Morgunblaðið - 06.01.1996, Blaðsíða 9
MORGUNBLAÐIÐ
LAUGARDAGUR 6. JANÚAR 1996 9
FRÉTTIR
FOLK
Sólveig
Þorsteinsdóttir
Lauk dokt-
orsprófi í
líffræði
ÞANN 27. október 1995 lauk Sól-
veig Þorsteinsdóttir líffræðingur
doktorsprófi frá ríkisháskólanum í
Utrecht í Hollandi.
Sólveig Þorst'einsdóttir er fædd í
Reykjavík 25. apríl
1962. Foreldrar
hennar eru Sigríð-
ur J. Hannesdóttir
tæknifræðingur og
kennari og Þor-
steinn Svörfuður
Stefánsson læknir.
Sólveig lauk
stúdentsprófi frá
Menntaskólanum
við Hamrahlíð
1982 og hóf þá nám í líffræði við
háskólann í Kansas, Lawrence, í
Bandaríkjunum. Hún lauk þaðan
prófi 1985. Á síðasta námsári sínu
í Lawrence stundaði hún rannsóknir
í þroskunarfræði froskdýra.
Árið 1986 hóf hún rannsóknar-
störf í þroskunarfræði spendýra við
frumulíffræðideild Gulbenkian vís-
indastofnunarinnar í Lissabon í Port-
úgal og í desember 1989 hlaut hún
aðstoðarkennarastöðu við líffræði-
deild háskólans í Lissabon. Frá árinu
1991 hefur hún stundað hluta rann-
sókna sinna og unnið að frekari und-
irbúningi að doktorsritgerð sinni við
Hubrecht rannsóknarstofnunina í
Utrecht í Hollandi.
Doktorsritgerð Sólveigar er 148
bls. og skiptist í 6 kafla. Fyrsti
kaflinn er almennur inngangur að
efni ritgerðarinnar, kaflar 2-5 eru
visindagreinar með lýsingu á aðferð-
um og niðurstöðum rannsókna henn-
ar, en sjötti og síðasti kaflinn er
umræða um niðurstöður rannsókn-
anna.
Ritgerðin fjallar um laminin, sem
er mikilvægur hluti af grunnhimnu
(basement membrane) þekju-,
vöðva-, tauga- og fituvefja og integr-
in, sem eru nemar á yfirborði frumna
sem tengjast við laminin og aðra
hluta grunnhimna. Þessar tengingar
virðast vera mjög mikilvægar fyrir
eðlilega þroskun margra vefjagerða
og fjallar ritgerð Sólveigar m.a. um
það, hvar tenging milli laminin og
eins integrinsins (sk. alfa 6 beta 1
integrins) gæti átt sér stað og hvaða
þýðingu sú tenging gæti haft í mynd-
un og þroskun músafóstra.
Niðurstöður Sólveigar benda til
þess að rétt tenging milli integrina
og grunnhimna sé mikilvæg fyrir
eðlilega fósturþroskun.
Sólveig Þorsteinsdóttir er gift
Jorge Palmeirim líffræðingi og eiga
þau tvö börn. Þau eru búsett í Lissa-
bon.
Kæra HM-nefndarinnar vegna miðasölu
á heimsmeistaramótinu í handknattleik
Akvörðunar ríkis-
saksóknara að
vænta á næstunni
RÍKISSAKSÓKNARI hefur nú til
meðferðar gögn Rannsóknarlög-
reglu ríkisins vegna kæru HM-
nefndarinnar á hendur Halldóri
Jóhannssyni, sem sá um miðasölu
á HM ’95 í handbolta. Þá eru
meint umboðssvik fyrrverandi
sparisjóðsstjóra Sparisjóðs Mý-
vetninga einnig hjá ríkissaksókn-
ara. Jón Erlendsson saksóknari
sagði í samtali við Morgunblaðið í
gær að ekki hefði verið tekin
ákvörðun um hugsanlega ákæru,
en málið yrði afgreitt af hálfu
embættis ríkissaksóknara á næst-
unni.
Framkvæmdanefnd HM ’95 ósk-
aði eftir að meintur fjárdráttur
Halldórs yrði rannsakaður, þar
sem hann hefði ekki staðið skil á
20 milljónum króna. Þá óskaði
nefndin einnig eftir að viðskipti
Sparisjóðsins og Halldórs yrðu
könnuð, þar sem Halldór hefði lagt
fram sparisjóðsbók með trygging-
arfé, en féð ekki verið fyrir hendi
þegar HM-nefndin ætlaði að ganga
eftir því.
Þegar kæran kom fram sagði
Halldór Jóhannsson að það væri
túlkunaratriði hver skuldaði hveij-
um, en upphæðin sem tekist væri
á um væri mun lægri en 20 milljón-
ir króna.
Rannsóknarlögregla ríkisins
sendi málið til ríkissaksóknara í lok
síðasta árs. Samkvæmt heimildum
Morgunblaðsins snertir málið ekki
eingöngu meint brot Halldórs,
heldur einnig meint umboðssvik
sparisjóðsstjórans fyrrverandi
gagnvart stjórn Sparisjóðs Mý-
vetninga, þar sem hann hafi geng-
ist í ábyrgðir fyrir hönd Sparisjóðs-
ins, án vitundar stjórnarinnar.
Morgunblaðið/Ásdís
Góður matur
á borðum
NEMENDUR sem iuku sveins-
prófi í framreiðslu og matreiðslu
frá Hótel- og veitingaskólanum
um áramót sýndu verk sín í skól-
anum í gær. Þar mátti líta girni-
lega rétti og fagurlega skreytta.
Áhugi á réttunum var mikill eins
og sjá má á andlitum gestanna.
Sjúkrahús Reykjavíkur
Kosið í
stjórn
BORGARRÁÐ hefur samþykkt að
ráða Jóhannes Pálmason í stöðu
forstjóra Sjúkrahúss Reykjavíkur.
Jafnframt samþykkU borgarráð
að kjósa Kristínu Á. Ólafsdóttur,
Hjörleif B. Kvaran og Árna Sigfús-
son í stjórn spítalans. Til vara voru
kosin Bragi Guðbrandsson, Sig-
mundur Stefánsson og Inga Jóna
Þórðardóttir.
Hætt við yf-
irbyggða
sundlaug í
Grafarvogi
Minnihlutinn
vill að laugin
verði byggð
BORGARRÁÐ hefur samþykkt til-
lögu borgarstjóra um að hætt verði
við að byggja yfirbyggða sundlaug
við íþróttamiðstöðina í Grafar-
vogi. Þess í stað verði byggð al-
mennings- og kennslulaug fyrir
íbúa hverfisins en jafnframt verði
undirbúin 50 metra yfirbyggð
sundlaug í Laugardal.
I tillögu borgarstjóra, sem lögð
var fram á fundi borgarráðs 19.
desember 1995, kemur fram að
samþykkt hafi verið í október 1995
að undirbúa forsögn og kostnaðar-
áætlun fyrir sundlaugina í Grafar-
vogi. Ætlunin hafi verið að taka
laugina í notkun fyrir Smáþjóða-
leikana í maí 1997 en í ljós hafi
komið að áætlaður kostnaður er
470 milljónir króna.
Forgangsverkefni
í bókun minnihluta Sjálfstæðis-
flokks segir að sjálfstæðismenn
telji það forgangsverkefni að hefja
framkvæmdir við yfirbyggða
sundlaug fyrir íbúa Grafarvogs og
að hún nýttist einnig sem keppnis-
laug fyrir Smáþjóðaleikana.
R-listinn hafi horfið frá áform-
um um samnýtingu án skýrs rök-
stuðnings en lofi þess í stað tveim-
ur sundlaugum sem auka mun
framkvæmdakostnað um 200
milljónir. Ljóst sé að áform um
byggingu sérstakrar keppnislaug-
ar geri ekki ráð fyrir að laugin
verði tilbúin fyrir Smáþjóðaleikana
1997.
Því leggur minnihlutinn til að
frestað verði ákvörðun um bygg-
ingu keppnislaugar í Laugardal
en haidið áfram að kanna og
byggja yfirbyggða almennings- og
skólasundlaug við íþróttamiðstöð-
ina í Grafarvogi.
ÚTSALAN
ÍTSAIA — ÚT8ALA — ÍTSALA — (TSAIA — ÚTSALA — ÍTSAIA
Útsalan byrjar í dag |
Nú cr ekki lil setunnar boðið, kæru
viðskiptavinir okkar, því í dag er
50% afsláttur fyrir ykkur.
Opið til kl. 17.00.
(Alh.: Strctsbuxurnar cru ckki á úlsölunni).
Otsaia — (tsaia — (rrsAi.A — íjtsaia — (tsaia — ítsaia
mi
Eiðistorgi 13, 2. h»ð,
yfir torginu,
sími 552-3970.
ULYCTFIWQg Stífar
beltisbuxur
í svörtu og livítu
Verð kr. 1.950
& kr. 2.250
Laugavegi 4, sími 551 4473
er hafin !