Morgunblaðið - 22.12.1995, Blaðsíða 44
44 FÖSTUDAGUR 22. DESEMBER 1995
MORGUNBLAÐIÐ
Dýraglens
Grettir
( gn hklt a2>þcu/ i/Xru V J- u/nlr þin,ir/
v .Srtr~
JKjv-l,
/ Mm
Ferdinand
Ég held að það væri kurteislegt Kæra Signora. „Signora“? Ég hef þá hugmynd
að skrifa konu jólasveinsins smá- að hann hafi kvænst indælli ít-
bréf ... alskri stúlku.
BREF
TIL BLAÐSINS
Kringlan 1 103 Reykjavík • Sími 5691100 • Símbréf 569 1329
Afengi er eiturlyf
Frá Árna Helgasyni:
NÚ HAFA heildsalar fengið því
framgengt að flytja inn áfengi og
dreifa því til vínverslana. Enn eitt
undanhald í þessum málum komið í
framkvæmd. Ég hefði haldið að þar
við sæti. En svo er ekki eftir því sem
nú er komið á daginn. Nú vilja inn-
flytjendur fá að auglýsa þessa vöru
í ijölmiðlum og benda á að með sið-
uðum þjóðum sé slíkt leyft. Það sá
ekki hægt annað en að við siðvæð-
umst í þessu tilfelli og leyfum slíkt,
en er þingið samþykkti leyfi til inn-
kaupa og sölu þessarar vöru var það
með þeim skilyrðum að auglýsinga-
bann það, sem hefir verið á sölu
þessa vamings, var hert og skil-
greint, eins og þar stendur. En nú
er baráttan fyrir afnámi auglýsing-
anna komin af stað og ekki verið
að spyija Alþingi um hvort þau lög,
sem það setur um innflutninginn,
séu sæmandi okkar þjóð, heldur er
snúið sér til EFTA, þ.e. sambandsins
sem íslendingar gengu í og átti að
bjarga svo miklu og vita hvort það
væri ekki til með að koma vitinu
fyrir okkur í þessum efnum.
Ég hélt svo sannarlega að ekki
þyrfti að auglýsa þetta áfengi, því
svo hefir því verið hampað hér á
landi og svo margir hafa fengið að
kenna á áhrifum þess. Að þurfa svo
að leita til annarra landa til að fá
upplýsingar og staðfestingu á hvort
við ráðum okkur sjálfir, er þetta
ekki einum of mikið? Ég hefi alltaf
haldið að landið okkar væri sjálf-
stætt land og við gætum sjálfir
ákveðið hvað okkur er fyrir bestu?
En nú virðist það ekki ganga.
Á meðan við tölum um vímuefna-
varnir er lítið gert af því að forðast
innflutning á allskonar eiturefnum
og þeir sem sannir verða að innflutn-
ingi slíks varnings eru litla ábyrgð
látnir bera á slíku athæfi. Ég hefði
haldið að dreifing slíkra vímuefna
væri nánast talið með morðtilraunum,
því svo hafa efni þessi leikið hinn
almenna borgara að hann hefur ekki
beðið þess bætur að hafa neytt slíks.
Ég spyr því. Er ekki undanhaldið
orðið nóg þót ekki sé verið að bæta
við það og við þurfum ekki á slíkum
auglýsingum að halda, ættum heldur
að snúa okkur að því að bannaðar
verði auglýsingar frá bíóunum sem
sjónvarpið er með á hvetjum degi,
en eru aðeins til þess að leiðbeina
mönnum í ofbeldi og alls kyns glæp-
um. Og ég er alveg hissa á því hve
fáir láta sig það einhverju skipta
hvað auglýst er af slíku í menningar-
tækjum þjóðarinnar. Liggur ekki í
augum uppi að það læra börnin sem
fyrir þeim er haft? Og nú fyrir jólin?
Hvað hugsa menn um allt þetta
auglýsingaflóð sem er á ferðinni og
hversu þjóðin er ærð af alls konar
lottóum, bingóum og happdrættum?
Er ekki rétt að athuga hvað þetta
allt hefir áhrif til bölvunar á íslensku
þjóðina, gerir hana eyðslusama og
ruglar dómgreindina? Jólin eru í
nánd. Hvers konar jól ætlum við að
halda? Verða það jól víns og vanda-
mála eða jól þar sem fagnað er frið-
arins hátíð, hátíð frelsarans. Það
gerir hver upp við sig. En hvað með
þig? Hvernig verð þú þínum jólum?
Vímulaus og gleðileg jól er það
besta sem við getum gefið hvet öðru
á mestu hátíð ljóssins. Höfum við
efni á öðru?
Gleðilega jólahátíð og farsælt
komandi ár.
ÁRNI HELGASON,
Stykkishólmi.
Afsökunarbeiðni
frá Fjarskipta-
eftirliti ríkisins
Frá Guðmundi Ólafssyni:
Hjálmtýr Guðmundsson sendir
Fj arski ptaefti rliti ríkisins kaldar
kveðjur í Morgunblaðinu 19. þ.m. og
er að vonum sárreiður yfir því að
samkvæmt gíróseðli, sem hann hafði
móttekið skömmu áður, hafði starf-
rækslugjald vegna SSB talstöðvar
(Gufunestalstöð) hans hækkað um
50% á milli ára, vel minnugur þess
að þessi sömu gjöld höfðu hækkað
stórkostlega fyrir aðeins 2 árum, þeg-
ar starfsemi Fjarskiptaeftirlitsins var
flutt frá Pósti og síma í nýja stofnun.
Fjarskiptaeftirlitinu er ljúft og
skylt að koma því hér með á fram-
færi að ofangreind 50% hækkun á
milli áranna 1994 og 1995 hefur
ekki átt sér stað. Upplýsingar á
umræddum gíróseðlum vegna Gufu-
nestalstöðva voru rangar. Árlegt
starfrækslugjald fyrir afnot af um-
ræddum fjarskiptarásum er hið sama
í ár og 2 síðastliðin ár, þ.e. 2.160
kr, en ekki 3.240 kr. eins og gíróseð-
illinn bar með sér.
Undirritaður ber að sjálfsögðu
fulla ábyrgð á þessum mistökum og
harmar þau. Allir hlutaðeigandi eru
beðnir velvirðingar á þeim og munu
þeir, sem þegar hafa greitt gjöldin,
að sjálfsögðu fá mismuninn endur-
greiddan við fyrsta tækifæri. Þeir
eigendur Gufunes-talstöðva, sem
ekki hafa greitt umrædda gíróseðla,
munu fá nýja seðla senda fljótlega
með réttum gjöldum.
Ekki þykir rétt, svona rétt fyrir
hátíðir, að fjalla um hin margvíslego
gífuryrði í bréfi Hjálmtýs, sem undir-
ritaður er að sjálfsögðu ekki sam-
mála. Telja verður að gagnrýni
Hjálmtýs byggist frekar á skiljan-
legri reiði yfir meintri hækkun gjalda
en þekkingu á starfsemi Fjarskipta-
eftirlits ríkisins. Undirrituðum væri
ljúft að taka á móti Hjálmtý og veita
honum innsýn í starfsemi stofnunar-
innar og aðdraganda að stofnun
hennar, en þó ekki fyrr en ætla
megi að honum sé nokkurn veginn
runnin reiðin!
Hjálmtý og öðrum viðskiptavinum
sendir starfsfólk Fjarskiptaeftirlits
ríkisins sínar bestu jóla- og nýársóskir.
GUÐMUNDUR ÓLAFSSON,
forstöðumaður Fjarskiptaeftirlits
ríkisins.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.