Morgunblaðið - 30.09.1995, Blaðsíða 13

MORGUNBLAÐIÐ
LAUGARDAGUR 30. SEPTEMBER 1995 13
FRETTIR
Tillögur um nýskipan Norðurlandaráðs samþykktar með yfirgnæfandi meirihluta atkvæða á aukaþingi
Auka á stjórnmála-
lcgt mikilvægi
N orðurlandaráðs
Kaupmannahöfn. Morgnnblaðið.
TILLÖGUR forsætisnefndarinnar,
sem samþykktar voru með yfírgnæf-
andi meirihluta á aukaþinginu, eru
málamiðlun milli þeirra, sem halda
vildu gamla forminu og þeirra sem
vilja kasta sér út í nýja starfshætti
í takt við breyttar aðstæður í Evr-
ópu. Hjörleifur Guttormsson, þing-
maður Alþýðubandalagsins og for-
maður vinstriflokkahópsins í Norð-
urlandaráði, lagði fram breytingar-
tillögu fyrir hönd síns hóps, sem Siv
Friðleifsdóttir, þingmaður Fram-
sóknarflokksins, studdi. Siv greiddi
síðan atkvæði með tillögum forsæt-
isnefndarinnar þegar þær voru að
lokum bornar undir atkvæði.
Það hefur mátt heyra á íslensku
fulltrúunum að þeir væru hikandi
við breytingarnar, þar sem þeir hafa
áhyggjur af minnkandi áhrifum,
þegar horfið verður frá áherslu á
valdaskiptingu í ráðinu út frá Iönd-
um og þess í stað miðað við flokk-
ana. Þetta sjónarmið kom glögglega
fram á Norðurlandaráðsþinginu í
Reykjavík í vetur. I sumar sendu
allir fulltrúarnir, nema Geir H.
Haarde forseti Norðurlandaráðs,
bréf til forsætisnefndar ráðsins, þar
sem þeir lýstu áhyggjum sínum
vegna breytinganna og hugsanlegra
áhrifa þeirra.
Breytingarnar verða málamiðlun
ýmissa sjónarmiða, þannig að þó
aðaláherslan sé lögð á að byggja á
starfsemi flokkahópanna, er engu
að síður tekið tillit til landanna að
hluta. Þannig eiga fulltrúar í forsæt-
isnefndinni að vera 11-13, þannig
að tryggt verði að hvert land eigi
alltaf tvo fulltrúa þar.
Framsóknarþingmaður
studdi tillögu Hjörleifs
Guttormssonar
Þegar kom að endanlegu at-
kvæðagreiðsiunni voru fyrst greidd
atkvæði um breytingartillögu Hjör-
leifs Guttormssonar, sem Siv Frið-
leifsdóttir studdi. Eftir að tillagan
var felld með sextán atkvæðum gegn
51, þar sem sex sátu hjá, tilkynnti
Hjörleifur að vinstrihópurinn sæti
hjá. Siv greiddi hins vegar tillögu
forsætisnefndarinnar atkvæði sitt.
Um hana féllu atkvæði svo að 73
voru með, enginn á móti, en þrír
sátu hjá.
í viðtali við Morgunblaðið sagði
Sturla Böðvarsson, þingmaður Sjálf-
stæðisflokksins, afstöðu Sivjar koma
á óvart, því undir forystu Geirs H.
Haarde hefði náðst víðtækt sam-
komulag um nýskipan ráðsins. Af-
staða Sivjar hlyti að vera Sjálfstæð-
ismönnum áhyggjuefni nú í upphafi
fjögurra ára stjórnarsamstarfs. Af-
staða þingmannsins væri einnig sér-
kennileg í Ijósi þess að Halldór Ás-
grimsson, utanríkisráðherra og for-
maður Framsóknarflokksins, hefði
ÞÓTT tillögur forsætisnefndar Norðurlanda-
ráðs hafí verið samþykktar með yfirgnæf-
andi meirihluta á aukaþingi ráðsins í Kaup-
mannahöfn í gær er vafí í hugum margra
þingmanna um hvemig til takist. Sigrún
Davíðsdóttir fylgdist með þinginu.
HJORLEIFUR.
Tillaga hans
felld.
SIV.
Greiddi tillögu Hjörleifs
atkvæði.
STURLA.
Afstaða Sivjar kemur
á óvart.
Nýskipanin biði heldur ekki upp á
nauðsynlega samhæfingu við þjóð-
þingin. Siv sagði að þó nýskipanin
væri sveigjanlegri en sú gamla væru
gallar hennar meiri en kostir. Tillög-
urnar nú væru betri en litið hefði
út um tíma og væri það ekki síst
að þakka íslensku fulltrúunum í for-
sætisnefndinni.
Geir H. Haarde, forseti Norður-
landaráðs, hefur leitt gerð breyting-
artillagnanna. Um samhæfinguna
við þjóðþingin sagði hann að gamla
kerfið hefði öldungis ekki boðið upp
á samhæfmgu við umræðuna á þjóð-
þingunum. Bæði í danska og sænska
þinginu væru til dæmis Evrópu-
nefndir og yfirleitt áliti hann nýskip-
anina hentugri fyrir samskiptin við
þjóðþingin. Gagnrýnin byggðist
fyrst og fremst á að fólk væri fast
í að hugsa um Norðurlandaráð sem
landasamstarf. Það væri þó einmitt
því sem verið væri að breyta og við
það miðuðust breytingarnar. Nú
yrðu flokkahóparnir þungamiðjan og
hver og einn yrði að hasla sér völl
þar og beita sér eftir bestu getu.
Það ætti ekki að vera neinn vandi.
Jafnaðarmenn í lykilhlutverki
Hver áhrif breytingarnar hafa á
eftir að koma í ljós. Hins vegar er
ljóst að ef Norðurlandaráð á að hafa
eitthvert vægi í stjórnmálaumræðu
og stefnumótun. verða löndin að
senda þangað atkvæðamikla stjórn-
málamenn, sem megna að koma
umræðum í ráðinu á framfæri við
þingin heima fyrir. Á þetta benti
meðal annars Hans Engell, leiðtogi
danska íhaldsflokksins, í þingávarpi
sínu, en hann er formaður íhalds-
hópsins í Norðurlandaráði. Engell
er í hópi þeirra, sem hefðu viljað
gera enn róttækari breytingar til að
styrkja hið pólitíska starf. Jan P.
Syse, fyrrum leiðtogi norska Hægri-
flokksins, sagði að umbrotin í Aust-
ur-Evrópu hefðu glætt starf Norður-
landaráðs nýjum krafti. Breyting-
arnar væru eðlileg viðbrögð við nýj-
um aðstæðum, sem einnig endur-
spegluðust í Eystrasaltsráðinu og
Heimskautaráðinu. Ennfremur væru
breytingarnar aðlögun að ESB- og
EES-aðild landanna.
Veigamesti flokkahópurinn er
jafnaðarmannahópurinn, þar sem
jafnaðarmannaflokkarnir eru póli-
tísk þungamiðja á_ öllum Norður-
löndunum nema íslandi. í þeim
flokkahópi í Norðúrlandaráði sitja
33 fulltrúar, en þar á Alþýðuflokk-
urinn aðeins einn fulltrúa, sem nú
er Guðmundur Árni Stefánsson. Það
skiptir því miklu að íslenski fulltrú-
inn beiti sér af krafti á sínum vett-
vangi.
Miðjuhópurinn er næststærstur
með 26 fulltrúa og þar sitja þing-
menn Framsóknarflokksins. Þessi
hópur er sundurleitur, þar sem flokk-
ar eins og danski Vinstriflokkurinn
undir leiðsögn Uffe Ellemann-Jens-
ens er fijálslyndur og Evrópusinnað-
ur flokkur, meðan sænski Miðflokk-
urinn undir forystu Olof Johanssons
er hikandi í Evrópumálunum og hef-
ur ekki á sér fijálslyndan blæ.
I íhaldshópnum eru tuttugu þing-
menn og þar eiga þrír íslenskir sjálf-
stæðismenn sæti. I þessum hópi sker
Sjálfstæðisflokkurinn sig nokkuð úr,
því allir norrænu hægriflokkarnir
hafa verið í fararbroddi í heimalönd-
um í ESB-umræðunni, þar sem þeir
hafa talað ákaft fyrir ESB-aðild.
Allar fræðilegar vangaveltur um
framtíð norrænnar samvinnu eru
gagnslausar. Tíminn einn mun skera
úr um hvort hinn pólitíski þáttur
hennar er svo lífvænlegur og gagn-
legur að Norðurlandaráð geti leitt
af sér stjórnmálaumræðu, sem
hljómi heima og heiman.
ávallt lagt höfuðáherslu á gildi nor-
rænnar samvinnu, en hann á einnig
sæti í forsætisnefndinni. Breyting-
arnar nú væru gerðar í ljósi ESB-
aðildar þriggja Norðurlandanna og
breyttra aðstæðna í Evrópu og af
þeim breytingum þyrftu íslendingar
einnig að taka mið.
Halldór Ásgrímsson sagði hins
vegar að þetta væri ákvörðun Sivj-
ar, en benti á að hún hefði síðan
greitt atkvæði með tillögu fram-
kvæmdanefndarinnar í lokin. Ljóst
væri að nýskipanin hefði bæði kosti
og ókosti, en nú væri kominn tími
til að láta hendur standa fram úr
ermum. Þegar upp væri staðið væri
það samstarfsviljinn og fjármagn til
starfseminnar, sem skæri úr um
hvernig til tækist.
Ottast meiri miðstýringu
Bæði Hjörleifur og Siv sögðu í
samtali við Morgunblaðið að þau
óttuðust að nýskipanin hefði í för
með sér meiri miðstýringu. Þijár
meginnefndirnar, Norðurlanda-
nefnd, Evrópunefnd og Grann-
svæðanefnd, yrðu svo stórar að for-
menn þeirra og forsætisnefndin yrðú
þungamiðja samstarfsins. Þar með
hefðu einstakir þingmenn minna að
segja. Nýja kerfið væri flókið, ekki
síst af því að auk stóru nefndanna
þriggja væri gert ráð fyrir undir-
nefndum, samræmingarnefndum og
hliðarnefndum, sem þýddi stöðug
^ átök um þær og þar með fengist
ekki nauðsynleg festa í starfsemina.
4ra-5 herb. glæsieign ívesturbæ
Opið hús - Vesturgata 71
Þau Hjörtur og Dagný sýna þér og þínum íbúðina sína
í opnu húsi í dag frá kl. 14-19. íbúðin er öll hin glæsi-
legasta á að líta og skartar m.a. glæsilegu eldhúsi og
baði, rúmgóðri stofu, 3 svefnherb. og tvennum stórum
suðursvölum, aðrar svalirnar eru ca 30 fm. Falleg og
snyrtileg sameign. Frábært útsýni. Áhv. 5 millj. bygg-
sjóðslán til 40 ára. Verð 9,7 millj. Já, nú er ekkert
annað að gera en drífa sig í opið hús.
Hóll.sími 551-0090.
Opið á Hóli i dag frá kl. 11-15; líttu inn!
IÐNLANASJOÐUR
Skuldabréfaútboð
2. flokkur 1995
Útgáfudagur, útboðstími og nafnverð skuldabréfa
Útgáfudagur er 1. október og fyrsti söludagur 2. október 1995. Útboðstími er til
2. apríl 1996. Samtals eru boðnar út 1.000 milljónir króna að nafnverði sem
skiptast í tvo flokka.
Lánstími og einingar
Bréfin verða seld í 1, 5 og 10 milljóna króna einingum.
Skuldabréf í flokki 2/1995A eru til 5 ára að verðmæti 200 mkr.
Skuldabréf í flokki 2/1995B eru til 10 ára að verðmæti 800 mkr.
Gjalddagar, vextir, ávöxtunarkrafa, sölugengi og innköllun
Gjalddagar afborgana og vaxta eru 15. nóvember ár hvert, fyrst árið T996.
Bréfin eru verðtryggð miðað við vísitölu neysluverðs og bera 5,8% vexti
umfram verðtryggingu.
Ávöxtunarkrafa fl. 2/1995A á fyrsta söludegi er 6,00% og sölugengi 0,99449102.
Ávöxtunarkrafa tl. 2/1995B á fyrsta söludegi er 6,03% og sölugengi 0,98963112.
Skuldabréf í fl. 2/1995B eru innkallanleg án álags frá og með fimmta gjaiddaga.
*
Utboðsgögn, söluaðili, umsjón með útboði og skráning
Útboðslýsing og önnur gögn um útboðið og Iðnlánasjóð liggja frammi hjá
Kaupþingi hf. sent hefur umsjón með útboðinu og annast sölu bréfanna.
Sótt hefur verið um skráningu skuldabréfanna á Verðbréfaþing íslands.
Kaupþing hf.
löggili verðbréfqfyrirttvki
Kringlunni 5
Sími: 515-1500