Morgunblaðið - 31.10.1995, Side 12

12 ÞRIÐJUDAGUR 31. OKTÓBER 1995
MORGUNBLAÐIÐ
FRÉTTIR
Forsætisráðherra, félagsmálaráðherra og þingmenn Vestfjarða fóru um snjóflóðasvæðið
Byggðar-
laginu greitt
bylmings-
högg
Davíð Oddsson forsætisráðherra, Páll
Pétursson félagsmálaráðherra ogþing-
menn Vestfjarðakjördæmis fóru um
snjóflóðasvæðið á Flateyri síðastliðinn
laugardag og sátu fundi með heima-
mönnum. Hallur Þorsteinsson ræddi við
ráðherrana og Sighvat Björgvinsson alþing-
ismann eftir að þeir höfðu skoðað verks-
ummerkin á snjóflóðasvæðinu.
ORSÆTISRÁÐHERRA
og félagsmálaráðherra
ásamt þingmönnum Vest-
fjarða sátu fund al-
mannavarnanefndar Flateyrar
strax eftir komu þeirra til Flateyr-
ar eftir hádegið á laugardag. Að
þeim fundi loknum hittu þeir
heimamenn að máli í mötuneyti
Fiskvinnslunnar Kambs hf. Á fund-
inum með heimamönnum sagði
Davíð Oddsson forsætisráðherra að
byggðarlaginu hefði verið greitt
bylmingshögg, en hann fyndi að
þótt brakað hafi í og brostið hefði
enginn i raun brotnað þótt mann-
skaðinn væri óhugnanlegur.
Páll Pétursson félagsmálaráð-
herra sagði að ríkisstjómin myndi
gera allt sem í hennar valdi stæði
til að liðsinna Flateyringum. Fé-
lagsmálaráðuneytið myndi liðsinna
þeim sem misst hefðu húsnæði sitt
með að fá húsnæði, hvort sem
væri á Vestfjörðum eða annars
staðar á landinu, þar sem hægt
væri að skjóta skjólshúsi yfir fólk.
Sagði félagsmálaráðherra það auð-
vitað vera þýðingarmest í stöðunni
að snúast til varnar á allan mögu-
legan hátt.
Eftir fundinn með heimamönn-
um héldu ráðherrarnir ásamt
fylgdarliði sínu í skoðunarferð um
svæðið þar sem snjóflóðið féll. Þeir
komu fyrst við í stjórnstöð björgun-
araðgerðanna í gamla bakaríinu við
jaðar snjóflóðsins þar sem þeir
skráðu sig inn á afgirt snjóflóða-
svæðið og ræddu við björgunar-
menn. Þeir fóru síðan um svæðið
í fylgd Ólafs Helga Kjartanssonar,
sýslumanns á Isafirði, sveitar-
stjómarmanna og björgunarsveit-
armanna sem kynntu þeim allar
aðstæður og greindu frá því hvern-
ig staðið hefði verið að björgun á
svæðinu.
Morgunblaðið/Árni Sæberg
KRISTJÁN Jóhannesson, sveitarsljóri á Flateyri, og Ólafur Helgi Kjartansson
sýslumaður kynna Davíð Oddssyni forsætisráðherra og Páli Péturssyni
félagsmálaráðherra það sem fyrir augu ber á snjóflóðasvæðinu.
Morgunblaðið/Hallur Þorsteinsson
EINAR K. Guðfinnsson alþingismaður, Eyjólfur Sveinsson, aðstoðarmaður forsætisráðherra,
Davíð Oddsson forsætisráðherra, Ólafur Helgi Kjartansson, sýslumaður á ísafirði, og Ólafur
Davíðsson, ráðuneytisstjóri í forsætisráðuneytinu, halda til fundar með íbúum Flateyrar
áður en þeir fóru í skoðunarferð um snjóflóðasvæðið.
Davíð Oddsson forsætisráðherra eftir skoðunarferð um snjóflóðasvæðið
Munum styðja
eins og hægt er
við bakið á fólkinu
DAVÍÐ Oddsson forsætisráð-
herra sagði í samtali við
Morgunblaðið eftir að hann
hafði farið um snjóflóða-
svæðið að hann og sam-
ferðamenn hans hefðu
fyrst og fremst komið til Flateyrar til að
sýna þá samkennd sem er með þjóðinni
vegna þeirra atburða sem þar hefðu orðið.
„Þá vildum við undirstrika að við mun-
um gera allt sem ríkisvaldið getur gert
til að hjálpa mönnum við að koma lífinu
hér í eðlilegt horf og reyna að bæta þá
miska sem hægt er að bæta,“ sagði for-
sætisráðherra.
Hann sagði að það að sjá aðstæður á
Flateyri með eigin augum hefði fyllt hann
ennþá meiri aðdáun en áður á björgunar-
sveitarmönnum, en það væri stórkostlegt
afrek hvernig þeir hefðu mokað sig í gegn-
um snjóflóðið.
„Maður skynjar að það er óvenjuleg
samheldni sem ríkir í þessu særða
byggðarlagi, og menn eru ákveðnir í því
að láta ekki þessa atburði buga sig. Það
eru erfið verkefni hér framundan, sem
fólkið verður sjálft að hafa mest um að
segja hvernig eigi að vinna úr, en við
munum síðan koma eins og hægt er og
styðja við bakið á því,“ sagði Davíð.
Óhjákvæmilegt að veita
auknu fé í ofanflóðasjóð
Aðspurður um hvaða augum hann liti
óskir fólks sem býr á yfirlýstum snjóflóða-
hættusvæðum um uppkaup á húsum þess
sagði Davíð að í sínum huga væri ekki
vafi á að horft yrði til þess kostar, og
hætt sé við að óhjákvæmilegt reynist að
veita enn meira fé í ofanflóðasjóð en
ákveðið var á Alþingi síðastliðið vor.
„Reglurnar stóðu til þess að menn ættu
að vega og meta annars vegar kostnaðinn
við uppkaup og hins vegar við snjóflóða-
varnir. Þó að snjóflóðavarnir bersýnilega
geri ákveðið gagn, þá mun sjálfsagt taka
nokkurn tíma að fá fólk til þess að treysta
slíkum mannanna verkum eftir þessa hluti.
Þannig að ég hygg að við munum horfa
til þess að þó að við höfum ákveðið að
byggja upp ofanflóðasjóðinn hratt, eins
og við ákváðum í þinginu í vor, að þá
mun reyna á þanþol þess sjóðs á næstu
árum. Við þurfum því að undirbúa okkur
undir það að taka jafnvel enn fastar á
þeim málum en þegar hefur verið gert,“
sagði Davíð.
Gengur hraðar fyrir sig nú
Aðspurður um hvort hann teldi að ver-
ið væri á réttri leið varðandi uppbyggingu
nýrrar byggðar í Súðavík sagði Davíð að
um það mætti deila. Þar hefði vilji íbú-
anna ráðið miklu, og hann gerði ekki ráð
fyrir öðru en að þar myndu menn ekki
snúa af þeirri braut sem ákveðið hefði
verið að fara.
„Þar voru aðstæður öðruvísi en hér,
því þar hafði miðjan á bæjarfélaginu
hreinlega farið, þannig að það var auð-
veldara að taka þá ákvörðun að byggja
bæjarfélagið upp á öruggara svæði en
áður hafði verið. Hér er staðan nokkuð
önnur. Atvinnustarfsemin og byggðin í
kringum hana hefur sloppið, og sam-
kvæmt væntanlega flestum vísindalegum
rökum ætti hún að vera á öruggu svæði-
Hér er hægt að þétta byggð og hér er
hægt að gera hluti þannig að til þessarar
staðreyndar hljóta menn að horfa þegar
þeir ákveða framhaldið varðandi Flat-
eyri,“ sagði hann.
Forsætisráðherra sagði harmleikinn í
Súðavík ekki aðeins hafa skilið eftir sig
reynslu hjá heimamönnum heldur einnig
hjá stjórnvöldum, þannig að nú gengju
hlutirnir hraðar fyrir sig.
* „Þá þurftum við að fikra okkur áfram
með aðgerðir, en nú erum við með þetta
í föstu formi. Ráðuneytisstjóranefndin
hefur þegar tekið til starfa og allt er kom-
ið á fullt skrið,“ sagði hann.
f-
i
I
D
9
9
9
9
|
i
1
I
I
|;
1
c
i
c
V
i
f
1
I
I
I
r
v
I