Morgunblaðið - 01.02.1996, Blaðsíða 47

MORGUNBLAÐIÐ
FIMMTUDAGUR 1. FEBRÚAR 1996 47
FRÉTTIR
Fyrirlestur
um snjó-
flóðahættu
BJÖRGUNARSKÓLI Lands-
bjargar og Slysavarnafélag
íslands stendur fyrir fræðslu-
fundi fyrir almenning um mat
á snjóflóðahættu fyrir ferða-
menn fimmtudaginn 1. febr-
úar kl. 20. Fyrirlesari verður
Einar Torfi Einarsson.
Fundurinn verður haldinn í
húsnæði Flugbjörgunarsveit-
arinnar í Reykjavík við Flug-
vallarveg. Markmið nám-
skeiðsins er að veita þátttak-
endum skilning á eðli snjó-
þekjunnar, breytingum á
henni og kynna mönnum rétt
leiðarval með tilliti til snjó-
flóðahættu.
Allir þeir sem ferðast um
hálendið að vetri til, hvort sem
er gangandi, á vélsleðum eða
einhverjum öðrum farartækj-
um, eru hvattir til að mæta.
Þátttökugjald er 1.000 kr. og
er fræðslurit um mat á snjó-
flóðahættu innifalið í þátttöku-
gjaldinu.
Fundurinn er liður í
fræðsluherferð um forvarnir í
ferðamennsku sem Björgunar-
skólinn stendur fyrir og munu
slíkir fræðslufundir verða
haldnir um land allt.
Myndakvöld
Utivistar
ÚTIVIST stendur fyrir öðru
myndakvöldi sínu á nýju ári í
kvöld, fimmtudagskvöld.
Ragnar Th. Sigurðsson ljós-
myndari og Ari Trausti Guð-
mundsson jarðfræðingur fara
yfir það helsta sem borið hefur
fyrir augu þeirra á ferðum
þeirra um landið.
Útivist hefur útvegað sér
fullkomnari sýningarvél en
verið hefur áður og því munu
myndirnar njóta sín betur enn
ella. Hér er um einstakar
myndir af hálendinu að ræða
og fróðlegar ferðasögur. Eftir
kaffihlé verða sýndar myndir
úr áramótaferð.
Myndakvöldið er haldið í
Fóstbræðraheimilinu, Lang-
holtsvegi 116.
■ BINA Fjordside, nuddari
frá Danmörku, er komin til
landsins til að kynna nám-
skeið sitt í „Rebalancing Art“
og „The body-mind system".
Þessi tækni er kjörin til að
koma jafnvægi á líkama og
sál. Hún hefur unnið með
þessa tækni frá 1987 og er
einnig lærð í svæðanuddi,
Bach’s remediu heilun og lík-
amsmeðvitund. Þá hefur hún
unnið mikið með indíánaheim-
speki og helgisiði indíána.
Bina býður upp á nudd meðan
á dvöl stendur. Fyrirlesturinn
verður fimmtudaginn 1. febr-
úar kl. 20 í Bolholti 4, 4.
hæð. Ókeypis aðgangur og
allir velkomnir.
■ ÞORRABLÓT Félags
Þingeyinga á Suðurnesjum
verður haldið í KK salnum,
Vesturbraut 17, Keflavík,
laugardaginn 3. febrúar. Hús-
ið verður opnað kl. 19. Borð-
hald hefst kl. 20 stundvíslega.
Síðan veður dansað fram eftir
nóttu. Miðaverð er 2500 kr.
en miðasala hefst í dag,
fimmtudag, milli kl. 17 og 19
að Vesturbraut 17.
Stúdentaráð lýsir sig tilbúið að borga
lengingu á afgreiðslutíma Þjóðarbókhlöðu
dosasöfnun
. SHl
F?RiftLtN6RÍ0P>jw^ríw
ATH
AíDEÍHS Tf’KÍp VÍ9, {
PLptaciiÐUHS
DOSUMOGRWtCUM
$T1iRK3Uri ,
6»?
Morgunblaðið/Sverrir
GAMI hefur verið komið fyrir neðan við Gamla-Garð þar sem
Stúdentaráð safnar dósum til að kosta lengri afgreiðslutíma
Þjóðarbókhlöðu.
Greiða kostnað
með söfnun dósa
STÚDENTARÁÐ Háskóla íslands
hefur sent stjórn Landsbókasafns
íslands - Háskólabókasafns bréf
þar sem það lýsir sig tilbúið til að
taka að sér að sjá um gæslu á
safninu á kvöldin og á sunnudög-
um svo hægt sé að hafa safnið
opið lengur. Stúdentar ætla að
fjármagna kostnað við lengri af-
greiðslutíma með söfnun dósa og
smápeninga.
Frá því Landsbókasafn - Há-
skólabókasafn var opnað í Þjóðar-
bókhlöðu hefur safnið verið opið
til kl. 19 virka daga og 17 á laugar-
dögum. Það hefur verið lokað á
sunnudögum. Afgreiðslutíminn
hefur verið lengdur meðan próf
standa yfir í Háskólanum. Stúdent-
ar hafa verið óánægðir með þennan
afgreiðslutíma. Síðastliðinn mánu-
dag afhentu þeir menntamálaráð-
herra undirskriftalista þar sem
þess er krafist, að safnið sé haft
opið lengur.
Kostnaður 600 þúsund
Guðmundur Steingrímsson, for-
maður Stúdentaráðs, sagði að
stúdentar vildu að afgreiðslutíminn
yrði lengdur til kl. 22 virka daga
og laugardaga og til kl. 19 á
sunnudögum. Hann sagði að sam-
kvæmt útreikningum Stúdenta-
ráðs væri kostnaður við þessa leng-
ingu, miðað við að þrír stúdentar
annist gæslu á kvöldin, um 600
þúsund á einu skólaári.
„Þessi skammi afgreiðslutími
hefur verið okkur þyrnir í augum
allt frá því safnið var opnað. Dósa-
söfnunin er til þess að sýna hversu
litlar fjárhæðir þurfa að koma til
svo að hægt sé að lengja þennan
tíma,“ sagði Guðmundur. Hanntók
fram að Stúdentaráð væri ekki að
bjóðast til að halda safninu opnu
á kvöldin næstu ár. Tilgangurinn
væri að vekja athygli á málinu og
þrýsta á stjórnvöld.
Stúdentaráð hefur komið fyrir
dósagámi við Hringbraut neðan við
Gamla-Garð og dósatunnum í öll-
um byggingum Háskólans. Enn-
fremur hefur verið komið fyrir
söfnunarbaukum undir smápen-
inga í öllum byggingum Háskól-
ans. Einnig hefur Stúdentaráð
opnað söfnunarreikning í Búnaðar-
bankanum.
Hannyrðaefni, lyf og
fatnaður til Lesótó
RAUÐI kross íslands sendi gám
fullan af hannyrðaefni, lyfjum og
fatnaði til Lesótó sl. .fimmtudag.
Sendingin er liður í þróunaraðstoð
Rauða kross íslands við landið, en
félagið hefur stutt starf Rauða
kross Lesótó um árabil.
Lesótó er lítið, fjalllent ríki í
suðurhluta Afríku. Ibúar eru um
það bil 1,7 milljónir talsins og lifa
flestir af landbúnaði. Fátækt er
þar mikil og hafa þurrkar geisað
í landinu síðustu ár.
Rauði kross íslands hefur styrkt
rtikstur tveggja heilsugæslustöðva
sem Rauði kross Lesótó rekur í
Mapholaneng í austurhluta lands-
ins og í Kena í vesturhlutanum.
Um er að ræða einfaldar heilsu-
gæslustöðvar sem þjóna 10-15
þúsund manns hvor. Deildir Rauða
kross íslands á Norðurlandi hafa
styrkt verkefnin með fjárframlög-
um.
Deildirnar á Norðurlandi geng-
ust fyrir söfnun á hannyrðaefni í
desember og tókst hún vel. Tals-
vert safnaðist af efnisbútum,
garni, pijónum og fleiru og fór
það utan með gáminum sl.
fimmtudag. Unnið verður úr efn-
inu til tekjuöflunar fyrir heilsu-
gæslustöðvarnar og verkefni á
þeirra vegum. Efnt var til söfnun-
arinnar í kjölfar þess að fulltrúar
Rauða kross Islands heimsóttu
Lesótó í október sl. Sjálfboðaliðar
Ungmennahreyfingar RKÍ pökkk-
uðu efninu og gengu frá því til
flutnings.
í gáminum eru auk þess sýkla-
lyf, verkjalyf og græðandi smyrsl
sem keypt voru hér innanlands
fyrir tvær milljónir króna. Lyfjun-
um verður dreift til heilsugæslu-
stöðva Rauða krossins í Lesótó.
Sem fyrr segir fóru einnig föt með
gáminum, notuð og ný.
940215
Tölvu- og verkfræöipjónÉfstan
Tðlvuraðgjöf • námskeið • útgáfa
Grensásvegi 16 • © 568 80 90
Skráning á hunda-
sýningu að ljúka
HUNDARÆKTARFÉLAG íslands
verður með fyrstu hundasýninguna
á þessu ári 2.-3. mars nk. Áætlað-
ar eru þrjár til fjórar stórar sýning-
ar þessu ári og nokkrar minni. Með
stórum sýningum er átt við að boð-
ið er upp á dóm fyrir allar hundateg-
undir.
Nú eru í landinu rúmlega fjöru-
tíu tegundir hunda og eru þær mjög
mismunandi bæði hvað varðar útlit
og eiginleika. Stærstu hundar hér-
lendis geta orðið sextíu kg en þeir
minnstu eru aðeins eitt kg. Sýning-
ar Hundaræktarfélagsins eru að
þessu leyti orðnar mjög fjölskrúð-
ungar og áhugaverðar bæði fyrir
hundaeigendur og aðra landsmenn.
Áætlað er að sýndir verði 200-300
hundar á þessari fyrstu sýningu
félagsins en skráningu lýkur í þess-
ari viku.
Framgangur hundasýninga fer
þannig fram í grófum dráttum að
fyrst er valinn besti rakki af teg-
und, síðan besta tík. Þau keppa síð-
an um það að verða best í sinni teg-
und. Besti hundur af tegund keppir
síðan um það að verða bestur í sín-
um tegundahópi. Þetta er nýtt á
hundasýningu hérlendis. Hundateg-
undum er skipt upp í tíu tegunda-
hópa og fer skiptingin eftir söguleg-
um uppruna hundanna og vinnueig-
inleikum; vinnuhundar, veiðihundar
o.s.frv. Besti hundur í hveijum teg-
undahópi keppir síðan um það að
verða besti hundur sýningar.
Á þessu ári verður tekin upp önn-
ur nýjung en hún er sú að hundar
fá stig fyrir árangur á hverri sýn-
ingu. Stigin eru reiknuð út eftir
ákveðinni formúlu. Samanlögð stig
fyrir allar sýningar á árinu verða
síðan tilkynnt í lok síðustu sýningar
ársins þar sem hundur og eigandi
hans fá vegleg verðlaun fyrir árang-
ur.
■ LÍKAMSRÆKTARDAGAR
verða haldnir í Miðbæ í Hafnar-
firði dagana 2.-3. febrúar. Þar
munu líkamsræktarstöðvarnar í
Hafnarfirði kynna starfsemi sína
og keppa sín á milli. Stöðvarnar
Hress, Lækjarþrek, Sjúkraþjálf-
arinn og Teknosport munu á
föstudeginum vera hvert með sitt
svæði og kynna starfsemi sína frá
kl. 12. Stöðvarnar munu svo vera
með sýningar fyrir gesti kl. 16 á
föstudag. Á laugardag verður efnt
til keppni milli stöðvanna og þar
mun Magnús Scheving halda um
stjórnvölinn. Keppendur verða tveir
frá hverri stöð og keppt í armbeygj-
um, teygjum, þolprófi og stökk-
krafti. Keppnin hefst kl. 12.
Morgunblaðið/Árni Sæberg
■ SNYRTISTOFAN Tara opn-
aði nýja snyrtistofu í Háholti 14,
Mosfellsbæ, í desember sl. Er þar
um að ræða útibú frá Snyrtistof-
unni Töru í Kópavogi og er boðið
þar upp á sömu vörur og meðferð-
ir. Stofan býður allar almennar
snyrtimeðferðir, einnig Guinot-
húðmeðferðir, háreyðingameðferð
Silviu Lewis, Pamax-gervineglur
ásamt úrvali af húðsnyrtivörum og
ilmvötnum. Eigandi snyrtistofunn-
ar er Undina Sigmundsdóttir en
María K. Lárusdóttir sem rekið
hefur Snyrtistofuna NN í Borgar-
kringlunni mun stjórna Töru í
Mosfellsbæ.
Fríkirkjusöfnuðurinn
í Reykjavík
Þorraskemmtun
í safnaðarheimilinu
Laufásvegi 13,
laugardag 3. febrúar
kl. 19.30.
Skemmtiatriði og dans.
Fríkirkjufólk fjölmennið og
takið með ykkur gesti.
Upplýsingar í símum
553-2872,
557-1614
og 562-4393.
Félaganefndin.
l i

Skagfirðingabúð,
550 Sauðárkróki.