Morgunblaðið - 08.12.1995, Qupperneq 13

MORGUNBLAÐIÐ
FÖSTUDAGUR 8. DESEMBER 1995 13
AKUREYRI
Forkaupsrétti hluthafa vegna útboðs Skinnaiðnaðar lokið
Morgunblaðið/Kristján
Kveikt á
jólatrénu
KVEIKT verður á jólatrénu frá
Randers, vinabæ Akureyrar í
Danmörku, við athöfn á
Ráðhústorgi á morgun, laugar-
daginn 9. desember. Lúðrasveit
hefur leikinn kl. 15.45, en kl.
16. flytja bæjarstjórinn á Akur-
eyri, bæjarverkfræðingur
Randers og sendiherra Dana á
Islandi ávörp. Ljósin verða síð-
an kveikt, Kór Akureyrarkirkju
syngur jólalög og jólasveinar
koma í heimsókn.
Bæjarstarfsmennirnir Þeng-
ill Stefánsson og Birgir Eiríks-
son voru að koma ljósaperunum
fyrir á trénu í gærdag.
Selt fyrir 25 millj.
HLUTAFJÁRÚTBOÐ í Skinnaiðnaði
hf. sem hófst þann 9. nóvember sl.
hefur gengið vel, að sögn Jóns Halls
Péturssonar, hjá Kaupþingi Norður-
lands. Hlutabréf að nafnvirði 10
milljóna króna voru boðin til sölu og
jafnframt hlutabréf í fyrirtækinu í
eigu Akureyrarbæjar að nafnverði
kr. 21.250.000. Þannig voru samtals
bóðin hlutabréf að nafnverði kr.
31.250.000 á genginu 3,0 fyrir sam-
tals kr. 93.750.000.
Forkaupsrétti hlutahafa vegna
hlutafjárútboðsins lauk 30. nóvem-
ber sl. I gær var búið að selja hluta-
bréf að nafnverði kr. 25 milljónir
fyrir 75 milljónir króna. Hlutabréf
félagsins verða skráð á Verðbréfa-
þingi íslands þegar hluthafar verða
orðnir 200 talsins. Hluthafar eru nú
130 talsins en voru 66 í júní sl.
„Kaupendur bréfanna eru annars
vegar almenningur svo og stofnana-
fjárfestar, sem kaupa bróðurpartinn
í krónum talið. Bæði lífeyrissjóðir og
hlutabréfasjóðir hafa keypt hlutabréf
og eru með því eins og aðrir að
ávaxta sína peninga,“ segir Jón Hall-
FYRSTA aðventukvöldið í Laufás-
prestakalli fer fram í Svalbarðskirkju
2. sunnudag í aðventu 10. desember
kl. 20.30.
Flest böm úr grunnskólanum á
Svalbarðseyri koma fram á þessu
kvöldi. Þau kveikja á aðventuljósum,
sýna helgileik, lesa jólasögu og
syngja. Kór Svalbarðs- og Laufás-
kirkju undir stjórn Hjartar Stein-
bergssonar aðstoðar börnin í helgi-
leiknum og syngur auk þess nokkur
aðar hafi verið góð síðustu tvö ár
og að framtíðin sé nokkuð björt.
Reiknað er með að sölu á hlutabréf-
um í fyrirtækinu verði lokið fyrir
áramót og að þá verði hluthafar orðn-
ir 200 og hægt að skrá það á Verð-
bréfaþingi íslands.
aðventu- og jólalög. Nemendur úr
Tónlistarskóla Eyjafjarðar leika á
hljóðfæri en sérstakur gestur þessa
kvölds í Svalbarðskirkju verður sr.
Svavar A. Jónsson, héraðsprestur og
ætlar hann að spjalla við kirkjugesti
um aðventuna og jólin.
í lokin munu öll börn í kirkjunni
frá kerti (með rafhlöðu) í hendur og
um leið og lesnir verða spádómar
um fæðingu Krists tendra bömin
ljósin.
ur.
Hann segir að afkoma Skinnaiðn-
Aðventukvöld
Sameining Raf-
veitu og RARIK
Lítill
áhugi hjá
iðnaðar-
ráðuneyti
JAKOB Björnsson bæjarstjóri á Ak-
ureyri segir iðnaðarráðuneytið hafa
sýnt lítinn áhuga á hugsanlegri sam-
einingu Rafveitu Akureyrar og
RARIK. í meirihiutasamkomulagi
Framsóknarflokks og Alþýðuflokks
í bæjarstjóm Akureyrar er kveðið á
um að flokkarnir muni halda áfram
viðræðum við iðnaðarráðuneytið um
hugsanlega sameiningu þessara fyr-
irtækja, Rafveitu Akureyrar og
RARIK, en í samkomulagi um slíkt
var innifalin flutningur á höfuðstöðv-
um RARIK til Akureyrar og sölu á
eignarhluta Akureyrarbæjar í Lands-
virkjun inn í hið sameinaða fyrirtæki.
Fram kom í máli bæjarstjóra við
fýrri umræðu um fjárhagsáætlun
bæjarsjóðs að iðnaðarráðueyti hefði
sýnt málinu lítinn áhuga. Borgar-
stjórinn í Reykjavík hefði hins vegar
óskað eftir viðræðum við eignaraðila
Landsvirkjunar um framtíðar eign-
araðild sveitarfélaganna að fyrirtæk-
inu. Bærinn myndi taka þátt í þeim
viðræðum og yrði fundur haldinn
fljótlega. „Verði hins vegar enginn
árangur í komandi viðræðum er það
mín skoðun að kanna eigi í alvöru
hvort hagkvæmt sé að sameina
rekstur veitustofnana Akureyrarbæj-
ar,“ sagði Jakob.
Morgunblaðið/Benjamín
BENEDIKT Björnsson arkitekt, fyrir miðri mynd, skýrir nýja
aðalskipulagið fyrir Birgi Þórðarsyni oddvita og Pétri Jónas-
syni sveitarstjóra.
Nýtt aðalskipulag fyrir Eyjafjarðarsveit
Byg'g'ð þéttist
við Hrafnagil
Eyjafjarðarsveit. Morgunblaðið.
BENEDIKT Björnsson, arkitekt á
Akureyri kynnti fyrir skömmu
nýtt, aðalskipulag Eyjaíjarðar-
sveitar fyrir árin 1994-2014 á al-
mennum fundi með íbúum sveitar-
innar.
Við gerð aðalskipulagsins var
mest áhersla lögð á nyrsta hluta
sveitarfélagsins, en skipulagsupp-
drátturinn nær suður að Stokka-
hlöðum og suður fyrir Syðra-
Laugaland.
Helstu ástæður þess að skipu-
lagið nær yfír þetta nyrsta svæði
sveitarinnar eru einkum tvær. í
fyrsta lagi er þéttbýli mest á þessu
svæði og því mest knýjandi að
skipuleggja það og í öðru lagi er
sveitarfélagið afar víðfeðmt og því
kostnaðarsamt að gera skipulags-
uppdrátt af því öllu.
Þéttbýli við Syðra-Laugaland
í framtíðinni
Gert er ráð fyrir í aðalskipulag-
inu að byggðin við Hrafnagil verði
verulega þétt og í framtíðinni er
gert ráð fyrir að nokkurt þéttbýli
myndist við Syðra-Laugaland þar
sem skrifstofa hreppsins er og
gamli Kvennaskólinn.
Jafnframt var þó unnið að
skipulagsuppdrætti fyrir Melgerð-
ismela, en þar fer fram fjölbreytt
starfsemi á vegum flugklúbba og
hestamannafélaga.
Svavar A. Jónsson kjörinn aðstoðarprestur á Akureyri
Þakklátur og ánægður
SVAVAR A. Jónsson var kjörinn
aðstoðarprestur í Akureyrarpresta-
kalli á fundi sóknamefnda Akur-
eyrar- og Miðgarðasókna í Grímsey
í gærkvöld. Tveir umsækjendur voru
um stöðuná, en auk Svavars sótti sr.
Jón Helgi Þórarinsson sóknarprestur
á Dalvík um.
„Ég er afskaplega þakklátur og
ánægður," sagði sr. Svavar A. Jóns-
son í gærkvöldi, þegar niðurstaðan
lá fyrir, en hann gerði ráð fyrir að
hefja störf sem aðstoðarprestur í
Akureyrarprestakalli 15. desember
næstkomandi.
„Ekki síst er ég þakklátur fyrir
þann mikla stuðning og uppörvun
sem ég hef fundið fyrir.“ Hann
sagði prestum gert nokkuð erfítt
fyrir með kosningum af þessu tagi,
þar væru oft gamlir félagar að keppa
um embætti, „en þannig er þetta í
þessu starfí og því verður að taka,“
sagði Svavar. „Sóknamefndunum
var virkilegur vandi á höndum að
velja milli okkar tveggja."
Akureyrarprestakall er stórt og
mikið prestakall og sagði nýkjörinn
aðstoðarprestur að hann vissi nokk-
urn veginn hvað hans biði. „Ég veit
það verður nóg að gera.“
Svavar er Akureyringur, fæddur
árið 1960, hann varð stúdent frá
Menntaskólanum á Akureyri árið
1980 og hóf þá um haust nám við
guðfræðideild Háskóla íslands. Hann
var vígður til Ólafsíjarðarprestakalls
haustið 1986 og hefur verið sóknar-
prestur þar allt þar til í júní síðastlið-
inum er hann var ráðinn héraðsprest-
ur Eyjafjarðar og Þingeyjarprófasts-
dæma.
Sex Grímseyingar eiga sæti í sókn-
amefnd, aðal- og varamenn, og fóru
þeir fram á að fá að kjósa heima í
héraði og vísuðu m.a. til þess að þar
gætu þeir kosið alþingismenn og for-
seta.
Málaleitan Grímseyinga var borin
undir dóms- og kirkjumálaráðuneyti
en að sögn sr. Birgis Snæbjömssonar
prófasts bárust þau svör að slíkt
kæmi ekki til greina. Lögum sam-
kvæmt yrðu þeir að kjósa á kjörstað.
Jóhann
sýnir
listmuni
JÓHANN Siguijónsson verður
með sýningu á renndum list-
munum og nytjamunum úr tré
í sal Starfsmannafélags KEA í
verslunarmiðstöðinni Sunnuhlíð
um helgina.
Þetta er önnur einkasýning
Jóhanns, en auk þess hefur
hann tekið þátt í nokkrum sam-
sýningum.
Síðasta sýn-
ingarhelgi
NÚ líður að lokum sýningar
Guðmundar Ármanns Sigur-
jónssonar, Erlu Þórarinsdóttur
og Andrew M. Mckenzie í Lista-
safninu á Akureyri, en síðasta
sýningarhelgi er dagana 7. og
8. desember.
Akurstjarnan hf.
tekur við umboði
fyrir FJÖLNI
AKURSTJARNAN hf. á Akureyri
hefur tekið við umboði fyrir
FJÖLNI á Eyjafjarðarsvæðinu en
hugbúnaðarfyrirtækið Strengur
hf. í Reykjavík hefur um nokkurt
skeið leitað samstarfsaðila á svæð-
inu. Notendur FJÖLNIS á Eyja-
fjarðarsvæðinu er nú um 50 talsins
og hefur fjölgað ört á síðustu miss-
erum.
Samstarfssamningur milli
Strengs hf. og tölvufyrirtækisins
Akurstjörnunnar hf. var undir-
ritaður sl. föstudag en með honum
hyggjast fyrirtækin þannig efla
þjónustuna við notendur FJÖLNIS
á Eyjafjarðarsvæðinu og styrkja
um leið stöðu FJÖLNIS norðan
heiða.
Strengur hf. er eitt öflugasta
hugbúnaðarfyrirtæki landsins, eins
og segir í fréttatilkynningu fyrir-
tækisins og hefur víðtæka reynslu
í þróun og smíði hugbúnaðar fyrir
hvers kyns viðskipti og verkfræði.
Akurstjarnan hf. er ungt og fram-
sækið fyrirtæki, sem hefur mjög
reynda starfsmenn innan sinna
vébanda. Fyrirtækið er til húsa að
Skipagötu 16 og framkvæmda-
stjóri fyrirtækisins er Halldór Kr.
Jónsson.
Morgunblaðið/Kristján
FRÁ undirritun samningsins. Við borðið sitja (t.v.) Halldór Kr.
Jónsson, framkvæmdastjóri Akurstjörnunnar, og Haukur Garð-
arsson, framkvæmdastjóri Strengs hf. Fyrir aftan þá standa
(f.v.) Jón Örn Guðbjartsson, frá Streng, Hafþór Heimisson, frá
Akurstjörnunni, og Jón Heiðar Pálsson, frá Streng.