Morgunblaðið - 26.01.1996, Blaðsíða 2

2 FÖSTUDAGUR 26. JANÚAR 1996
MORGUNBLAÐIÐ
FRÉTTIR
Valdabarátta innan Columbia álfyrirtækisins fer fyrir dómstóla
Ákvörðun um álver dregst
þar til deilan leysist
RÁÐ eignarhaldsfélags starfsmanna fyrirtækis-
ins Columbia Aluminum hefur ákveðið að leita
til dómstóla á þeirri forsendu að stjóm fyrirtæk-
isins hafi verið með undanbrögð og reynt að
koma í veg fyrir að það fengi neytt réttar síns
til að kaupa hlut stjómanda fyrirtækisins, Kenn-
eths Petersons. Ekki verður tekin ákvörðun um
það hvort Columbia reisi álver á íslandi eða í
Venezuela þar til lausn fæst á málinu.
Jim Hensel, yfirmaður nýrra verkefna hjá
Columbia, sagði í gær að stjóm fyrirtækisins
hefði ekki reynt að standa í vegi fyrir starfs-
mönnum, sem eiga hlut í fyrirtækinu og hafa
átt kauprétt á hlut Petersons frá árinu 1988.
Krefjast upplýsinga
Phil Carstens, lögfræðingur trúnaðarráðs
eignarhaldsfélags starfsmanna Columbia, sagði
í gær að skjólstæðingar sínir hefðu krafist þess
að látnar yrðu í té upplýsingar, sem hafa ætti
til grundvallar kaupunum, og ætlunin væri að
ganga frá viðskiptunum 29. mars.
Starfsmenn Columbia hyggjast selja fyrir-
tækinu Goldendale Aluminum, sem rekur ál-
bræðslu í næsta nágrenni við álbræðslu Col-
umbia, fyrirtækið þegar gengið hefur verið frá
kaupunum við Peterson. Trúnaðarráðið krefst
því að umræddar upplýsingar verði einnig af-
hentar Goldendale Aluminum. Stjómarfundur
var haldinn í Columbia 20. janúar og þar var
ákveðið að gera starfsmönnum gagntilboð um
að kaupa hlut þeirra á 63 milljónir dollara (rúma
fjóra milljarða íslenskra króna).
Vilja binda trúnað
Hensel sagði að stjórn Columbia hefði verið
reiðubúin til að láta allar upplýsingar af hendi,
en gert að skilyrði að þær yrðu bundnar trún-
aði. Fulltrúar starfsmanna og Goldendale Alum-
inum hefðu hins vegar ekki viljað skrifa undir
trúnaðaryfirlýsingu.
Að sögn Hensels verður farið með málið
fyrir dómara í dag til að skera úr um það hve
miklar upplýsingar stjóm Columbia Aluminum
þurfi að veita trúnaðarráðinu og keppinautun-
um hjá Goldendale Aluminum.
Þegar Hensel var spurður hvort segja mætti
að framkvæmdir á vegum Columbia stöðvuðust
og framtíðaráætlanir yrðu settar í bið þar til
þetta mál leystist svaraði hann: „Það er rétt
lýsing."
í yfirlýsingu, sem trúnaðarráðið gaf út í
desember, var sagt að starfsmenn vildu ein-
beita sér að fyrirliggjandi starfsemi í Washing-
ton-ríki og það virðist samræmast áætlunum
Goldendale Aluminum.
Columbia keypti búnað til álbræðslu í Þýska-
landi á síðasta ári og hyggst Peterson nota
hann til að reisa álver annaðhvort á íslandi eða
í Venezuela. Að sögn Jims Hensels hyggst
Peterson freista þess að reisa þetta álver þótt
hann verði keyptur út úr Columbia og myndi
hann þá líkast til kaupa þýska búnaðinn af
væntanlegum kaupanda, starfsmönnum eða
Goldendale.
Færð og
veður á
Hellisheiði
VEGAGERÐIN hefnr sett upp
skilti skammt frá Geithálsi þar
sem ökumenn fá upplýsingar
um færð og veður á Hellis-
heiði áður en lagt er á heið-
ina. Okumenn verða þar með
betur færir um að meta það
hvort ráðlegt sé að aka yfir
heiðina eða fresta för sinni.
Verið er að prófa skiitið þessa
dagana en á því koma fram
upplýsingar um úrkomu,
hálku og vindhraða. Á heið-
inni eru hálkunemar. Veður-
stöðin á heiðinni skráir upp-
lýsingamar sjálfvirkt inn á
skiltið og verða þær því alltaf
nýjar.
HelíisheiÖt
Veöurstöövar ("B00 6316
Færft á vcflum C563 1500
Morgunblaðið/Þorkell
Flugleiðir
Flugvélar
mis- eða
ofhlaðnar
„ÞAÐ komu upp nokkur tilvik í
haust, þar sem millilandavélamar
voru mishlaðnar eða ofhlaðnar.
Öryggiskröfur eru svo miklar, að
frávik valda ekki bráðri hættu, en
við höfum tekið á þessu máli í
samráði við fyrirtækin, sem sjá
um hleðslu vélanna, bæði hér
heima og erlendis,“ sagði Einar
Sigurðsson, blaðafulltrúi Flug-
leiða, í samtali við Morgunblaðið
í gær.
Einar sagði að mjög strangar
reglur giltu um hleðslu flugvéla.
„Það hafa komið upp tilvik, þar
sem vél reyndist hlaðin á annan
hátt en hleðsluskýrslur sögðu til
um. Þetta hefur uppgötvast við
afhleðslu vélanna og verið tekið á
því. Þessi tilvik eru mjög fá, eða
3-4 á síðasta ári í þeim 7-8.000
ferðum sem við fórum, en koma
upp af og til hjá okkur líkt og
öðrum flugfélögum.“
----♦ ■♦ «---
Hentu fé-
laga sínum
út klæða-
lausum
LÖGREGLAN í Reykjavík var á
miðvikudagsmorgun beðin um að
aðstoða mann í Vesturbænum-
Hann stóð utan dyra, nakinn, að
öðru leyti en því að hann hafði
handklæði um sig miðjan.
Maðurinn hafði verið í íbúð i
nálægu húsi ásamt „félögum" sín-
um. Þeir höfðu skyndilega veist
að honum, rifið utan af honum
fötin og hent honum út á götu.
Þeir héldu eftir föturn mannsins
og peningum sem hann hafði ver-
ið með á sér.
Maðurinn var aðstoðaður við að
endurheimta eigur sínar og fór
síðan sína leið.
Efasemdir í tölvunefnd um meðferð
sýna úr látnu fólki
Teljast lífsýni
til persónulegra
upplýsinga?
INNAN tölvunefndar eru komn-
ar upp efasemdir um réttmæti
þess að nota sýni úr látnu fólki
í öðrum tilgangi, en tekið var.
Tilefnið er að DNA-rannsókn var
beitt til að skera úr um það hvort
kona, sem nú er látin, sé dóttir
látins athafnamanns frá Höfn í
Hornafirði í máli, sem höfðað
hefur verið til að ógilda erfða-
skrá mannsins.
Þorgeir Örlygsson, lagapró-
fessor og formaður tölvunefnd-
ar, sagði að þetta hefði verið
rætt á fundi nefndarinnar fyrir
skömmu og spurning væri hvort
lífsýni, eins og um er að ræða
í áðurnefndu barnsfaðernismáli,
flokkist undir persónulegar upp-
lýsingar í skilningi tölvulaga,
þ.e. upplýsingar, sem sann-
gjarnt og eðlilegt sé að fari
leynt.
Sérfræðingar komust að þeirri
niðurstöðu með DNA-rannsókn
að 99% líkur væru á því að kon-
an væri dóttir athafnamannsins.
Bæði maðurinn og konan höfðu
verið krufin og því voru til sýni
úr þeim, sem notuð voru við
DNA-rannsóknina.
Þorgeir sagði að tölvunefnd
hefði ekki tekið afstöðu í þessu
máli, en hyggst láta það til sín
taka. Hann sagði að það væri
háð því að lífsýni teldist persónu-
legar upplýsingar, sem féllu und-
ir ákvæði tölvulaga, en þau
tækju venjulega til skrifaðra
upplýsinga. Þróunin erlendis
væri í þá veru að lífsýni féllu
undir lög af þessu tagi.
Málflutningur í máli Bretans hófst í Hæstarétti í gær
FBI gerir þriðju
DN A-raimsóknina
MÁLFLUTNINGUR í máli 23 ára
gamals Breta, sem dæmdur var í
Héraðsdómi í desember til 12
mánaða fangelsisvistar fyrir að
nauðgað konu um borð í skipi í
Reykjavíkurhöfn í október sl.,
hófst í Hæstarétti í gær. Málið var
flutt fyrir luktum dyrum. Sam-
kvæmt heimildum Morgunblaðsins
hefur bandarísku alríkislögregl-
unni, FBI, verið falið að rannsaka
sýni vegna málsins.
Morgunblaðið hefur heimildir
fyrir því að Gunnlaugur Geirsson
prófessor hafi fyrir skömmu farið
utan með sýni að ósk embættis
ríkissaksóknara í því skyni að fá
bandarísku alríkislögregluna, FBI,
til að gera DNA-rannsókn.
Eins og fram hefur komið voru
tvær DNA-rannsóknir gerðar
vegna málsins, ein á íslandi og
ein í Noregi. Maðurinn var m.a.
sakfelldur í Héraðsdómi á grund-
velli íslensku rannsóknarinnar en
samkvæmt henni voru 0,1% líkur
á að sæði í smokki, sem konan
framvísaði eftir nauðgunina, væri
úr öðrum manni en Bretanum eða
nánum ættingja hans. Niðurstaða
rannsóknar, sem gerð var á rík-
isspítalanum í Osló, var hins vegar
sú að útilokað væri að sæðið væri
úr Bretanum. Niðurstaðan úr
norsku rannsókninni lá ekki fyrir
fyrr en eftir að Bretinn hafði ver-
ið dæmdur í héraðsdómi.
Misræmi enn óútskýrt
Ósamræmið milli niðurstaðna
íslensku og norsku rannsóknanna
hefur ekki verið útskýrt. Sigurður
Ingvarsson, sem gerði íslensku
rannsóknina, hefur ekki aðgang
að gögnum um norsku rannsókn-
ina og hefur því ekki getað tjáð
sig um í hveiju munurinn gæti
legið en hefur sagt að íslenska
rannsóknin standi. Gunnlaugur
Geirsson prófessor, sem fól Sig-
urði að gera rannsóknina, hefur
ekki tjáð sig um málið við fjöl-
miðla. Það hafa rannsóknarlög-
regla og embætti ríkissaksóknara
heldur ekki gert efnislega. Morg-
unblaðið hefur hins vegar greint
frá því að Gunnlaugur hafi sent
frá sér álit þar sem hann sagð1
að norska rannsóknin væri endan-
leg.
Niðurstöður eftir
nokkra mánuði
Máli mannsins var áfrýjað til
Hæstaréttar á mánudag í síðustu
viku og hófst málflutningur í g®r-
Samkvæmt heimildum blaðsins
er niðurstaðna úr rannsókn FBl
ekki að vænta fyrr en eftir nokkra
mánuði og hefur embætti ríkis-
saksóknara gert kröfu um að |
dómur verði ekki kveðinn upp * j
Hæstarétti fyrr en þær liggja fyr- >
ir. Bretinn er í farbanni til 8. febr- '
úar nk.