni sem birt var
1979, að sögn dagblaðsins E1
Pais á sunnudag.
Blaðið nefnir dæmi um setn-
ingar og orðalag sem augljóst
virðist að hafi verið tekið úr
gömlu skýrslunni er nefnist
„Baráttan við hryðjuverka-
menn“. Talið er að þetta dragi
mjög úr líkum á því að hægt
verði að saka Felipe Gonzalez
forsætisráðherra og sósíalista-
stjórn hans um að hafa heimil-
að ólöglegar aðferðir gegn
ETA þar sem fyrri skýrslan
var samin í stjórnartíð hægri-
manna.
Hart hefur verið sótt að
Gonzalez að undanförnu, m.a.
vegna ásakana um að hann
hafi sjálfur lagt blessun sína
yfir aðferðir sérsveita gegn
hryðjuverkum. Þessar svo-
nefndu dauðasveitir stjórn-
valda myrtu 27 manns um
miðjan níunda áratuginn; full-
víst er talið að sumt af fólkinu
hafi ekki tengst ETA. Gonz-
alez segist ekki hafa vitað af
aðgerðum sveitanna.
Mótmæli á
kvenna-
ráðstefnu
NOKKRIR gestir á fjórðu
kvennaráðstefnu Sameinuðu
þjóðanna, sem nú er haldin í
Peking í Kína, gripu til mótmæla
á meðan Soe Myint, fulltrúi
stjórnvalda í Burma, liélt ræðu
sína. Drógu þeir fram borða, sem
á var letrað „Frelsið burmísku
þjóðina" og strengdu á svalir
ráðstefnusalarins. Oryggisverðir
á vegum Sameinuðu þjóðanna
skárust í leikinn eftir skamma
stund og norskur maður var
dreginn til yfirheyrslu vegna
mótmælanna.
Reuter
Nýr og einstaklega heillandi
ákvörðunarstaður Úrvals-Útsýnar á
4ye
...fyrir þá sem gera kröfur.l
8 nætur frá
43.375 kr.
á mann m.v. fjóra í íbúð á Santa Maria
(hjón með tvö börn 2ja-l 1 ára).
Odýrir bílaleigubilar - Value Rent-A-Car
Sérsamningar Úrvals-Utsýnar tryggja þér einkar
hagkvæmt verð á bílaleigubílum.
Verðdæmi:
ECONOMY - 2ja dyra Ford Aspire
MIDSIZE - 4ra dyra Expo LRV
MINIVAN - Dodge Caravan
Innifalið: Ótakmarkaðltr kílómetrafjöldi og LDW-trygging
Kannið nánar hjá sölumönnum okkar.
5.570 kr. á'viku.
8.205 kr. á viku.
14.010 kr. á viku.
IÍRVAL ÚTSÝH
Lágmúla 4: stmi 569 9300,
Hafnarfirði: sími 565 2366, Keflavtk: stmi 421 1353,
___ Selfossi: s(mi 482 1666, Akureyri: stmi 462 5000
\jgS4 ( |j*j; ) QATI^AjS^ °<? hjá umboðsmönnum um land alit.